كيف تهاجر بدون محامي

[savaryxxx]

السلام عليكم ورحمه الله وبركاته

اولا كل سنه وانتم طيبين

عيد فطر مبارك ويارب تكونوا ضربتوا كحك لما شبعتوا

المنتدى بقاله يومين مش بيفتح ,,, يالهوى اتجننت

حوارات المصريين انضرب يا رجاله

بس الحمد لله اتفح انهرده

وكنت اتمنى ان يكون هناك موضوع مثله لهجرة كيبك

والله ياريت ,,,احنا ربنا كرمنا بالناس الجميله دى

واكيد ان شاء الله فى زيهم مقدمين لكيبك

مافيش مشكلة ولا يحزنون

هتروح ادارة الصيدلة

تطلب شهادة خبرة

هتطلعلك شهادة خبرة على الصيدلية اللى انت مسجل عليها

متجبش بقى سيرة حكومة ولا سعودية ولا الكلام دة

لو انا مش فاهم المشكلة وضحلى

جايز اقدر اساعد

دكتورنا الفاضل حسام يوسف

اولا شكرا لاهتمام ورد حضرتك ,, ربنا يجازيك خير

اللى فهمته من كلام حضرتك ان فى اداره الصيدله مش هسؤلنى الاجازه اللى انا اخدتها كانت للداخل ولا للخارج ؟؟

هل تغير الاجازه ددا من الداخل للخارج مش هيبان عندهم ؟؟

انا اجازتى كانت تحسين دخل وبعدها سجلت مدير

جه حوار السفر ,, غيرتها للخارج

لو مش هتبان عندهم يبقى ان شاء الله مش هتبقى مشكله

هقدم الابلكيشن بتاعتى من مصر وهعمل الخبره على الصيدليه اللى انا مسجلها مدير واللى قبل كده الفتره بتاعه التكليف والصيدلى التانى اللى قبل التكليف

يا اما هستنى لما انزل مصر على شهر 3

وهلغى المدير خالص واجدد اجازتى للخارج

وارجع هنا المملكه واقدم على مكتب لندن واعمل الخبره الصيدلى التانى والتكليف و الصيدليه المسجل عليها مدير فمصر وبعدين خبره السفر

المشكله كلها لو بيعرفوا نوع الاجازه او ان الاجازه كانت للداخل وبقت للخارج !!!

والمشكله مش فى النقابه ولا التحقيق والحوارات دى

مصر كلها سكك

المشكله انى مقدرش اجيب شهادات خبره باللى كتبته فى الابلكيشين وساعتها ابقى كداب واكس ويتعلم عليا !!!

وعموما لازلنا فى انتظار شهر 11 ونشوف قصه القوانين الجديده والوظايف الجديده دى

[hazemtara]

اه

حبيت اقولكم علي خطوة بسيطة ويمكن تعتبروها هايفة لكن انا نفذتها عشان اامن نفسي وهي اني انشات صندوق بريد باسمي في البوسطة

توجهت اليهم سائلا عن الاجراءات

صورة البطاقة وطلب وتدفع في الخزنة اربعين جنيه

يبقي عندك صندوق بريد خاص للمراسلات وادوني نسخة من مفتاحه لكن الصندوق عندهم

مش مهم

كده انا بقيت مطمن ان اي مراسلات هتوصل عليه ولا شغل التلات ورقات بتاع السعاةوالجواب ضاع والذي منه

هي خطوة مش ضرورية مع ناس كتير بس انا بقي من النوع القلق وكده ارتحت

وشكرا

السلام عليكم و رحمة الله و بركاته

ازيك يا دكتور

فكرة حلوة طبعا و جت فى بالى

بس هل دى ممكن تنفع معى ... انا خلاص قدمت و كتبت العنوان بتاع المراسلة و مش عايزة كل شوية ابعت للسفارة اغير و خصوصا انهم مش بيريحوك و يقولوا لك وصلهم و لا لا

فهل فى حالة اذا انشأت صندوق للبريد الان كل الخطابات اللى جيه على عنوانى هتوضع فيه ؟؟؟؟

سؤال تانى : ده هيكون بالنسبة للخطبات اللى جيه عن طريق البريد بس و له للكل؟؟؟؟ DHL و غيره

وفقنا الله و اياكم

اخبار دعواتك ايه يا دكتور :rolleyes:

أنا عملت زيك يا دكتور تماما بس قبل ما ابعت الأبليكيشن واضح ان انا بفكر زيك بس انا لا جالى فايل نمبر ولا يحزنون وانا قدمت من شهرين على لندن.

كل عيد وانت طيب

[qenawy]

من مداخلات الاصدقاء يا صديقي

الفايل نومبير FILE NUMBER

قد يصلك بعد اربع شهور من تاريخ تقديمك فلا تقلق

وكن واثق انه سيصل ان شاء الله

[qenawy]

حسنا معلومة لسة قاريها بسيطة ان سعر ترجمة الورقة او الشهادة يتراوح بين 25 الي 60 جنيه

لذا الفصال مطلوب وشكرا

[nona alawaal]

الاستاذ voodoo حاولت ارد على رسالتك اللى على الخاص و لكن انت قافل الخاصية

دكتور قناوى .. اهلا بك انا مش موقفة الخاصية عندى .. اسفة اول مرة ادخل هنا من يوم الوقفة

[nona alawaal]

حسنا معلومة لسة قاريها بسيطة ان سعر ترجمة الورقة او الشهادة يتراوح بين 25 الي 60 جنيه

لذا الفصال مطلوب وشكرا

دكتور قناوى

انا استخرجت شهادان الميلاد بنفس الطريق اللى قالت عليها الاخت الفاضلة بنت بطوطة و الاج الاهلاوى الاصيل على ما اتذكر

و هى دى الطريق الصح مش اى شىء اخر عن تجربة المرة دى

ترجمة الشهادة ب 10 جنيه .... هو طلب 12 لكن كانت صديقة قالت لى انها عملتهم قبلى ب اسبوع ب 10 فقلت له عشرة خاصتا و اننا استخرجت لكل فرد عدد 2 اصل انجليزى

تحياتى لك و شكرا

:lol:

تم تعديل 11 أكتوبر 2008 بواسطة nona alawaal

[qenawy]

حمدا الله عليالسلامة يا مدام نونا نورت بيتك

انا اقصد الترجمات الاخري للشهادات الدراسيةوالخبرة وما اشابه

عارفه مكتب في مصر الجديدة ب150 جنيه الورقة الحمد لله ما روحتوش وشكرا

[bibo sobhy]

اعزائي: في البدايه اشكركم بشده على الموضوع،اد ايه مفيد جدا لي.

انا عندي شويه اسئله ملخبطاني ارجو الرد عليها

1- سمعت ان الفرنساوي (او مقاطعه كيبيك) افضل واسرع من جهة الاجراءات اكتر من الانجليزي هل هذا صحيح ام لا (سمعت ان الفرنساوي تقريبا سنه او سنه ونصف وتسافر ولكن الانجليزي 5 سنوات بسبب الضغط)

2- هل لو قدمت انجليزي هتختلف المقاطعه التي بقدم ليها في الوقت ولا كلهم واحد

3- انا مثلا مهندس الكترونيات لقيت في NOC مطلوب رقم 2133 ولكن مش عارف اقدم لاي مقاطعه

4- طيب سمعت برضه اني لو عرفت اجيب job offer هيخلي السفر في مده 6 شهور وهيعلى درجاتي وممكن اعدي ب ايلتز اقل في الدرجات هل هذا صحيح، ولو كده ازاي اعمل job offer

5- الملخص انا عاوز طريقه سريعه للسفر

6-انا متزوج من صيدلانيه،فهل الاسهل اقدم باسمي ولا باسمها،وهل ينفع نسافر على اسمها ونعمل المعادله هناك ولا لازم هنا

ارجو المساعده لاني متلخبط خالص

[nona alawaal]

حمدا الله عليالسلامة يا مدام نونا نورت بيتك

انا اقصد الترجمات الاخري للشهادات الدراسيةوالخبرة وما اشابه

عارفه مكتب في مصر الجديدة ب150 جنيه الورقة الحمد لله ما روحتوش وشكرا

الله يسلم يا دكتور ... البيت منور بوجودك

طب و ليه نروح لبتوع 150

انا عندى فكرة المكتب اللى بيبعتك له وزارة الصحة بتاع لازغلى معتمد و اسعاره رخيصة جمع كل ما تريد ترجمته و خليه مشوار واحد و انت رايح تستخرج شهادات الميلاد الانجليزية

حضرتك ترجمة و لا لسه ؟؟؟؟

بالنسبة لشهادات التخرج دى هنخدها من الجامعة مترجمة

لاخظ يا دكتور لو شهادة ميلاد حضرتك عزتها انجليزى مرتان هتدفع ثمن الترجمة مرتان يعنى كل اصل بيحسب ترجمة مع ان هى ترجمة واحدة

الله الموفق لى و لك و الجميع ان شاء الله

[nona alawaal]

اعزائي: في البدايه اشكركم بشده على الموضوع،اد ايه مفيد جدا لي.

انا عندي شويه اسئله ملخبطاني ارجو الرد عليها

1- سمعت ان الفرنساوي (او مقاطعه كيبيك) افضل واسرع من جهة الاجراءات اكتر من الانجليزي هل هذا صحيح ام لا (سمعت ان الفرنساوي تقريبا سنه او سنه ونصف وتسافر ولكن الانجليزي 5 سنوات بسبب الضغط)

ده كان زمان .... ان شاء الله بتوع المقاطعات الانجليزية هيكونوا اسرع كمان بس ربنا يستر على قائمة الوظائف

2- هل لو قدمت انجليزي هتختلف المقاطعه التي بقدم ليها في الوقت ولا كلهم واحد

3- انا مثلا مهندس الكترونيات لقيت في

مطلوب رقم 2133 ولكن مش عارف اقدم لاي مقاطعه

شوف راى انك امامك حوالى اسبوعين و هيتضح قائمة الوظائف المطلوبة فيدرال انت عقبال لما تكون جهزت هيكون القائمة ظهرت و هيتضح الموقف ... عامتا اونتاريو عليها اقبال من المهاجريين اكبر و بالتالى اعتقد ان الهجرة الليها مش هتكون اسرع

طيب سمعت برضه اني لو عرفت اجيب

job offer هيخلي السفر في مده 6 شهور وهيعلى درجاتي وممكن اعدي ب ايلتز اقل في الدرجات هل هذا صحيح، ولو كده ازاي اعمل job offer

همسة فى اذنك كثيرا منا سيحتاج الى جوب اوفر حتى لو كا نصوريا ليستطيع التقديم على هجرة بعد قائمة الوظائف و ربنا يستر

5-

الملخص انا عاوز طريقه سريعه للسفر

صبرا اسبوعا هيتضح الصورة

6-انا متزوج من صيدلانيه،فهل الاسهل اقدم باسمي ولا باسمها،وهل ينفع نسافر على اسمها ونعمل المعادله هناك ولا لازم هنا

ارجو المساعده لاني متلخبط خالص

قدم باسم من يستطيع ان يجمع عدد درجات للهجرة اكبر ... و يكون اقوى فى اللغة

و باسمك باسمها واحد امام السفارة

تحياتى و تمنياتى بالتوفيق و ادعى لنا امانه عليك

[waloaa]

السلام عليكم ورحمة الله وبركاته

اود اولا ان اسجل اعجابى الشديد بالفكرة التى قام عليها ذلك الموضوع

وكذلك شكرى لكل من اضاف معلومة فيه وخاصة الاخت الفاضلة نونا ودكتور قناوى

جزى الله الجميع خير الجزاء

ثانيا: ارغب فى اضافة معلومة قد تكون ضئيلة جدا مقارنة بما تضيفونه من معلومات قيمة

وهى ان محطة مترو الانفاق الاقرب للسفارة الكندية هى محطة سعد زغلول

وهى المحطة التى تلى محطة التحرير(انور السادات)وهى بجوا ضريح سعد

المسافة من المحطة للسفارة لا تتعدى الخمس دقائق

فعند وصولك الى المحطة ما عليك الا ان تسأل عن كيفية الوصول لشارع القصر العينى

وبمجرد وصولك إليه ستجد محطة بنزين (التعاون) على الجهة المقابلة

عدى الشارع(وخد بالك من العربيات وانتا بتعدى عشان الناس بتبقى مستعجلة الصبح عشان

تلحق امضة الحضور فى اعمالها) :egyflag:

ادخل الشارع اللى على ناصيته البنزينة(برجلك اليمين طبعا)وامشى فيه

ستجد السفارة على ايدك الشمال

وبالتوفيق ان شاء الله

[qenawy]

شكرا

WALOAA,وللرفع ايضا

الدولار الكندي اليومين دول ارخص ما يمكن انا اشتريت 1550 دولار ب 7350 جنيه

الحقو قدموا وسيبكم من سيتي بنك روحوا السفارة بالفلوس كاش

[hamdy farag]

شكرا

WALOAA,وللرفع ايضا

الدولار الكندي اليومين دول ارخص ما يمكن انا اشتريت 1550 دولار ب 7350 جنيه

الحقو قدموا وسيبكم من سيتي بنك روحوا السفارة بالفلوس كاش

سعر زين..انا بفكر اجيس مصر و ندور الدولار الكندي لكن ماني عارف نسوله وين..غادي خالج مصرفجي يبيعوا هيك ولاش مارشيه نوار..شكرا اخ GENAWY؟

[fxdesigner]

حمدا الله عليالسلامة يا مدام نونا نورت بيتك

انا اقصد الترجمات الاخري للشهادات الدراسيةوالخبرة وما اشابه

عارفه مكتب في مصر الجديدة ب150 جنيه الورقة الحمد لله ما روحتوش وشكرا

بالنسبة لشهادات الميلاد و الكلية و الثانوية العامة ... بتطلع بالإنجليزي من الحكومة ...

لو شهادة من الشغل بقه ماقدرتش تطلعها بالإنجليزي ... فيه مكتب إسمه مودرن تايبنج عند كلية البنات عالمرغني جنب مطعم كويك في الممر التجاري تحت ... بيترجم الشهادة ب 50 جنيه و ترجمة معتمده من السفارات ... و ناس معاملتها ذوق الحقيقة .

و كان الأخ أحمد الديب بيقول على مكتب ورا المصرية للسيارات عند عمارات المروة صاحبه إسمه عبده أحمد بيترجم ب 35 جنيه الشهادة ...

[abdooovet]

ما شاء الله على الاسلوب الرائع فى العرض والسرد لكل الخطوات

انا بدأت قرايه ومقدرتش اقوم غير لما خلصت وعنيا ابتدت تدمع من كتر الفرحه بالاسلوب ومن كتر البص عالشاشه

ودعيتلك يا مدام نونا مع كل مشاركه موجوده وكذلك الدكتور قناوى والاخ الاهلاوى الاصيل والاخ الفاضل محمد عمر وكل اللى شاركوا فى الموضوع ده

لكن فى حاجه كنت عايز اسال عليها

بالنسبه لوظيفة طبيب بيطرى

طبعا مش عارف ليه همه قله فى عرض مواضيع زى كده

هل هى من الوظايف المرغوبه هناك

وطبعا انا طبيب بيطرى بس بشتغل مندوب دعايه لان حال الطب البيطرى فى بلدنا مريع اعمل ايه فى موضوع الخبره ده

ونفترض ان فيه حل لموضوع الخبره انا خريج 2007 هل استنى لغاية ما اجمع سنين الخبره اللى مش عارف هجيبها منين ده

معلش السؤال متداخل ولولبى بس انا خايف لميكونش فيه فرصه

ربنا يكرمكم ويباركلكم

"عبدالهادى"

[qenawy]

ما شاء الله على الاسلوب الرائع فى العرض والسرد لكل الخطوات

انا بدأت قرايه ومقدرتش اقوم غير لما خلصت وعنيا ابتدت تدمع من كتر الفرحه بالاسلوب ومن كتر البص عالشاشه

ودعيتلك يا مدام نونا مع كل مشاركه موجوده وكذلك الدكتور قناوى والاخ الاهلاوى الاصيل والاخ الفاضل محمد عمر وكل اللى شاركوا فى الموضوع ده

لكن فى حاجه كنت عايز اسال عليها

بالنسبه لوظيفة طبيب بيطرى

طبعا مش عارف ليه همه قله فى عرض مواضيع زى كده

هل هى من الوظايف المرغوبه هناك

وطبعا انا طبيب بيطرى بس بشتغل مندوب دعايه لان حال الطب البيطرى فى بلدنا مريع اعمل ايه فى موضوع الخبره ده

ونفترض ان فيه حل لموضوع الخبره انا خريج 2007 هل استنى لغاية ما اجمع سنين الخبره اللى مش عارف هجيبها منين ده

معلش السؤال متداخل ولولبى بس انا خايف لميكونش فيه فرصه

ربنا يكرمكم ويباركلكم

"عبدالهادى"

شكرا يادكتور اولا وموفق ثانيا

مهنة طبيب بيطري من المهن المطلوبة في كندا ولكن اصبر لشهر 11 تشوف لستة الوظائف يكون افضل

ثانيا بالنسبة للخبرة شوف لو هتجمع 67 نقطه بخيرة سنتين يعني 15 نقطة ام تنتظر افضل

ممكن ساعتها تكتب انك معاك 4 سنوات خبرة كمندوب دعاية طبي للادوية البيطرية ممكن تمشي

او ممكن ترخص عيادة بيطري ويبقي لها بطاقة ضريبية واهي ساعتها يبقي اسمك كنت شغال طبيب بيطري حتي لو العيادة ما اشتغلتش

ايه رايك في الفكرة دي

اهم حاجة تبتدي تعمل حاجة تحياتي

[abdooovet]

انا مش مصدق سرعة الرد والله يا دكتور

انا بجد شاكر لحضرتك جدا

انا يا دكتور بشتغل فى دعايه لادويه بشريه مش بيطريه

وفعلا فكرة العياده ده فكره جميله انا كده كده كنت ناوى ابدأ فى عمل واحده

وربنا يكرمك ويباركلك ويسهلك كل اجراءات الهجره ويرزقك براحة البال ان شاء الله

وشكرا لسرعة الرد الغير عادى

[karimimpl]

الله الله الله

ولا أروع ولا أفيد ...

أشكرك جزيل جزيل الشكر أختي الفاضلة نونا على هذا الجهد الكبير أسأل الله أن يجعله في ميزان حسناتك

والشكر موصول ولا شك لأبو الجدعنة كلها الاستاذ الفاضل قناوي

بانتظار المستجدات .........

[nona alawaal]

الله الله الله

ولا أروع ولا أفيد ...

أشكرك جزيل جزيل الشكر أختي الفاضلة نونا على هذا الجهد الكبير أسأل الله أن يجعله في ميزان حسناتك

والشكر موصول ولا شك لأبو الجدعنة كلها الاستاذ الفاضل قناوي

بانتظار المستجدات .........

ربنا يبارك فيك

بالتوفيق للجميع

[biopasha]

بسم الله ماشاء الله ........موضوع ممتاز انا متابع بقالي يومين استفدت كتير بصراحة خصوصا انه موضوع منظم ومتخصص وخطواتة مرتبة .......ودعيت كتير خصوصا للاخت الفاضلة مدام نونا والاخ الفاضل قناوي......جزاكم الله خيرا جميعا ووفقكم في سبيل نصرة الاسلام والمسلمين.......