الرررررررررحمه يا محاورات من موضوع البلاغات

[se_ Elsyed]

ساعات لما نُسيء إستخدام التكنولوجيا أو نُسيء إستخدام اي شيء في حياتنا ... فبيتحول الموضوع إلى جحيم ؟؟

وللأسف هناك أعضاء وزملاء أفاضل بالمحاورات .. إستحلو موضوع بلاغ للمشرفين ...

آه هو وسيلة كويسة للتواصل وتنبية طاقم الإشراف ما قلناش حاجه

لكن الرحمه حلوه برضوا ... فالمُشرفين دول بني أدمين من لحم ودم وعضم وجلد كمان ...

فلما نلاقي على موضوع واحد عشروميت رسالة بلاغ من نفس الشخص عشان عايز يعدل همزة أو حرف جر أو يلفت إنتباهنا لحاجه ... كل ده في سيل من الرسايل المخلتفة عن بعض ... فده كتير شويتين تلاتة أربعة

لدرجة إن صندوق الرسايل بتاعي ما بقاش يستحمل يوم وأرجع ألاقيه مليان على عينة ... مليان بلاغات طبعاً ...

وبالتالي بقت الرسايل الشخصية من زملاء أعزاء يستفسروا عن شيء بقت تضيع وسط هذا الركام من البلاغات ويا إما الرسالة تتوه أو يصل رسالة أخرى للراسل تفيد بإن صندوق الرسائل ممتليء عندي ...

فنرجو من الاخوة الاعزاء إنهم يخفوا علينا شوية وكل سنة وهما طيبين ...

والسلام ختام ..

[عصام]

توضيح يا ابو السيد ..

البلاغ لما يكون فى مخالفة أهلا بيه طبعا وجهد مشكور .. ويدل على إحساس عالى بالمسئولية ...

إنما بالفعل لما يكون لتعديل همزة أو شدة .. يبقى شيء مستفز ..

وقد تقتق ذهن بعض من تم وضعهم تحت الرقابة عن فكرة انتقامية جهنمية .. إلا وهى إنى أصدعهم بقى بالبلاغات اللى من النوع دا ..

الرحمة حلوة ..

[بقشيش]

انا ولا صدعتكم ولا حاجة يا استاذ عصام

بالعكس انا اديتكم اسبوع اجازة (راحة)

بقشيش

[Scorpion]

خاصية البلاغات اللي توجد في خيار "التقرير" الموجود بأسفل كل مداخلة ... هي خاصية هامة جدآ لنا كفريق المشرفين .. فمن خلالها يتم التواصل بيننا و بين الزملاء الأعضاء للإبلاغ بصورة أساسية عن أي مخالفة ... و هو شيئآ رائعآ عندما يتم استخدامها الأستخدام الأمثل .. فبهدؤ و بصورة حضارية نتعاون جميعآ لوأد مشكلة في مهدها ... أو انهاء خلاف .. دون أن يتم الأعلان عنه علي الملآ مما يجنب للبعض الإحراج الذي يجعلهم أحيانآ يتشبثون برأيهم ... فتتفاقم المشاكل بدلآ من حلها ...

و لكن استخدام هذه الخاصية (و هنا اتطرق الي مداخلة العزيز سي السيد ) بصورة شبه روتينية للإبلاغ عن خطأ إملائي .. او أي شيئ ليس بهذه الأهمية التي تتطلب ان يجد جميع المشرفين في صندوق رسائلهم ما يفيد بهذا ... هو بالفعل شيئآ مبالغآ فيه و ليس مفيد بالمرة ... بالطبع رغبة الأعضاء هي دائمآ محل إهتمامنا جميعآ .. و لكن فلنجعلها ذات أهمية بالفعل ....

و بما إن الشيء بالشيء يذكر .... و اخص هنا بالذكر الأعزاء الأعضاء حديثي التسجيل و الذي يخطأون أحيانآ و بدلآ من الضغط علي خيار "إضافة رد" كي يضيفون مداخلة لهم في موضوع ما .. يضغطون علي خيار " التقرير" مما يؤدي الي ان مداخالتهم لا تضاف الي الموضوع الأصلي و لكنها تظهر لدينا كبلاغ عن مخالفة عن موضوع ما ...

أرجو أن لا يساء فهم طلبنا هذا ... و الذي أكرر فيه ان خاصية التقرير مهمة جدآ و ندعوكم لأستخدامها متي رغبتم .. و لكن نتمني أن يكون بالصورة التي وُجدت من أجلها ...

[~Heba~]

انتوا محسسنى ان الخاصية دى كانت مهجورة و محدش بيستخدمها

و بقت اكتشاف بالنسبة للاعضاء فى الايام دى

هو انتوا نزلتوا اعلان عنها :D

اصل حاجة غريبة هى طول عمرها موجوده و انتوا اول مرة تشتكوا :D

و الا هى حالة طارئة انكم تعبانين اوى من شغل الاشراف الايام دى

و خصوصا الاستاذ عصام ياعينى تعبته اوى معايا...معلش يا استاذ عصام اصلى مكنتش مشرفة قبل كده فمش مقدرة حجم التعب اللى انتوا فيه :D

إنما بالفعل لما يكون لتعديل همزة أو شدة .. يبقى شيء مستفز ..

احيانا بتبقى فى اخطاء املائية واضحة و خاصية التعديل بتترفع بعدم كام يوم و كاتب المداخلة مش بياخد باله انه فيه خطأ الا بعد فين فى الحالة دى يراسلكم ازاى عشان تصحيح الخطأ الاملائى

و بما إن الشيء بالشيء يذكر .... و اخص هنا بالذكر الأعزاء الأعضاء حديثي التسجيل و الذي يخطأون أحيانآ و بدلآ من الضغط علي خيار "إضافة رد" كي يضيفون مداخلة لهم في موضوع ما .. يضغطون علي خيار " التقرير" مما يؤدي الي ان مداخالتهم لا تضاف الي الموضوع الأصلي و لكنها تظهر لدينا كبلاغ عن مخالفة عن موضوع ما ...

دى ع اليمين و دى ع الشمال يبقى ازاى يتم الخلط بينهم :) ؟؟؟

أرجو أن لا يساء فهم طلبنا هذا ... و الذي أكرر فيه ان خاصية التقرير مهمة جدآ و ندعوكم لأستخدامها متي رغبتم ..

لا ابدا ابدا طلبكم منطقى و معقول جدا

الحقيقة انى فى احدى الايام ارسلت رسالة للوالد الفاضل ابو محمد و لم اتلقى رد الا بعد ثلاثة ايام و كان تبريره ان رسالتى تاهت وسط رسائل التقارير تبرير منطقى الحقيقى

كما انى سبق و استخدمت الخاصية مرتين

المرة الاولى جاء رد المشرف للاستفسار عن ما كتبته فى التقرير و اللى كتبته اترفض و لم يتم اتخاذ اى اجراء (يمكن اعتبروه تقرير كيدى :D )بس و الله ده كان اول تقرير فى حياتى المنتداوية

و التانى بخصوص تراشق تم بين الاعضاء فى احد الموضوعات و الاشراف كان بعيد عن الموضوع و مش حاسس بيه فحبيت انبه عشان الاعضاء دخلوا فى بعض شتايم و اظن ده استخدام قانونى جدا لان استجابة الاشراف جت سريعة جدا :D

[Scorpion]

الفاضلة هبة..

أدعوكي أولآ لقراءة ما كتبناه جيدآ.. ثم قراءة ردك الشخصي الذي لا يحتوي الا علي سخرية مننا .. و هو شيئا بالفعل اساءني كثيرآ لافتقاره للياقة المفروضة في حوار مشترك .. مما يجعلني لا أفهم ماذا وراء حملتك الهجومية في الفترة الأخيرة ..

استفسار ... علي اي اساس اعتقدتي حضرتك ان ثلاث مشرفين يكتبوا في موضوع واحد للفت الانظار حول نقطة هامة يقصدونك انت شخصيآ..

سيدتي الفاضلة ...لدينا فعلآ ما هو اهم من هذا.. فهل تساعدينا علي ابقاء المسائل في حجمها الطبيعي دون البحث عن مشاكل وهمية

[Scorpion]

شيئآ أخر لفت انتباهي الان :

إقتباس

و بما إن الشيء بالشيء يذكر .... و اخص هنا بالذكر الأعزاء الأعضاء حديثي التسجيل و الذي يخطأون أحيانآ و بدلآ من الضغط علي خيار "إضافة رد" كي يضيفون مداخلة لهم في موضوع ما .. يضغطون علي خيار " التقرير" مما يؤدي الي ان مداخالتهم لا تضاف الي الموضوع الأصلي و لكنها تظهر لدينا كبلاغ عن مخالفة عن موضوع ما ...

دى ع اليمين و دى ع الشمال يبقى ازاى يتم الخلط بينهم ؟؟؟

الكذب ليس من عادتي سيدتي الفاضلة.. و تستطيعين حضرتك القاء نظرة علي تلك المداخلةهنا... كمثال واحد علي نفس الامر الذي يتكرر دائمآ..

[~Heba~]

الفاضلة هبة..

كلفة كبيرة جدا بتظهر بعد المسافات

الفاضلة هبة..

أدعوكي أولآ لقراءة ما كتبناه جيدآ.. ثم قراءة ردك الشخصي الذي لا يحتوي الا علي سخرية مننا .. و هو شيئا بالفعل اساءني كثيرآ لافتقاره للياقة المفروضة في حوار مشترك .. مما يجعلني لا أفهم ماذا وراء حملتك الهجومية في الفترة الأخيرة ..

معاذ الله انى اسخر منكم

و انت و سى السيد بالذات انتوا عارفين مقداركم عندى

تقديرى و احترامى لكم لا يستطيع احد ان يزايد عليه

و الله و لاحملة و لا حاجة يا اخى سكوب انت عارف ان اللى اتكلمت فيه من يومين موضوع محدد و يخص مشكلة محددة و هو جاء بشكل عرضى و غير مقصود منى و اقسم على ذلك و الله شاهد على قسمى فلا داعى لسوء الظن ارجوك

استفسار ... علي اي اساس اعتقدتي حضرتك ان ثلاث مشرفين يكتبوا في موضوع واحد للفت الانظار حول نقطة هامة يقصدونك انت شخصيآ..

لم اقل ذلك على الاطلاق انما انا فى الحقيقة اؤيد طلبكم بالتعقل فى استخدام خاصية التقرير لانه زى ما قلت ارسلت رسالة لبابا ابو محمد و تاهت وسط الرسايل و ده ممكن يحصل لاى حد

سيدتي الفاضلة ...لدينا فعلآ ما هو اهم من هذا.. فهل تساعدينا علي ابقاء المسائل في حجمها الطبيعي دون البحث عن مشاكل وهمية

انا انسة يا سكوب :)

الكذب ليس من عادتي سيدتي الفاضلة.. و تستطيعين حضرتك القاء نظرة علي تلك المداخلة

هنا... كمثال واحد علي نفس الامر الذي يتكرر دائمآ..

و الله ما حد قال عليك كده و لا جاب سيرته اصلا

انما انا مستغربة من الموقف اصلا و ازاى الاعضاء الجدد يحصل منهم هذا الخلط

و لعلمك بعد ان وضعت مشاركتى تذكرت انه فى بعض المنتديات زر اضافة الرد يكون على اليمين و هذا هو موقع زر ارسال تقرير هنا فى المحاورات

طبعا انت تستحق اعتذار اذا كان كلامى اساء لك بصفة شخصية

و لانك انت سكوب تستحق مية اعتذار

و انا اسفة يا سيدى عشان خاطرك ما راح ارد على شئ فى موضوع شئون المحاورات...عشان انا شكلى بقى وحش اوى :D

تحياتى :D

[Alshiekh]

السلام عليكم

إسمحوا لى ان اضيف اضافة بسيطة

المقصود من التنويه بخصوص ارسال التقرير للأشراف هو ان يكون فعلا يستدعى الارسال ، ولا أعتراض اطلاقا على رسائل الاعضاء للمشرفين ، ولكن عندما يصل عدد الرسائل من عضو الى 30 رسالة فى خلال اربعة ايام ، يطلب حذف كلمة وكتابة كلمة مكانها فى موضوع س او موضوع ص الذى مر عليه اكثر من عشرة ايام ، فهذا فعلا يسبب صداع.

فقط مطلوب من السادة الافاضل الاعضاء ان يراجعوا مداخلاتهم املائيا قبل نشرها لان الوقت المتاح للتعديل حسب اعتقادى هو 60 دقيقة.

شكرا للجميع

[badroora]

طول بالك يا ابو السيد .. هى دى الضريبة اللى بيدفعها كل ادارى ..قلبي عندك والله :wub:

صباح الخير

[بقشيش]

يا جماعة انا شايف نظام الرسائل الخاصة في اغلب الاحيان "فاشل"

بقشيش

[se_ Elsyed]

يا جماعة حرام وعيب كده ..

ده إحنا ناس كبار ومتعلمين ... ولن أُطلق لقب مثقين علينا لإن كل واحد أدرى بنفسه وليس كل متعلم مثقف ولا كل مثقف متعلم

فلما الواحد ياخد اجازة 24 ساعة فقط ..

24 ساعة يعني يوم

ونرجع نلاقي لا يقل عن 15 رسالة بلاغات ومحاضر شرطة في صندوق البريد .. وضايعه وسطها رسائل هامة من زملاء يريدون أن يستشيرونا في مواضيع تخصهم ونجيب عليها على قدر إستطاعتنا بصدر رحب .. فهذه الرسائل تضيع وسط بلاغات من نوعية " فلان شد شعري .. وترتان خطف ساندوتش المربى بتاعي .. وعلان بيقول على كندا وحشة .. وأبو جلبان بيقول إن كندا حلوه "

اظن ده محتاج وقفة مع النفس ورقابة ذاتية .. وقراءة ما نكتبه بدون أي إنفعال .. فبالتأكيد هانلاقي إن تصرفاتنا دي لا ترقى إلى مستوى الطبقة المثقفة المتعلمة ...

ويا خسارة يا ألف خسارة والله على هذا الوقت الضائع

[osmel33]

يا جماعة حرام وعيب كده ..

ده إحنا ناس كبار ومتعلمين ... ولن أُطلق لقب مثقين علينا لإن كل واحد أدرى بنفسه وليس كل متعلم مثقف ولا كل مثقف متعلم

فلما الواحد ياخد اجازة 24 ساعة فقط ..

24 ساعة يعني يوم

ونرجع نلاقي لا يقل عن 15 رسالة بلاغات ومحاضر شرطة في صندوق البريد .. وضايعه وسطها رسائل هامة من زملاء يريدون أن يستشيرونا في مواضيع تخصهم ونجيب عليها على قدر إستطاعتنا بصدر رحب .. فهذه الرسائل تضيع وسط بلاغات من نوعية " فلان شد شعري .. وترتان خطف ساندوتش المربى بتاعي .. وعلان بيقول على كندا وحشة .. وأبو جلبان بيقول إن كندا حلوه "

اظن ده محتاج وقفة مع النفس ورقابة ذاتية .. وقراءة ما نكتبه بدون أي إنفعال .. فبالتأكيد هانلاقي إن تصرفاتنا دي لا ترقى إلى مستوى الطبقة المثقفة المتعلمة ...

ويا خسارة يا ألف خسارة والله على هذا الوقت الضائع

هي غلطتك يا س س بتاخد أجازة ليه ؟