ارجو الافادرة ارجوكم انا تعبت جداااااا عايز اخلص واسافر

[شريف حمدي]

السلام عليكم

بالمختصر عشان وقت حضراتكم

انا خرج تربية نوعية قسم تكنولوجيا التعليم

معايا عقد عمل عمله الكفيل لما كان هنا في مصر والعقد مكتوب فيه (فني الكترونات)

انا الوقت بحصل علي أجازة من العمل وسأغير البطاقة واعمل الجواز

طبعا لازم اروح القاهرة عشان التحاليل والحاجات دي كلها

السؤال هو اية الي مطلوب مني بالضبط وانا رايح المكتب اللي عليه الوكالة عشان مش كل شوية ارجع تاني وتكون حاجة ناقصة لاني من كفر الشيخ

ارجوكم لا تبخلوا علي بالاجابة (لان المكتب نفسة مش عايز يقول لي اعمل اية لان طبعا السعودي طلبني بالاسم من خارج المكتب

في انتظار الرد

تم تعديل 3 سبتمبر 2008 بواسطة شريف حمدي

[essamlotfy]

ربنا يوفقك وتسافر علي خير

بص يا سيدي

1. تغير المهنة في البطاقة وتعمل الجواز (لأنك لو عملت التحاليل الاول وبعدين غيرت الجواز لازم تعيدهم تاني)

2. تروح معامل وزارة الصحة بشارع الشيخ ريحان - وأقرب طريق ليها كالتالي : تروح مجمع التحرير هتلاقي مبني الجامعة الامريكية قدامك وجنبه مبني الشوري اللي اتحرق تتدخل في الشارع اللي بينهم - اول ناصية يمين هي دي المعامل وتاخد معاك الجواز والبطاقة و4 صور زي اللي في الجواز بالظبط ، وبعد ما تحلل هايقولك تعالي استلم بعد يومين (ملاحظة : في حاجة اسمها رقم الانترنت - وهو رقم تسجيل بياناتك علي موقع وزارة الخارجية السعودية - هناك هايسألوا عليه لو أخذته من مكتب السفريات قولهم عليه ولو لسه اعمل التحليل ولما تستلم رقم الانترنت بعدين تبقي ترجع تاني المعامل وتديهم الرقم وصورة الشهادة بتاعتهم وكده يبقي خلاص)

3.بعد ما تحلل - لو انت متأكد ان ان شاء الله سليم - تروح مكتب جامكا وده جنب القنصلية السعودية في جاردن سيتي شارع عائشة التيمورية - اسأل اي حد عليه هايدللك لانه مشهور في المنطقة- تديهم الجواز وتنتظر شوية هايندهوا عليك ويدوك ورقة ويقوللك اسم المستشفي التخصصي المعتمدة اللي هاتكشف فيها .

4. تروح المستشفي ومعاك الجوز وصورة زي اللي في الجواز بخلفية بيضا - ومعاك 180 جنيه وهاتكشف (باطنة وتحليل بول ودم ونظر وأشعة) وبعدين تروح تاني يوم تاخد النتيجة

5. بتعمل فيش وتشبيه باسم القنلصلية السعودية للسفر وبعدين توثقة في مكتب وزارة الخارجية المصري - في كل مكان فرع

وبس وربنا ييسر لك الحال

[ozoozo]

اولا رقم الانترنت ضروري لعمل التخاليل يعني لازم قبل ماتروح (انا لسه كنت هناك النهارده)

ثانبا توثيق الشهادات من الجامعه ثم من الخارجيه ولو مؤهللك مايناسبش فني الكترونيات يبقي تضربلك شهاده خبره وتوثقها

[شريف حمدي]

ربنا يوفقك وتسافر علي خير

بص يا سيدي

1. تغير المهنة في البطاقة وتعمل الجواز (لأنك لو عملت التحاليل الاول وبعدين غيرت الجواز لازم تعيدهم تاني)

2. تروح معامل وزارة الصحة بشارع الشيخ ريحان - وأقرب طريق ليها كالتالي : تروح مجمع التحرير هتلاقي مبني الجامعة الامريكية قدامك وجنبه مبني الشوري اللي اتحرق تتدخل في الشارع اللي بينهم - اول ناصية يمين هي دي المعامل وتاخد معاك الجواز والبطاقة و4 صور زي اللي في الجواز بالظبط ، وبعد ما تحلل هايقولك تعالي استلم بعد يومين (ملاحظة : في حاجة اسمها رقم الانترنت - وهو رقم تسجيل بياناتك علي موقع وزارة الخارجية السعودية - هناك هايسألوا عليه لو أخذته من مكتب السفريات قولهم عليه ولو لسه اعمل التحليل ولما تستلم رقم الانترنت بعدين تبقي ترجع تاني المعامل وتديهم الرقم وصورة الشهادة بتاعتهم وكده يبقي خلاص)

3.بعد ما تحلل - لو انت متأكد ان ان شاء الله سليم - تروح مكتب جامكا وده جنب القنصلية السعودية في جاردن سيتي شارع عائشة التيمورية - اسأل اي حد عليه هايدللك لانه مشهور في المنطقة- تديهم الجواز وتنتظر شوية هايندهوا عليك ويدوك ورقة ويقوللك اسم المستشفي التخصصي المعتمدة اللي هاتكشف فيها .

4. تروح المستشفي ومعاك الجوز وصورة زي اللي في الجواز بخلفية بيضا - ومعاك 180 جنيه وهاتكشف (باطنة وتحليل بول ودم ونظر وأشعة) وبعدين تروح تاني يوم تاخد النتيجة

5. بتعمل فيش وتشبيه باسم القنلصلية السعودية للسفر وبعدين توثقة في مكتب وزارة الخارجية المصري - في كل مكان فرع

وبس وربنا ييسر لك الحال

تصدق بالله يا أخي حتي المكتب ما قال لي الكلام الجميل اللي انت قلته

كدة وضحت الرؤية تماما

ربنا يبارك فيك وكل سنة وحضرتك طيب