عمرو زكى حدوتة مصرية جميلة

[حسام يوسف]

بجد حاجة تفرح

لما لاعيب مصرى يحترف فى الدورى الانجليزى البرميير ليج

كمان يبقى اساسى فى كل المباريات

ويحرز 4 اهداف

3 فى الدورى ويبقى هداف الدورى الانجليزى حتى الان من هدفين فى هال سيتى

وهدف فى ويست هام

(الهدف الرابع احرزة فى كأس انجليزية اخرى)

ربنا معاك يا عمرو زكى

ربنا يحرسك

اللهم صلى ع النبى

بجد حاجة تفرح

ربنا يكفيك شر الحسد والاصابة والغرور وأى شر

ويارب نشوفك مع مصر فى كأس العالم 2010

قولوا امين

[ابو محمود]

اخى الفاضل كل سنة وانت طيب ويارب كل الزملاء يكونو بخير وصحة ويتم لهم اللة بركات الشهر الكريم اعادة اللة علينا وعليهم باليمن والبركات ,,,

اما بخصوص ما كتبت صدقنى يا دكترة الموضوع بسيط أوى كثير من شبابنا عندهم ما هو اعظم من ذلك فى كل الميادين ولكن معاول التخلف والهدم تأبى أن يكونو الا ركام وحطام ليس لسبب الا لكى يبقى فى ايديهم تحريك الموجات التحكمية ومكاسب فردية على حساب الشباب وفرض سياسة الفرد فى كل ميادين الحياة والتسليم بأن لابد من وجود قائد واحد فقط لابد من انة هو المركز والمجور فى كل ميدان من ميادين الحيا ة فأن رأيت ولد من مصر يكسر حاجز الخوف ويهرب ويستغيث بالجميع من أجل الهرب من التخلف الأدارى فيظهر بعدها معدنة فيعمل ايضآ على التغلب على الفساد ويقضى على كل خيط يربطة بةحتى انة يجيد كباقى الشرفاء داخل الوطن فيعطى لأقرانة الأمل فى الأجادة والوصول الى القمة سيدى اطلت عليك حديثى ولكن من كثرة فرحتى بهذا الشاب حتى لوكان لاعب كرة فهناك كثيرآ مثلة فى ميادين جادة ولكن تسحق لانها تعيش داخل قوقعة الفساد والمركزية صدقنى انا فرح جدآ بعمرو زكى واتمنى ان يكون هناك 100 عمرو بل الاف وهذا موجود ان توفرت لهم نفس الأرضية والحظوظ ان ما يحدث عندنا من ومضات ضوء تدل على اننا لم نمت بعد كشعب يملك شباب قادر على حمل شعلة التقدم التى نتوق اليها جميعآ فأدعى معى اللة ان يتم ذلك ويتغير الحال من المركزية الى المؤسسات والحرية والعدل الاجتماعى فهذا بريق امل يسكن فى مخيلتى

[Virus]

عزيزي حسام

شكراً لك لكتابة هذا الموضوع لأنني فعلاً كل أسبوع بحس بفخر شديد وأنا شايف عمرو وانجازاته في انجلترا...

وبعد ما كان كل طموحنا إن لعيب مصري يلعب 3 ماتشات أساسي ورا بعض بقينا دلوقت بندور على مانشيتات الصحف البريطانية الكبرى ونشوف كاتبين إيه على الماتادور

عارف كمان إيه اللي باسطني جداً...إنه أخيراً في رااااااااجل يكون قدوة للشباب بجد ويوصل الرسالة الصحيحة..كل ما تتعب وتجتهد وتعرق كل ما تنجح...

وطبعاً انت عارف قد إيه موضوع القدوة ده مهم في زمن تامر حسني..

ربنا يحميه من العين ويفضل ثابت على مستواه

تم تعديل 31 أغسطس 2008 بواسطة Virus

[حسام يوسف]

عزيزي حسام

شكراً لك لكتابة هذا الموضوع لأنني فعلاً كل أسبوع بحس بفخر شديد وأنا شايف عمرو وانجازاته في انجلترا...

وبعد ما كان كل طموحنا إن لعيب مصري يلعب 3 ماتشات أساسي ورا بعض بقينا دلوقت بندور على مانشيتات الصحف البريطانية الكبرى ونشوف كاتبين إيه على الماتادور

عارف كمان إيه اللي باسطني جداً...إنه أخيراً في رااااااااجل يكون قدوة للشباب بجد ويوصل الرسالة الصحيحة..كل ما تتعب وتجتهد وتعرق كل ما تنجح...

وطبعاً انت عارف قد إيه موضوع القدوة ده مهم في زمن تامر حسني..

ربنا يحميه من العين ويفضل ثابت على مستواه

مع انك فكرتنى بالكائن الحى اللى بيرفع الضغط المسمى بتشامرحسنى

الا انك حضرتك على حق فعلا فى اللى قلتة

الواحد بيفرح من وجود نماذج جميلة ناجحة

يارب تكتر النماذج والأمثلة اللى تشرف بجد

[حسام يوسف]

ومازال النجاح مستمرا

عمرو زكى ينقذ نادية من الهزيمة و

يحرز هدف التعادل لويجان قبل دقيقتين من نهاية المباراة

ويواصل تصدرة لقائمة هدافى البريميير ليج

برصيد اربعة أهداف

واللى عايز يشوف الجون

عمورة

[الطيار المصرى]

الله ينور يا حاج عمرو

ياللا الي الامام....و ماتعومش علي عوم ميدو و حسام غالي و تشرفنا بصحيح

[Virus]

يا سلام عشت وشفت هداف الدوري الإنجليزي مصري..حتى ولو كنا لسه في أول الموسم

ده بيديني إحساس إن ممكن المعجزة تحصل وأشوف مصر في كاس العالم قبل ما أتكل..!!! :rolleyes: وإن كنت مش عايز الكوائن الهلامية زاهر وشوبير يتنططوا ويفتكروا إنهم جايبين الديب من ديله

الجميل إن ميدو كمان غزالته رايقة وبيسجل

ربنا يحميهم

[حسام يوسف]

الله ينور يا حاج عمرو

ياللا الي الامام....و ماتعومش علي عوم ميدو و حسام غالي و تشرفنا بصحيح

على فكرة يا دكتور

ميدو ماشى كويس

وسجل النهاردة بالرغم من هزيمة فريقة أمام بورتسموث 1-2

وميدو كدة 3 أهداف

يعنى باذن الله عندنا خط هجوم محترم للمرحلة التانية فى تصفيات كأس العالم

وعقبال متعب لما يظبط نفسة كمان

ويبقى الهجوم 100 %

[حسام يوسف]

يا سلام عشت وشفت هداف الدوري الإنجليزي مصري..حتى ولو كنا لسه في أول الموسم

ده بيديني إحساس إن ممكن المعجزة تحصل وأشوف مصر في كاس العالم قبل ما أتكل..!!! وإن كنت مش عايز الكوائن الهلامية زاهر وشوبير يتنططوا ويفتكروا إنهم جايبين الديب من ديله

الجميل إن ميدو كمان غزالته رايقة وبيسجل

ربنا يحميهم

باذن الله ربناهيديك طولة العمر

وتشوف مصر فى كأس العالم

احنا لازم نتفاءل

انا كل يوم بروح لدكانة عم سكوب باخد منها كل يوم اتنين كيلو تفاؤل

تحياتى ليك يا عم فيروس

وللعم سكوب

ولكل مصرى بيحب بلدة :rolleyes:

[النسر المصري]

في تطور سريع لنجاحات عمرو زكي....

رئيس نادي ويجان يؤكد ان عباس ليس له الحق في المطالبة بعودة عمرو زكي....وان عباس استلم كامل المستحقات... وعمرو زكي ينفي عودته للزمالك الآن او فيما بعد!!...

ترى ماذا يريد الزمالك من عمرو!!!....متضايقين انه نجح بالسرعه دي

ولا متضايقين انهم انكشفوا وعرفوا ان العيب فيهم مش ف لاعيبيتهم....

اهو عمرو زكي ناجح مع نادي عمره ماشافه...ونجح مع المنتخب...ده حتى ياجدع نجح مع إنبي....تقوم جتكو ستين خيبه عاوزين ترجعوه للخيبه!!!

عمرو زكي في مصر مكانه الأهلي فقط!!.. غير كده يفضل بره مصر احسنله...والتوبيك ده هيشيهد على كلامي ف يوم من الايام!!

فتوكو بعاقيه يا رفاق

[حسام يوسف]

بلاش تعصب

الاهلى لا يستعمل من صفقاتة أكثر من 25%

وبلاش اهلى وزمالك

ونغمة الاهلى الانجح اداريا

ونادى المبادئ والبوؤين اللى مش صح ابدا دول

من مصلحتنا ان اللاعيب المصرى يلعب برة الدورى المصرى

[حسام يوسف]

أصيب عمرو زكى فى لقاء أمس مع السبورز

وسيغيب عن لقاء ويجان فى الكأس هذا الأسبوع

لكنة مازال متربعا على عرش هدافى الدورى الانجليزى برصيد ال 4 أهداف

ربنايشفيك يا عمرو

[النسر المصري]

انها الحقيقة ياحساسيمو وليس التعصب....الحقيييييييييقة!!!

ربنا يرجعك لمصر للي يقدروك ياعموره ...

[حسام يوسف]

حقيقة اية؟

عشان انت اهلاوى يعنى؟

احنا مش عايزينها اهلى وزمالك

من مصلحة الكورة المصرية أن يكون فيها أكبر عدد ممكن من اللاعبين المحترفين فى أقوى الدوريات

أقوى دوريات

مش الدورى المصرى التعبان أبو ابو نتايج معروفة

شوف دول غرب افريقيا نيجيريا وغانا والكاميرون عندهم كام محترف

وفى أقوى الاندية

بلاش دول

دة حتى أنجولا والكونغو ودول حديثة العهد بالكورة شوف محترفينها

كام وفين

انا مش بقول كدة عشان زملكاوى

لأ

انا بفرح لشوقى وغالى زى ما بفرح لمرو وميدو

وزى ما فرحت لمتعب الموهوب

وباذن الله يحصلهم على البريمييرليج

بلاش الحياة يبقى لونها أحمر وبس

مصر قبل الأهلى

الأهلى نادى

ونادى كبير

بس مش وطن

[النسر المصري]

شوف دول غرب افريقيا نيجيريا وغانا والكاميرون عندهم كام محترف

وفى أقوى الاندية

بلاش دول

دة حتى أنجولا والكونغو ودول حديثة العهد بالكورة شوف محترفينها

كام وفين

ومع ذلك ياحساسيمو البلاد اللي بتتكلم عنها دي معرفتش تقف قدام مصر في كاس افريقيا على مدار سنتين!!!....

تففتكر ليييييييييييه!!!!

طبعا عشان البيت الكبير (اللي هو النادي الأهلي طبعا) ماشاء الله عليه اللهم لا حسد واخد البطولات رايح جاي...وده اللي مخلي المنتخب أقوى من غيره (رغم تحفظي الشديد على اونكل شحاته ابو شنب...أأقصدي ابو كف..)

ياعم ده الأأهلي هو الوحيد اللي فاضلنا في البلد الخربانه دي في كل حاجة....هو الوحيد اللي مفرحنا .... وبعد كده اررررررررردمممممممم

اردم عالتعليم وعالصحه وعالاعلام وعالسياسه وعالعيش وعالموصلات وعالمحاكم وعالجيش ..... وعل وعل وعل!!!

بس أحب أؤكدلك....لو الزمالك فاق حبتين وعملها وبقى فريق محترم وقادر جنب الأهلي أكاد أقسملك اننا هناخد كاس العالم...لان الأهلي لوحده مش كفايه بردو

مش كده ولا ايه ياحساسيمو

(على فكره والله انا بحبك...وارجع كده لمداخلاتي القديمه ومواضيعي هنا في الرياضه ..هتلاقيني انا مش متعصب)

[حسام يوسف]

بلاش دكتور حسام زى ما اتفقنا فى موضوع الألقاب

انما حساسيمو دى اية راخرة؟

[se_ Elsyed]

ما شاء الله

عمرو زكي يقود فريقه للفوز على الفريق الانجلو اراب " مانستر سيتي " الذي اصباح مملوكاً الان لحكومة ابوظبي واحرز عمرو الهدف الثاني والخامس له في الدوري الانجليزي ليستمر في صدارة الهدافين ويستمر دعاء ممدوح عباس بان ربنا يكمل الخمسة التانييت على خير عشان يعكم النص ارنب يورو حسب الاتفاق مع ويجان

واعتقد ان عمرو لو استمر على كده بإذن الله فلن يُباع باقل من خمسة مليون يورو وانا بقيت افكر جدياً اني اخرج عيالي من التعليم واسرحهم في الشوارع يلعبوا كورة شراب يمكن تضرب وابيع عيل منهم بارنب ولا حاجه

[se_ Elsyed]

ما شاء الله

تألق من بعد تألق

طرح الاتحاد الدولي لكرة القدم (فيفا) عبر موقعه الرسمي تساؤلا حول إمكانية أن يصبح عمرو زكي أفضل مهاجمي العالم بعد المستوى الرائع الذي ظهر به مع فريقه الجديد ويجان أثلتيك واحتلاله لصدارة هدافي الدوري منفردا برصيد خمسة أهداف.

وقال تقرير نشره موقع الفيفا إنه على الرغم من أن أسماء النجوم الكبار أمثال البرتغالي كريستيانو رونالدو والبرازيلي رونالدينيو ومواطنه روبينيو والإنجليزي فرانك لامبارد كانوا هم محور أخبار الانتقالات في الصيف الماضي إلا أن زكي الذي انتقل إلى ويجان بهدوء ترك انطباعا رائعا عند كل متابعي الدوري الإنجليزي.

وأشار الموقع إلى أن زكي حقق شيئا نادر الحدوث حيث استطاع تسجيل خمسة أهداف في أول ست مباريات له في الدوري مما جعله يشد أنظار كافة متابعي البطولة، وهو ما جعل ديف ويلين رئيس نادي ويجان يشبهه بالنجم الإنجليزي الشهير آلان شيرر.

واحد

وأضاف أن زكي من العناصر المؤثرة لدى حسن شحاتة المدير الفني لمنتخب مصر في إطار سعيه نحو التأهل لكأس العالم بالإضافة لأحمد حسام "ميدو" مهاجم ميدلسبره ومحمد أبو تريكة نجم الأهلي.

وطرح الموقع تساؤلا لرواده عن رأيهم في امكانية تأثير زكي في الكرة العالمية خلال السنوات المقبلة

ليه لأ ؟

هما احسن لاعبي العالم عندهم اربع رجول و15 صابع ولعيتنا عندهم رجل واحده بصابعين ؟

ربنا يحميك يابني واهم حاجه تتقي الله وتحافظ على نفسك وتفيد منتخب مصر والغرور ما ياخدكش ويبقى منتخب مصر هو الاولوية عندك ويا سلام لو وصلنا كاس العالم ومن قبله كاس القارات اللي فاضل له شهرين وشوف سعرك هايوصل كام

[حسام يوسف]

ربنايوفقك يا عمرو ويكرمك

والماتش الجاى كلة مصاروة

ويجان-ميدلسبرة

عمرو وميدو وشوقى

يارب يشرفونا كلهم

تم تعديل 30 سبتمبر 2008 بواسطة حسام يوسف

[ابو محمود]

عزيزى وصديقى الزملكاوى حسام

بما أنك كبير بنى زملك ودة مخلينى فرحان بصداقتك

رغم انى اهلاوى الا انى بموت فى حرفنة جمال حمزة وعبد المنصف ههههههههههههه

بصراحة انا فرحان قوى بالبطل عمرو زكى لدرجة انى لما بشوفة متألق ببقى خايف علية من عيون الانجليز ربنا يحرسة لمصر ياسلام يا صحبى لووصلنا كأس العالم وعملنا كورة كويسة تبقى واللة فرحة كبيرة تخرجنا من هم الحياة واللى فيها وياسلام بقى لو كأس القرات مشيت معانا كدة تبقى فل وميية مية طبعآ انا شايف فى عنيك سؤال اشمعنى عبد المنصف ؟؟؟؟؟؟؟؟؟

علشان الشبكة ههههههههههههههههههههههه

كل سنة وانت بألف خير يا صديقى وربنا يحقق لك امالك وكل احلامك يا صديقى العزيز