تصرفات الشباب والرد من البنات...؟؟؟

[بنت شعنونة]

شوفوا الموقف المفزع دا

انا اسفة جدا اني بكتبه بس للأسف لالالالالالالالازم حد يشووووووور عليا ايه الحل في الموقف اللي زي كدا...

كنت انا وواحدا زميلتي راجعين من مشوار وقبل بيتها بشارع واحد لمحت واحد بتاع قصب فطلبت مني العودة ليه عشان تشتري قصب

ورحت وركنت العربية جنب الراجل تمام عشان تشتري منه وهيا جوا العربية بدون ما تنزل وفعلا طلبت منه طلبها

المهم انا اتلهيت في حاجا كدا وبصيت في الشنطة

فجاة لقيتها بتصصصرخ وطلعت راسهااا من العربية وهاااااااتك يا شتااايم في 2 شباب معديين‍؟‍؟؟‍‍‍‍؟؟

طبعا انا مش فاهما واللي نزل عليا اقولها فيييي اييييه في ايييييه؟؟؟

وهيا تهديني خلاص مافيش مافيش لحد ما زعقت فيها

راحت قالتلي انه واحد فيهم مد ايده على...................

طبعا العفاريييييييت اتنططت في وشي وراسي والف جزمة امسك القصب ادشدشه على دماغه ودي مسكتني وابدا

قلتلها طييييييييب ماااااااشي

ورحت طايرة بالعربية ولافا البلوك كللللللله وراجعالهم من وراهم

وهيا تصووووت وتقولي سيبهم وانا اقولها لو كل واحدا قالت سيبيهم يبقى عمرهم ما ها يتعلموا الادببببببب في عمرهم

ورحت جايا من وراهم وبكل ما في رجلي من قوة دست ع البنزين وراسسسسسسسسي والف جزمة اقطع خلفه

فعلا الأتنين نطووووووا من الرعب ع الرصيف

رحت لافا تاني وواقفا بالعربية قدام الرصيف وقلتله

مادام عامل راجل

انزل بقى من ع الرصيف خليني اوريك الموت شكله يه؟

طبعا الناس اتملت علينا وكله بيقول في ايه في ايه

وانا الششرر باين في عنيا ومقفله العربية فكله خايف يقرب

وهوا بقى عامل زي الفرخة مش عارف يروح مني فين ووقف ع الرصيف بيدور على اييييي حاجا يحدفها علينا

المهم انا اكتفتي بمنظره المرعوب دا ومشيت

رجعت البيت وحكيتلهم طبعا خدت تهزيييييق من هنا لبكرا انه ماكنش مفرووووووض اعمل كدا؟؟؟؟؟؟؟

ياسلالالالالالالام

امال اسسسييييبه يعني؟؟؟؟؟؟؟؟

لازم كان يتعلم الأدب

المشكلة ان الموضوع دا زااااااااااد جدااااااااااا

وفيه شباب بقوا ممكن يخبطوا البنت بعمد او يعملوا انيل من كدا

مش عاوزا اقولكم انه في المنصورة الشباب بتمل مصيييييييييبة سودااااا في الشارع بس مش عارفا اكتبها

طب التصرف مع اللي زي دول يبقى ايه يعني؟

لو انا ماشاي لوحدي من غير راجل معايا

او بنتين مع بعض

يبقى يييييه لحل؟؟؟؟

[Farah]

شوفي ياشانا في مثل بيقول

مش كل مره تسلم الجره

المره دي عدت علي خير طلما ان هذا الشاب عمل كده يبقي مش متربي كويس وده ممكن يعمل اي حاجه انت متنزليش نفسك لمستواه

وبعدين المره دي قدرتي عليهم ممكن المره الجيه هم اللي يقدروا عليكي والله انتي سكر عوزه تربي العيال اللي اهلها معرفتش تربيها***اكيد في حل بس اخر الحلول انك انتي اللي تقومي بالوظيف دي

[moody00x]

الحالة اصبحت خطيييرة 

والموقف يزداد سوء..

بس

[بنت شعنونة]

لالالالالالالالالاءءءءءءءءء

فرح انتي تقربي لاخوااااااااااتي والا حاجاااااااااااااااااااا "وش بيعيط"

نفسسسسسسس كلامهم

يا فررررررررح مالازم حل للعاااااااالم دي

يعني مش معقول واحد يعمل عمله سودا زي كداااااااا ونسسسسكت عشان مش معانا راجل يعني؟؟؟؟؟؟

انا بصراحا معتررررررررررضة جداااااااااا

والله لو فيها موتي

بس اموته معاياااااااا "وش مولع ناااااااااااار"

مووووووودي :)

مع انك كتتب كلمتين بس

بس انا فرحانا بيييييييهم جدااااااا جداااااااا

المرة الجايا ها اقتل زميلتي دي عشان انت تكتب تاني :)

[Farah]

الحالة اصبحت خطيييرة 

والموقف يزداد سوء..

بس

نسيت اهم حاجه دعـــــواتــــــــــــكـــــــــم.....

[Farah]

مهي مش حكايه موت( بعد الشر) انما ممكن تكون اوحش ندور علي حل بس صدقيني ده ممكن يعرضك لمخاطر كثيره

[بنت شعنونة]

ماشي...

اريييييييييييد حلالالالالالالالا بقــــــــــــى

[White heart]

ماشي...

اريييييييييييد حلالالالالالالالا بقــــــــــــى

بسيطة بالموبايل تليفون صغير لأقرب مركز شرطة، و توصفى العنوان بالظبط، او تفضلى وراهم بالعربية لحد ما يبعتولكوا حد، و محضر محترم و بياع القصب و انت شاهدين، و قضية اداب فى المحكمة من اللى قلبك يحبهم....مش عارف فى الحالة دى هاتبقى "تعرض لأنثى فى الطريق العام، و الا "هتك عرض" مش مهم زى ما تكون، المهم انة بعد دوشة المحكمة و ما يصاحبها من تبعات أعتقد سيفكر هؤلاء و غيرهم الف مرة قبل الأقدام على مثل تلك التصرفات، انا أتفق معك انة يجب التصرف، و ليس حتمية وجود رجل معك ساعتها، أعتقد معظم تلك الحالات تتم فى حالة عدم وجود رجل مع الضحية، اللهم الا اذا عقدوا النية على ارتكاب جريمة كاملة و ان يكونوا كثرة.....

انا أحتفظ فى سيارتى بكاميرا دائما، لظروف كتلك او ما شابهها، وحدث فعلا ان ساهمت بالمساعدة فى شئ مختلف...هل بمصر محلات لبيع لوازم الدفاع عن النفس للأناث، مثل البخاخ الحارق للعين، أو صاعق الكهرباء الصغير، الخ...الخ...الخ... و هى قطع صغيرة يسهل حملها، وتساهم بجزء كبير على منع أو على أقل تقدير أبطاء وقوع تلك الجرائم..

حفظكم الله و رعاكم من كل شر...

[ابو حلاوه]

ما فعله هؤلاء الشباب اسمه هتك العرض و تختلف عقوبته حسب الموقف و قد تصل لثلاث سنوات سجن او اكثر

اما تهديدهم بالسيارة فيمكن اعتبارة شروع بالقتل و لو لا قدر الله حد مات كان هتعتبر قتل عمد

[بنت شعنونة]

تهديدهم بالسيارة فيمكن اعتبارة شروع بالقتل و لو لا قدر الله حد مات كان هتعتبر قتل عمد 

 

 

عيب....مش اول مرة اعملها مع واحد عاوز يتربي

ولالالالالالا ها تكون اخر مرة...

ما فعله هؤلاء الشباب اسمه هتك العرض و تختلف عقوبته حسب الموقف و قد تصل لثلاث سنوات سجن او اكثر 

لا اعتقد انه هتك عرض؟؟؟؟؟

الكلمة دي كبيييييييييرة جدا!!!!!!!

ممكن عم الأفوكاتوا يفيدنا اكتر في الكلمة دي؟

[ابو حلاوه]

عيب....مش اول مرة اعملها مع واحد عاوز يتربي 

ولالالالالالا ها تكون اخر مرة...

استاده شعنونة مسألة تكرارك لمثل هده النوعية من السلوك منطقيا يزيد احتمال وقوع المحظور لا قدر الله

و حتي لو لم يحدث المحظور و قدم احدهم بلاغ ضدك بمحاولة قتل في وجود شهود و تم اخد نمر السيارة اعتقد انك موقفك لن يكون قوي

[بنت شعنونة]

بسيطة بالموبايل تليفون صغير لأقرب مركز شرطة، و توصفى العنوان بالظبط، او تفضلى وراهم بالعربية لحد ما يبعتولكوا حد، و محضر محترم و بياع القصب و انت شاهدين، و قضية اداب فى المحكمة من اللى قلبك يحبهم....

قلبك ابيض يا استاااااااااذ وااااايت

تلفون مين لمييييييين؟؟؟؟؟

دا انا مرة اتصلت بيهم ابلغ عن خناقة ولالالالالالالالا عبرونا

دا غير المحضر اللي اتفتحلي ع التلفون اسمك ايه وساكنة فين وهاتي نمرتك

لما ضيعت نصصصص ساعا ع الفاضي في كلام فاضي

اقوم اكلمهم من الموبايل؟؟؟؟؟؟؟

اهو دا بقى احد معجزات العالم

ولنفترض اني جرجرت البييييييه من قفاه وخدت عملتله محضر

وجبنا بتاع القصب

ها يخرج معانا عاااااااادي جدا

وتبقى قضية بعد مييييييييت سنة تنظر

لالالالا

انا اقتله ارخص.....

"وش مفروس"

[White heart]

بنت شعنونة كتبت:

لالالالا 

انا اقتله ارخص.....

كدة بقى انا اتفق مع رأى العزيز "ابو حلاوة"....

و حتي لو لم يحدث المحظور و قدم احدهم بلاغ ضدك بمحاولة قتل في وجود شهود و تم اخد نمر السيارة اعتقد انك موقفك لن يكون قوي

ما هو لو كل واحد عمل كدة، طب ما هتبقى سلاطة، أو غابة...

لا...لا...انا أفضل الحل القانونى، حتى لو أخذ بعض الوقت...لا يهم.

أو الحل الاخر الذى تسائلت علية فى مداخلتى...

[ابو حلاوه]

لالالالا 

انا اقتله ارخص.....

استادة شعنونة اتمني ان لا تكوني جادة في ما تقولينه لأن حتي المداعبة في تلك العبارة مؤلم

عندما يتعلق الأمر بحياة انسان لا يوجد شئ اسمه تهويش و كان نفسي اخوفه بس

ارجو منك مراجعة نفسك و ارجو منك شطب تلك العبارة من مداخلتك

[غادة]

هو فعلا موضوع مهم

انا هسالك سؤال

صحبتك كانت لبسه ايه ؟؟ وشكل مكياجها ايه؟؟

يمكن ياشوشو لما تجوبى على الاسئله دى هتعرفى الشباب بيعمله كده ليه

[بنت شعنونة]

غادة

زميلتي محجبة

تصوري

ولا تلفت النظر لآي حدا .......

شفتي الهنا

[ابو حلاوه]

هو فعلا موضوع مهم 

انا هسالك سؤال 

صحبتك كانت لبسه ايه ؟؟ وشكل مكياجها ايه؟؟

يمكن ياشوشو لما تجوبى على الاسئله دى هتعرفى الشباب بيعمله كده ليه

عزيزتي أستاده غادة .. أنا بصراحة أرفض هدا المنطق

.. الضحية تعرضت للاعتداء علي كرامتها و تلام لأنه اعتدي عليها .. ليس هدا عدلا اطلاقا

و من غير المنطقي ان نبحث عن اسباب ندين بها الضحية

[DARWEEN]

الأخت العزيزة شعنونه

واضح أنك ضربتي على الآخر .... أنتي جرى لعقلك حاجه تجري ورا أتنين شبان صيع ؟؟؟؟؟؟ طيب أفرضي واحد فيهم فتح عليكي مطواه؟

أفرضي أنهم أتلموا عليكم شوية صيع تانيين ؟؟؟؟

أعقلي وبلاش تهور في الحاجات اللي زي دي ...وبلاش شغل العربيات وأنا حاموته وسيبوني عليه .... ماشي ؟

أحسن تصرف في الحالات دي ... ألحقوناااااااااااااااا (بأعلى صوتك )

وعلى فكرة دا مش هزار ... أهل الخير بقى حيعملوا الباقي

وبعد ماياخدوا اللي فيه النصيب يتسحبوا على القسم زي خروف العيد

وعلى فكره ... هتك العرض يبدأ من مجرد لمس أنثى ..

المشكله هي أن الأخلاق ةالقيم في البلد كل يوم في النازل وبابتطلعش تاني ... يابنتي أحنا على أيامنا اللي كان يقول لواحده يا جميل مثلا أو ياقمر في الشارع كان بيبقى مجرم

[Farah]

أحسن تصرف في الحالات دي ... ألحقوناااااااااااااااا (بأعلى صوتك )

وعلى فكرة دا مش هزار ... أهل الخير بقى حيعملوا الباقي

بلنسبه لمصر ده احسن تصرف وعلي فكره ده مش ضعف

[بنت شعنونة]

احسن تصرف يالهوي؟؟؟؟؟

يالهووووووووووييييييي عليكوااااااااا

طب اسمعوا دي

من فترة كنا ماشيين مروحين انا ومرات بابا وجه حرامي لطش الشنطة وطلع يجري

وعملنا ال يالهوووووووووي دي

وكنا جنب سفارة وحرس وامن وافلالالالالام

وكنا بنجري قدااااامهم ونصووووووت ولالالالالاهماااا هنااااااا

فييييييييييين بعد جري شارعييييييين

بواب مسكه في الشارع التااااااااااااالت

نقول يالهوي برضه؟؟؟؟

بلالالاش

موقف شفته بعيييييييني حصل ع الترام وعلى حظي كنت واقفا في الأشارة جنبه

بنت حصل معاها نفس الموقف راحت ماسكا في الولا وهاتك يا صرييييخ

عارفين ايه حصل؟؟؟؟

والله زي ما بقولللللللكم كدااااااااااا

الشباب اتلموا عليها واللي يقولها في ايه واللي يفعص فيها في الزحمة

واللي يشد شعرها

لحد ما بقت تصوت في كللللللل اللي حواليها

وما انقذهاش الا انها نطت في الترام اول ما وصل

ازاي الحااااااااال كدااااااااااااا؟؟؟؟؟؟؟

"وش منقوووووووووووط"

استاذ داروين والله مش شغل افلالالالالالام

بس طول ما انا سايقا عربيتي انا مركز قوووووووة

واللي ما اترباش يتربي

دي ناس تخااااااااااااااف ما تختشيييييييششششش