كيف يتم توثيق شهادة المؤهل ؟

[elcamello]

رمضان كريم عليكم جميعا..

كنت عاوز اعرف ازاي اوثق شهادة المؤهل بتاعتي و هي بكالوريوس تجارة.. هل يتم التوثيق في المكاتب المحيطة بالسفارة (نفس الاماكن اللي بتسجلك الجواز علي النت).. ام يتم في مكاتب تابعة لوزارة الخارجية ام في القنصلية السعودية ام في الجامعة... ام في كل ما سبق!! و هل ينفع اعمل التوثيق بنفسي و الا لازم المكتب .. شكرا و كل عام و انتم بخير

[ozoozo]

بص يامعلم:

1-توثق الشهاده من امين عام الجامعه ودي تروخ شؤون الطلبه وهما يقولولك تعمل ايه هي شويه اختام وتستني ساعتين وتاخدها

2-بعد كده تروح اي مكتب من مكاتب الخارجيه (انا بتعامل مع المكتب اللي في شارع احمد سعيد ) وتدفع 11 جنيه وتاخدها وانت واقف وبعد كده تديها لمكتب السقريات وهو هايوثقها من القنصليه السعوديه

[elcamello]

الف الف شكر علي الرد السريع و كل عام و انت و الجميع بخير....

[aimen]

طيب لو انا اصلا موجود حاليا بالمملكة ولا مشكلة عندى بس احتمال تطلب الشهادات عند نقل الكفالة أو الإستقدام

يعنى فقط احتاج توثيق الشهادات من السفارة والقنصلية والخارجية المصرية ؟

هل احتاج لتعريف من الكفيل بخصوص الموضوع ده ولا لأ ... وماهى صيغة الخطاب اللى المفروض الكفيل يوقعه وهل لازم يعتمد غرفة تجارية ولا يكفى الختم الخاص بالمؤسسة التى اعمل بها

[ozoozo]

داخل السعوديه دي ملعب سي لسيد هو اللي يقدر يقولك

[almasry]

طيب لو انا كنت في السعودية من 12 سنة وحارجعلها تاني في اوراق تتوثق لي أو للزوجة أو الأبناء أو الوالدة علما أن الزوجة والوالدة وابني كان معاهم اقامة في المرة السابقة لكن عندي ولد كمان . ايه المطلوب لاستقدامهم ؟ هل توثق أوراق اخري ؟ وبخصوص الولد الثاني ايه المطلوب لاستقدامه ؟ وخصوصا هو في المدرسة.

[aimen]

مش فاهم قصدى ..من فترة كنت بانقل كفالة وانطلب ان الورق يكون موثق من الحاجات اللى ذكرتها ...السفارة والخارجية والملحقية لأ وايه كمان لما تيجى هنا يتوثق من الخارجية السعودية و وزارة التعليم العالى ...هم صعبوا الإمور فى النقطة دى علشان موضوع اللعب فى الشهادات التزوير اللى بيحصل فيها ...

اللى قالى الكلام ده ..موظفى الخارجية السعودية ؟

انا مشيت الموضوع بالفلوس بصراحة المعقب كان مذهل فى شغله ..ثلاث ايام وخلص الورق ...بدون لا خارجية ولا داخلية ...الفكرة انه ساعات بتقع مع ناس ويخترعوا لهم الحاجات دى ...سؤالى بقى هل حد وهو بيعمل استقدام انطلب منه الحاجات دى ولا زى العادة انا ابن البطة السودا المنحوس ...

[aimen]

دا موقع به معظم الأوراق التى قد نحتاجها فى الغربة وخصوصا المملكة

http://www.al-jazirah.com.sa/services/sub-3.html

المعقب الألكترونى - جريدة الجزيرة

وفقنا الله واياكم

[aimen]

ودا موقع القنصلية المصرية فى الرياض وبيوفر الإستمارات ( اللهم ابعدهم عنا يارب )

http://www.egconrh.org/

[mohamed omar]

طيب لو انا اصلا موجود حاليا بالمملكة ولا مشكلة عندى بس احتمال تطلب الشهادات عند نقل الكفالة أو الإستقدام

يعنى فقط احتاج توثيق الشهادات من السفارة والقنصلية والخارجية المصرية ؟

هل احتاج لتعريف من الكفيل بخصوص الموضوع ده ولا لأ ... وماهى صيغة الخطاب اللى المفروض الكفيل يوقعه وهل لازم يعتمد غرفة تجارية ولا يكفى الختم الخاص بالمؤسسة التى اعمل بها

اخي الفاضل يمكنك ارسال شهاداتك لاحد افراد العاءلة و يوثقها لك لان السفارات و القنصليات العاملة في جميع انحاء العالم لا توثق اي شهادات قبل توثيقها من وزارة الخارجية في مصر.بالتوفيق.

[redwany]

اذا كنت فى المملكة وتريد توثيق شهادتك فعليك الاتى:

نفس الخطوات السابقة وهى توثيقها من امين الجامعه وكذلك من الخارجيه المصرية وابعتها لاى حد فى مصر يخلصها.

ثم تعطيها للمكتب سفريات يخلصهت لك وانا اعرف مكتب خلص نفس الاوراق لزوجتى وهى بالسعوديه

اوعى حد ينصب عليك ويقولك تتوثق من الخارجيه السعوديه لانه مش هينفع لانى حاولت وكان واحد هياخد على كل ورقة الف ريال ولم يستطع

فاذا كنت تريد رقم مكتب السفريات اللى هيخلصها انا ممكن اساعد

[KAhamid]

انا والله حاليا

بمر بنفس المشكله

انا في السعودية

معايز اوثق الشهادة

لاني داخل امتحان شهر 11 الجاي

وطلبوا الشهادة موثقة

موش عارف اعمل ايه

وازاي هيبعتهولي من مصر

هي الشهادة اصلا في نسخة منها في مصر

موش عرف اعمل ايه

[خالد شحاته]

انا والله حاليا

بمر بنفس المشكله

انا في السعودية

معايز اوثق الشهادة

لاني داخل امتحان شهر 11 الجاي

وطلبوا الشهادة موثقة

موش عارف اعمل ايه

وازاي هيبعتهولي من مصر

هي الشهادة اصلا في نسخة منها في مصر

موش عرف اعمل ايه

الاخ الفاضل اي مكتب يوثقها لك وترسل في البريد السريع عندك ومفيش فيها اي مشكله

[madaziz]

اذا كنت فى المملكة وتريد توثيق شهادتك فعليك الاتى:

نفس الخطوات السابقة وهى توثيقها من امين الجامعه وكذلك من الخارجيه المصرية وابعتها لاى حد فى مصر يخلصها.

ثم تعطيها للمكتب سفريات يخلصهت لك وانا اعرف مكتب خلص نفس الاوراق لزوجتى وهى بالسعوديه

اوعى حد ينصب عليك ويقولك تتوثق من الخارجيه السعوديه لانه مش هينفع لانى حاولت وكان واحد هياخد على كل ورقة الف ريال ولم يستطع

فاذا كنت تريد رقم مكتب السفريات اللى هيخلصها انا ممكن اساعد

سلام عليكم ورحمة الله

ممكن اخد اسم المكتب ورقم تليفونه

وترسله على الايميل ده

mada_ziz@hotmail.com

وجزاكم الله خير