جازززززززززز إوعى الجاز

[se_ Elsyed]

والله أحترت أضع الخبر الطازة ده فين

في باب الساسة الدولية

ولا في باب الإبتسام ولا في أوضة الفيران

أعلن الزعيم الليبي العقيد معمر القذافي، ليل الاحد- الاثنين 1-9-2008، أنه سيتم إلغاء الإدارات في ليبيا انطلاقا من بداية العام 2009، ليتم توزيع عائدات النفط "مباشرة" على الليبيين.

وقال القذافي في خطاب القاه في بنغازي (شرق) امام مؤتمر الشعب العام (البرلمان) إن على الليبيين أن يستعدوا ليتسلم كل واحد منهم نصيبه من عائدات النفط وذلك انطلاقا من بداية العام المقبل.

وأضاف في هذا السياق أنه "بتسلم الليبيين دخل النفط في أيديهم مباشرة وإنتهاء الإدارة ستقوم الإدارة الشعبية الحقيقية وسيتشكل المجتمع الجماهيري بطريقة شعبية ديمقراطية مباشرة حقيقية" بحسب ما أوردت وكالة الأنباء الليبية.

وأوضح في خطابه لمناسبة الذكرى الـ 39 للثورة الليبية في الاول من سبتمبر/أيلول 1969 التي أوصلته إلى السلطة أنه باستثناء وزارات السيادة (الخارجية والدفاع والداخلية والعدل) فإنه سيتم إلغاء باقي الوزارات.

وقال إنه في كل مرة يتم فيه اتهام الوزارات بالفساد وسوء الإدارة ولذلك فإنه سيتم منح كل مواطن نصيبه من الثروة النفطية مباشرة وليتدبر امره بنفسه. وأكد القذافي أن "الفساد مقرون بالإدارة في أي مكان بالعالم, والحل هو إنهاء الإدارة التي تتولى إنفاق الأموال وتسلم الناس الأموال في أيديهم مباشرة وتدبير شؤونهم بأنفسهم", بحسب المصدر ذاته.

وحذر الزعيم الليبي من انه ستكون هناك حالات "فوضى" في العامين الاولين لكن المجتمع سيتنظم رويدا رويدا ليتمكن في النهاية من إدارة اموره بنفسه, على حد قوله.

وكان القذافي دعا في مارس/آذار الماضي إلى الغاء وزارات، منددا بالفساد السائد فيها، وأكد أن الدولة خصصت 37 مليار دولار سنويا لهذه الوزارات التي فشلت في القيام بمهامها

بأتخيل نفسي مواطن ليبي وأول كل شهر أروح شايل الصفيحة على دماغي وأروح .. أروح فين .. كنت هاقول هاروح وزارة البترول أتاري الراجل هايلغي الوزارات .. يبقى شكلي هاروح على بير البترول على طول في الصحراء الغربية ... يا نهار مش فايت .. ده هايبقى حتة دين مشوووووار ... بس يستاهل .. أهو اخد العيال وأم العيال وكل واحد شايل صفيحة ونروح ناخد نصيبنا بقى إيشي مازوت على بنزين 90 على جاز ولو لنا فكه باقية أعتقد إنهم هيدونا به زفت من اللي بيسفلتو به الأسفلت ... وبالمبلغ ده قصدي بالحاجات دي أعمل جمعية أنا وقرايبي ونفتح بنزينه وكل واحد يجيب نصيبة وندلقه في الصهاريج بتاعة البنزينة ...

طب لما أحب أتعلم او اعالج عيالي أروح انهي وزارة أو أروح لمين ؟

ولا يكونش هايرجع نظام أبويا العُمدة وشيخ الغفر والعمدة يبقى هو وزير الداخلية ووزير الصحة والتعليم وهو بابا وهو ماما

طب وبالنوسبة يا عم قذافي للبنية التحتانية والدولة بشكل عام مين هايصرف عليها إذا كان العائد الرئيسي للإيرادات الشعب هايستلمه اولت كل شهر ؟

وبالنوسبة برضوا حضرتك لعائدات النفط طوال الـ 40 عام التي حكمت فيها ليبيا ... إيه كده بخ وراحت مع اللي راحوا وإتحولت لسويسرا عشان أبناءك وأحفادهم وأحفاده أحفادهم يظلوا مليارديرات ؟

وبعدين ما حدش قال لحضرتك عن حاجه إسمها تضخم وإن الناس لو الفلوس جريت في إيدها أكتر من اللازم فستتحول إلى سحاتيت والواحد يبقى معاه شوال فلوس ومع ذكل السلع سعرها غالي ؟

بالنوسبة برضوا لأحوال العالم المتقدم ... تفتكر السلع اللي حضرتك بتستوردها من الألف إلى الياء من تلك الدول .. يا ترى هما برضوا بيفرقوا أكياس فلوس أول كل شهر على الناس بالرغم إن عندم وزارات وإدارات ؟

بالمناسبة ... اللي عاش في ليبيا عارف إن شعب الليبي من النوع اللي بيحب الآنتخه ويكره العمل وإنه يتعب نفسه ويستهلك مخه ... تخيل بقى لما ياخد قرشين عالجاهز كل أخر شهر ... عييييش يا معلم

[الباشمهندس ياسر]

على كده يا ابو السيد

الحق اتصل باصحابى الليبية

يحجزولى شوية 92 بدل الغالى بتاعنا

ولا ايه رايك

[ابو محمود]

واللة يا سين سين دة الراجل اللى يستاهلة الشعب الليبى زينا تمام ربنا ادانا مبارك علشان دة نصيبنا من اعمالنا تجاة انفسنا وبلدنا طب الراجل قال هفرق عوائد النفط على الشعب انا شايف انة احسن من كثير من امثالة واقرانة اللى بيكلو على الشعب كل شيء وبعدين الشعب الليبى عاجبة الموضوع بتاع التفريق زى لعبة الكوتشينة تخيل ان المهور هناك نار يعنى لو عندك ولد لازم يشترى للعروسة واهلها وأصحبها دهب يعنى حق الشقة اللى انت خلصتها السنادى ما يكفيش شبكة يا سيدى ففكر صاحبنا العبقرى الملهم بان امم الدهب تأميم وهات يا حبس لكل من يكلك اكثر من 3كيلودهب وراح شارى دهب عيار 18 مشغول يعنى متصنع وفرق بالبطاقة على الشباب وبدل الشباب ما يتجوز خدو الدهب وباعوة فى السوق السوداء ؟؟؟

صدقنى يا سين سين دول شعب يستاهل معمر القذافى ونحن شعب نستاهل ابو جمال

مشكدة يا أبو عبدة ... ورمضان كريم

[ayman elsherif]

اللي انا عاوز اعرفة هو القذافي قام من النوم وطلع بالفكرة دي و خد القرار دة كدة على طول ولا خد القرار دة بعد دراسة مستفيضة

لانه اذا لم تكون هناك دارسة كافية لهذا النظام الجديد يبقى لبيا هتجيب جاز فعلا و اوعى الجازززززززززززززززززز.

[عبقرينو]

جريدة الشرق الاوسط كتبت

قبائل أفريقية تبايع القذافي «ملك ملوك أفريقيا»

القذافي يلقي كلمته أمام العشرات من زعماء القبائل الأفريقية في بنغازي

من جهة أخرى، بايعت قبائل افريقية الزعيم الليبي معمر القذافي «ملك ملوك افريقيا»، وذلك في حدث غير مسبوق جمع العشرات من زعماء القبائل الافارقة في بنغازي في شرق ليبيا. وجاء في بيان صدر في ختام «ملتقى» جمع بدعوة من العقيد القذافي اكثر من مائتي شيخ قبيلة «نعلن مبايعة الاخ القائد معمر القذافي ملكا لملوك وسلاطين وامراء وشيوخ وعمد افريقيا، ويسمى اعتبارا من هذا التاريخ ملك ملوك افريقيا».

واضاف البيان ان المجتمعين قرروا «تأسيس ملتقى الملوك والسلاطين والأمراء والشيوخ وعمد افريقيا ليكون اطارا اجتماعيا ينظم العلاقة فيما بيننا، ويعتبر القائد القذافي رئيسا له، وينعقد مرة سنويا على الاقل وان يكون موعد انعقاده في اليوم التاسع من الشهر التاسع من كل عام». وقرر المجتمعون كذلك «تشكيل امانة دائمة للملتقى تكون مدينة سرت مقرا دائما لها».

من جهته دعا القذافي زعماء القبائل الى تحمل مسؤولياتهم في الضغط على حكومات بلدانهم من اجل توحيد افريقيا وتشكيل «الولايات المتحدة الافريقية» التي كان الزعيم الليبي اول من اطلق فكرتها. وقال القذافي: «ادعو القبائل الى التحرك بسرعة والضغط من اجل انشاء الولايات المتحدة الافريقية»، مؤكدا انه سيضع كل الامكانات بتصرف العاملين من اجل تحقيق هذه الغاية. .

[عبقرينو]

دقوا المزاهر يلا يا أهل البيت تعالوا

[ayman elsherif]

القذافي فكرني باحد الممثلين المصريين بصراحة مش فاكر مين عندما قال

"انا لما صباعي يوجعني اقطعه"

والقذاقي هيعمل كدة بدل ميحارب الفساد في الوزارات و يحاكم :lol: الفاسدين و المفسدين بها قام ايه .... قام لاغيها :closedeyes:

:blink:

تم تعديل 2 سبتمبر 2008 بواسطة ayman elsherif