طلب من اهل الامارات

[samooo]

السلام عليكم

ليا طلب من الاخوة الموجودين فى الامارات .. عاوز اعرف سعر الفيزا الزيارة من الامارات بكام لانى دلوقتى بدور على فيزا زيارة ان شاء اللة

..لانى سمعت ان نظام الفزيا اتغير وحاجات كدة

رجاء الرد للاهمية

[dino2010]

هسأل وارد عليك بكره ان شاء الله

و ان شاء الله حد يرد عليك من الاخوه

[alaashabana]

samooo مشاركة بتاريخ اليوم, 01:04 AM

السلام عليكم

ليا طلب من الاخوة الموجودين فى الامارات .. عاوز اعرف سعر الفيزا الزيارة من الامارات بكام لانى دلوقتى بدور على فيزا زيارة ان شاء اللة

..لانى سمعت ان نظام الفزيا اتغير وحاجات كدة

رجاء الرد للاهمية smile.gif

اية يا اخ سامو طلباتك بقيت كتيرة لية؟؟

على العموم اانا هقولك كل المعلومات اللى عندى لعلك تستفاد والله الموفق

بص يا سيدى انا كنت اعرف من شهر ان الزيارة ممكن اى حد يعملهالك من هنا ب 1500 درهم او 1200 حسب المكتب وكدة.. طبعا فية مكاتب متوفرة للحاجات دى بس مش كتير اوى ..

المهم ان لو كان ليك حد بيعملك الزيارة وبتطلع فى خلال اسبوع..بس متهيالى بياخد ضمان من اللى هيطلعهالك من هنا تقريبا 5000 درهم بس انا اعرف مهندس زميلى فى الشغل عمل زيارة لقريبة ومش دفع اى ضمان علشان يعنى هو مهندس ووضعة كويس.. لكن مثلا لو عامل اى اى شغل تانى ممكن ياخد ضمان.

المهم ان الكلام دة كلة اتغير من بداية شهر 8

الاول المكتب اللى اى زميل ليك هنا فى الامارات بيتاعمل معاه كان المكتب بيطلع الفيزا لنفية ب 150 درهم او 200 درهم وكان بيبعها 1500 او 1200 درهم

لكن دلوقتى الفيزا اللى بيطلعها المكتب انفسة بقيت ب 1000 درهم يعنى ان شاء الله هيبعها للناس اقل حاجةب 2000 او 2500 ان لم تكن اغلى ..

دى المعلومات اللى انا اعارفها غير كدة كمان فية قانون نزل جديد ان اى حد زيارة ولاقى شغل مش هينفع الفيزا الزيارة تتحول الى فيزا عمل على طول ولكن لازم يغادر البلاد مدة لا تقل عن شهر والكفيل هو اللى يبعتلك من الاول فيزا عمل ان شاء الله..

المهم ... انا لما جيت هنا جيت عن طريق فيزا زيارة ولكن طلعتها من مصر وهقولك على الطريقة.

انا روحت لشركة سياحة وقولتلهم انى عاوز فيزا زيارة للامارات ..هما قالو هيطلعوها ب 70دولا تقريبا ب 400 جنية الفيزا دة لمدة شهرين وبتتجدد شهر كمان من الامارات ب 500 درهم

الفيزا دى شركة العربية للطيران هى اللى بتطلعها وبتديها لمكاتب السياحة بشرط:

1- لازم يكون فية ضمان مادى 10000" عشرة الالف جنية مصرى) كاش او بشيك او بخطاب ضمان من البنك

حضرتك بتدى الفلوس دى لمكتي السياحة.. دة بيبقى اثبات انك هترجع لما تخلص الزيارة فى حالة عدم تغير الفيزا اى فيزا عمل يعنى فى حالة انك ملقتش شغل

2- حضرتك تحز تيكت طيران على الشركة العربية ذهاب وعودة

هقولك تانى بالتفصيل

انت لو معاك 10 الالف جنية فى البنك بتروح البنك وتقولهم عاوز خطاب ضمان باسم الشركة السياحة اللى انت هتطلع الفيزا من عندهم .. وتدفع للشركة 400 جنية بس انا سمعت انها بقيت دلوقتى غالية بقيت ب 900 او 700 جنية تقريبا

بعد كدة شركة السياحة هتديك الفيزا بعد اسبوع او10 ايام ولكن لازم قبل ما تديك الفيزا تحجز على طيران العربية ذهاب وعودة..

بعد كدة انتى بتسافر عادى ومش محتاج حد يقابلك بفيزا فى المطار ولا حاجة لان الفيزا اللى انت هتاخدها فيزا اصلية وعلى كفالة الشركة العربية للطيران..

انت بتيجىهنا تدور على شغل .. لو ربنا وفقك ولاقيت شغل يبقى كويس .. وانت بقى تشتغل لغاية ميعاد انتهاء فيزا الزيارة وترجع مصر تانى فى ميعاد الرجوع .. علشان تاخد خطاب الضمان من شركة السياحة او تاخد الفلوس اللى انت سيبتها هناك..

بعد كدة الكفيل لو متمسك بيك هيبعتلك فيزا عمل وتقدر تسافر تانى ودة حسب القانون الجديد اللى نزل شهر اغسطس..

فية حاجة كمان

نفترض بعد الشر انك مش لاقيت شغل فى خلال شهربن بتوع الزيارة..

يبقى انت هتجدد الزيارة ب 500 درهم او تغادر بلد اسنها " كيش" على الحدود الايرانية وحد يبعتلك فيزا تانى من الامارات .. بكدة ان شاء الله حضرتك تبعت ختم الدخول والخروج من كيش او الزيارة الجديدة لشركة السياحة اللى فى مصر علشان يبقى هما خلو مسئوليتهم منك وتقدر تاخد خطاب الضمان اللى انت سيبته عندهم او حد يروح ياخد فلوسك من عندهم..

ايارب اكون افدتك وانا تحت امرك فى اى معلومة

[samooo]

شكرا جدا ليك ياباشا على ردك ..بس انا دلوقتى عاوز افهم يعنى ياة لو لاقيت شغل اطلع وادخل البلد بعد شهر ..طيب وانا اضمن منين ان الراجل صاحب الشغل حيستنانى الفترة دى كلها ...وبعدين اشمعنى شهر .. ياريت ياباشا تقولى ..او اى حد من المقيقمين فى الامارات..

[alaashabana]

بص يا باشا ...

الاول زى ما انا جيت وكل الناس جات لما كنا زيارة ولقينا شغل عملنا تعديل وضع للزيارة وبقيت اقامة من غير ما نغادر البلد ولا حاجة .. يعنى مجرد الكفيل بيعملك تعديل وضع ب 500 درهم بيتخصموا من مرتبك ان شاء الله..

لكن للاسف الشديد فية قانون نزل من 1/8/2008 القانون دة بيقول ان اى حد زيارة مش ينفع يعمل تعديل وضع الى فيزا عمل الا لما يغادر البلاد لمدة شهر كامل وبعد كدة الكفيل يبعتلك فيزا العمل وتيجى حضرتك تانى...

طبعا القانون دة كويس لاهل البلد اللى هو احنا علشان دة هيزيد من المرتبات .. لان زى ما حضرتك قولت الكفيل مش ممكن يستنى على واحد شهر كامل خصوصا لو كان محتاج حد يشتغل فى ساعتها.. وبكدة هيضطر ان يجيب من اللى جوة البلد اللى هى الفيزا بتاعته اقامة زيقدر يعمل تنقل كفالة ..

بس انا شوفت ناس كانت زيارة ولما عملوا مقابلة واشتغلو المدة الباقية من الزيارة واثبتوا وجودهم الكفيل ساعتها مش بيبقى عاوز يستغنى عنة وبكدة بيبعتلة فيزا عمل ...

انا عارف ان للاسف القانون دة بقى مش كويس للزيارات .. علشان كدة احنا هنا بقينا مجبرين على الشغل اللى احنا فية حتى لو وحش لغاية ما تيجى فرصة تانية واقدر ادفع ثمن الحرمان بدل ما اكنسل واجى تانى على زيارة

يعنى الاول لو الواحد جاب اخرة ممن الشغل وعاوز يمشى والكفيل مش عاوز يديلة نقل كفالة كنا بنكسل وناخد حرمان شهور ونيجى تانى بزيارة وندور من تانى..

لطن دلوقتى هنضطر اننا نستنى لغاية ما نلاقة فرصة تانية وممكن ندفع 5000 درهم ونشيل الحرمان وننقل كفالة عادى .. يعنى المشكلة كلها فىالفلوس

لكن دلوقتى بقيت المشكلة انك لازم تغادر البلد شهر وبعد كدة الكفيل يبعتلك فيزا عمل ..

يارب اكون وفقت فى انى افيدك بالمعلومات .. وانا تحت امرك يا بوب

[زياد عزالدين]

السلام عليكم ورحمة الله

الاخ الفاضل علاء

لي سؤال بخصوص فيزة الزيارة على طيران العربية

لو فرضنا اني نزلت الامارات بفيزة زيارة وانا ماليش حد هناك خالص

ازاي اقدر احصل على سكن هناك ليلة وصولي؟

هل هناك فنادق مثلا او وسيلة معينة للحصول على سكن؟