ماذا لو لم ..؟

[الباشمهندس ياسر]

والماذا لوّات بتاعتي ، اللي تحضرني حالياً:

1. ماذا لو لم أدخل كلية الطب ، وكان بابا الله يرحمه سابني أدخل هندسة كمبيوتر ؛ اللي كنت باتشحتف عليها!

تقريبا كده كنت هتبقى صاحب مول كمبيوتر كبير و نقول ياباشمهندس

بس يعنى مكنتش هتبقى بيل جيتس المصرى

طبعا القعدة على المحاورات مش هتحليلك وقت

2. ماذا لو كنت اتولدت في كندا ؛ واللي عاوز اعمله باعمله ، ومحدش يقدر يحرمني أرتبط بالحب الأول ، كنت هابقى عامل ازاي دلوقتي؟

دول تلاته فى بعض يا تهامى ..عموما لو اتولدت فى كندا اكيد مكنتش هتحتاج تعمل لاندنج ولا الحركات دى

و هناك مكنش هيبقى فيه الحب الاول اللى انت قصدك عليها :lol: ولا حاجة

واكيد كنت هتصاحب من 3 ابتدائى يا شقى mfb: ..مش كده ولا ايه

3. ماذا لو مكانش فيه بترول ولا الكعبة في السعودية؟

يبقى اكيد محدش هيزورها خالص حيث لا حج ولا شغل

4. ماذا لو مكانش فيه بترول (بس) في الكويت؟ وليه الـ (مكانش)؟ ماذا لو بعد 200 سنة ، هيكون البترول خلص من العالم... إيه بأه؟ (وش البنت صاحبة الفيتارا في سهر الليالي :sad: )

مكنش هيبقى فيه دولة اسمها الكويت اصلا

و لما البترول هيخلص اكيد هتنضم للامارات العربية المتحدة

5. ماذا لو مات الريّس متقال؟! تعتقد إن إبنه - اللي بيغني منفرداً حالياً ، ومش محتاج أبوه يدعمه - هيسيطر على سوق الكاسيت؟ ولآّ هتحصل فوضى غنائية ، والدنيا هتبوظ ، وتلاقي ناس مالهومش أي سعر شبطوا في الميكروفون ، وظهروا على الساحة الغنائية؟

رمضااااااااان كريم يا معلم وبلاش نجيب فى سيرة الناس

عموما عمو متقال الله يرحمه خلف راجل

عرف يأكل السوق بدراعه مش بحس ابوه

6. ماذا لو لم يكن هناك إنترنت ، وفضلت الحياة - في معظمها - لوكال؟!

اكيد مكناش هنتقابل

و لا هنحب بعض بالسرعه دى

ولا هيبقى فى حاجة جميلة اسمها المحاورات

7. ماذا لو لم يكن هناك موبايلات ، وآخرنا التليفون المنزلي أو الشغلي (نفس الوزن)؟!

مكنتش هدفع الفلوس الجبارة اللى بدفعها ع التليفونات

8. ماذا لو لم يكن هناك دش وساتلايت؟ وآخرنا القناة الأولى والتانية؟!

اكيد كنت هفضل استنى

العلم والايمان

و جولة مع الكاميرا

و طرائف وعجائب

و الذكرياااااااااااااااات القديمة دى

9. ماذا لو لم يكن هناك كمبيوتر؟ (شكلنا شوية كمان ، وهيطردونا بره المنتدى)

قول كلام تااااااااااااااااانى

حد ينطرد من مكانه يا تهامى

[الباشمهندس ياسر]

[سدقنى يا ياسر باشا لوحه الشرف متستحملش اكتر من اسمين mfb:

ماذا لو لم يوجد مكان لأسم سعادتك ؟ :sad:

مكنش العشم يا اختشى :sad:

كده برضه :sad:

بدل ما تقوليلى

نكتب اسمك الاول

مردودالك يا لولا :lol:

[لولا]

ماذا لو لم نستمر فى الحلم رغم ان الحلم مش ديما بيتحقق ؟

ماذا لو لم نستمر فى التعليم رغم ان التعليم عمره ما بينتهى؟

ماذا لو لم تكن الدنيا مليئه بالحراميه والكدابين والأشرار؟

مذا لو لم تكن الشوارع متكسره ومتبهدله ومن غير رصيف؟

ماذا لو لم ترتفع اسعار الخضار والفاكهه واللحوم؟

ماذا لو لم يرتفع سعر الحديد والخشب والأسمنت؟

ماذا لو لم يتخرج الشباب ويترمى على الدكه من غير شغل؟

ماذا لو لم تموت اكثر قصص الحب فى نص الطريق لسوء الأحوال الماديه؟

[لولا]

[سدقنى يا ياسر باشا لوحه الشرف متستحملش اكتر من اسمين mfb:

ماذا لو لم يوجد مكان لأسم سعادتك ؟ :sad:

مكنش العشم يا اختشى :sad:

كده برضه :sad:

بدل ما تقوليلى

نكتب اسمك الاول

مردودالك يا لولا :lol:

بص يا ياسر باشا عندما لا يوجد مكان لإسم سعادتك ستقوم اختك لولا

على طول بالتنازل لك عن مكانها فى لوحه عصام باشا..

وكل سنه وانت طيب :sad:

[لولا]

ماذا لو لم تكن محاورات المصريين موجوده mfb:

[الباشمهندس ياسر]

منين تلاقى حد على نياته النهارده

:lol: :sad: هو اللى بيطلب فانوس بيبقى مش على نياته mfb:

فعلا يا خوانا..الستات عايشه فى عالم والرجاله فى عالم تااااااااااااااااااااااااانى

الستات بتتكلم بالموزنبيقى عشان كده محدش بيفهمها :sad:

فينك يا ماماتى تجى تشوفى اللى بسمعه دوت mfb:

ايوه طبعا

ما هو احمد :sad: سيف بيقولك

محدش طلب مه حاجه اهو

و على فكرة انا رحت موزمبيق و جيت متعلمتش كلمتين من البرتغالى بتاعهم

و عموما انا مسافر بعد بكره ان شاء الله

و هشترى الفانوس

smk: انا اقدر اعمل حاجة تانية

:sad: مانتى عارفه اللى ممكن يحصل

فينك يا محمد تحكيلنا...

[الباشمهندس ياسر]

ماذا لو لم يفتح عصام شوقى هذا الموضوع؟

اكيد مكناش هنقعد القعده الجامده دى

ماذا لو لم نستمر فى الحلم رغم ان الحلم مش ديما بيتحقق ؟

لو بطلنا نحلم يا هنتجنن يا هننتحر

ماذا لو لم نستمر فى التعليم رغم ان التعليم عمره ما بينتهى؟

مكناش هنشوف الدنيا منورة

ماذا لو لم تكن الدنيا مليئه بالحراميه والكدابين والأشرار؟

مكناش هنلاقى حد يخش النار

مذا لو لم تكن الشوارع متكسره ومتبهدله ومن غير رصيف؟

مكنتش العربية تتبهدل كل شوية و نروح لبتاع العفشة و ندفع اد كده

ماذا لو لم ترتفع اسعار الخضار والفاكهه واللحوم؟

اكيد كنا هنوفر شوية فلوس لان طبعا مش هنبطل نشترى

ماذا لو لم يرتفع سعر الحديد والخشب والأسمنت؟

دى بقى عايزالها مقاله يا لولا اقل واجب كانت الناس هتفضل شغاله والامور ماشية والحركة متفقش و الاشية معدن على رأى اخوانا الصنايعيه و اكيد برده معدل الجريمة هيقل و معدل الجواز هيزيد و شوية حاجات تانية فى الدورة الاجتماعية والاقتصادية يتكلم فيها احمد سيف احسن منى

ماذا لو لم يتخرج الشباب ويترمى على الدكه من غير شغل؟

طب منين نجيب مهمشين او متطرفين او صيع!!!!!!!!!! صح

ماذا لو لم تموت اكثر قصص الحب فى نص الطريق لسوء الأحوال الماديه؟

مكناش هنشوف الابداع فى الاشعار والقصص بالطريقة دى

[لولا]

ماذا لو لم نكن كلنا مغتربين هنا؟ كنا حنفضل الوقت دا كله على المحاورات؟

كانت المحاورات حتبقى البيت التانى لكل واحد فينا؟

كنا حنحس بالترابط الكبير قوى بين كل اللى موجودين هنا؟

[الباشمهندس ياسر]

بص يا ياسر باشا عندما لا يوجد مكان لإسم سعادتك ستقوم اختك لولا

على طول بالتنازل لك عن مكانها فى لوحه عصام باشا..

وكل سنه وانت طيب mfb:

بصراحة

هيه هيه هيه :sad: :sad: smk:

ميهونش عليا يا لولا

برده ده كلام

و يارب لوحة الشرف تكبر شوية وتسعنا كلنا

و شكرا على المشاعر النبيلة :lol:

اهى اهى اهى

mfb: :sad: :sad: شفتوا احنا الرجاله بيضحك علينا بسهوله ازاى

[Folana]

السلام عليكم ورحمة الله....

يانهااار...يانهااار.... :lol:

بقى تأملاتى المطبخية تعمل كل ده؟؟؟

بس بجد بروا عليك يالولا....والله انا كنت لسه حأرد على عصام واقوله دى فوازير تفهمها الستات بس...ربنا يحميك يابنتى ويبعد عنك عيون الرجااال

هو فعلا شرح المعضلة بتاعتى زى ماتكرمت لولا وشرحته كده بالظبط...فيما عدا جزئية انى شلت الحلل ورحت عندها...لانها ساكنة فى الدور العلوى من نفس المنزل...يعنى اللى حصل انى شلت الحلل وصعدت الى أعلى...شوفوا قطعة النفس بقى...واللى حازز فى نفسيتى ان حتى الحلل لسه فوق لحد دوئتى مما يدل على ان لسه فيها اكل يكفى اسبوع قدام....

والسؤال اللى بيفرض نفسه...مش كان احسن انها تنزل عندى بدل الشحططة دى؟؟؟ :sad:

ما اتحرمش منك يالولا....كنت فين من زمان....ده الجماعة فى الاشراف خلالالاص زهقوا منى لانى باختصر قوى فى كلامى ..ومحتاجين مترجم...:sad: mfb:

[الباشمهندس ياسر]

بس والله انا فهمتها

من اول مرة

و ان شا الله جبش البى ام فهمتها

لدرجة ان انا كمان كان نفسى فى حلة منهم

حلة واحدة بس

بس مفيش نصيب

بالهنا والشفا للى اكل

و بالصبر و السلوى لينا

ان شاء الله

[حسام يوسف]

الظاهر ان الواحد لازم يستعين بواحدة من الجنس اللطيف علشان تفسر له كلام واحدة ثانية من الجنس اللطيف ، مايتصرفش من نفسه ، لأن اللغة مختلفة :sad: mfb:

بصو يا جماعه انا كنت حزعل والله..بعدين قلت لنفسي يا بنت يا لولا بلاش تظلمى الناس

رحت ندهت على جوزى عشان يشوف كلام فلانه هانم من غير ما افهمه خلفيات

الموضوع .. واذ بى اوفاجأ انه مفهمش حاجه :lol:

واذ بى الاقى نفس بقول ياااااااااااااااااااااااااااااارب ليه بس كده.

ليه يارب خلتنا نفهم كده زياده عن اللزوم :sad:

شفتى بقى يا لولا

أهو مش بس الفاضل محمد وياسر وانا وأى راجل مفهمش قصدكم النبيل

حتى زوج حضرتك مفهمهاش

مش بقولك احنا غلابة جنبكم :sad:

[لولا]

السلام عليكم ورحمة الله....

يانهااار...يانهااار.... :sad:

بقى تأملاتى المطبخية تعمل كل ده؟؟؟

بس بجد بروا عليك يالولا....والله انا كنت لسه حأرد على عصام واقوله دى فوازير تفهمها الستات بس...ربنا يحميك يابنتى ويبعد عنك عيون الرجااال

هو فعلا شرح المعضلة بتاعتى زى ماتكرمت لولا وشرحته كده بالظبط...فيما عدا جزئية انى شلت الحلل ورحت عندها...لانها ساكنة فى الدور العلوى من نفس المنزل...يعنى اللى حصل انى شلت الحلل وصعدت الى أعلى...شوفوا قطعة النفس بقى...واللى حازز فى نفسيتى ان حتى الحلل لسه فوق لحد دوئتى مما يدل على ان لسه فيها اكل يكفى اسبوع قدام....

والسؤال اللى بيفرض نفسه...مش كان احسن انها تنزل عندى بدل الشحططة دى؟؟؟ smk:

ما اتحرمش منك يالولا....كنت فين من زمان....ده الجماعة فى الاشراف خلالالاص زهقوا منى لانى باختصر قوى فى كلامى ..ومحتاجين مترجم...:) :lol:

اختى الحبيبه فولانه شفتى اللى حصلى فى غيابك :sad:

طلعونا ستات بنتكلم هيروغليفى ومحدش بيفهم كلامنا

ومحتاجين مترجم لكل ست تكون ست زيها :sad:

المهم انا كنت صايمة واحتسبت الأجر عند الله. وخلاص نسيت الموضوع.

انما الموقف كله رجعلى ذكريات جميله موت مع حماتى mfb:

فى يوم من الايام فى سالف العصر والأوان كانت فى عروسه حلوه اسمها

لولا حبت تعزم حماتها عزومه معتبره وفضلت من قبلها بيوم وهى بتطبخ وتجهز على

اساس بقى تورى حماتها شطارتها وتعرفها ان ابنها فى ايد امينه..(الى هى ايدى :sad: )

المهم الطبيخ عال العال والبيت عال العال والورد فى كل حته والإستقبال

مفيش احسن من كده والأكل اتحط بالدقيقه ع السفره والبنيه الغالبانه- اللى هيا انا mfb: -

تغرف وتحط ..وكلى يا طنط ودوقى يا طنط .. وطنط وحياتك ولا كلمه..

ولا حتى تسلم ايديك يا لولو ولا حتى بالكدب .. والموقف كان كالآتى

حماتى تاكل وجوزى يقولى تسلم ايدك ..بيحاول يطرى الموقف شويه

بس ولا الهوا... الست كانت بتعاملنى على اساس انى ضرتها وطبخت حاجه حلوه

مش مراة ابنها.

السؤال الذى يفرض نفسه ..ماذا لو نطقت كلمتين حلوين من ورا قلبها؟

ماذا لو كل حماه تفتكر انها فى يوم من الأيام كانت عروسه وخدت برده واحد

من حضن مامته؟

ماذا لو تغيرت خريطه علاقه البنت بحماتها الى علاقه ام ببنتها الجديده؟

ياترى مستحيل الحاجه دى تحصل ؟؟ ولا دى احلالالالالالالالالالالالام mfb:

[الباشمهندس ياسر]

السؤال الذى يفرض نفسه ..ماذا لو نطقت كلمتين حلوين من ورا قلبها؟

ماذا لو كل حماه تفتكر انها فى يوم من الأيام كانت عروسه وخدت برده واحد

من حضن مامته؟

ماذا لو تغيرت خريطه علاقه البنت بحماتها الى علاقه ام ببنتها الجديده؟

ياترى مستحيل الحاجه دى تحصل ؟؟ ولا دى احلالالالالالالالالالالالام :sad:

طب تقولى ايه لو عرفتى ان ماما بتعامل خطيبتى

بالطريقة دى اللى انتى بتتمنيها

لدرجة انى فكرت هى ماما ليه بتعاملها كويس

و مبتعملش زى بقية المامات

لدرجة انى قولت فى سرى

هى ماما عايزه تخلص منى ولا ايه mfb: :lol: :sad:

[حسام يوسف]

ماذا لو لم نكن كلنا مغتربين هنا؟ كنا حنفضل الوقت دا كله على المحاورات؟

كانت المحاورات حتبقى البيت التانى لكل واحد فينا؟

كنا حنحس بالترابط الكبير قوى بين كل اللى موجودين هنا؟

والله يامدام لولا

أنامش مغترب

(للأسف mfb: )

وبعتبر المحاورات بيتى الاول فعلا

[Alshiekh]

طب تقولى ايه لو عرفتى ان ماما بتعامل خطيبتى

بالطريقة دى اللى انتى بتتمنيها

لدرجة انى فكرت هى ماما ليه بتعاملها كويس

و مبتعملش زى بقية المامات

لدرجة انى قولت فى سرى

هى ماما عايزه تخلص منى ولا ايه mfb: :lol: :sad:

كل شيئن حايبانن لما تنتقل للبيت الثانن

ماتستعجلشن

[لولا]

طب تقولى ايه لو عرفتى ان ماما بتعامل خطيبتى

بالطريقة دى اللى انتى بتتمنيها

لدرجة انى فكرت هى ماما ليه بتعاملها كويس

و مبتعملش زى بقية المامات

لدرجة انى قولت فى سرى

هى ماما عايزه تخلص منى ولا ايه mfb: :lol: :sad:

كل شيئن حايبانن لما تنتقل للبيت الثانن

ماتستعجلشن

تسدق انا كنت لسه عايزه اقوله ان حماتى كانت بتحبنى

طول فتره الخطوبه :sad:

وبعد كده قلبت 50% بعد كتب الكتاب :sad:

وبعد كده 180% بعد الجواز :sad:

[الباشمهندس ياسر]

يا جماعه متقولوش كده

انا وضعى مختلف .. طالع يمين شوية انا عارف...

ماما بتحبنى جدا و مش ممكن تزعل خطيبتى اللى هتبقى مراتى ان شاء الله

[Scorpion]

أسخف سؤال يمكن أن يخطر ببالك هو ذلك الذى يبدأ بــ"ماذا لو لم؟" ..

سؤال من النوع اللى بيشغل البال ..

النوع اللى بيجيب صداع ..

بس صداع من نوع ظريف ... بيشغل الدماغ ويفتح الأفق ..

نسأل بقى .. والرد يجب ألا يقل عن 3 نتايج لكل سؤال:

1. ماذا لو لم يكن هناك دولة تسمى إسرائيل؟

2. ماذا لو لم تقم الثورة؟

3. ماذا لو لم يمت السادات؟

4. ماذا لو لم تحدث حرب أكتوبر؟

5. ماذا لو لم يكن هناك أحداث 11 سبتمبر؟

....................

رمضان كريم .. mfb:

أنا بقي يا عصام مش عايز اضيف لولوة .... انا عايز أرد علي اللي فاتوا دول :

الأجابة علي السؤال الأول

1. ماذا لو لم يكن هناك دولة تسمى إسرائيل؟

الرد ببساطة انه مش حيكون فيه لازمة للسؤال التاني و التالت و الرابع

لأنه لو ما قامتش اسرائيل .... ما كانش حيبقي فيه حرب 48.... و لو مافيش حرب 48 ما كانش حيبقي فيه قضية الأسلحة الفاسدة و لا فاتن حمامة و لا محمود المليجي .... و لو ماكانش فيه ده .. الملك فاروق كان حيفضل علي العرش ... و الأنقلاب عليه عمره ما كان حيحصل .... و لو الأنقلاب عليه ما حصلش جمال عبد الناصر كان حيفضل مجرد بكباشي .... و لا كان فيه حاجة أسمها ثورة 23 يوليو و لا يحزنون ... و لو ما قامتش الثورة عمر ما مصر ما كانت حتبقي جمهورية و لا عبد الناصر ما كان حيبقي رئيس الجمهورية و كان زمان ملكنا دلوقتي أحمد فؤاد بدل ما هو متشحطط ما بين فرنسا و موناكو .... و لو عبد الناصر ما بقاش رئيس جمهورية عمره ما كان حيعين نائب .... و لو ما فيش نائب يبقي السادات عمره ما كان حيبقي ريس و لا كان حيموت مقتول .. بالكتير كان حيستقيل من الجيش و يشتغل مقاول عمارات .... و لو ما كانش السادات الريس عمره ما كان حيكون فيه حرب أكتوبر .. لأن اسرائيل مش موجودة اساسآ عشان يحاربها .....

اما السؤال الخامس و الخاص ماذا لو لم يكن هناك أحداث 11 سبتمبر؟

فالأحتمالات التلاتة المطلوبة هي إن أمريكا كانت حتأجلهم ل:

- 22 نوفمبر

- 7 يناير

- أو بالكتير 4 مايو ( لأن صلاحية بن لادن كانت حتنتهي 6 مايو )

كسبت حاجة ؟؟؟؟

مساء الفل

[Scorpion]

أبلة فولانة كتبت :

والسؤال اللى بيفرض نفسه...مش كان احسن انها تنزل عندى بدل الشحططة دى؟؟؟

اشكري ربك يا مدام فولانة ... اعرف انا واحد كان حيقتل حماته علشان حلة محشي .... ايييييييه اياااام