عايز أغير مهنه ينفع ولا ماينفعش ؟؟؟؟؟؟؟؟؟؟؟؟

[eng hoss]

والله يا أخوانى أنا حظى وحش

كنت فى جده من 7 سنين بمهنه عامل وحاولت اغير منفعش

ولما اتجوزت نزلت نهائى بسبب موضوع الاستقدام ده

وللاسف رجعت تانى من سنه على جده ايضا وبمهنه عامل شحن وتفريغ

وكان فى دماغى ان الموضوع ده اكيد اتلغى لأنه مش منطقى يعنى العامل مالوش نفس مثلا

ثم ان معروف اللى بيدخل عامل بيشتغل حاجه تانيه لكن للأسف نفس النظام الغريب ممنوع الاستقدام

انا المؤسسه عندى صغيره يعنى اقل من 10 افراد يعنى ملهاش نسبه سعوده والكلام ده

خلينا فى المهم انا سألت واحد معقب فى التلفون قلتله انا معاى شهاده بكالوريوس تجاره وعايز

اغير مهمه ل محاسب او مندوب قاللى المهنتين اتسعودوا وانت مينفعش تغير مهنه بالشهاده دى

ولازم تزور شويه شهادات من مصر وكلام يعقد كده مش عارف الكلام ده صح ولا المعقب ده على قده

اللى عنده حل للموضوع ده ياريت ينورنى او يقوللى على معقب يكون كويس

ياما هاضطر اسفا انى ادفع رشوه لمكتب استقدام 12000 ريال

وتحيــــــــــــاتى للجميــــــــــع

[se_ Elsyed]

تخيل إن تغيير المهنة ممنوع قانوناً ؟

لكن بيتم جهاراً نهاراً .... عشان الناس تسترزق

في حالتك ممكن تغيرها لأخصائي تسويق ... أو لو عندك معقب مخلص من الأخر ممكن تحصل على شهادات خبرة في البرمجة او تحليل النظم من مصر ويغيرها لك محلل أو مبرمج ...

إبعد عن موضوع الرشوى بتاعت الإستقدام لإن لها عوواقب وخيمه ... واعرف حالات كانت مهنتهم عامل ولما جه يجدد الأقامة حجزوا جوازه وإقامته واتحقق معاه عن الكيفية التي عمل بها إستقدام بالرغم من إن مهنته عامل ... وبالتأكيد هايتضغط عليه عشان يعترف على باقي العصابة اللي ساعدوه ...

[eng hoss]

تخيل إن تغيير المهنة ممنوع قانوناً ؟

لكن بيتم جهاراً نهاراً .... عشان الناس تسترزق

شكرا على ردك ومعاك حق كله بقى بالفلوس وياريت فلوس زى اللى نعرفها

20 او 50 او 100 زى مصر كده لأ الاف يا غالى لكن أقول ايه ربنا يهدى

في حالتك ممكن تغيرها لأخصائي تسويق ... أو لو عندك معقب مخلص من الأخر ممكن تحصل على شهادات خبرة في البرمجة او تحليل النظم من مصر ويغيرها لك محلل أو مبرمج ...

سألته على موضوع أختصاصى تسويق قاللى لازم يكون معاك ماجستر وكلام كبير كده

إبعد عن موضوع الرشوى بتاعت الإستقدام لإن لها عوواقب وخيمه ... واعرف حالات كانت مهنتهم عامل ولما جه يجدد الأقامة حجزوا جوازه وإقامته واتحقق معاه عن الكيفية التي عمل بها إستقدام بالرغم من إن مهنته عامل ... وبالتأكيد هايتضغط عليه عشان يعترف على باقي العصابة اللي ساعدوه ...

هو فعلا حصل موضوع التحقيقات من فتره لكن الموضوع أتغير دلوقتى اصبحت المكاتب المعتمده المشهوره

هى اللى بتعمله وبعدين التاشيره وكل الأختام بتطلع سليمه من الجوازات وموقعه من مديرهم نفسه

يعنى قانونيه 100%

[Amr Radwan]

نصيحة ..

شوف معقب تاني ..

لان المعقبين 3 انواع ..

1- واحد يسد الطريق في وشك و يحسسك ان الدنيا سودااااااااااااااااااء و ناقص يقولك .. روح مصر احسن ..

2- التاني يعمل لك من البحر طحينة و يحسسك ان الباشا شغال علي كبير و الموضوع سهل جداااا بس انت بس تعالي .. و بعدين لما تبدأ في الجد يخلع و ما يرد علي اتصالاتك لانه مش هيعرف يعمل اي حاجة .

3- النوع التالت و ده ادعو لك الله انك تجده .. واحد كلامة موزون و عارف هو بيقول اية .. و المهم انه بينفذ اللي بيقوله .. مش كلام في الهوا .. و علي فكرة معظم الفئة التالتة دي .. بتاخد الفلوس بعد ما بتخلص المعاملة :closedeyes:

علي فكرة ..

راي لك انك تحاول تغير المهنة ب ( مسؤول تسويق او مبرمج ) و في الحالتين متاحين عندك عشان انت شغال في مؤسسة برمجة . بس مع معقب تاني

و بالتوفيق ان شاء الله

و كل سنة و انت طيب و نشوفك في التجمع قريب ان شاء الله

تم تعديل 3 سبتمبر 2008 بواسطة Amr Radwan