ماذا لو لم ..؟

[عصام]

أسخف سؤال يمكن أن يخطر ببالك هو ذلك الذى يبدأ بــ"ماذا لو لم؟" ..

سؤال من النوع اللى بيشغل البال ..

النوع اللى بيجيب صداع ..

بس صداع من نوع ظريف ... بيشغل الدماغ ويفتح الأفق ..

نسأل بقى .. والرد يجب ألا يقل عن 3 نتايج لكل سؤال:

1. ماذا لو لم يكن هناك دولة تسمى إسرائيل؟

2. ماذا لو لم تقم الثورة؟

3. ماذا لو لم يمت السادات؟

4. ماذا لو لم تحدث حرب أكتوبر؟

5. ماذا لو لم يكن هناك أحداث 11 سبتمبر؟

....................

رمضان كريم .. po::

تم تعديل 1 سبتمبر 2008 بواسطة عصام شوقى
إملائيات

[أحمد سيف]

والله اخترت وقت مناسب لطرح السؤال ... لإن هلوسة ما قبل الإفطار هاتبتدي. po::

[الباشمهندس ياسر]

ماذا لو لم

انا مدخلتش هنا علشان اقول للحاج عصام كل سنة وانت طيب

و معلش يا عم خليها علينا ونفكر فى اللى جاى احسن

و على فكرة الموضوع ده فكرنى بكلمتيم حلوين لشاعر خليجى انا مش فاكر اسمه

الغرب عنده طائرات وصواريخ و نفط الشرق الاوسط ضاع بلاش

كتبوا لنفسهم صفحة فى قلب التاريخ و احنا فى ماضينا نعيد النقاش

و سلامو عليكم

[لولا]

استاذ عصام كل سنه وانت طيب

بصراحه عندى سؤال يبدأ ب ماذا لو فقلت ادخل اشارك معاكم هنا

ماذا لو لم أطبخ فى رمصان ؟ ينفع ناكل اى حاجه po::

بصراحة الشغل مع الدوام بتاع رمضان مع الصيام حاجه لا يمكن وصفها po::

على فكره دا موضوع جاااااااااد جداً

[الباشمهندس ياسر]

بصراحة الشغل مع الدوام

على فكره دا موضوع جاااااااااد جداً

فعلا الكلام ده جااااااااااااااامد جدا يا لولا

[Alshiekh]

رمضان كريم علينا كلنا

طبعا كلكوا فطرتوا ومريحين ، لكن انا لسه لى 3 ساعات ، فمن حقى اسأل الـ ماذا لو بتاعتى

ماذا لو لم يقرب ابانا آدم وأمنا حواء من الشجرة؟

[عصام]

الموضوع دا فعلا ممكن يكون هلوسة صيام ..

دلوقتى بس اكتشفت ان كل ماذا لو من دول ممكن تتناقش فى موضوع مستقل بصفحات كتيييييير جدا ..

الغرب عنده طائرات وصواريخ و نفط الشرق الاوسط ضاع بلاش

كتبوا لنفسهم صفحة فى قلب التاريخ و احنا فى ماضينا نعيد النقاش

الكلام دا يكون صح لما نتكلم فيه من باب الندم .. جلد الذات .. إلخ

لكن ما كانش دا هدفى والله ..

عموما أدينا بنستقبل ماذا لو اات وأكيد فيه واحدة هاتصيب ... وتجر رجل الحوار ..

ماذا لو لم يقرب ابانا آدم وأمنا حواء من الشجرة؟

دى بقى جامدة جدا ..

بيتهيألى ان بعدها من المناسب جدا نقفل الموضوع

[لولا]

استاذ عصام انا عايزة ارد على استاذ محمد ومش حايشنى غير

بس ان الموضوع فى ركن المواضيع الجاده..

عموما عديها انت واسمحلى ارد عليه واقوله:

من وجهه نظرى الشخصيه البسيطه ..لو كان ابونا آدم وامنا حوا

محدش فيهم كل من التفاحه كان زمنا فى الجنه يا سيدى

وكان زمانى بلاقى كل ما لذ وطاب ..وقاعده مريحه على الآخر

ومكنش فى شغل ولا طبيخ ولا محمد جوزى يسأل طبختى ايه

النهارده ... وكانت الحياه كلها بقت فوشيا وبمبى

تم تعديل 1 سبتمبر 2008 بواسطة لولا

[عصام]

استاذ عصام انا عايزة ارد على استاذ محمد ومش حايشنى غير

بس ان الموضوع فى ركن المواضيع الجاده..

بسيطة .. الموضوع بقى فى باب موضوعات خفبفة ..

يللا قولى كل اللى ف نفسك

[لولا]

طب خلاص ولا تزعل نفسك يا استاذ عصام ..

انا حفكر كده وانشاء الله ححاول اطلع بكام ماذا لو من اللى قلبك بيحبهم..

ادينى بس فرصه افكر

[عصام]

1. ماذا لو لم يكن هناك دولة تسمى إسرائيل؟

- كان هايبقى فيه دولة اسمها مثلا إسرائيليا .. أو يهود .. أو إسراهود ..

- كان هايبقى فيه معاها برضه معاهدة سلام

- كان وضع سينا هايكون زى دلوقتى بالظبط

2. ماذا لو لم تقم الثورة؟

- كانت هاتقوم ثورة تانية فى نفس الحدود الزمنية ..

- لو كان قائدها إنسان **** كان زماننا دولة مدنية .. دولة مؤسسات .. دولة يحترم فيها القانون .. دولة فيها تداول سلمى للسلطة .. إلخ يعنى كان زمان الحال غير الحال .. وربنا ينتقم من اللى كان السبب قولوا آمين

- الله أعلم وضع منطقة القناة كان هايبقى إيه

- ما كانش هايبقى فيه صلاح نصر وأمثاله

3. ماذا لو لم يمت السادات؟

- أعتقد انى لما سألت السؤال دا كان قصدى ان محاولة اغتياله فشلت .. وعليه فأكيد كان فيه ناس "هاتتمرمط" فى المعتقلات .. ودا طبعا كان هاينعكس على حال الإخوان المسلمين والجماعات الإسلامية كافة فى البلد وفى المنطقة ..

- ما كانش هايبقى فيه الرئيس حسنى مبارك .. (وما يستتبع ذلك)

- ما كانش القناع اللى بيتدارى وراه كل هؤلاء الحثالة والشامتين والحاقدين هايقع ..

4. ماذا لو لم تحدث حرب أكتوبر؟

- كان زمان زينا زى سوريا .. لا زيادة ولا نقصان ..

5. ماذا لو لم يكن هناك أحداث 11 سبتمبر؟

يااااااااااااه .. دى بقى عايزة جرنان .. لكن الأكيد .. إن

- الولايات المتحدة لم تكن لتحقق هذا الرقم الهائل من مبيعات السلاح ..

- كانت برضه هاتدخل العراق ..

- كانت برضه هاتدخل أفغانستان ..

[moheltohamy]

هاهاهاهاهاهاها...

والله كنت لسّه باقول الموضوع جاد ، دخلت لولا عليه ؛ خلّتنا نبتسم ، والقعدة احلوّت وبقت خفيفة

ولسّه باعمل ريفريشّاية ع الماشي ، لقيته بقدرة قادر بقى في موضوعات خفيفة!!!

أما المشرفين دول يا جدع ........

[عصام]

هاهاهاهاهاهاها...

والله كنت لسّه باقول الموضوع جاد ، دخلت لولا عليه ؛ خلّتنا نبتسم ، والقعدة احلوّت وبقت خفيفة

ولسّه باعمل ريفريشّاية ع الماشي ، لقيته بقدرة قادر بقى في موضوعات خفيفة!!!

أما المشرفين دول يا جدع ........

والله شوف ..

هو الموضوع نظرا لتشعبه .. وتعقيده .. يحتمل كل حاجة ..

وهانشوف رايح فين ..

وفى النهاية برضه ممكن ننقل مداخلات الطبيخ وخلافه لموضوع تانى ونرجع الموضوع دا باب موضوعات جادة .. وفى النهاية المهم الحشو ..

وللا إيه؟ wst::

[الباشمهندس ياسر]

بما ان الموضوع قلب على فرفشه

و مطلعش فيه ماضيينا ونقاش و الكلام الكبير ده

و ماذا لو مسافرتش؟؟

و ماذا لو جبتش فانوس العيد لخطيبتك؟؟

[~Heba~]

وإن أصابك شيء فلا تقل : لو أني فعلت كان كذا وكذا , ولكن قل : قدر الله , وما شاء فعل ; فإن لو تفتح عمل الشيطان

حديث صحيح..رواه مسلم

[metwallly]

وإن أصابك شيء فلا تقل : لو أني فعلت كان كذا وكذا , ولكن قل : قدر الله , وما شاء فعل ; فإن لو تفتح عمل الشيطان

حديث صحيح..رواه مسلم :closedeyes:

ده كلام من الآخر وهو ده المفيد!!!!!!!!!!!!!

[عصام]

وإن أصابك شيء فلا تقل : لو أني فعلت كان كذا وكذا , ولكن قل : قدر الله , وما شاء فعل ; فإن لو تفتح عمل الشيطان

حديث صحيح..رواه مسلم :closedeyes:

ده كلام من الآخر وهو ده المفيد!!!!!!!!!!!!!

أنا سعيد جدا ان ماحدش فهم المقصود من الموضوع غير نفرين لولا ومحمد :lol:

:blink:

[لولا]

ماذا لو لم نحشي الكنافه بالقشطة :blink:

ماذا لو لم نعمل الفته باللحمه :lol:

ماذا لو لم نملى العربيه بالبنزين :blink:

ماذا لو لم نبتسم فى وش المدير كل يوم الصبح :blink:

ماذا لو لم نشترى لبس جديد فى العيد :blink:

ماذا لو لم نحمل المواضيع اكتر مما مفروض تتحمل :sad:

ماذا لو لا حظنا ان الموضوع ممكن نناقش فيه سلبيات كتييييييييييير فى المجتمع بشكل خفيف

وانه موضوع هايل غير مرتبط بالإعتراض على القدر :closedeyes:

[Folana]

السلام عليكم ورحمة الله...

ولو ان دماغى مافيهاش مكان لمزيد من "ماذا لو لم...

لكن من الصبح وانا عمالة افكر ...

ماذا لو لم أعزم حماتى على الافطار امبارح؟؟؟...

طب ماذا لو لم اعزمها فى عقر دارها وكانت العزومة عندى ؟؟

الاجابة واحدة....

كان زمان عندى افطار النهاردة ومش حاقف اطبخ تانى... :closedeyes:

[أحمد سيف]

و ماذا لو جبتش فانوس العيد لخطيبتك؟؟

مش عارف ... هوا المفروض الواحد يجيب فانوس عيد لخطيبته ... أنا خطبت واتجوزت وجبت عيال من غير ما أجيب فانوس :closedeyes:

الظاهر دي حكاية جديدة ما كانتش على أيامنا أو إن خطيبتي كانت على نياتها ... :blink: