إزاي اتغلب على مشكلتي - حالة عدم الرضا

[نانا]

السلام عليكم ورحمة الله وبركاته

احب اتكلم واتناقش معاكم عن موصوع أكيد أغلبنا بيعاني منه

نفسي ألاقي حل ليه بجد

في الفترة الأخيرة دي ما بقيتش راضية عن أي حاجة لا عن نفسي ولا عن اللي حوليا

من فترة حوالي 6 شهور ما كنتش كدة

كنت هادية لأني طبعي هادي

كان عندي قناعة ورضا

كان عندي سكينة وراحة

وده حالى طول عمري

دلوقتي اتقلب حالي خالص مش عارفة ايه السبب

فجأة بقيت عصبية ومش راضية عن أي حاجة أدامي مش بمعني عدم الرضا بالقدر أو النصيب لأ أقصد عدم الرضا عن النفس أو عن تصرفات الآخرين

دايما كنت بتقبل الكلام اللي بيتقالي من أي حد دلوقتي مش قادرة

دلوقتي بقى رضي شبه شديد وممكن يكون ده سبب عدم رضايا عن نفسي اني بعد ما ارد بشدة على حد ارجع ألوم نفسي وأقول ايه اللي عملته ده انا بقيت كدة ليه انا ما كنتش كدة ويسوء حالي اكتر

ما بقيتش قادرة اتحمل أخطاء حد الأول كنت ممكن اصبر عليه واتحمل لحد الوقت المناسب لكن دلوقتي بقيت زي ما اكون منتظرة أي غلط من حد عشان ألومه عليه وأشد معاه وممكن يتقلب الموضوع بشجار عنيف ينتهي بزعل

وبالنسبة لحالة عدم الرضا عن الناس أو اللي حوليا اني مش لاقية اللي يتحملني أبدا محتاجة اللي يساعدني ويصبر عليا لأني مش كدة لأنهم يعرفوني اني مش طبعي عصبية وشديدة

عشان كدة مش عارفة اتغلب على نفسي لأنها لو حالة عدم الرضا عن النفس بس هقدر اتغلب واعرف انه غلطي ولازم احاول لكن في الوقت نفسه مش متقبلة تصرفات اللي حوليا محتاجة منهم حاجات مش لاقياها محتاجة الصبر والهدوء بس المشكلة انه كل الناس عصبية وفيها اللي مكفيها ومش بتقدر تصبر على حد او تتحمله

دي إحدى صور عدم الرضا

وبجد محتاجة حد يساعدني ويقولي أعمل ايه

تم تعديل 31 أغسطس 2008 بواسطة عصام شوقى
تم إضفة جملة إلى العنوان بما يدل على محتواه

[الباشمهندس ياسر]

السلام عليكم

اولا كل سنة وانتى طيبة

ثانيا اسمحيلى اقدم اللى اعرفه و يمكن يساعدك ان شاء الله

كنت قرأت حديثا للنبى صلى الله عليه وسلم (( العلم بالتعلم و الحلم بالتحلم )) او كما قال صلى الله عليه و سلم

يعنى الناس اللى معندهاش الحلم ( الصبر على المكاره ) تقدر واحده واحده توصل لمرحلة انها تبقى حليمة

فما بالك و انتى اصلا حليمة ..

كمان مسألة انك وصلت لمرحلة تستنى الناس تغلط علشان تستلميهم

طب لو فكرتى لحظه قبل ما تستلميهم لو الادوار اتبدلت هتكونى نفسك يعاملوكى ازاى

اكيد اللحظة دى هتفرق معاكى كتير

و اخيرا اخبار المصحف معاكى ايه

ظبطى لنفسك ورد يومى و صدقينى

هتلاقى اختلاف كبير فى ردود افعالك

متنسيش تدعيلنا بقى

[الباشدكتور]

يا سلام عليك ياباشمهندس

هندسة والله

انا باقولك كل الكلام اللي قاله الباشمهندس وبذات المصحف وسماع القرآن واحنا داخين علي رمضان

انا باشبه حالة الانسان النفسية بالبالونة

بتتنفخ من ناحية بمشاكل والمفروض يكون فيه خرم في الناحية التانية يسرب الهوا علشان البالونة ما تفرقعش

التسريب ده بكون زي ما قال الباشمهدس

روحانيات , راحة , فسحة , خلوة , صدقة تطلعيها بنفسك اي حاجة علشان تخرجي من المود

وكل واحد له طريقة عن نفسي بحب انام علي الكنبة وانا بسمع موسيقي كلاسيك ( بيتهوفن , شفتشنكي ,.......) او جديدة ( ياني , انيا,انجيما,........)

ومسألة المشاكل وتأثيرها علينا مسألة نسبية

المشكلة الجامدة اوي عندك ممكن تبقي عادية خالص عندي

وأكتر من كده ممكن مشكلة صغيرة تضايقك اوي في وقت ومشكلة كبيرة في وقت تاني لأ

فهي مسألة رضا واللي هو رزق من ربنا بيجي من كتر حمد الله

ومش بتكلم عنك بس ربنا قال ( ومن أعرض عن ذكري فإن له معيشة ضنكي) وفي آيه تانية ( نجعل صدره ضيقا حرجا كأنما يصعد في السماء)

لما تعنفي حد ماتزعليش انه ماستحملش انتي غلطانة انك عنفتيه

[Alshiekh]

السلام عليكم ورحمة الله وبركاته

ما بقيتش قادرة اتحمل أخطاء حد الأول كنت ممكن اصبر عليه واتحمل لحد الوقت المناسب لكن دلوقتي بقيت زي ما اكون منتظرة أي غلط من حد عشان ألومه عليه وأشد معاه وممكن يتقلب الموضوع بشجار عنيف ينتهي بزعل

هل للأمر علاقة بالسن؟ ماهى المرحلة العمرية التى نتحدث عنها؟

هل هو تحول الى إهتمام بالدين او بالسياسة؟

هل للأمر علاقة بوقت فراغ أطول مما تعودت عليه؟ التوقف عن العمل مثلا ، إنتهاء الدراسة أو ماشابه ذلك؟

علااقة عاطفيه؟

باختصار ماهى الخلفية أو الاحداث التى تغيرت والتى قد تكون بداية او سبب لهذا التحول فى حياتك؟ لانه بمعرفة السبب يمكن الوصول لحل للمشكلة.

[Alrefaey]

انصحك بزيارة اخصائى نفسى كنت اعرف حالة مشابهة وما عادت لطبيعتها الى بعد فترة علاج قصيرة بالاضافه الى تغير نمطك الحياتى كما وضح الاخوة الاعضاء فوق

جربى تأخذى دواء citalopram , او cipralex ابدئى بنصف حبه يوميا لمدة 3 ايام وبعدها خذى قرص كامل لمدة شهر

[نانا]

السلام عليكم

اولا كل سنة وانتى طيبة

ثانيا اسمحيلى اقدم اللى اعرفه و يمكن يساعدك ان شاء الله

كنت قرأت حديثا للنبى صلى الله عليه وسلم (( العلم بالتعلم و الحلم بالتحلم )) او كما قال صلى الله عليه و سلم

يعنى الناس اللى معندهاش الحلم ( الصبر على المكاره ) تقدر واحده واحده توصل لمرحلة انها تبقى حليمة

فما بالك و انتى اصلا حليمة ..

كمان مسألة انك وصلت لمرحلة تستنى الناس تغلط علشان تستلميهم

طب لو فكرتى لحظه قبل ما تستلميهم لو الادوار اتبدلت هتكونى نفسك يعاملوكى ازاى

اكيد اللحظة دى هتفرق معاكى كتير

و اخيرا اخبار المصحف معاكى ايه

ظبطى لنفسك ورد يومى و صدقينى

هتلاقى اختلاف كبير فى ردود افعالك

متنسيش تدعيلنا بقى

شكرا جزيلا لحضرتك أخي الفاضل آسفة أني أتاخرت في الرد بس بجد ما عرفتش ادخل الفترة اللي فاتت

كلام حضرتك صح وأنا والله بحاول دلوقتي اصبر لكن بصبر على حاجة واحدة وما بقدرش أصبر لو حاجة حصلت بعدها لكن بحاول والله لكن المشكلة انه بيأثر علىانفعالي في الموقف اللي بعديه

لكن والله هحاول إن شاء الله

وبالنسبة للمصحف والله يا باسمهندس أنا الحمد لله كنت وصلت مع ربنا لمرحلة اني مش بنام قبل ما أقرأ أقل حاجة ربع حزب

لكن للأسف الفترة اللي فاتت بقيت أفوت أيام كتير

ودلولوقتي رمضان جيه الحمد لله وفعلا بدأت أرجع زي الأول وربنا يسهل إن شاء الله

[نانا]

يا سلام عليك ياباشمهندس

هندسة والله

انا باقولك كل الكلام اللي قاله الباشمهندس وبذات المصحف وسماع القرآن واحنا داخين علي رمضان

انا باشبه حالة الانسان النفسية بالبالونة

بتتنفخ من ناحية بمشاكل والمفروض يكون فيه خرم في الناحية التانية يسرب الهوا علشان البالونة ما تفرقعش

التسريب ده بكون زي ما قال الباشمهدس

روحانيات , راحة , فسحة , خلوة , صدقة تطلعيها بنفسك اي حاجة علشان تخرجي من المود

وكل واحد له طريقة عن نفسي بحب انام علي الكنبة وانا بسمع موسيقي كلاسيك ( بيتهوفن , شفتشنكي ,.......) او جديدة ( ياني , انيا,انجيما,........)

ومسألة المشاكل وتأثيرها علينا مسألة نسبية

المشكلة الجامدة اوي عندك ممكن تبقي عادية خالص عندي

وأكتر من كده ممكن مشكلة صغيرة تضايقك اوي في وقت ومشكلة كبيرة في وقت تاني لأ

فهي مسألة رضا واللي هو رزق من ربنا بيجي من كتر حمد الله

ومش بتكلم عنك بس ربنا قال ( ومن أعرض عن ذكري فإن له معيشة ضنكي) وفي آيه تانية ( نجعل صدره ضيقا حرجا كأنما يصعد في السماء)

لما تعنفي حد ماتزعليش انه ماستحملش انتي غلطانة انك عنفتيه

شكرا بجد لحضرتك يا باشمنهدكتور ( هو حضرتك انهي بالظبط يعني دكتور ولا مهندس عشان ما نتلخبطش يعني )

عجبني أول كلام حضرتك في حتة إن حالة الإنسان زي البالونة لكن طبعا أهم حاجة يكون فيه خرم نفسي يرجع عندي الخرم ده

تقريبا الخرم دلوقتي ضغر أوي أوي لدرجة انه اتسد وخلى البالونة تفرقع

بجد والله أنا دلوقتي بحاول اوسع الخرم تاني

وفعلا كلاوم حضرتك صح في حكاية تغيير المود وهحاول أغير فيه على أد ما اقدر وفعلا بدأت أغير من حياتي وعاداتي

وإن شاء الله أنا هسمع كلام الباشمهندس ياسر وإن شاء الله هستمر في قراءة القرآن ورمضان الحمد لله جيه فرصة كويسة وفي الوقت المناسب

[نانا]

السلام عليكم ورحمة الله وبركاته

ما بقيتش قادرة اتحمل أخطاء حد الأول كنت ممكن اصبر عليه واتحمل لحد الوقت المناسب لكن دلوقتي بقيت زي ما اكون منتظرة أي غلط من حد عشان ألومه عليه وأشد معاه وممكن يتقلب الموضوع بشجار عنيف ينتهي بزعل

هل للأمر علاقة بالسن؟ ماهى المرحلة العمرية التى نتحدث عنها؟

هل هو تحول الى إهتمام بالدين او بالسياسة؟

هل للأمر علاقة بوقت فراغ أطول مما تعودت عليه؟ التوقف عن العمل مثلا ، إنتهاء الدراسة أو ماشابه ذلك؟

علااقة عاطفيه؟

باختصار ماهى الخلفية أو الاحداث التى تغيرت والتى قد تكون بداية او سبب لهذا التحول فى حياتك؟ لانه بمعرفة السبب يمكن الوصول لحل للمشكلة.

شكرا يا أستاذ محمد على مشاركة حضرتك لكن الأمر مالوش علاقة بتحول للدين أو سياسة ولا لطول وقت الفراغ أنا لسة بدرس

وأنا حاسة انه بسبب شيء في نفسي وهخليه في نفسي وهحاول اتغلب عليه لكن محتاجة دعواتكم بس

وشكرا لحضرتك مرة تانية

[نانا]

انصحك بزيارة اخصائى نفسى كنت اعرف حالة مشابهة وما عادت لطبيعتها الى بعد فترة علاج قصيرة بالاضافه الى تغير نمطك الحياتى كما وضح الاخوة الاعضاء فوق

جربى تأخذى دواء citalopram , او cipralex ابدئى بنصف حبه يوميا لمدة 3 ايام وبعدها خذى قرص كامل لمدة شهر

شكرا لحضرتك أخي الفاضل بجد على نصيحتك

بس أنا شايفة انه الموضوع مش خطير للدرجة اللي حضرتك فهمتها كل الموضوع اني حسيت اني اتغيرت وأي تغيير في أسلوبي مهما كان نسبي بيأثر فيا وبيحسسني إني اتغيرت لأني اتحولت من الهدوء الشديد والإستقرار النفسي للزهق والعصبية وده عمره ابدا ما كان طبعي وده سبب حيرتي

وأنا هحاول إن شاء الله أنفذ نصايح الأخوة الأفاضل ومتأكدة إنها الحل المناسب ليا إن شاء الله

وأنا حاليا حاسة بتحسن شوية عن الأول وبدأت إلى حد ما استعيد هدوئي وصبري وربنا ييسر الحال إن شاء الله

ومع دخول رمضان حاسة بجد انه هيبقى ليه أثر خصوصا ان الواحد بدأ يقرب من ربنا ويقوم بالمناسك والطقوس بتاعته وده ليه أثر كبير في النفس

بس ادعولي ربنا يهديني وبكرمني بالصبر مش عايزة اكتر من كدة بجد

[حسام يوسف]

كلنا نحتاج لبعض الامور

نحتاج لنقد الذات لا لجلدها

نحتاج لأن نحب أنفسنا لا أن ندمرها ونلومها

نحتاج لأن نعرف أن صحتنا وقدراتنا سنحتاجها فى سباق طويل

طولة بطول العمر

متعكم الله بطول العمر

والصحة والعافية

[محمد عبدالعزيز]

أنصحك بزيارة طبيب نفسى لأن الأعراض المذكورة -حسب معرفتى البسيطة- مشابهة لأعراض الاكتئاب.