اجازة شهر فى السنة

[حسام يوسف]

بجد

أصبح باب هدى الاسلام وموضوعات جادة من الابواب التى يحتدم فيها النقاش بشكل يومى

ايا كانت القضية

بين الفريقين تدور نقاشات حادة

بعد عام واحد كامل فى المحاورات اصبحت أزعم انة لا طائل منها

دايما خلاف

ومحدش مستعد يغير وجهة نظرة

طب لية اصلا؟

احنا المفروض اننا اخوات فى الانسانية

والوطن

لية هنقعد نتخانق؟

محدش يقولى دة جدال صحى ونقاش مفيد

لأ

انا رأيى المتواضع انة مش مفيد لأن مفيش حد بيتغير

أو مستعد يتغير

طيب

مش هنتحرم من موضوعات الخناق

ممكن ناخد أجازة شهر واحد اللى هوة شهر رمضان من الموضوعات الخلافية الحادة؟

ممكن نفضل على هدوء لشهر واحد؟

وباذن الله نرجع للموضوعات اياها دى تانى

أتمنى

كل سنة وانتوا طيبين

يا أحلى منتدى

واحلى ناس عرفتهم

تم تعديل 31 أغسطس 2008 بواسطة حسام يوسف

[أحمد سيف]

انتا تؤمر يا حسام باشا

وكل سنه وانتا طيب

[iloveegypt]

اتفق معكا حسام

ليكنهذا الشهرتعاون على فعل الخيرات والتقرب الى الله

وتقبل اللهمنا ومنكم صالح الاعمال :blink: :blink:

[لولا]

والله فعلا الواحد محتاج يريح اعصابه فى رمضان.

اختلف معك يا حسام فى نقطه ان الحوار لا طائل منه

لأن النهايه دائما عدم اقتناع احد الطرفين برأى الآخر.

ان هنا تُغفل تماما عن رأى القارئ يا حسام .

هناك الكثيرون لا يشاركون بشكل مباشر فى هذه النقاشات ولكن

يقومون بمتابعتها ولهم من الفكر والعقل والرؤيا ما يجعلهم يقدرون

اى الطرفين رايه اقربه للصواب.

عموما لا اظن الأكثرين سيملكون الكثير من الوقت فى رمضان

للدخول فى نقاشات تحتاج المتابعة وفيها الكثير من المجهود

وتحتاج الكثير من الوقت.

كل سنه والجميع بالف خير.

رمضان كريم يا جماعة.

[محمد عبدالعزيز]

أتفق معاك يا حسام فى رأيك.

شفت بقى فى ناس بتتفق أهو :blink:

كل سنة وانتم طيبين كلكم وربنا يجعل هذا الشهر زيادة لنا جميعاً فى الخيرات.

[Scorpion]

إيه ده ؟؟

:closedeyes:

طب حيث كده بقي

مافيش اجازات ... لا شهر و لا أسبوع و لا حتي نص يوم ..

و يا للا يا أساتذة .... كل واحد يرجع علي خناقته

[الباشمهندس ياسر]

انا حضرت السلاح

يا دوبك شومتين على كام خنجر على شوية سيوف على حتتين الى على حتة كلاشنكوف

هنبدأ امتى بالصلاة ع النبى

[عصام]

تطبيقا للمادة الثانية من قواعد الكتابة:

2. يمنع الإستهزاء بالمشاركين أوإثارة الأحقاد بينهم. و الخلافات بين الأعضاء، تحل عن طريق المشرفين فقط .

تم حذف كل المشاركات الخارجة عن الموضوع

الإدارة

[لولا]

**************

اعتقد ان موضوع مستغرب يا هبه موضوع محترم مش بيلقح حد زى ما عبرتى بكلمتك0

انت تتحدثى يا عزيزتى عن موضوع لى فيه اكثر من نصف المشاركات 0

الموضوع يرتكز على فكره معينه ارجو ان تكونى قد فهمتها0

نقد افكار معينه فى الموضوع لا يعتبر تلقيح مع تحفظى على استعمال هذا اللفظ الذى ادرجته

والذى لا يتناسب مع قواعد المخاطبات مع الغير ووصف مشاركاتهم0

اظنك تتفقى معى اننا كما قلتى شخصيات اعتباريه هنا00مجرد فكر ولا اعرف لماذا حجم

الشخصنه العالى جدا الذى اجده هنا0

كل سنه وانت طيبه يا هبه ورمضان كريم0

تم تعديل 3 سبتمبر 2008 بواسطة عصام شوقى
تم حذف الاقتباس نظرا لحذف الأصل

[أحمد سيف]

**************************

أنا ما اقصدكيش خالص والله يا أخت هبه، وعمري ما اتدخلت في حواراتك، أنا هنا باتكلم بصورة عامة عن الكل وأنا منهم، ما أقصده إن الصيام والشغل بيخلوا الواحد عصبي وممكن ينفعل بسهوله

أنا شايف موضوع محاوراتنا مع سيف الحق والأعضاء المؤيدين له مزعلك أوي، ومش عايزة أي تلميح أو إشاره ليه، وفتحتي مواضيع مخصوص علشان تدافعي عنهم، رغم إنه مافيش حد منهم اشتكالك على ما أعتقد

أختي الكريمة ... احنا هنا في محاورات يعني آراء متنوعة وطبيعي يكون فيه خلافات في الآراء والأسلوب، وموضوع النصيحة عن طريق إلقاء الخطب والمواعظ ما بيعجبش بعض الناس لإنهم بيعتبروا إن اللي بيقدم النصيحة بيتعالى عليهم وبيعتبر نفسه أحسن منهم ومن حقهم يعترضوا على طريقته، وكل ده في إطار الاحترام المتبادل، ولا يعني حجر على فكر بل تهذيب للإسلوب

أعتقد ما قصده الأخ حسام هو أن نتجنب المواضيع التي تثير الخلاف خلال شهر رمضان، والتي كان أغلبها حول الدين والتراث وموقعهما في الحياة، ليس لأن هذه المواضيع ليست مهمة، ولكن لئلا يؤدي انفعالنا في الدفاع عن آرائنا الى الوقوع في المحظور وإفساد صيامنا، ورغم ذلك أجد بعض من تدافعين منهم مصرّين على استمرار هذه الحوارات ويفتحون مواضيع جديدة تكرر نفس الاسطوانه، وأنا - وأعتقد أيضا بعض من شاركوا في محاورات سابقة - يحاولون بقدر الإمكان تجنب الدخول في مواجهات فكرية مباشرة في شهر رمضان، وأخص منهم الأخ محمد، الأخ/ أبو محمد، الأخ/ مهيب، الأخت/ لولا، وأنا هنا لا أتحدث بإسمهم ولا أعرف نواياهم ولكن أقول ما لاحظته وأظنه صحيحا.

عموما لو عايزه تبعتي تقرير فإنتي حره، والإدارة من حقها تقرر إذا كان ما كتبته فيه غلط فيكي وتتخذ الإجراء المناسب.

تم تعديل 3 سبتمبر 2008 بواسطة عصام شوقى
تم حذف الاقتباس نظرا لحذف الأصل

[~Heba~]

ولا اعرف لماذا حجم

الشخصنه العالى جدا الذى اجده هنا0

لولا كل سنة و انتى طيبة الاول

خلينا متفقين الاول ان عكس الشخصنة هو الهمز و اللمز بمعنى ان العضو يهين زميله بدون ما يذكر اسمه تجنبا للوقوع فى فخ مخالفة الشخصنة و من ثم حذف مداخلته

لكنه الهمز و اللمز ده نفسه مرفوض و للاسف انا لا اجيده عشان كده تلاقينى واضحة و صريحة و مش بعرف اكتم فى نفسى

نأتى لموضوع مستغرب

انتى لك نشاط و مجهود واضح يستحق الثناء فى المنتدى كله

و ليس هذا الموضوع كله

لكن مداخلة الاستاذ محمد فى الموضوع كانت واضحة لكل من تابع الزوبعه اللى حصلت سابقا

طبعا انا سعيده انها انتهت لكن ام احمد لم تعد تشارك بعد اللى حصل و تبقى سيف الحق و انا شايفة انه بيشارك بطريقة عادية جدا و المفروض نتفاعل معاه يعنى ملوش لزوم يستمر موال الخلاف معاه عمال على بطال

و الله هو مش بيكتب حاجة غلط و لا حرام و لا عيب فى حق المثقفين اعضاء المنتدى

عمر ما كان النصح و الارشاد عيب فى حق حد و هو نفسه قال فى موضوعه و وضح وجهه نظره

[عصام]

الزميلة الفاضلة هبة ..

باختصار .. وتوفيرا لوقتك ووقتى ومجهودنا كلنا ..

Mind your own business

ولو حد من الأخوة اللى إنتى مستمرة فى الحديث بلسانهم متضرر من شيء يتفضل يرسل شكوى للإدارة ..

هذا التنبيه هو الآخير

الإدارة

[لولا]

استاذ حسام عندما فتحت هذا الموضوع كنت تتكلم عن نوع معين من المشادات

اظننى قد فهمت ما تقصد ن وراءه وقد رددت عليك فى مداخلتى السابقه0

حاليا اظننى اتفهم الموضوع اكتر باننا ربما نحتاج لإجازه فعلا والبعد عن

اى اساليب تقود الى طريق يفقد المحاورات الغرض الأساسي الذى يفترض

انها انشئت من اجله0

البعض تختلف رؤيته للأمور عن الآخرين والإختلاف فى تقدير الأمور لا غبار عليه

ولكن دائما وابداً الطريقة لا يجب ان تكون سوى بالتعبير عن ما نراه بهدوء ورويه

ودون اتخاذ اسلوب العدو وحامى حمى الديار فهنا لايوجد معتدون ولا يوجد

متهمون فى حاجه لمحامين للدفاع عنهم المحاورات ستظل تحت كل الظروف من ارقى

المنتديات فى افكارها وتوجهاتها واعضائها من خيره الناس مهما اختلفت افكارهم

او تعارضت0

اظننى حاليا اضم صوتى لصوتك نحن نحتاج فى شهر رمضان المبارك ان نهدئ قليلا

من انفسنا وتحفزنا ونتمهل قبل اى تفسير قد يكون خاطئ ولا يكون من وراءه

سوى تعدى بشكل او باخر على الآخرين 0

[~Heba~]

الزميلة الفاضلة هبة ..

باختصار .. وتوفيرا لوقتك ووقتى ومجهودنا كلنا ..

Mind your own business

ولو حد من الأخوة اللى إنتى مستمرة فى الحديث بلسانهم متضرر من شيء يتفضل يرسل شكوى للإدارة ..

هذا التنبيه هو الآخير

الإدارة

تنبيه بخصوص ايه

مش من حقى و انا عضوة التعقيب على وضع شايفاه مش سليم

و انا وضعت ثلاث روابط ارجو ان الادارة تنظر فيهم

طبعاخحضرتك حذفتهم بس ياريت يتم مناقشتهم فى الادارة

اولا الحكايه دى اى حد يتعرض لها و انا عن نفسى على فرضا انى نزلت بعض المواضيع الدعوية فى باب هدى الاسلام و ياتى من يقولى ده منتدى حوارات و ليس للوعظ و الارشاد الدينى ثم يتم تلقيح الكلام فى موضوعات اخرى انى اقوم بدور مدرسة و القى محاضرات

مش مفروض الادارة هنا تحمينى بغض النظر عن اى خلافات سابقة

و حضرتك عارف و الكل عارف ان سيف الحق و والدته حصل لهم ما يكفيهم من الادارة و فضلوا استخدام اسلوب اجدى و هو تجاهل هذه الردود

لكن تكرار الموضوع مستفز بالنسبة لى

و انا عضوة قديمة و يحز فى نفسى تغير محاورات المصريين بهذا الشكل

قبل اكثر من عامين و نصف نزلت موضوع و قام السيد الادفايزور بتغيير عنوانه ثم قام احد الاعضاء بتنزيل موضوع يحتج على اجراءات تغيير عناوين الموضوعات لان هذا حق للاعضاء و اتخذ موضوعى كمثال رغم انى لم اشتكى له و الموضوع استمر و ناقش فيه الادفايزور العضو صاحب الموضوع و هو مشرف حاليا

هذه هى المحاورات التى عرفتها

هذه المحاورات التى احببتها

حيادية و ديمواقرطيه الاعضاء جميعهم بيشاركوا فيه

انما دلوقتى بسبب شئ رأيت انه غريب و عجيب من استقصاد لعضو معين و لما افتح موضوع فى باب شئون المحاورات و هو للشكاوى "العامة" يتم غلقه

عموما رسالتى وصلت و اتمنى ان سيف الحق يضع مواضيع زى ما هو عايز طالما لا تخالف قواعد المشاركات و اللى مش عاجبه بلاش يدخلها انما فيه غيره بيستفاد بيها

[عصام]

عموما رسالتى وصلت

وعليه فنحن نتمنى من حضرتك التوقف عن تشتيت الموضوعات .. وإثارة المشاكل

كما نتمنى استخدام الرسائل الخاصة فى حالة وجود أى شكاوى أو اقتراحات مستقبلية

الإدارة

تم تعديل 3 سبتمبر 2008 بواسطة عصام شوقى
إضافة

[~Heba~]

عموما رسالتى وصلت

وعليه فنحن نتمنى من حضرتك التوقف عن تشتيت الموضوعات .. وإثارة المشاكل

كما نتمنى استخدام الرسائل الخاصة فى حالة وجود أى شكاوى أو اقتراحات مستقبلية

الإدارة

برجاء التفرقة بين اثارة المشاكل و بين اعطاء نقطة نظام عن وضع معوج و للاسف تم تجاهله تماما

من قبل الادارة

مش عارفة بقى عن قصد و الا مشفتوش المداخلة فى موضوع مستغرب و المدخلتين هنا و فى موضوع سيف الحق الاخير

:lol: لانه على حد علمى مش شرط حد يبلغ عن مداخلة مسيئة ليتم حذفها

و انا ضربت لك مثل عن اهتمام عضو بمشكلة عضو آخر فى مداخلتى اعلاه بما حدث من فترة سنتين و اكثر

كذلك دى مشكلة عامة و ليست خاصة ليتم مناقشتها على الخاص

فانا كما ترى ليس لى اى مشاكل مع الزميل حسام او الاستاذ محمد لاشتكيهم على الخاص

انما هو امر عام الا اذا حبيتوا انتوا تخلوه خاص wst::

ثم اين تشتيت الموضوعات؟؟؟

اغلق موضوعى اللى طلب منى فيه سكوب بصفته الاشرافيه ادلة على الوضع الذى تحدثت عنه

و لما حذف الموضوع لم يكن هناك بدا من ادراج مداخلاتى بخصوصه فى موضوع اقرب اليه و هو هذا الموضوع

طبعا كان فيه مداخلات متعلقة بصميم المشكلة و تم حذفها

مش ذنبى انه بعد الحذف اصبح لا يعبر عن الموضوع اللى بتكلم عنه

و رجاء اخير الى الادارة تسيبلى نافذة اطل منها على حبايبى اللى هنا و اللى مش حقدر اتواصل معاهم خارج المنتدى

ده بعد رفع نسبة الانذار ل 80% يعنى انذار كمان و ابقى مع السلامة

لذا كان رجائى بعدم اعطاء اى انذارات اخرى

[لولا]

[

لكن مداخلة الاستاذ محمد فى الموضوع كانت واضحة لكل من تابع الزوبعه اللى حصلت سابقا

طبعا انا سعيده انها انتهت لكن ام احمد لم تعد تشارك بعد اللى حصل و تبقى سيف الحق و انا شايفة انه بيشارك بطريقة عادية جدا و المفروض نتفاعل معاه يعنى ملوش لزوم يستمر موال الخلاف معاه عمال على بطال

و الله هو مش بيكتب حاجة غلط و لا حرام و لا عيب فى حق المثقفين اعضاء المنتدى

عمر ما كان النصح و الارشاد عيب فى حق حد و هو نفسه قال فى موضوعه و وضح وجهه نظره

هبه انا مختلفه معاك واسمحى لى اوضح سبب الإختلاف.

1-تقولين ان هناك مداخله لفلان من الناس تعتقدين من ورائها انه يقصد فلان آخر واعتقادك

هذا توصلتى له من خلال متابعة الأحداث على ساحة المنتدى. وانا هنا حقيقة لا اريد ان احول

الحوار الى اسماء واشخاص ومواقف لأنى اناقش الفكره العامة وهى لا تستدعى بزج اسماء

اشخاص معينين فيها. مسألة ان تعتقدى وتظنى ان فلان يقصد فلان وانه يقوم بالهمز واللمز

فى حقه هى من الأساس مسألة غير مقبوله .. انت يا هبه حولت الأمور كلها لساحة محكمة

ونصبتى نفسك قاضيا ووضعتى طرف فى قفص الإتهام والآخر على مقاعد المظلومين !

وما نحتاج حقا لفهمه على اى اساس يتم الحكم ان فلان كان يقصد فلان فى مداخله مستغرب

وانه تعدى حدوده وانه يجب عقابه لأن فلان التانى مظلوم ولا يملك لسان ليدافع عن نفسه

.. المداخله التى تذكريها فى مستغرب هى مداخله عاديه جدا..دخلت انا وقراتها وقمت حتى

بالتعليق عليها ولم افكر لحظة بكل هذه الأفكار التى طرحتها هنا لأن مضمون الإستغراب

كما هو ظاهر لى عن نقطة تستحق الوقوف والتأمل وتستحق ان يبدى البعض رايه فيها ويقول

انه يرفض هذا الأسلوب لأننا نملك الحق يا عزيزتى ان نرفض ونقبل فى المجتمع حولنا اى شكل

من الأفكار او الأساليب التى لا تتوافق مع شخوصنا، عندها نحن نملك حق الإستغراب حتى لو

كنا نستغرب من فكر معين وكان هذا الفكر موجود هنا او خارج المنتدى فى الحياه كلها فى النهايه

مجتمعات وكلها مليئه بكل شرائح الفكر والطوائف ومن الطبيعى ان تختلف عن بعضها ومن الطبيعى

ان نقبل ونرفض ونحب ونكره وننتقد ونمدح كل هذا طبيعى جدا، فهل تم ذلك خارج نطاق الأدب

خارج نطاق استخدام تعبيرات محترمه هل تم ذلك بشكل مبتذل؟

على فكره انا هنا لا احدد الحاله التى ذكرتيها لأنى ارفض ان اتحدث نيابه عن الآخرين وان كنت اثق

ان من تتحدثين عندهم هم من ارقى الناس هنا ولم تكن اساليبهم يوما هى التلقيح والهمز واللمز

فتلك تعبيرات كبيره جدا لا يجب بحال من الأحوال ان نصف بها كلام بعضنا فما هكذا كانت اخلاق

اعضاء المحاورات ولا يوجد هنا من هو إله بيننا لينصب نفسه عليما بخبايا النفوس والقلوب وبنيات

الناس عندما كتبوا مداخله.. لقد سبق لى انا نفسي فى موضوع مستغرب ان اختلفت بشده

مع بعض الأفكار وابديت استغرابى الصريح منها وكانت مداخلاتى واستغراباتى واضحة للجميع

وهى حق املكه تماما ان اقبل او ارفض او استغرب ما اجده مخالف لفكرى وقناعاتى الشخصيه

الموضوع قائم على ذلك اصلا وهذه هى فكرته الأساسيه ودائما ما يتم ذلك فى اطار راقى ومحترم

ابعد ما يكون عن لفظ (تلقيح) التى آثرت استعمالها فأسئت بها للجميع .

نقد فكر معين اى كان هذا الفكر هو امر مباح لا يعتبر تعدى على احد ونقد اسلوب ايا كان هو امر

لا يعتبر هجوم وتحيز ورفض ولكن كل يملك انتهاج ما يراه واتباع ما يظنه الصواب ونبذ سواه وان يكون

له راي حتى فيما يخالفه وصوت . حتى اصحاب المواضيع الدينيه يا هبه من حق اى فرد ان ينتقد

ما يجده مخالف فى افكارهم واساليبهم لأن ما يطرحونه هو عام للجميع وكون مجرد ان الطرح دينى

لا يضعهم فى مصاف القدسين الممنوع التعقيب على كلامهم او اسلوبهم.

اما مسأله ان تتحول المحاورات الى من لم يتفق مع اسلوب او فكره فى موضوع دينى فليقل خيرا

او ليصمت على حد تعبيرك فهى مسأله خاطئه جدا، هذه محاورات لا يفترض فيها هذا الأسلوب

هذه ساحه تحتمل الإختلافات والنقد .

2- النقطة الثانيه تقولين ان الزميله ام احمد توقفت عن المشاركة بعد الزوبعه التى حصلت..

وهل الزوبعة التى حصلت فى الأساس حصلت بسبب طرف آخر سواى دعوتها للهجوم على منتدانا

ولكن تبينت الأمور اخيرا واتضح ان الصوره كانت فقط غير واضحه لها عن طبيعه المنتدى هنا

وكون انها توقفت عن المشاركه هذا امر لا يعرف سببه الا الله لكل انسان ظروفه ونحن فى شهر رمضان

ولا يحب الكثير اضاعه وقتهم فى النت ايا كان الموضوع وبناء عليه لا يجب ان نقرر حتى اسباب غياب

الآخرين ذلك امر لا يعلمه الا الله وهم يملكون اولا واخيرا التحدث عن انفسهم.

3- تقولوين اننا يجب ان نشجع الأخ سيف الحق ونتفاعل معه !! وهل هذا منتدى محاورات

ام منتدى كروى يذيع اخبار الرياضه ؟؟ من يطرح موضوع يستحق التفاعل يتفاعل معه الجميع

المسأله ليست انتخابات، من يملك فكر يستحق ان يتم تشجيعه يشجعه من يتوافق معه

ويختلف معه من لا يتوافق معه، نحن هنا مخيرون ولسنا مسيرون لأننا فى محاورات

ولسنا فى خطبه الجمعه ندخل ونسمع ونخرج دون ان نملك التعقيب.

انت بهذه الدعوه تنفى عن المحاورات اهم اهم ما يميزها.

4- تحددين انت ان الإختلاف مع بعض اطروحات سيف الحق واساليبه لا يتم الا بغرض

الهجوم عليه وبشكل شخصى بحت .. وهل من المنطق ان يكون الإختلاف معه فقط

نابع من مجرد ما حدث سابقا ؟ هذا كلام غير منطقى اطلاقا مع احترامى المطلق لك

ولكنه بعيد كل البعد عن العقل والمنطق هل يدخل الناس الموضوع ويتعمدون الإختلاف معه

فقط لمجرد خلفيه موضوع سابق ؟؟ وليس لأن هناك فى موضوعاته من الفكر او الأسلوب

ما يمكن ان يختلف معه احدهم كما يتفق معه آخر وهو ما يحدث فى كل المواضيع

وليس فى موضوعه هو على وجه الخصوص.

أظن تهنئه الأخ الفاضل فى موضوع منفصل على مركزه فى مسابقه القرآن الكريم

خير دليل ان المحاورات ليست ابداً منتدى لتصفيه اى مشاعر شخصيه وتهنئه الأعضاء

له كانت مليئه بالحب والمشاعر الصادقه وكان المشرفين هنا هم اول المهنئين .

هبه ارجوا ان يتسع صدرك لكلامى وان تعرفى انك اخت عزيزة هنا على الجميع

وانه فعلا يسوء الجميع ان يحدث كل هذا فى شهر كريم مثل رمضان غير انك

تسرعت كثيرا بالهجوم على الجميع وافترضت سوء النيه فى الكل.

عموما رمضان كريم دائما وابدا .

تم تعديل 3 سبتمبر 2008 بواسطة لولا

[أبو محمد]

عموما رسالتى وصلت

وعليه فنحن نتمنى من حضرتك التوقف عن تشتيت الموضوعات .. وإثارة المشاكل

كما نتمنى استخدام الرسائل الخاصة فى حالة وجود أى شكاوى أو اقتراحات مستقبلية

الإدارة

برجاء التفرقة بين اثارة المشاكل و بين اعطاء نقطة نظام عن وضع معوج و للاسف تم تجاهله تماما

من قبل الادارة

..........................................

..........................................

..........................................

..........................................

و رجاء اخير الى الادارة تسيبلى نافذة اطل منها على حبايبى اللى هنا و اللى مش حقدر اتواصل معاهم خارج المنتدى

ده بعد رفع نسبة الانذار ل 80% يعنى انذار كمان و ابقى مع السلامة

لذا كان رجائى بعدم اعطاء اى انذارات اخرى :lol:

أقسم بالله العظيم يا هبة إنى كنت ناوى أقترح تخفيض نسبة الإنذار عندك ... لكن للأسف .. مش عارف ليه عندى إحساس إنك بتدخلى المحاورات ليس من أجل التحاور ولكن لإثبات شئ مجهول ..

ما ينفعش كده يا هبة .. ما ينفعش ..

إنتى عضوة قديمة نعتز بها وبوجودها بيننا .. وتعرفى الفرق بين الحوار والاختلاف من جهة وإثارة الزوابع من جهة أخرى ..

من حقك تختلفى مع أى من كان .. ومن حقك تختلفى مع الإدارة .. إختلافك مع أى واحد فينا كزميل مكانه صفحات المحاورات مع الالتزام بالقواعد .. إختلافك مع الإدارة ، مكانه البريد الخاص ..

مش صعبة دى يا باشمهندسة ..

وأعتقد مش صعبة برضه إنك تعرفى إن مداخلتى دى لا علاقة لها بصفتى كمشرف .. إنتى عارفة اللون اللى باكتب بيه لما باتكلم بصفتى مشرف .. وعارفة لهجة مداخلاتى الإدارية ..

إهدى كده .. وقللى من الشاى والقهوة بعد الفطار عشان أعصابك ما تبقاش مشدودة وانتى بتكتبى ..

وبلاش تشيلى السلم بالعرض ..

وخدى الحتة الانجليزى دى :There are many ways to skin the cat .. فاختارى أنسب الطرق

أقوم أفطر بقى وبعدين نكمِّل

[~Heba~]

الاب الفاضل ابو محمد

طبعا انت عارف غلاوتك عندى و و الله لو اعطيتنى انت بنفسك مئة انذار ...بس يكونوا بحق مش بظلم مش هزعل منك

طبعا انت مثل غيرك تساءلت لماذا الاثارة دى كلها بالذات

من حقكم تتساءلوا و من حق الجميع يستغرب عن العضوة الشقية دى اللى مش عاملة حتى حساب لرمضان و للصيام و بتعمل مشاكل

يا والدى الفاضل انا لاحظت منذ موضوع سيف الحق بتاع كل امة محمد معافى الا هذا الصنف انه فيه تحسس تجاه العضو بذاته

و الموضوع رغم اهميته الا انهم يعيبوا على الاسلوب

حسيت ان الخلاف مع العضو ده بقى موضة و بلاش اقول الادارة شجعتها و ده امعانا فى حسن الظن بالادارة

و تشاء الاقدار و اننا فى الشهر الكريم ارى مداخلة غريبة و عجيبة فى موضوع مستغرب...الموضوع ده نادرا ما بدخله

طبعا ده توافق مع رؤيتى لمدخلات حسام يوسف

و الموضوع كان اكثر مما يحتمل صراحة

طبعا انا اسفة و بعتذر للجميع ان الاثارة دى كلها حصلت فى رمضان بس مينفعش تتاجل لبعده عشان بقى الحقوق متكونش ضاعت و عشان الموضوع ممكن يكرر

و عشان كمان الساكت عن الحق شيطان اخرس

و عشان مرة اخيرة انى مش من النوع اللى بيسكت على اى حال مش سليم

ناتى لجزئية اثارة المشاكل فى المحاورات

ببساطة ممكن نعمل حسبة رياضية توضح النسبة بين المشاكل التى اثرتها و بين عدد ماخلاتى و المواضيع التى اناقشها فيها ثم بعدها يتم الحكم على العضو

و فى الحقيقة كل مشكلة اثرتها لها ملابسات تختلف عن نظيرتها لذا لا يصح تجاهل هذا الاختلاف

و كمان حضرتك ادرى الناس انى كنت من اكثر اعضاء المحاورات حبا لها و عبرت عنه بطرق كثيرة

و حضرتك عارفها كويس و صدقنى كل ده كان عن قناعه مش نفاق و مجاملة للمحاورات و ادارتها اللى انا كنت ملسوعه منها 3 انذارات

يبقى دا كله كتير عليا لما اشوف وضع مش مضبوط و احاول اصلحه

:lol: و بعدين التواصل على الخاص لا يناسب المشكلة دى لانه داخل فيها اطراف كثيرة و مش و ميصحش يعنى نتكلم من وراهم

إهدى كده .. وقللى من الشاى والقهوة بعد الفطار عشان أعصابك ما تبقاش مشدودة وانتى بتكتبى ..

ايه دا مين قلك :happy:

انا فعلا بكتر منهم بعد الفطار و خصوصا القهوة بس انا بشرب القهوة باللبن و ده بيقلل من تأثيرها

قبل ما ا نسى ...كمان حتة انجليزى عشان خاطرك No Pain No Gain

طب ايه علاقة دا بالموضوع...مش عارفة بس اهى حتة انجليزى و السلام wst::

نييجى لـ لولا

هبه انا مختلفه معاك واسمحى لى اوضح سبب الإختلاف.

انتى آخر واحدة احب اختلف معاها

ايه رأيك بقى

مش حقبل انك تختلفى معايا انتى فاهمه و الا لأ :rolleyes:

انتى حبيبتى و صاحبتى :wub:

و عندك حق طبعا فى كل كلمة

انا مليش اى وصاية على اى حد بس لولا انا لى اسبابى و الا مكنتش قلت بهذا الشكل القاطع انه يقصده

اذا كنتى عايزة اسبابى دى و تفسيرات مفصلة لها انا ابعتهالك ع الخاص عشان متهمش بالشخصنة تانى و انتى عارفة طبعا فاضلى زلطة و اطلع برة...يارب الزلط يخلص من ايديهم البعدا :happy: ..قولى آمين

ان من تتحدثين عندهم هم من ارقى الناس هنا ولم تكن اساليبهم يوما هى التلقيح والهمز واللمز

و انا ايضا احسبهم كذلك و لا اذكى على الله احدا

:sad: لكن طبعا انتى عارفة الشعور يكون عامل ازاى لما بيخيب املك فى انسان

اما مسأله ان تتحول المحاورات الى من لم يتفق مع اسلوب او فكره فى موضوع دينى فليقل خيرا

او ليصمت على حد تعبيرك فهى مسأله خاطئه جدا، هذه محاورات لا يفترض فيها هذا الأسلوب

هذه ساحه تحتمل الإختلافات والنقد .

هناك من الاختلاف ما هو خيرا ايضا و يشجع على الرقى بالاسلوب الذى لا يعجبكم

انما ننقد الموضوع من اساسه و يصبح النقد ممنهج و فى كل المواضيع او اغلبها هنا لابد من وقفة

وهل هذا منتدى محاورات

ام منتدى كروى يذيع اخبار الرياضه

الجملة دى داخلة عرضى

اصل انا مش فاهماها الحقيقة

هل يدخل الناس الموضوع ويتعمدون الإختلاف معه

فقط لمجرد خلفيه موضوع سابق

ياما انتى طيبة بشكل

تسرعت كثيرا بالهجوم على الجميع وافترضت سوء النيه فى الكل.

لأ مش الكل...انتى ظلمتينى فى دى

تم تعديل 3 سبتمبر 2008 بواسطة ~Heba~

[لولا]

هبة مش عايزة اقف على كل كلمة وارد عليها .

لكن انت فعلا اخت عزيزة علينا كلنا والأمور لا تطرح بهذا الشكل

وانت ادرى الناس بذلك.

ومهما كنا نرى من موضوع ما مشكله كبيره فهناك طرق واساليب

لحل ما نظن نحن انه مشكله ولكن دون التسبب فى كل هذه

الفوضى ودون التحفز التام نحو الجميع.

صدقينى يا هبه الموضوع لا ينحصر فقط فى رؤيه شخصيه لك

لمداخلات فى موضوع زميل، ولكن هناك تحفز واضح منك تجاه

الغير وهذا ظاهر فى مداخلاتك كلها بالأمس وقد استغربت

كثيرا منها، حتى موضوع ماذا لو كانت مداخلتك فيه غريبه

ومتحفزه جدا ، وردودك على استاذ حسام كانت كذلك..

صدقينى هناك طرق افضل للطرح والنقاش بهدوء

وتعقل يؤدى الى تبادل فكرى راقى ولا يحول الحوار

الى مجرد مشاحنات شخصيه.

الساحه هنا لم تفتح لنا ابوابها لنختلف ونشخص

الحوارات ولكن لنناقش الأفكار الأساليب نقبل او نرفض فكر او اسلوب

لقد حاولت ان اشرح لك ذلك واظنك فهمتنى ومازلت اكرر لا يوجد هنا

من يقوم لا بالهمز ولا اللمز .

عزيزتى هبه لا افهم حتى لما نضيع وقتنا فى كل هذه النقاشات والحوارات

لقد رايت الأستاذ سيف الحق مرات ومرات اون لاين خلال هذه المداولات

اليس من الأولى ان يتكلم هو عن نفسه ؟

الجمله الإعتراضيه التى لم تفهميها قصدت منها فقط اننا لا نقوم بدور المتفرجين

على كره قدم لنشجع فقط ولكن نحن هنا نشارك كلنا يشارك واخونا سيف الحق

يملك الجميع ان يدخلو مواضيعه يتفقوا معه او يختلفوا هذا حق للجميع اكرر

لا تملكين الحق فى حجر ومنع الناس من الإختلاف معه او مع الأسلوب الذى يطرح

به الموضوع ، لاحظى انى اقول اسلوب الطرح ولا احد يعيب الماده الأساسيه

للطرح .

ارجوا ان اكون قد وضحت .