انثى والا مسترجلة...!!!!!!!؟؟

[White heart]

أتفق تماما مع رأى العزيز Faro ...

فهناك من سوف يعرف الأنوثة "بعينة"، و هناك من يعرفها ب"عقلة"، و أخر سيعرفها ب"قلبة"....الخ...الخ...الخ

ففى النهاية لا يوجد معنى للحياة بدون أنثى....

حتى و لو كانت انثى العنكبوت أو أم أربعة و أربعين

[Farah]

أنا ماعنديش إجابة لكن بأضيف على تساؤلك تساؤل تاني دايماً بييجي على بالي.

ليه اسم الأم مش بيتكتب في البطاقة الشخصية ... يعني ازاي الواحد يقدر ينوب عن أمه (سواء لمرضها أو كِبَر سنها أو حتى بدون سبب إلا إنه عايزها تستريح) في موضوع رسمي و هي مش مذكورة إلا في شهادة الميلاد .. و فيها إيه لما يكتبوا اسم الأم في البطاقة مع إن فيه سطر طوييييييييييييل لإسم الأم و كاتبين محل الميلاد فيه لإن السطر اللي بعده مش مكَفٍي. :?

آسف يا دكتورة للخروج عن الموضوع ... مش هاعمل كده تاني :oops: :oops: :oops:

تعرف دا الحاجه الثانيه ان انا طول عمري بحب اسم والداتي جد اقصد النطق به ولاننا ليس بحاجه لاستخدامه ولا حد يجراء ان يساللك عليه

يمر العمر واعز اسم في الوجود ممكن لا تساعدك الظروف علي النطق به وش منقوط اتحرم من لذت النطق باسم امه

[amir]

رحت أشرب فنجان قهوه ورجعت لقيت الموضوع كبرو دخلنا فى تعريف الأنثى واسم الأم الظاهرأنى محتاج فنجان تانى

شوفى يا ستى ...تعريف الأنثى و كما ذكر الأخوه سابقا يختلف من شخص لآخر و لكن هذا لا ينفى كونها أنسان كامل و متكامل عن الراجل بالرقه و العاطفه التى تؤهلها لحب أبنائها و التضحيه برحتها من اجل اسرتها الصغيره...و اذا فقدت الأنثى رقتها فقدت جزء كبير من انوثتها ، اما الجمال فهو مسأله نسبيه

اما أسم الام فحقيقى مش فاهم ليه احنا بنتكسف منه و لا نذكره مثلا فى البطاقه الشخصيه أو الباسبور مع انه قد يكون عامل اساسى لتحديد هوية الشخص نتيجه لتشابه الأسماء و نهتم مثلا بذكر اشياء ليست ذات اهميه زى العنوان اللى ممكن يتغير أو الديانه وهى عادة تكون واضحه من الأسم ... يمكن تخلف منا أو زى ما قلت الأول مفهوم ان المرأه عوره اللى مسيطر على فكرنا حتى وصلنا لأن أصبح أسم الأم عوره يجب أخفائه

لكن الغريب انه فى بداية الدعوه كانت تذكر أسماء النساء بلا خجل و منها تلقينا الكثير من الأحاديث على لسان السيده عائشه و عرفنا أسماء زوجات الرسول صلى الله عليه و سلم ، و معظم القصص الاسلاميه لا تخلو من أسم صحابيه أو زوجة صحابى رضوان الله عليهم جميعا ، و كانت النساء يسألن الرسول فى أدق التفاصيل و لم يكن هناك هذا الخجل المصطنع ـ كما نعيشه هذه الايام !!

لكن انظرى اذا كان أحدهم يريد الحصول على راتب زوجته أو ميراثها فهو على أتم استعداد لكتابة أسم زوجته فى كل الأوراق و المعاملات و ممكن يعلق يافطه بالبنط العريض مكتوب فيها " أنا فلان الفلانى زوج فلانه الفلانيه ... بس هاتوا الميراث "

نرجع بعد القهوه

سلام

[Spider]

Spider كتب:

مصطفى ولا فوزى؟؟؟!!!

حد فاكر فوزى اللى كان فوزية وبعدين بقدرة قادر بقى فوزى؟؟؟

حد فاكره؟؟؟

طبعا يا عزيزى،

الفنانين معالى زايد و محمود عبد العزيز فى فيلم "الشقة من حق الزوجة"

أيضا المشهد الممتع للثلاثى، ....

....."انا اسمى ...سوسن.....و بدلعونى يقولولى يا....."

تصحيح بسيط

هو فيلم سيداتى وسادتى وليس الشقة....

فوزى أبو رجل حلوة

"وش الأفلام كلت عقله"

[Cleo]

Spider كتب:

مصطفى ولا فوزى؟؟؟!!!

حد فاكر فوزى اللى كان فوزية وبعدين بقدرة قادر بقى فوزى؟؟؟

حد فاكره؟؟؟

طبعا يا عزيزى،

الفنانين معالى زايد و محمود عبد العزيز فى فيلم "الشقة من حق الزوجة"

أيضا المشهد الممتع للثلاثى، ....

....."انا اسمى ...سوسن.....و بدلعونى يقولولى يا....."

تصحيح بسيط

هو فيلم سيداتى وسادتى وليس الشقة....

فوزى أبو رجل حلوة

"وش الأفلام كلت عقله"

تصحيح التصحيح...

هو فيلم "السادة الرجال.....

[White heart]

سبايدر كتب:

تصحيح بسيط 

هو فيلم سيداتى وسادتى وليس الشقة.... 

فوزى أبو رجل حلوة

بينى و بينك، انا و انت محتاجين تصحيح:

لأن الفيلم هو....و اضغط على الصورة للتأكد....

[White heart]

Cleo كتبت:

تصحيح التصحيح...  

هو فيلم "السادة الرجال.....

ما شاء الله عليكى....

أدى فايدة اللى متأكد من ذاكرتة، مش اللى بضيع وقتة فى البحث و التأكد....سبقتينى...

لكن معلهش....خيرها فى غيرها

[بنت شعنونة]

امال هما بقى ضحكوا علينا لما قالولنا ان الأنثى

صوتها رقيق ك الهمس

وضحكها ناعمة لا تسمع

وعيناها ع الأرض

و وجنتاها تحمر من اقل كلمة جميلة

وتكتم غضبها دون اللسان

و غيره وغيره

كل دا ضحكوا علينا فييييييييييه؟؟؟؟؟؟؟

[جـورج]

امال هما بقى ضحكوا علينا لما قالولنا ان الأنثى

صوتها رقيق ك الهمس

وضحكها ناعمة لا تسمع

وعيناها ع الأرض

و وجنتاها تحمر من اقل كلمة جميلة

وتكتم غضبها دون اللسان

و غيره وغيره

كل دا ضحكوا علينا فييييييييييه؟؟؟؟؟؟؟

الاخت الفاضله

قرأت موضوعك باهتمام و المواصفات اللى ذكرتيها فى مداخلتك هى المواصفات اللى بيتمناها كل راجل فى البنت اللى يفكر انه يتجوزها

الرقه و الخجل هى الصفات المطلوبه بالاضافه لبعض المواصفات الخاصه اللى بتختلف من شخص لاخر فهناك من يفضلها مثقفه و اخر يريدها بتفك الخط ثم تأتى مواصفات زى طويله و قصيره و تخينه و بيضا و سمره

طيب ايه رايك تعملى استفتاء بين الشباب عن مواصفات الانثى و مين من الممثلات تمثل هذا النموذج

يعنى يقول الممثله فلانه فى الفيلم الفلانى ممكن مصريه او اجنبيه

ايه رايك

[Spider]

كليو

تصحيح التصحيح...

هو فيلم "السادة الرجال.....

يا كليو شكرا جزيلا

معلش هو ساعات الواحد بيفتكر نفسه عنتر ويلاقى لسانه بيكلوا ويروح دابب كلام وبعدين يعرف أنه حتى محصلش عبلة

شكرا على تصحيح التصحيح وجعلك الله زخرا لنا

ومعلش يا أخ وايت هارت.. كليو كشفتنى بس والله مكنش قصدى.. جيت أكحلها عمتها..

(وش مفروس من كليو)

[Cleo]

(وش مفروس من كليو) 

وش فرحان فى سبايدر......

[kokowawa1979]

سبايدر كتب : 

مصطفى ولا فوزى؟؟؟!!! 

حد فاكر فوزى اللى كان فوزية وبعدين بقدرة قادر بقى فوزى؟؟؟ 

حد فاكره؟؟؟

اللي أنا فاكره إن كان فيه طالب في كلية طب الأزهر شعر في يوم بتوهج مشاعر الأنوثة داخله ( فسيولوجيا يعني ) فجأة قرر التحول إلى أنثى بعمليه جراحية وكانت تلك الحالة الأولى في مصر وهاجت الدنيا وماجت ( يعني لا الست عاجبها تبقى ست ولا الراجل عاجبه يبقى راجل) ( وش واحد أصلع وشعره منكوش) وصدر قرار من الأزهر بفصل الطالب سيد الذي أصر على موقفه وتحول بالفعل إلى سالي وصدر قرار من المحكمة بإلغاء قرار جامعة الأزهر بفصل الطالب سيد الذي تحول إلى سالي حتى أنه كان يطلق على اي شاب مايع في تلك الفترة لقب سالي عليه للتدليل على انوثته -المهم تحول سيد إلى سالي وبالتالي تحولت سالي إلى كلية طب بنات الأزهر وتخرجت

تفتكروا سيد عمل كدة ليه ؟؟؟؟؟؟

المفاجأة سالي تخرجت من كلية طب الأزهر وكان أول قرار لها هو التقدم لنقابة المهن الفنية للحصول على ترخيص علشان تشتغل رقاصة أي والله العظيم هذه القصة حقيقية وليست فيها أي مبالغة

وسالي الآن راقصة مشهورة في فنادق الخمس نجوم

الخلاصة مفيش داعي للست تشعر انها مسترجلة لإن ممكن تعمل زي ماعمل سيد وتحول لسالي ولكن العكس سوف تتحول هي إلى

توفيق الدقن أو محمود المليجي يرحمهما الله

ولاداعي للإسهاب في مظاهر الرجولة من جانب الإناث

[crossfield]

أنوثة ...أنوثة...أنوثة...

عدت عليه قبل كده الكلمة دى :D

الأنوثة نسبية ...يعنى خلينا نتكلم عن الشخصية من الداخل ...

البنت زمان كانت ست بيت و بس و بالتالى كانت هادية و رايقة و حاضر و نعم و بس.

لكن من ساعة ما الله يسامحه بقى قاسم أمين عمل عملته السودا فبقت الست نصها ست و نصها راجل غصب عنها . صعب ان البنت دلوقتى تبقى رومانسية قوىىىىىى و حالمة قوىىىىى و ضعيفة خاااااااااالص . مفهوم الأنوثة اتغير كتيييييير و بقى لا يخلو من مسحة رجولة.

وش الآنسة حنفى.

[لماضة مصرية جدا]

السلام عليكم و رحمة الله و بركاته

موضوع توحفة جدا

انا شخصيا متربية مع ولدين اكبر مني....و كنت الواد بلية اللي متشعلق في ايديهم في الرايحة و في الجاية

مقدرشي انكر ان ده اثر علي شخصيتي.....يعني مش بضرب لخمة مثلا لما بكون في موقف فيه رجالة

و اصلا شغلي دلوقتي كله رجالة.....فتقريبا كده انا ابتديت احس اني خلاص هتحول...(وش كائن اخضر من بتوع الكارتون)

بس البنت احيانا بتتحط في مواقف لازم تتصرف انها راجل.....بمعني انها تكون شديدة و حاسمة....و لو ممكن عنيفة

اللي عايزة اساله

يا تري الاولاد....يعني الشوباب....احسن حد يفتكر اني بتكلم ع الجيل اللي كان لابس شورت و طربوش

يا تري انت بتقلق لما بتقابل بنوتة زي كده؟؟؟؟

طب بتقرب....طب بتصعب عليك....علي اعتبار انها عندها فيونكة متاصلة مثلا؟؟؟

و لا ايه رايك فيها؟؟؟؟

طب كنت مرة قريت ان كل جوه واحد راجل فيه صفات بنت...و جوه كل واحدة بنت فيه صفات راجل....يا تري بتحس بكده

بس خلاص

مسااااكم رجولة....و انوثة....يكملوا بعض

ع جنب بقي

سلامي......اوي جدا...خالص.....للبنت الشعنونة....صاحبة التلقائية اللي صعب تتنسي

[لونا]

أفتكر و أنا بنت 12 أو13 سنة.. كانت أمي دايمًا تنبهني .. وطي صوتك.. ضحكتك ناعمة أوي ..

و طول الفترة دي كنت باشتغل على إني أعدل طبقات صوتي و ضحكتي .. عشان تكون NEUTRAL لا هي ناعمة و لا خشنة

طيب خدوا بالكم كدة .. صوت البنت السعودية غالبًا ناعم جدًا .. و فيه دلع جامد..

يعني تلاقي البنت بترد في التليفون و لا هيفاء وهبي.. و لما تشوفها تلاقيها عااااادية جدًا

و ده في رأيي لأنها مش محتاجة إنها تتعامل مع رجالة غير محارمها

[MZohairy]

أكتر حاجه تثير الأسى لما تلاقي واحده ست نسيت انها ست و استرجلت

سواء في كلامها او تعبيراتها او كتابتها او مشيتها او صوتها ........

اذا تخلت الست عن رقتها صعب قوي ترجع ست تاني حتى لو حاولت

و كان الله في عون من يعاشرها سواء زوج او اولاد

شيئ وحش ان راجل يلاقي نفسه متجوز راجل و عيال يلاقوا ابوهم و امهم رجاله

[Simba]

مفيش اجمل من ان البنت تكوني علي طبيعتها

لا هي مسترجلة ولا هي متسهوكة

وزي ما نزار قباني قال

أريدكِ أنثى

كما جاءَ في كتبِ الشعر منذ ُ ألوفِ السنينْ

وما جاءَ في كتبِ العشق ِ والعاشقينْ

وما جاءَ في كتبِ الماءِ .. والوردِ .. والياسمينْ

أريدكِ وادعة ً كالحمامهْ ..

وصافية ً كمياه الغمامهْ ..

وشاردة ً كالغزالهْ ,

ما بين نجدٍ .. وبين تهامه

اما ده بقي مثال حي للسهوكة :blink:

مع خالص احترامي للقصيدة :closedeyes:

http://www.youtube.com/watch?v=O1bjFsgzoaw

[اغابي]

مفيش اجمل من ان البنت تكوني علي طبيعتها

لا هي مسترجلة ولا هي متسهوكة

وزي ما نزار قباني قال

أريدكِ أنثى

كما جاءَ في كتبِ الشعر منذ ُ ألوفِ السنينْ

وما جاءَ في كتبِ العشق ِ والعاشقينْ

وما جاءَ في كتبِ الماءِ .. والوردِ .. والياسمينْ

أريدكِ وادعة ً كالحمامهْ ..

وصافية ً كمياه الغمامهْ ..

وشاردة ً كالغزالهْ ,

ما بين نجدٍ .. وبين تهامه

اما ده بقي مثال حي للسهوكة :blink:

مع خالص احترامي للقصيدة :closedeyes:

http://www.youtube.com/watch?v=O1bjFsgzoaw

مش ممكن يا سمبا ضحكتنى اوى بالفيديو اللى حاطه انت مشكلة بجد

هى فعلا صوتها لسة صاحية من النوم وما تسطش وشها بشوية مية

فاكرة يا مصر وكمان ايه مش متناسبة ابدا مع الصور الحمشة للمعارك و لنصر اكتوبر

يا خبرررر ضحكتنى يا سمبا

فعلا هى المفروض لا تبقى مسترجلة ولا مسهوكة - خليكي على طبيعتك

[MZohairy]

مفيش اجمل من ان البنت تكوني علي طبيعتها

لا هي مسترجلة ولا هي متسهوكة

وزي ما نزار قباني قال

أريدكِ أنثى

كما جاءَ في كتبِ الشعر منذ ُ ألوفِ السنينْ

وما جاءَ في كتبِ العشق ِ والعاشقينْ

وما جاءَ في كتبِ الماءِ .. والوردِ .. والياسمينْ

أريدكِ وادعة ً كالحمامهْ ..

وصافية ً كمياه الغمامهْ ..

وشاردة ً كالغزالهْ ,

ما بين نجدٍ .. وبين تهامه

اما ده بقي مثال حي للسهوكة :blink:

مع خالص احترامي للقصيدة :closedeyes:

http://www.youtube.com/watch?v=O1bjFsgzoaw

مش ممكن يا سمبا ضحكتنى اوى بالفيديو اللى حاطه انت مشكلة بجد

هى فعلا صوتها لسة صاحية من النوم وما تسطش وشها بشوية مية

فاكرة يا مصر وكمان ايه مش متناسبة ابدا مع الصور الحمشة للمعارك و لنصر اكتوبر

يا خبرررر ضحكتنى يا سمبا

فعلا هى المفروض لا تبقى مسترجلة ولا مسهوكة - خليكي على طبيعتك

ما هي يا أغابي المصيبه لما بتكون فاكره نفسها ست و بتتصرف و بتتعامل مع ولادها و جوزها و معارفها زي ناظرة المدرسه او ظابط التجنيد

المصيبه ان تكون لا تعلم و لا تعلم انك لا تعلم

[Simba]

يا خبرررر ضحكتنى يا سمبا

أن شاء الله دايما تكوني بتضحكي ومبسوطة

تم تعديل 8 ديسمبر 2010 بواسطة سمبا