تصرفات الشباب والرد من البنات...؟؟؟

[moody00x]

الله ما أنا لاقى أى حل ....تصرفك مش سليم لأنك فى النهاية هتئذى نفسك

وبرضه لو كل واحده سكتت للحيوانات دى برضه مش حل...والبوليس حتى لو وصل هيبئى زى ألأفلام بعد المصيبة ماتحصل ويالاهوى مش حل...

طب وبعدين؟

[بنت شعنونة]

الله ينور عليييييييك يا موديييييي

وبعدين؟

اخويا امبارح افتىىىىىىى

انه مافيش بنت تنزل من بيتها الا لو معاها راجل

طبعا مش عاوزا اقولك اني كلللللللللللللللللتتتتتتتتتتت اخويا خلالالالالالالاص

لانه هوا اصلا بقعد اتحااااااااااااايل عليه يوصلني حتة وهوا ولالالالالا هنا

ف لو اعتمدت عليه

يبقى ان شاء الله مش طالعه من بيتي الا ع القبرررررر

دا لو طلعني ع القبر كماااااااان

"وش موللللللللع ناااااااااااار"

[Farah]

زمان هو مش زمان قوي ودي قصه حقيقه انا عشتها

حبت عيال صيع كانوا بيقفوا في شارع ضيق في انتظار اي بنت او بنات وواحد يرفع طرف الجيبه او الفستان للبنت

والد واحده من البنات مع مجموعه من الاهالي عملوا كمين للاولاد دي وحلقوا لهم شعرهم وادلهم درس في الادب من غير قتل ولا بوليس ولا حاجه الموضوع عاوز وقفه من الناس والاهالي مش بوليس

[بنت شعنونة]

شفتي يا فرح قلتي ايه

الموضوع عاوزوقفة من الناس و الأهالي

طب حصل الموقف واهلي مش معايا

استنى دوووووووور تني بقى عشان اخد الوقفة؟

والا اخدها وربنا معااااااااياااااااااا!!!!

[Farah]

طب حصل الموقف واهلي مش معايا

استنى دوووووووور تني بقى عشان اخد الوقفة؟

والا اخدها وربنا معااااااااياااااااااا!!!!

ربنا معاكي ان شاء الله بس بلاش انتي اللي تربيهم اصرخي اصل مسئله الشرف والادب من الحاجات المهمه في مصر حتلاقي 100راجل من الشارع بيساعد

[عادل أبوزيد]

الفاضلة شعنونة

تفكيرك تماما تفكير شباب متحمس "مثل الكتالوج تمام "

المسألة ليست اعتداء على فتاة من شاب تنقص التربية و لكن الإعتداء و التطاول يمكن ان يصيب حتى رجل كبير فى السن يسير وحده !!!!

الوضع الآن اختلط الحابل بالنابل "فاى ناس " يمكن ان يتواجدوا فى مكان و أذكر منذ سنوات قرأت عن مستشار أصيب بأزمة قلبية و مات على أثرها فى نادى الجزيرة عندما تطاول عليه أحد الشبان الرقعاء "باللفظ فقط" !!!!

فى مكان يمكن أن تصادفى شخصا ربما تبدو عليه مظاهر النعمة و لكنه تحت تأثير مخدر ما !!!! او تصادفى شخصا من سقط المتاع و معه رفاقه فى افخر مكان بالقاهرة !!!

و هؤلاء إحساسهم بالخطأ او المهانة يختلف بالكامل عن الإنسان السوى المحترم

الخلاصة ان محاولة الإقتصاص لنفسك او "تعديل المايل " لاتجوز حتى و لو كان المتضرر رجل

للأسف احسن السبل هى التوارى و البعد عن التصادم و اللجوء للقانون لا أنصح به الا عند التمادى او تكرار الإعتداء

أخى ضابط شرطة برتبة عميد و قد تعرضت بنته اكثر من مرة لإعتداءات و استفزازات فى الشارع !!! طبعا هو لم يعرف وقتها و لم تجرؤ هى على تصعيد الموقف و قتها ببساطة شديدة قد يخرج من فمه موس حلاقة و يقوم بتشويهها بالموس و بالنسبه له الحبس او الضرب لا يعنى شىء

ربما يكون اقتراح الفاضل ابو حلاوة عن استخدام وسائل صغيرة للدفاع عن النفس هى الحل

[DARWEEN]

يا دكتوره ... أنا قصدي أنه غلط تعرضي نفسك لمخاطر مع شوية صيع من غير ماتعرفي هما وراهم أيه .... يعني لو أتهجموا عليكي بسلاح ولا بشوية صيع تانيين حيكون الوضع أيه

يابنتي العزيزه زي مانتي شايفه الحكومه النهارده بتفكر في حاجات تانيه غير حماية المواطن ...

وصدقيني انا أتألمت جدا لم قريت الموضوع ده لأن الشهامه والرجوله هي الحاجه الوحيده اللي فاضلنا في البلد دي ولو دي كمان راحت يبقى عليه العوض

هي الناس في مصر جرى لها أيه ؟؟

الشباب مالهم ؟؟

هما بقوا يا متطرفين يا صيع

ربنا يكون في عون الجميع يارب

[بنت شعنونة]

يا اخي داروين

طب نعمل ايه بس

مالازم حل

وفي الأول و الاخر الواحد بيقول ربنا معايا

عشان انا اللي معايا الحق

وربنا بيكرمنا..."وش محرج ومكسوف"

طب انا نفسي احكيلكم بيحصل ايه في المنصووووورة

ها اموووووووت اقولها والله

المشكلة مش لاقيا صيغة واحدا محتررررمة يتكتب بيها الموضوع دا

"وش بيعيييييييييط من قلبه"

[بنت شعنونة]

استاذ عادل

كلامك من كلام والدي "وش حزيييين"

انما لالالالالالالا

ما ينفعش كدا ابدا

حضرتك فكرتني بكلام الناس لما واحد كان قاعد في بيته وشاف واحد بيسرق عربي في الشارع فخاف لا يصرخ او يبلغ عنه عشان ما يجيش يستقصده ويرشه بمية نار بعد كدا!!!!!!!!

انا معترضة بصراحا

"وش حزين جدا"

[DARWEEN]

طب انا نفسي احكيلكم بيحصل ايه في المنصووووورة  

ها اموووووووت اقولها والله  

المشكلة مش لاقيا صيغة واحدا محتررررمة يتكتب بيها الموضوع دا  

"وش بيعيييييييييط من قلبه"

 

 

هي وصلت للمنصوره ؟؟؟؟ طيب قلنا القاهره وأسكندرية كبار والناس تايهه في بعض وماحدش عارف حد ... لكن الأقاليم كمان ...

على فكرة أحنا متشكرين يادكتوره ومش عاوزين نعرف أحنا نقدر نتخيل الوضع

وش متغاظ وحيفرقع

[Farah]

بنت شعنونة

انا معترضة بصراحا

"وش حزين جدا"

محدش قال ان هم صح وانتي غلط

انا شيفه ان الناس بالاجماع مفلطاكي في الرد والناس دي كلها بتحبك

بطلي عند عشان متضريش نفسك ارمي السلاح اللي ممكن يضرك مش عيب انك تحسبيها غلط انما الخطآ التصميم علي الرآي

دوري علي البخاخه دي انا عرفه انها صغيره ممكن تضعيها في سلسلة المفاتيح بس معرفش هي مسموح بيها في مصر ولا لآ

تاكدي الاول

وربنا معاكي

[الطفشان]

الاخت شعنونة

هذا التصرف بهذه الصورة خطأ

طب مش انا راجل اهه؟

لما كنت في مصر، كان نفس الكلام يتوجه لنا من اهالينا

مش عشان الصيع دول صح

و لا عشان مش الحق معانا

بس عشان الامور ممكن تتطور، و تنتهي بكوارث

يعني لو واحد غلس عليا او شتمني في الشارع (و حصلت)

ممكن ارد عليه برد بكلام بايخ مثلا

لكن لو الموضوع تم تصعيده من اي من الطرفين

ممكن تبقى مطاوي

او يجرا له حاجة و انا اللي اروح فيها

يعني لو كنتي في الحمقة بتاعتك و دستيهم فعلا

كان ايه اللي حصل؟

لو انتي في موقف ضعف، يبقى تفادي المواجهة احسن

لان ميزان القوة مش في صالحك

التصرف الصح هو

انك تصوتي في الشارع

و موضوع شنطة زوجة الوالد دليل على نجاح الموضوع دة

لان حرس السفارات عندهم اوامر انهم مايسيبوش مكانهم لاي سبب

لان ممكن حد يعمل فيلم كدة و يلهيهم من ناحية

و تلاقي الجماعة اياهم فجروا السفارة من ناحية تانية

بي البواب مسك الحرامي و الا لأ؟

و رجعت لكم الشنطة و الا لأ؟

يبقى البلد فيها خير لسه

هنا ماقدرش اعتمد على الموضوع دة

بس في مصر ممكن

الناس لسة عندهم نخوة و شهامة

الحل التاني الشرطة

و هو حل سخيف في بلدنا لكن وارد برضه

و الحل الثالث هو وسائل الدفاع عن النفس

و كل دة الناس قالوه فوق

لكن بالتأكيد التهور و الاندفاع دة مش في صالحك

عايزين منك تعهد انك مش حتعملي كدة تاني

احسن في مرة تغيبي عن المنتدى يومين و الا كدة

و احنا نقعد نضرب اخماس في اسداس

هي البنت جرا لها حاجة؟

لا تكون لطشت مع حد في الشارع و عمل فيها حاجة؟

لا تكون اكتئبت و عملت في نفسها مصيبة؟

الخ

اذا كان دة شعورنا

يبقى شعور بابا و اخواتك و قرايبك ايه؟

[wa7d]

صحبتك كانت لبسه ايه ؟؟ وشكل مكياجها ايه؟؟  

الأخت غاده ... أرجو أن لا تعطى أى تبرير للشباب المستهتر، وسوف أبالغ شوية وأقول لك لو البنت عريانه والشاب لمسها لازم يعاقب بتهمة هتك العرض . حرام عليكى والله .

الأخت شعنونه

اللى عملتيه طبعا خطأ .ارجو ألا تندفعى بهزه الطريقة .

طلب البوليس فى الموبيل ...هااااها .... أظن الأخ وايت هارت يقصد أنك تطلبى البوليس الألمانى ... أما تطلبى البوليس المصرى !!!! الضابط حيموت من الضحك .

تسكتى برضه خطأ لأن هؤلاء الصيع سيكرروها مع آخرين وقد يزودوها .

أحسن طريقه إذا كنتى تقدرى توصلى لضابط كبير عن طريق معرفه ، تكلميه ( البوليس فى مصر ملاكى ) وهو سوف يرسلك لصابط الآداب للمنطقة التى وقعت فيها الحادثه ، وتأكدى أنهم سوف يعملون كمين وسوف يقبضوا على هؤلاء الصيع . أما إذا لم تتمكنى من الوصول لضابط كبير - مش مهم - تاخدى السيد الوالد أو أخوكى وتذهبى لمقابلة مأمور القسم فى هذه المنطقة وتحكى له ماحدث - واياكى تذكرى موضوع مطاردة العربية دى ، دى جريمة - وتأكدى أن المأمور سوف يتصرف بما يرضيكى . ورجاء منى أن تتابعى الموضوع بحماس ودون كلل حتى تربى الناس دى . وأذكرك إن سلامة بنات الحته بين يديك ( وش متفائل )

ونحن منتظرين نتيجة إتصالك بالبوليس .

[amir]

ورحت طايرة بالعربية ولافا البلوك كللللللله وراجعالهم من وراهم 

وهيا تصووووت وتقولي سيبهم وانا اقولها لو كل واحدا قالت سيبيهم يبقى عمرهم ما ها يتعلموا الادببببببب في عمرهم 

ورحت جايا من وراهم وبكل ما في رجلي من قوة دست ع البنزين وراسسسسسسسسي والف جزمة اقطع خلفه 

فعلا الأتنين نطووووووا من الرعب ع الرصيف 

رحت لافا تاني وواقفا بالعربية قدام الرصيف وقلتله 

مادام عامل راجل 

انزل بقى من ع الرصيف خليني اوريك الموت شكله يه؟

احـدث افلام الموسم

جيمس بونـد فى سـوق القصـب

[se_ Elsyed]

يعجبني جداً تحمس شعنونة لأي موضوع ولكنه تحمس بلا فرامل وبالتالي فمن الممكن أن يتسبب فى كوارث لها وللآخرين ، وبالتأكيد فإنه إذا تم توجه هذا الحماس فى الأتجاه السليم فسوف يؤدي إلي نتائج مبهرة .

والحالة التى وصفتها لنا شعنونة بعفوية وتلقائية تحسد عليها ، هي للآسف وضع الشارع المصري الذي يعاني من إفلات أمني مع اختفاء دور الشرطة وأكتفاءهم بالجلوس فى مكاتبهم وسيارات الدوريات المكيفة .

ومع هذا الوضع الذى يبدو أنه يبعث على اليئس فلابد أن نتذكر بأنه لا ضاع حق وراءه مطالب ، بمعنى إذا كنت أعاني مثلاً من مشكلة فى الشارع مثل مقهى يجلس علية ثلة من الفاسدين يؤذون الناس أو جار لا يحترم مشاعر جيرانه ويزيد من صوت الكاسيت بحيث يحول حياة جيرانه إلى جحيم ، فأننا مقابل ذلك لابد ان نكون إيجابيين فعلى سبيل المثال أقوم بالأتصال بالشرطة وأسأل عن أسم الشخص متلقي البلاغ وإذا لم يكن هناك إستجابة أتصل بالنجدة فإذا لم يكن هناك أستجابة أتصل بمديرية الأمن . وأحكي للكل اني أتصلت بكذ وكذا ومافيش أستجابة ( العملية عايزة تعب فى الأول )

وصراحة أعجبني جداً موقف مشابه قام به بكل إيجابية أخونا هشام عبد الوهاب فى محاربة صيدليات الموت التى تبيع السموم للشباب ، وكذلك موقف أخونا ( مش فاكر اسمه ) الذي كان يعاني من وجود سوق السمك فى وسط أحياء سكنية .

كل ما أرجوه أن نوصل صوتنا للمسئولين

وما نسكتش على حقنا والدفاع عنه بإستماته مافيش فرق بين راجل وست .. الحق حق

على أن يكون ذلك كله فى إطار الشرعية والقانون

[غادة]

انا مقلتش ان هذا الشاب مش غلطان

بس ده ظاهره موجود فى المجتمع ولازم هذه الظاهر يكون لها اسباب

اولا الشباب اللي بيعمل كده معندهمش وازع ديني يردهم ولا أخلاق ولا تربيه والسبب الثالث هو لبس الفتيات اللي بي شجعهم على كده

يعنى لو وحده لبسه لبس محتشم مش مفسر جسمها حد هي عكسها ولا هيعملها حاجه زي كده ؟؟

[بنت شعنونة]

"وش حزين جدا جدا...."

[Farah]

سوال غاده

والسبب الثالث هو لبس الفتيات اللي بي شجعهم على كده

يعنى لو وحده لبسه لبس محتشم مش مفسر جسمها حد هي عكسها ولا هيعملها حاجه زي كده ؟؟

جواب بنت شعنونة

إزميلتي محجبة

تصوري

ولا تلفت النظر لآي حدا .......

شفتي الهنا

مفيش شك ان اللبس في بعض الاحيان عليه عامل بس اصحاب النفوس المريضه لايفرقوا

[wa7d]

اولا الشباب اللي بيعمل كده معندهمش وازع ديني يردهم ولا أخلاق ولا تربيه والسبب الثالث هو لبس الفتيات اللي بي شجعهم على كده 

يعنى لو وحده لبسه لبس محتشم مش مفسر جسمها حد هي عكسها ولا هيعملها حاجه زي كده ؟؟

طيب ده السبب الأول وده السبب الثالث إمال فين السبب الثانى .

يعنى إنت يا أخت غاده رأيك إن البنت التى تلبس غير محتشمه تستاهل كل إللى يجرالها ؟ ونسيب شوية مرضى يضعوا لنا القوانين بالبلطجة والفتونه وقلة الأدب . وإيه رأيك البنت إللى وشها حلو ، مش أحسن برضه تغطى وشها . والبنت إللى صوتها حلو بلاش تتكلم أحسنلها . والله لو سبتى المرضى دول يقرروا كيف تلبس وتتكلم وتمشى الستات ، لن تقف عند حد .

[ابو يوسف]

انا لا أفهم لماذا اعترى الغضب البعض من رد الفعل الشعنونى الذى ما كان ليصدر الا من بنت مصرية جدعة بنت بلد ...؟؟؟

هل كان الموقف يسمح بأى تفكير فى قانونية رد الفعل هذا أو تبعاته ؟؟؟

لا ادرى كيف سيكون رد فعلى لو تعرضت اختى او زوجتى لمثل هذا الفعل القبيح ...

اعتقد انه عندما تصل الامور الى التعدى بالايدى . فان السكوت عن هذا سيجعل بناتنا و اخواتنا عرضة للاغتصاب فىقارعة الطريق ..

الشرطة نايمة فى العسل ... لان مافيش قضية .. يعنى الباشا ايه اللى ح ينزله من المكتب علشان يقول لشوية ولاد صيع عيب كدة ؟؟ و يمكن يطلع حد فيهم ابن (......) مسئول طبعاً و الظابط يلاقى نفسه بيخدم فى حلايب !!

اعتقد ان الاحتماء بالناس اللى فى الشارع هو الحل الاقرب للتطبيق ...

هذا ان وجد فيهم رجل فى زمن عز فيه الرجال ...!!!