سلام لمصر...........

[houssin abo habaga]

سلام لآبن مصر

وكل مصر

سلام للحرنكش والمزركش

والمعرى والمغرى

سلام للمسخرة

واللى جابنا لورا

سلام للمدلدل والدلدول

سلام للمريله والمريول

سلام للعروبه والعمر المديد

سلام للى يشجب ويرفض

وخور العديد

سلام للأمريكان وفم الخليج

سلام للكبير

صديق الصهاينه وصديق الأمير

سلام للفساد وظلم العباد

والسجن الكبير

سلام للهباش والنتاش

واللى طول عمره واطى

ولا يعلاش

سلام للغلبان

واللى شايف إن أصله

حظه المنيل ويا الهموم

واللى ناشر الهدوم

على حبل الغسيل

سلام للمحشش

والبيض الممشش

وحموا الخطير

سلام للى كان

أيام زمان

العدس والمصير

وقمح الأمير

وبصلنا الكبير

سلام للصفار

وولادنا الصغار

وغناوى الحمار

وترب الغفير

سلام للملدن

وأدان لما يدن

على قصر الفقير

يا مصر الحنين

والشوق الكبير

جايلك بمسى

لا تقولى حزين

أنا جايلك وبضحك

وهشتك وبشتك

وتقولى أنت مين

أنا مين

المصرى الغشيم

الى شبع وعود

وعاش جوه عشه

ولعب قرود

واستحمل آسية

وشاف الحكومة

وهى بتسرق

فى قوت الفقير

خلاص قال معدشى

يلملم فى نفسه

ويجمع اللى فاته

على آيه الحزين

هو اللى راح

بيرجع

يا أكبرحزين

رمضان كريم

------------

كتابات/ حسن عمران

:blink: :lol: :lol:

[Simba]

وسلام لأحلي كلام

[houssin abo habaga]

وسلام لأحلي كلام

وسلام خاص ليك يا أستاذ سمبا

وربنا ما يحرمنا منك أبدا

تقبل تحياتى وأحترامى

:happy: :lol: :blink: