ملف عن اجراءات تأشيره العمل للسعوديه خطوه خطوه

[ozoozo]

بص ياغريب الخير

انت مس اتبعتلك عقد عمل صح؟؟؟؟

هاتاخده وتروح تامينات العاملين بالخارج في شارع الالفي وتاخد معاك ورق البطاقه هاتدفع 80 دولار ويختمولك الورق حلو كده...

اعتقد ان فيزا كهرباءي هاتحتاج شهاده قياس مهاره من مكتب العمل عشان تكمل ورق التاشيره

[ozoozo]

بص ياعمر بما انك اخصاءي مختبر ممكن تشوفلك اي معمل في مصر حتي من معامل بير السلم بس طبعا يكون معاه سجل تجاري -اتاكد من موضوع السجل ده من اي مكتب شهر عقاري اسءلهم اذا بيحتاجوا حاجه غير السجل في حاله المنشأه الطبيه -وتاخد 2صاحب لمعمل معاك ضروري للشهر العقاري عشان يمضي علي الشهاده امام الموظف وبعد كده تتوثق من الخارجيه وبعد كده تديها لاي مكتب يوثقها من القنصليه

[عمرعمرعمر]

اشكرك جزيلا يا ابو الامور العسول

[ozoozo]

بقولك ايه يا عمر انا رايح انشاء الله اشتغل medical rep في roche diagnostics ياتري اخبار روش ايه في السعوديه في سوق المعامل كسمعه وmarket share وتعرف حاجه عنهم هناك

[عمرعمرعمر]

لا و الله للاسف انا ما ليش تعامل معاهم

بس شغلة الميديكال ريب كويسة في السعودية

لكن اللي اعرفه ان شركة روش سمعتها كويسة في كل مكان علي العموم انا هاسألك جماعه صحابي يمكن يعرفوا

و ان شاء الله هارد عليك

[khaledashour]

عندي سؤال مهم

ما هي اسباب رفض التاشيرة

لاني بصراحة قلقان جدا

ولك جزيل الشكر على الرد السريييييييييع جدااااا

انا قدمت ورقي كامل مكمل للمكتب في اول سبتمبر ( الكشوفات - شهادة الخبرة موثقة من الخارجية مطابقة للمهنة في البسبور - الجيش - المؤهل موثق من الخارجية - الباسبور بنفس المهنة في العقد - شهادة الميلاد - صورة البطاقة و صور شخصية ) هذا بالاضافة الى عقد العمل و خطاب الاستثناء من جهة العمل لان المؤهل غير مطابق و صورة التاشيرة.

هل هناك داعي للقلق بسبب تاخر التاشيرة الى بعد العيد.

[ozoozo]

عندي سؤال مهم

ما هي اسباب رفض التاشيرة

لاني بصراحة قلقان جدا

ولك جزيل الشكر على الرد السريييييييييع جدااااا

انا قدمت ورقي كامل مكمل للمكتب في اول سبتمبر ( الكشوفات - شهادة الخبرة موثقة من الخارجية مطابقة للمهنة في البسبور - الجيش - المؤهل موثق من الخارجية - الباسبور بنفس المهنة في العقد - شهادة الميلاد - صورة البطاقة و صور شخصية ) هذا بالاضافة الى عقد العمل و خطاب الاستثناء من جهة العمل لان المؤهل غير مطابق و صورة التاشيرة.

هل هناك داعي للقلق بسبب تاخر التاشيرة الى بعد العيد.

انت كده ورقك كامل وزياده زي شهاده الميلاد مالهاش لازمه لكن عايز اعرف ايه مؤهلك وايه المهنه اللي في التاشيره

[khaledashour]

شكرا اخي الكريم على الرد

انا مؤهلي بكالوريوس علوم و تربية شعبة رياضيات و الوظيفة أخصائي تسويق

والشركة في السعودية بعتتلي خطاب الاستثناء الخاص بكده

في انتظار ردك السريع

[ozoozo]

1-مهنه اختصاصي تسويق من المهن السهله اللي ما بيدققوش اوي فيها واحب اطمنك اني بكالوريوس علوم وقدرت اخد الفيزا اختصاصي تسويق

2-الفتره بتاعه رمضان كانت الاولويه كلها للعمره وفي مثل بيقول NO NEWS .....GOOD NEWS فادام مفيش اخبار وحشه ان الفيزا اترفضت يبقي انشاء الله مسأله وقت وبعد العيد علي طول تاخدها وياريت لمل تاخدها تقولنا

[khaledashour]

شكرا يا باشا على الرد

سؤال اخير

ممكن تقولي امتى السفارة هتشتغل بعد العيد

انا سمعت مرة يوم 12 و مرة يوم 7

اذا تعرف ممكن الافادة

وشكرااااااااا

[غريب الخبر]

كنت عايز اسالك يا يا ا \ خالد عاشور . هو انت مشطلعت المهنة فى الباسبور اخصائى تسويق . يعنى زى مهنة الفيزا اللى بعتهالك الشركة بالضبط . ايه حكاية جواب الاستثناء ده .

[ozoozo]

كنت عايز اسالك يا يا ا \ خالد عاشور . هو انت مشطلعت المهنة فى الباسبور اخصائى تسويق . يعنى زى مهنة الفيزا اللى بعتهالك الشركة بالضبط . ايه حكاية جواب الاستثناء ده .

جواب الاستثناء بيتبعت من الكفيل بيقول فيه انه عايز الشخص ده بعينه رغم علمه ان مؤهله لايتناسب مع الوظيفه ولكن توجد شهاده خبره في نفس المجال

[khaledashour]

مردتش عليا يا باشا

معندكش فكرة السفارة هتشتغل امتى ؟؟؟؟؟؟؟؟؟؟؟

[ozoozo]

السفاره فتحت اليوم 7/10/2008

[شريف حمدي]

السفاره فتحت اليوم 7/10/2008

انا اعرف انها هتفتح يوم 11-10

[ozoozo]

الميعاد ده لسه واخده حالا من مكتب السفريات بتاعي عشان المفروض هاوثق ورق هناك

[sokkary]

السلام عليكم ورحمة الله وبركاته

مساعدة الله يكرمكم

انا مشى دلوقتى فى مشوار سفر باذن الله للسعودية

بس عندى كام استفسار :-

- اولا هو الكفيل هناك هوا اللى هيبعت التأشيرة فهل هحتاج اعمل كشوف المستشفى والخطوات الكتيرة دى برده كده كده ولا لأ

- تانى مشكلة انا مكتوبلى فى البطاقة طالب بكليه الحاسبات والمعولمات فالراجل فالسعودية فالى مش هتنفع طالب لازم تغيرها الى استشارى تطوير برمجيات ,,, المشكلة انى شغال فى شركة خاصة ومليش اى تامينات ومش هينفع اكتبها غير حاصل على بكالريوس حاسبات ومعلومات بالشهادة بتاعتى

فهل دى فيها مشكلة انا بعت للراجل فالسعودية ورد قال هنعملها وعلى الله تقبل فالقنصلية بس تجيب شهادة من الشركة الىل انت فيها بالمسى الوظيفى دوا :: استشارى تطوير برمجيات وابعتله صورة منه عشان يطلع تأشيرة زيارة العمل من هناك ويبعتها باذن الله

انا عايز اعرف ايه المطلوب مى هنا ,,,

انا دلوقتى معايا الاستمارة المستعجلة فاضية ولسه مملتهاش ولسع بعدها هطلع الباسبورت اللى غالبا باذن الله هيكون بمهنه حاصل على بكالريوس حاسبات ومعلومات

سؤالى دلوقتى هل بحتاج اختم الاستمارة من الكليه ,, ولا بنزل العباسية بيها علطول بالشهادة بتاعتى وخلاص وبتتغير المهنخة

ولو احد من الاعضاء يقدر يقولى ايه الخطوات اللى بعد كده وهل فيه كشوفات او اى حاجة اقدر اخلصها بسرعه ,,, ياريت حد يرد عليا الله يكرمكم ويوفقكم

أول مرة سفر بقى

[ioosis]

شكرا علي الإجابات دي يا جماعه

وانا عندي سؤال بالله عليكوا تردوا عليه

انا دلوقتي جيت السعودية في 11/2007 بفيزا عامل نظافه عامه ( مراحيض يعنى mfb: :D :sad: )

المهم غيرت المهنه في البطاقه والباسبور قبل ماجي

دلوقتي الكفيل كان واعدني بتغيير المهنه اانا معايا بكالوريوس تجاره ورجع في كلامه ودلوقتي عقدى وتاشيرتي تخلص في شهر 10 / 2009

ومعايا دبلوم دراسات عليا في المحاسبة الآليه والحاسب الآلي

قدرت اخد منه جواب للقنصل السعودي بمصر ووثق الشهادات بتاعتى

الأخ اللي قال انوا ممكن نستخدم العقد وانا عمله بمحاسب عام وموثقه

فهل ممكن فعلاً استخدمه وخلي حد من اهلي يغير البطاقه بيه في مصر وتبقى محاسب قبل ما ينتهى العقد

ثانيا انا معايا شهاده comptia A+ cetified professinol اخصائي او فني حاسب معتمد من كومبتيا امريكا غير موثقه من اي مكان لا سفاره ولا عماره فهل ممكن استخدامها هي وهل ممكن توثيقها من السفارات والقنصلية ولا الخارجيه مع العلم انها معتمد دولياً او شهاده الدراسات العليا في مهنه مثلا اخصائي حاسب آلي او كده او فنى

ثالثاً دراسه الشهاده الإحترافيه للمحاسبه سهله مع نفسي ولا لازم محاضرات وممكن في السعودية هنا

رابعاً مستوى الإنجليزي الإحترافي مش كويس بس العام ممتاز فهل الشهاده كده ممكن تكون سهلاً cpa cma وايه افضلهم

تتوقعوا انا مرتبى كام لو خبرتي بسيطه علي قد السنتين

[ابوعاصم]

:blush2: مشكور اخي الغالي وبانتظارالجزءالثاني

[aerahman]

سؤالي عن المده الزمنية اللي بعد المقابلة

بيكون في اتصال من الشركة في السعودية او مكتب السفريات اللي انا تابع ليه بعد اد ايه من المقابلة ؟؟

مع العلم اني مقبول والفيزا على الدعم الفني حسب كلام المدير اللي عمل معايا المقابلة

تحياتي