سُمعة هشام طلعت مصطفى ومشروع مدينتي على المحك

[se_ Elsyed]

في الأول حاولوا يطرمخوا عالموضوع وأصدر النائب العام قرار بعدم النشر في القضية التي زُج بإسم رئيس مجلس إدارة شركة مجموعة طلعت مصطفى اللي من أشهر مشاريعها مدينتي الرحاب ... والمدينة العملاقة الواعدة " مدينتي "

وأحيل رئيس تحرير جريدة الدستور للتحقيق لإنه أخترق الأمر ده ونشر إن هشام بيه إبن طلعت مصطفى متورط في قضية مقتل مغنية مغمورة لبنانية إسمها " سوزان تميم " بدُبي

والباشا النائب العام بتاعنا شكله الزمن توقف عنده وكان فاكر نفسة لسه في العصر الحجري أيام عبد الناصر ورفاقه قوم لما يعمل قرار بعدم النشر يبقى كده خلاص الموضوع إتردم

اتاري السيرة مسمعة في كل دول الخليج وعلى آلاف من مواقع الإنترنت واللي ما يشتري يتفرج

واللي نفذ عملية القتل الشهر الماضي هو ظابط أمن دولة مصري مفصول من الخدمة لسوء سلوكه وغتقبض عليه بعد ساعات من الجريمة وطالع واخد مبلغ محترم بالدولارت ... ولن أخوض في العلاقة بين هشام طلعت وبين القتيلة المتزوجة ..

لكن ما يهمني هنا هو ذكر إسم هشام طلعت مصطفى بقوة في القضية ..

وهشام مش بس رجل أعمال يعمل في مجال العقارات .. لأ

ده قيادي في لجنة السياسات بتاعت آبية جمال ومن الناس اللي راس براس مع أحمد عز بالرغم من خلافته مع عز عشان عز خرب بيته بتحكمه في الحديد وصاحبنا التاني شغال في العقارات وبالتالي هاتتأثر أعماله بأرتفاع أسعار الحديد ...

كما إن هشام طلعت مصطفى من المقربين سياسياً من ماما سوزان .... ما هي ميغه وبلد من غير صاحب

في أثناء ورود إسمه بالقضية كان بيقولوا إن هشام في لندن بيديها تصييف ... وقالوا ده هرب وقالوا ده مشروع مدينتي خرب ..

لكن الراجل كذب وقال أنا ماليش دعوى بموضوع سوزان تميم ...

وأنا ما هربتش ورجع يلحق البلاوي اللي حطت على دماغه ..

وبعد ما كان سهم طلعت مصطفى في بداية هذا العام هو أكبر إكتتاب في الشرق الأوسط والوطن العربي كله وكانت الأسهم بمليار جنيه ولكن مع تهافت الناس على الإكتتاب فغطوا الإكتتاب 5 مرات وبلغت المبالغ 5 مليار في ثواني والسهم كان قيمته الأسمية 11.5 ج

ومع تلك الضربات المتلاحقة لإسم هشام بصفته على رأس المجموعة وجدنا إن السهم يتهاوى بسرعة الصاروخ إلى أن وصل اليوم إلى 4.99 قرش ... تخيلوا ؟

يعني سهم قيمته الأسمية 11.5 ج ... في أقل من عام أصبح يُتداول بأقل من نصف قيمته الإسمية ...

ودي على فكرة مش فلوس الشركة ولكنها فلوس المساهمين وفلوس الناس اللي دافعه في مدينتي ولسه هاتستلم كمان كذا سنة ...

وحاول هشام بعد رجعته يُثبت إنه مازال قوياً واشترى أسهم خزانة من الدولة والسهم لم نفسه إلى حد ما لكن لأيام معدودة قليلة ..

ولكن منذ يومين وهناك شيء غير مريح وأخبار وتسريبات من تحت لتحت في أن هشام تروط في القضية وما هي إلا أيام وسوف يُكشف عن حقائق جديدة في القضية

وأعلم تماماً إن الحزب الحاكم يقف وراءه بقوة وبيحاول يلم الموضوع

لكن الموضوع كبير والأسرة الحاكمة في الإمارات شكلها واخده العملية عملية كرامة لإن البنت إستنجدت بهم وكانت في حمايتهم ومع ذلك إتقتلت بينهم ...

اتمنى الا يتأثر مشروع مدينتي بتلك النزوات الشخصية وأتمنى الا تتطور الأمور لأبعد من شخصية هشام فهو بشر يُخطا ويصيب ولا يصح أن تتأثر مشاريع بمليارات بذلك ...

هذا والله أعلم

[se_ Elsyed]

هشام طلعت مصطفى الى الجنايات بتهمة قتل سوزان تميم

GMT 11:30:00 2008 الثلائاء 2 سبتمبر

أ. ف. ب.

--------------------------------------------------------------------------------

أ ف ب - القاهرة: اعلنت النيابة العامة المصرية الثلاثاء احالة رجل الاعمال المصري المعروف هشام طلعت مصطفى ومصري اخر يدعى محسن السكري الى محكمة الجنايات بتهمة التورط في مقتل المطربة اللبنانية سوزان تميم في دبي في تموز/يوليو الماضي.

وقال بيان صادر عن مكتب النائب العام المصري عبد المجيد محمود ان تحقيقات النيابة انتهت الى قيام محسن السكري بتنفيذ جريمه قتل سوزان تميم في مسكنها في دبي في 28 تموز/يوليو الماضي بتحريض وتمويل من رجل الاعمال المصري. يذكر ان هشام طلعت مصطفى هو قيادي في الحزب الوطني الحاكم ويمتلك واحدة من اكبر شركات التنمية العقارية في مصر وتقدر ثروته بالمليارات.

[se_ Elsyed]

لاتهامه بمقتل سوزان تميم

النائب العام يقرر حبس هشام طلعت مصطفى

الثلاثاء، 2 سبتمبر 2008 - 13:54

هشام طلعت مصطفى وسوزان تميم كتبت نجوى عبد العزيز

أمر النائب العام بإحالة رجل الأعمال وعضو مجلس الشورى هشام طلعت مصطفى ومحسن منير السكرى، إلى محكمة الجنايات بتهمة قتل المطربة اللبنانية سوزان عبد الستار تميم.

وقرر المستشار عبد المجيد محمود إرسال ملف الإحالة إلى محكمة استئناف القاهرة لتحديد جلسة لبدء محاكمة المتهمين، كما أمر بحبس المتهمين على ذمة القضية وإدراج أسمائهم على قوائم الممنوعين من السفر، وذلك بعد أن قرر كذلك رفع حظر النشر بالقضية.

انتهت التحقيقات إلى أن المتهم الأول ارتكب جناية قتل سوزان عبد الستار تميم، وبيت النية على قتلها وقام بمراقبتها فى العاصمة البريطانية لندن، ثم تتبعها إلى إمارة دبى وأقام بأحد الفنادق واشترى سكينا ومسدسا لهذا الغرض، كما اشترى تسع وعشرين طلقة نارية وتوجه إلى منزل الضحية وطرق بابها، زاعما أنه مندوب الشركة العقارية التى تقيم فيها، وأوهمها بتسليمها هدية وخطاب شكر من الشركة، وما أن دخل إلى المنزل حتى تمكن منها وقطع رقبتها والقصبة الهوائية والأوردة ليقضى عليها نهائيا.

واعترف المتهم أنه فعل ذلك بتحريض من المتهم الثانى مقابل حصوله على 2 مليون دولار، وبذلك شمل قرار الإحالة اتهاما إلى المتهم الثانى بالتحريض على جريمة القتل مقابل مبلغ مليونى دولار، وأمده بالمبالغ المناسبة وسهل له تنقلاته فى لندن وتنقلاته فى دبى وحرضه على ذلك عمدا

[se_ Elsyed]

والجزيرة نشرت النهاردة وشوبش واللي ما يشتري يتفرج

[عصام]

مش هشام طلعت كان عمل سياح لاحمد عز فى الجرايد لما اترفض طلبه من الحكومة انه يستورد الحديد بدل ما يشتريه محلى؟

واللى أثبت برضه فى نفس الجريدة وفى سياق الرد على الرفض وبالأرقام ان الاستيراد أرخص من المحلى؟

قوم كدا يبقى خبط فى الحلل؟

قوم الحلل زعلت منه؟

والله أعلم

[osaimi]

كل يوم عن يوم بيظهر خبر يؤكد ان البلد خربانة وشوية حرامية و بلطجية اللى ماسكين البلد - امتي بقى الشعب هيتحرك ؟؟؟؟

[Alshiekh]

لاحول ولا قوة الا بالله

إنا لله وإنا اليه راجعون

[زهرة الجبل]

مش هشام طلعت كان عمل سياح لاحمد عز فى الجرايد لما اترفض طلبه من الحكومة انه يستورد الحديد بدل ما يشتريه محلى؟

واللى أثبت برضه فى نفس الجريدة وفى سياق الرد على الرفض وبالأرقام ان الاستيراد أرخص من المحلى؟

قوم كدا يبقى خبط فى الحلل؟

قوم الحلل زعلت منه؟

والله أعلم

إن صـَح ما قلته يا أخ عصام فلا أملك سوى التعجب و قول : سبحان الله !!!

عندما تقتضي المصلحه الخاصه يعلنون علينا أن المحلي رغم إرتفاع سعره إلا أنه يظل أرخص من الإستيراد و ذلك رحمة منهم بنا

و عندما تتضارب و تختلف إتجاهات مصالحهم ( الخاصه برضه ) يصبح لا ضير من البوح بأن المستورد أرخص من المحلي

تلك الحيتان تتنازع المصلحه الخاصه بينها بضراوه حتى لو إضطرهم الأمر (( للتخبيط في الحلل ))

أما الأسماك الصغيره فلا حيلة لها في خلق مناخ يتناسب مع مصالحها ( العامه ) .. يجوز لأنها عامه و ليست خاصه

و حسبنا الله و نعم الوكيل

[عبقرينو]

هل قام هشام بالتحريض علي قتل سوزان ؟

هل الموضوع تصفية حسابات بين هشام وعز بعد التخبيط في الحلل ؟

اين الحكيكة ؟؟؟

لو عرفت الحل اتصل بنا

"برنامج الحلة فيها اية "

برعاية تيفال

[Virus]

الله يسامحك يابا..انت اللي زنيت عليا أشتري عند الحرامي ده!!!! mfb: :lol: :sad:

لكن أنا مش قادر برضو أتخيل اللي بيجرا ده...هشام طلعت محبوس منتظر العرض..لا لا صعبة دي

.مجموعة طلعت مصطفى نص فلوس البلد في إيديها..سواء من الناس اللي واخدة عقارات أو من فلوس البنوك اللي بيتبني ابيها العقارات أو فلوس الأسهم...(واخدين بالكوا إزاي هي كلها فلوسنا وهم بس شغلتهم يلبسونا الطواقي)

وطلعت مصطفى على مافتكر قريب أو نسيب منير ثابت أخو سوزان..

وهشام نفسه عضو في لجنة السياسات يعني على الحجر ومتسنتر..

والراجل دافع في انتخابات الرئاسة اللي فاتت دم قلبه ...

والريس راح الرحاب وياما أشعر في في مجهودات القطاع الخاص في النهضة العقارية وبناء مصر الحديثة والهجص ده..

بعد كل ده..الراجل يروح يتحاكم عشان مجرد حرض على قتل مطربة مغمورة!!!!

ده إذا كان اللي أزهق فوق الألف نفس مقعدش حتى قدام وكيل النيابة!!!

مظنش إن أحمد عز يقدر يطلع الطلعة دي..دي ليلة كبيرة قوي!!

أنا أميل لرأي س س إن محمد بن راشد ضغط جامد على مصر وهدد بحاجات جامدة جداً لدرجة إنهم باعوا الراجل كده..

أو نهم بيثبتوه بس وهيعملوا محاكمة صورية على الماشي..وده الأغلب واهي علقة تفوت ولا حد يموت و خصوصاً مع حملة الدعاية المكثفة اللي شغالة تمام اليومين دول

اللهم اضرب الظالمين بالظالمين وأخرجنا من بينهم سالمين

تم تعديل 2 سبتمبر 2008 بواسطة Virus

[rar]

معلش بس يا سين سين تاني و خدني علي قد عقلي يمكن أفهم...

وبعد ما كان سهم طلعت مصطفى في بداية هذا العام هو أكبر إكتتاب في الشرق الأوسط والوطن العربي كله وكانت الأسهم بمليار جنيه ولكن مع تهافت الناس على الإكتتاب فغطوا الإكتتاب 5 مرات وبلغت المبالغ 5 مليار في ثواني والسهم كان قيمته الأسمية 11.5 ج

ومع تلك الضربات المتلاحقة لإسم هشام بصفته على رأس المجموعة وجدنا إن السهم يتهاوى بسرعة الصاروخ إلى أن وصل اليوم إلى 4.99 قرش ... تخيلوا ؟

هوا في أنهي نظام رأس مالي ده ان سعر سهم شركة مساهمة ينهار لما رئيسها أو مديرها يقتل ولا ينقتل ولا ينحرق بجاز حتي؟؟

هوا السوق بيشتري قدرة الشركة علي الربح و حالتها المالية... و لا بيشتري علاقة الباشا بماما و بابا و كاظم بيك؟؟؟

ما يغور مجلس الادارة كله... ايه اللي جاب ده لسعر السهم؟؟

فهمونا يا جماعة... هوا السوق في مصر بيقيم الشركات بناء علي علاقات مجلس ادارتها بلجنة السياسات؟

[hyoussif]

طيب وزير الاسكان الحرامى السابق اللى كان اسمه سليمان مش حاول يورط منافسه المهندس حمزة ( حمزة ومشاركوه ) فى عملية ارهابية وطلع منها برئ بفضل الله ثم نزاهة القضاء الانجليزى وده كله عشان يخلص منه ويحتكر السوق لحسابه بمكتبه المستتر الذى كان يستولى على جميع المناقصات وكان حمزة عامله قلق لمجرد انه كان يدخل امامه رغم تأكده من عدم ارساء المناقصة عليه ولكن لمجرد القلق فحاول يخلص منه بحركة دنيئة فقد بسببها كرسى الوزارة مش عشان الكبير نزيه ولكن كدة هيكشفه ويورطه معاه فطالما العملية فشلت فلازم يدفع التمن لكن لو كانت نجحت كان طلع حمزة ارهابى والسليمان الحمل الوديع ويبقى رئيس وزارة كمان وبعدين بتشوفوا مسلسل الدالى اللى هو قصة حياة عثمان أحمد عثمان وحد كان يصدق ان هذا الرجل الطيب الذى كان يرفض كرسى الوزارة كان تحاط به المؤامرات من كل جانب وكان يعرف كيف يتعامل مع المافيا هذا هو عالم رجال الاعمال والملايين فلا يستبعد ان يكون هشام طلعت مصطفى كبش فداء لواحد اكبر منه يكون مترشح مثلا لمنصب كبير جدا او يكون تصفية حسابات بينه وبين رجال اعمال كبار عايشين فى العز او تكون المجنى عليها اخذت شقة او يمكن فيلا ولم تسدد اقساطها وهربت فحاول هشام ان يحافظ على ماله وتتبعها عشان يطالبها بالمديونية كل شئ جايز وبكرة القضاء هيقول اللى المفروض يتقال ( كان زمان القضاء بيقول كلمته ولكن دلوقت فى عصر ملايين الدولارات بيقول اللى المفروض يتقال ) ورمضان كريم وكل كبش وأنتم طيبين أقصد كل سنة وأنتم طيبين

[yasser6666]

السلام عليكم...اولا احب اقول ان انهيار سعر السهم من 11.5 الي 4.99 شئ عادي جدا وبتحصل في احسن الشركات في مدد لاتتجاوز حتي العام الواحد وانا بتكلم علي شركة امريكية كنت اعمل بها ونزل سعر السهم من 54 دولار الي 18 دولار خلال عامين تقريبا واخيرا وصل سعر السهم حاليا الي 3.5 دولار فقط والله العظيم كمان

فلا تتعجبوا من هبوط الاسهم لان بورصة الاسهم هي مقامرات ومخاطرات ....

ماعلينا من الاسهم ولكن العجيب والغريب ان القانون اخد مجراه الطبيعي في هذه القضية بالذات وهذا شئ لم نتعود عليه في مصر ام الفساد

فهل ياتري لو كانت القتيلة غير لبنانية ومسرح الجريمة ليست دولة الأمارات

هل كان القانون سيأخذ مجراه الطبيعي

اكيد الحكاية فيها سر كبير ...

انا اشتم رائحة احمد عز

حيث كل الأمور تسير من سنوات علي هواه ولمصلحته 100%

[yasser6666]

انا سمعت خبر ولكن لست متأكد من حقيقته

ان هشام طلعت مصطفي بدأ بالفعل في استيراد الحديد من رومانيا وبدأ في تشجيع الناس علي الأستيراد من الخارج وبأسعار أقل كثيرا من الأسعار المحلية التي يتحكم فيها امبراطور الحديد أحمد عز

مما أثار حفيظة الأمبراطور وقرر الأطاحة به

وخاصة ان هشام طلعت مصطفي سمعته طيبة جدا في مدينة الأسكندرية ومحبوب للغاية هناك

أرجو من الأخوة تأكيد الخبر أو نفيه

[سكر]

انا مش عارف الناس هتعمل اية لما القضية تمشى تمام وكل واحد يا خد حقة

يعنى (1) لو هشام اتحكم علية

هتبقى فضيحة مصر بجلال وهيتقال كان فى ضغوط خارجية من الامارات ومن الاسرة مش عارف مين ومش عارف اه وقالوا لو مسمعتوش الكلام

هندخل السيخ المحمى فى سرسرو ودنكم يا مصريين

ودة هيضيع هيبة القضاء والامن فى مصر اكتر ماهى ضايعة اصلا فى مصر

فعلا هتبقى فى الارض لان فى افندى لسة واخد براءة على مقتل 1300 شخص

وبعد كدة واحد هيتحكم علية بالاقل عشر سنوات عشان مغنية لبنانية على ارض امارتية والناس تقول دة لو كانت فى مصر

كان زمان طلع البق الحمضان ان فى واحد مختل عقليا هو الى قتلها لما شاف جمالها فى احدى الحفلات ومقدرش يبعد عنها

السيناريو التانى (2) ان الراجل يا خد براءة

دى بقى الى هتبقى بوفية مفتوح لكل واحد عايز يقول حاجة وهتلاقى الناس بتقول الصحافة فين ؟؟

والجرايد بقى والمنتديات هتبقى مليانه تانى زى حكم براءة هانى سرور وممدوح اسماعيل وتبقى التالتة ثابتة

من الاخر هشام فعلا فى موقف حرج جدا وربنا يكون فى عونه لو كان مظلوم وربنا قادر على القصاص منه لو كان ظالم

بالنسبه لموضوع الرحاب ومدينى انا شايف ان كل حاجة هتبقى زى ماهى ولالن تتحرك قدر انملة ياعنى المشاريع لن تتاثر لان دى مشاريع ضخمة

الحكومة هتكون احرص من الشركة والشعب على انها تبقى بادائها القوى والموضوع مش اكثر من اسبوع وكل شى هيروح مع الصابون حتى لو اخد اعدام

والدليل ان مسعناش ان فى حد خبط على باب الشركة وقال انا عايز فلوس واراهنك لو رحت بكرة الشركة هتلاقى فى ناس نازلة تحجز عادى جدا

الغريب والى تاثيرة سريع فعلا هو السهم فعلا اغرب سهم فى البورصة سهم فاشل من اول يوم نزل فية انسى موضوع القضية والهجس بتاع ان الراجل محبوس او متهم

دة كلام تفسيرى سطحى ومفيش شركة على مستوى العالم ممكن تستحمل خبر زى دة فى اول اسبوع تدوال مش اول يوم يعنى دة طبيعى جدا

لكن لو سالت خبير هيقولك ان السهم من اول يوم فى النازل السهم طرح 11 جنية وشم مره واحدة فى ساعة غيبوة من المساهمين 15 جنية من بعد كدة عمرة ماشاف النور كله ضلمة

السهم فى النازل والبورصة طالعة وفى النازل والبورصة نازله وفى النازل وفى اخبار عن استثمارات فى السعوديةوارباخ للشركة وفى النازل لما اتقبض على الراجل

ذى مايكون هشام كان حاسس ان فى حد يدبر له حاجة وقال انزل اسهم الشركة فى السوق عشان يوم الغدر تبقى فلوس الشعب معايا

ودة فعلا الى بيحصل دلوقتى

انا عن نفسى خسران فى السهم فوق 40000 اربعين الف جنية وميهمنيش الاستاذ يتحبس او ياخد براءة يهمنى ان فلوس متتبخرش فى الهوا

بس بصراحة الراجل ذوق ذوق ذوق جدا

انه مهربش ذى ممدوح اسماعيل ورامى لكح ودى فعلا الحركة الوحيدة الى كنت هقول الفلوس راحت وفلوس الناس فى مدينى والرحاب اتبخرت

لان الهروب مش بيكون بشنطة الهدوم دة بيكون بشنط محملة من خيرات الله وابقى دور عليا فى الانتربول

دة النقطة الوحيدة الى مخليانى مطمن شوية حتى لو اخد اعدام لكن هرب يا معلم يبقى يعاوض الله على مصر وفلوس المصريين ودة بقى هيبقى اكبر من الريان

وبعدين دة مش شِركة الفرسان ولا الربيع بتاع العربيات دة طلعت مصطفى "بناة المستقبل" يالهوتى الى تقريبا مفيش مغترب فى مصر مش شارى حاجة من عندة او على الاقل بيفكر يشترى غير الى فى داخل مصر

طارق مصطفى بيقول مدينى فيها استثمارات 80 مليارجنية دة مدينتى بس

الصبر ثم الصبر عشان الامور تمشى فى طريقها بدل ما الدنيا تخرب ونصحى من النوم على ريان تانى مصر متستحملوش فى الفترة دى

[osaimi]

بعد توجيه الاتهام رسميا لهشام طلعت مصطفى .. هناك جهود تسعى لتسليمه لدبي حتى يستفيد من إمكانية دفع الدية لعائلة القتيلة وفقا للقوانين الإسلامية المعمول بها في الإمارات .. والمفاوضات بدأت بالفعل مع عائلة الضحية ولكنها في بدايتها

وأعتقد ان هذا سوف يكون السيناريو الأخير ومفيش مشكلة خاصة ان القتيلة من لبنان مش من الصعيد

[iloveegypt]

أعلنت النيابة العامة المصرية، الثلاثاء 2-9-2008، إحالة رجل الأعمال المصري المعروف هشام طلعت مصطفى، ومصري آخر يدعى محسن السكري، وهو مسؤول أمن أحد الفنادق التابعة لمصطفى في شرم الشيخ، إلى محكمة الجنايات بتهمة التورط في مقتل المطربة اللبنانية سوزان تميم في دبي في يوليو/تموز الماضي.

وقال بيان صادر عن مكتب النائب العام المصري عبد المجيد محمود إن تحقيقات النيابة انتهت إلى قيام محسن السكري بتنفيذ جريمه قتل سوزان تميم في مسكنها في دبي في 28 يوليو/تموز الماضي بتحريض وتمويل من رجل الأعمال المصري.

يذكر أن هشام مصطفى هو عضو في لجنة السياسات بالحزب الوطني الحاكم التي يرأسها نجل الرئيس المصري جمال مبارك، ويمتلك واحدة من أكبر شركات التنمية العقارية في مصر وتقدر ثروته بالمليارات.

موقوف منذ 3 أيام

تقدر ثروة مصطفى بالمليارات

وأحيل مصطفى إلى المحاكمة محبوسا مع ضابط الشرطة السابق محسن السكري الذي يزعم أنه سافر إلى دبي لقتل تميم بتحريض منه.

وجاء في بيان أصدره النائب العام المصري أن التحقيقات التي أجريت في مصر كشفت أن مصطفى دفع للسكري مليوني دولار لقتل تميم، التي تردد أنها قطعت علاقة كانت بينها وبين الاقتصادي المصري البارز.

وقال مصدر قضائي لـ"العربية.نت" إنه تم القبض على هشام طلعت مصطفى منذ 3 أيام بعد رفع الحصانة عنه بصفته عضوا بمجلس الشورى بالتمرير نظرا لأن المجلس في عطلة صيفية تنتهي في نوفمبر/تشرين ثان المقبل. كما أنه سبق القبض عليه إصدار النيابة العامة أمرا بمنع المتهمين من السفر.

وأضاف المصدر أن النيابة العامة وجهت لمصطفى تهمة الاشتراك بطريق التحريض والاتفاق والمساعدة مع المتهم السكري، وأمده بالمعلومات الكاملة عن تميم وأماكن إقامتها وزياراتها، ثم أمده بالمبالغ التي تساعده على اتمام جريمته.

ووجهت للسكري اتهاما بقتل المجني عليها مع سبق الاصرار والترصد، حيث رصد تحركاتها في لندن، وسافر خلفها إلى دبي واستقر في أحد الفنادق، واشترى سلاحا أبيض وذهب إليها في مكان إقامتها، وادعى أنه مندوب من الشركة مالكة العقار ليسلم لها خطاب شكر، ثم قام بطعنها وذبحها بعد أن فتحت له الباب.

كما وجهت النيابة العامة للسكري تهمة الحصول على مبلغ مالي، هو مليونا دولار، بتحريض من المتهم الثاني هشام طلعت مصطفى.

حظر النشر

مجموعة طلعت مصطفى تعين رئيسا جديدا لها بعد القبض على رئيسها هشام وتوقعات بهبوط البورصة المصرية

وتحدث المصدر القضائي لـ"العربية.نت" عن أسباب حظر النشر في القضية فقال إن النيابة العامة قررت ذلك استنادا إلى سلطاتها المطلقة المقررة قانونا، حتى لا تؤثر التغطية العامة على مجريات التحقيق، وكانت هناك خشية ألا يعود هشام مصطفى من الخارج إلى مصر.

وفيما أعلنت مجموعة طلعت مصطفى تعيين رئيس جديد لها بعد القبض على رئيسها هشام، توقعت مصادر اقتصادية هبوطا حادا في البورصة المصرية، وخصوصا في اسهم شركات مصطفى التي بدأت في التدهور بالفعل بمجرد وصول اخبار القبض عليه وتوجيه الاتهام له بالتحريض على قتل سوزان تميم.

وحدث انهيار في سهم مجموعة "طلعت مصطفى - بناة المستقبل" الذي بلغ سعره بعد الظهر 4.99 جنيها، في حين أنه كان قد طرح للاكتتاب العام مقابل 11 جنيها في نوفمبر/تشرين ثان الماضي.

وكانت الصحف المصرية أشارت إلى أن سوزان تميم ارتبطت بعلاقة خاصة لمدة 3 سنوات مع مصطفى، قبل أن تغادر مصر إلى لندن منذ عدة شهور ومنها إلى دبي.

وأوضحت تلك الصحف أن محسن السكري كان ضابطا سابقا في الشرطة المصرية ثم تقاعد وعمل في شركات خاصة.

منقول من العربية نت

الله يكون فى عون اصحاب الاسهم

[حسام يوسف]

حدثنى صديق سكندرى منذ فترة عن هذا الموضوع

(حرب الديناصورات وتكسير العظام)

[ahmos1]

رئيس مجموعة طلعت مصطفى الجديد يقول جميع المشروعات ستسلم في الموعد

Wed Sep 3, 2008 11:27am GMT اطبع هذا الموضوع[-] نص [+]

1 / 1تكبير للحجم الكاملالقاهرة (رويترز) - قالت مجموعة التطوير العقاري المصرية طلعت مصطفى يوم الاربعاء ان جميع مشروعاتها القائمة ستسلم في الموعد المحدد

[قديم]

ليس بالامــرالهين تسليم طلعت لدبي ولا اعتقــد بذلك.

فالسيناريو القادم من المحاكمه هو قطــع الطريق على دبي بالمطالبـه بتسليمه . وسيصدر الحكم براءتــه.وهو بكدا يطلع براءه من شبهه حامت حولـه على جميع الاصعـده المصريــه والعالميــه ايضا.

وسيدفع بنفسـه عن التهم بعده دفوعات .. يخرج على اثرها بالبراءه .

عموما لو سلم لحكومه دبي فهذا دليل ان هناك ملعوب ما يحاك ضــده ؟؟ وانه برئ منها ولبس القضيـه تلبيس.وقد يكون هناك اطراف اخــرى تلعب لعبتها .؟

لكنني في المقابل اتساءل .؟

هل يعقل ان يدفع حوالي عشر مليون جنيه لقتل تلك الفنانـه . المبلغ دا ممكن يشتريها بيـه بدل قتلها .؟؟؟

هل هو انسان دمــوي.؟؟؟

استبعد كثيرا ان يقوم هشام طلعت بالتحريض على الجريمـه فكنا نعرف ان في السياسه كل شي مباح . ولكن عالم المال عالم مصالح

لكن السؤال .؟ هل تسلم مصــرالسكري لاماره دبــي ..سابقه جديده . فلو تنازل اهل المطربـه عن دم ابنتهم

وايضا هل تتنازل دبي عن الحق العام بارتكاب جريمه على ارضها ؟؟؟

اختبار عملي للقضاء العربــي دبي _ القاهـره