أشرف حسين بتاريخ: 2 سبتمبر 2008 تقديم بلاغ مشاركة بتاريخ: 2 سبتمبر 2008 و من يومها و هياها بـ تستطعم حلال العشق في همسه و تـ تخيل بـ انه كان يـ لاغيها يـ سرسب سكره ليها و انه شاطر أحلامها على حصانه هـ يرجع يوم و يخطفها لـ أحضانه و يهديها صباح طارح على كفه فـ تتمرمغ فـ قلب الحلم و ترمي شعورها على كتفه و تنسا خوفها بين دراعيه و لساها بـ تستنا فـ ملامحه الشمس و لساها بـ تتهجا الحروف و الهمس فـ داخل روضه فـ خيالها!! بـ تحلم بيه عنيده البنت بـ تريده ب تغرف من ربيعها عبير و بـ تزيده لا هي رايده كتير الذاد و لا قليله و لا دهباته و حريره و لا مركب بـ ألف شراع فـ قلب النيل بـ تحلم بس لو تحضن عينيه و تنام!! فـ عز الليل يخون الليل مـ تدراشي بـ ان الوقت متغير و ان الواد مع الغربه صبح ناسي ،،، بلا حاضر و لا ماضي و لا ذكرى و باع يومه عشان بكره و من برد الوشوش حوليه خسر نفسه !! لا عادش يحب و لا يكره مـ عادشي شاطر الاحلام و لا عاد الحصان لابيض بيرمح داخل الحواديت صغير السن مش فاهم لغة الايام و لا عرف حدود الحلم و ان الحلم فـ اليقظه حلال ممنوع !! و نداهه !! بـ تخطفنا على سكة حرام مشروع و ان العوده مـ التوهه مـ فيها رجوع و لو ترجع،،،ثمنها كبير و لو تسألني عـ المكسب ؟؟ انا زيك...منيش عارف مفيش تفسيـرررر !!! البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
مصري جدا بتاريخ: 2 سبتمبر 2008 تقديم بلاغ مشاركة بتاريخ: 2 سبتمبر 2008 اخي العزيز الأستاذ أشرف حسين كل رمضان وانت بخير . ..انا بقالي فتره بعيد عن المحاورات واليوم دخلت وقلت أدور عليك لقيتك وفرحت جدا وسعدت بالقصيده الجديده ....جميله وغنيه بالمشاعر والأحاسيس ...الله يبارك فيك وتسعدنا دائما بقصائدك..... أستعين بالصبر عند مواجهة نفاذ صبرك مثل صيني رباعيات الغربه رابط هذا التعليق شارك المزيد من خيارات المشاركة
لولا بتاريخ: 2 سبتمبر 2008 تقديم بلاغ مشاركة بتاريخ: 2 سبتمبر 2008 عنيده البنت بـ تريده ب تغرف من ربيعها عبير و بـ تزيده لا هي رايده كتير الذاد و لا قليله و لا دهباته و حريره و لا مركب بـ ألف شراع فـ قلب النيل بـ تحلم بس لو تحضن عينيه و تنام!! تقولها ايه عنيده البنت وبتريده بتحلم بالحواديت بتحلم بالفرسان بقلب يلمها فى وريده بحضن يضمها فى حنانه تقولها ايه عنيده البنت وبتريده ولا عرفت تدوق الحب على ايد غير ايده سحرها الِولد بكلامه سحرها بهمسه وسلامه ومن يومها بتستنى ونتستنى فى كلامك ياشرف ونفضل نستنى وتغيب علينا زمان وزمان وتهل بعد طول غياب باحلى كلام باحلى سلام.. تنورنا وتخطفنا..حكايتك دى بقى حكايه تخش علينا بحكايه تبرجلنا تلخبطنا منعرفش نقول فيها نعيد فيها وهو الحب دا حكايه نقول فيها غير اشعار بتسحرنا ،تدوخنا تدوبنا ، تحيرنا.. حكايه حب فى حكايه اشرف كتب وسمعنا وقفناله وقولناله حلاوة الحب فى حكايتك تمتعنا تخلينا نقولك شكرا على فنك على قلمك على شعرك. طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
الباشمهندس ياسر بتاريخ: 2 سبتمبر 2008 تقديم بلاغ مشاركة بتاريخ: 2 سبتمبر 2008 و يخون الليل مـ تدراشي بـ ان الوقت متغير و ان الواد مع الغربه صبح ناسي ،،، بلا حاضر و لا ماضي و لا ذكرى و باع يومه عشان بكره و من برد الوشوش حوليه خسر نفسه !! طب ليه كده و هان عليك تكتبها و تهد جوانا احلامنا وتكسر كل شىء فينا تدمرنا كأنك قطر يفوت على ضلوعنا هان عليك تفوقنا من الحلم ليه تصحينا صدقنى يا صاحبى و لا نيش كداب قبل الغربة مكنش بينفع و بعد الغربة برده مينفعش بس الوقت انا الكسبان يمكن قلبى صبح قاسى بس لا نسيت ولا قلبى صبح بردان تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
dr gml بتاريخ: 5 سبتمبر 2008 تقديم بلاغ مشاركة بتاريخ: 5 سبتمبر 2008 و من يومها و هياها بـ تستطعم حلال العشق في همسه و تـ تخيل بـ انه كان يـ لاغيها يـ سرسب سكره ليها و انه شاطر أحلامها على حصانه هـ يرجع يوم و يخطفها لـ أحضانه و يهديها صباح طارح على كفه فـ تتمرمغ فـ قلب الحلم و ترمي شعورها على كتفه و تنسا خوفها بين دراعيه و لساها بـ تستنا فـ ملامحه الشمس و لساها بـ تتهجا الحروف و الهمس فـ داخل روضه فـ خيالها!! بـ تحلم بيه عنيده البنت بـ تريده ب تغرف من ربيعها عبير و بـ تزيده لا هي رايده كتير الذاد و لا قليله و لا دهباته و حريره و لا مركب بـ ألف شراع فـ قلب النيل بـ تحلم بس لو تحضن عينيه و تنام!! أقولك إيه ..؟ (منيش عارف) دا صوت فاكر بيتقطع من الذكرى وبيعافر ولا بينساش وقمره ف يوم مابات مكسوف ومهما تاه مع الغربة ولو مرة الظلام خانه يغمض له عنيه.. ويشوف وتبقى الكلمة مكسبنا وعيش الحب زوادنا يرجعنا والطريق معروف عزيزى أشرف شكرا على المتعة حقا مع التحية رابط هذا التعليق شارك المزيد من خيارات المشاركة
shahd بتاريخ: 16 سبتمبر 2008 تقديم بلاغ مشاركة بتاريخ: 16 سبتمبر 2008 ابيات رائعه.. مؤثرة .. وكلمات راقيه حساسة .. صح لسانك استاذ اشرف طـــــــفولــــة شــــــهـــد رابط هذا التعليق شارك المزيد من خيارات المشاركة
أشرف حسين بتاريخ: 19 نوفمبر 2008 كاتب الموضوع تقديم بلاغ مشاركة بتاريخ: 19 نوفمبر 2008 احبائي ,,,, مصري لولا ياسر جمال شهد اشكركم على مداخلاتكم الاكثر من رائعه و تقبلو اعتذار و اسفي على التأخير في الرد كل هذة المده و ذلك لظروف العمل (الله يقطع العمل و سنينه) wst:: مره اخرى اسف على استخدام لغه غير مهذبه لكن في الحقيقه(الواحد اتخنق) و اخيرا.....برضه (الله يقطع العمل و سنينه) :hearts: البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
مصري جدا بتاريخ: 19 نوفمبر 2008 تقديم بلاغ مشاركة بتاريخ: 19 نوفمبر 2008 حمد لله علي سلامتك ورجوعك أخي أشرف ..... أنا كمان كنت بعيد لفترة مش قصيرة لأسباب كتيره ...أتمني أن نتلاقي دائما أستعين بالصبر عند مواجهة نفاذ صبرك مثل صيني رباعيات الغربه رابط هذا التعليق شارك المزيد من خيارات المشاركة
هشام الجنيدى بتاريخ: 20 نوفمبر 2008 تقديم بلاغ مشاركة بتاريخ: 20 نوفمبر 2008 (معدل) اه لو بس كان يدرى .... ولو يفهم .... ولو يهتم ده كان يرجع ولو زاحف على الاسفلت وهدومه ملونها الندم والدم كان يرجع بلا لحظة ندم على مال لان الحب اغلى من الدهب كله.... ولو كان تل ما بيتلم ده لو يعرف ده لو يدرى ده لو يفهم ولو يهتم استاذى العظيم من زمااااااااان مقريتش كمية الاحساس دى من زمان مقريتش كمية الابداع دى ما شاء الله عليك ...... يمكن تكون دى اول مرة اقرالك بس صدقنى انا عاجز عن التعبير تم تعديل 20 نوفمبر 2008 بواسطة هشام الجنيدى انما الامم الاخلاق ما بقيت .............. فان همو ذهبت اخلاقهم ذهبوا ...................................................................! وعلمتنى الحياه اضحك لأحبابى واضحك كمان للعدو علشان يشوف نابى واخده كمان بالحضن لو خبط على بابى فيحس انى قوى وميشفش يوم ضعفى....... قناتى ع اليوتيوب .... صفحتى ع الفيس بوك ..... رابط هذا التعليق شارك المزيد من خيارات المشاركة
أشرف حسين بتاريخ: 23 نوفمبر 2008 كاتب الموضوع تقديم بلاغ مشاركة بتاريخ: 23 نوفمبر 2008 حمد لله علي سلامتك ورجوعك أخي أشرف .....أنا كمان كنت بعيد لفترة مش قصيرة لأسباب كتيره ...أتمني أن نتلاقي دائما الله يسلم حالك يا أ/ احمد و الله ييسر لنا أمورنا جميعا و نتلاقي هنا كمان و كمان على خير تحياتي ... البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
أشرف حسين بتاريخ: 23 نوفمبر 2008 كاتب الموضوع تقديم بلاغ مشاركة بتاريخ: 23 نوفمبر 2008 حمد لله علي سلامتك ورجوعك أخي أشرف .....أنا كمان كنت بعيد لفترة مش قصيرة لأسباب كتيره ...أتمني أن نتلاقي دائما الله يسلم حالك يا أ/ احمد و الله ييسر لنا أمورنا جميعا و نتلاقي هنا كمان و كمان على خير تحياتي ... البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
أشرف حسين بتاريخ: 23 نوفمبر 2008 كاتب الموضوع تقديم بلاغ مشاركة بتاريخ: 23 نوفمبر 2008 الفاضل .... أ / هشام الجنيدي كلماتك مطر غسل عناء يومي الطويل فـ شكرا لك تشرفت جدا بمرورك الاول و اتمنى ان اكون دائما عند حسن ظنك سعدت بك كثيرا البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
bentmasria بتاريخ: 23 نوفمبر 2008 تقديم بلاغ مشاركة بتاريخ: 23 نوفمبر 2008 رائعة حقا وهذه المرة لك منى هدية خاصة فى هذا الموضوع استنانى 24 بس وتكون جاهزة عارف انت اسعدت يومى فعلاااااااااااااااااااااا رائع اتقان واحساسك وكل شىء على فكرة اقرأ لهشام جنيدى فهو جدا متميز وسيعجبك حقا ما تقرأ اعتقد انكما تاتيان من نفس الينبوع بحلاوته وطلاوته شكرا للامتاع الجميل الراقى البنت المصرية عندما تشرق عيناك بإبتسامة سعادة يسكننى الفرح فمنك صباحاتى يا ارق اطلالة لفجرى الجديد MADAMAMA يكفينى من حبك انه......يملأ دنياى ....ويكفينى يا لحظا من عمرى الآنى.....والآت بعمرك يطوينى يكفينى .....انك........................تكفينى مدونتى رابط هذا التعليق شارك المزيد من خيارات المشاركة
أشرف حسين بتاريخ: 26 نوفمبر 2008 كاتب الموضوع تقديم بلاغ مشاركة بتاريخ: 26 نوفمبر 2008 مرورك و اطرائك اللطيف في حد ذاته هديه يا مدام ايمان مفيش داعي تتعبي نفسك .. شكرا ليكي على فكره.. انا من غير م تقولي القيت نظره على بعض شغل أ/هشام بعد اول قراءه ليه ... فعلا هايل و يشرفني ان نتشابه فـ الاسلوب . . . . . . . . . . . فين بقى الهديه :) البحـر هـاج ،،،، والـروح بتتحـدى الغـرق وانا لسـه ضـامم شـكوتي ومعـبي فـ جـرابي الحسـاب شـايل على اكـتافي الضمير وفي إيدي تصـريح الذهـاب رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان