اذهب إلى المحتوى
محاورات المصريين

دفعت كام للحلاق .. ؟

BenNeal

بواسطة BenNeal
في دعوة للأبتسام

 مشاركة

Recommended Posts

BenNeal عضو جديد

BenNeal

بتاريخ:
بتاريخ:

ragab2 wrote:

.............

دفعت كام للحلاق .. ؟

.....

ياريت نسمع الإجابات بكل صراحة حتى نستفيد

انا شخصيا لى 3 اختيارات:

1- "ببلاش". وده لما مراتى تحلقلى. انا عملتها مره واحده بس و يا ريتنى ما وافقت " وش واحد راسه كلها نقر". هى بتحلق لابننا(2,5سنه) و بصراحه ما بتفرقش معاه, بس هى متصوره انها اتدربت كفايه و اصبحت مؤهلة لحلاقة شعرى "وش واحد هاياخد كام ضربة مقص لما مراته تقرا الكلام ده"

2- 2,99 $ (4 دولار بالبقشيش). و ده عادة فى صالونات يملكها الصينيين او الفيتناميين. هم اشطر ناس عندنا فى فن الشعر و الاظافر. بس الصالونات دى انا باعتبرها زى خط الانتاج فى مصنع. اولا كل مره واحده مختلفه تحلق لك. و حتى ان حاولت تروح لنفس اللى حلقت لك قبل كده مش ها تعرف لأن كلهم شكل بعض. المهم هم ما بيستعملوش حاجه تانيه غير الماكينه. يعنى لا مقص و لا دياولو. حاجه كده زى الجيش او على الرصيف. وممكن تشبهها ب "جز" شعر الغنم. المصيبه ان الطريقه دى ما تنفعش مع شعرنا "وش واحد شعره مش ولا بد". هى تنفع اما مع الشعر الناعم, او لو ها تحلق زيرو او لو انت اقل من 3 سنين. "وش واحد لا تنطبق ليه اى من الحاجات دى". انا رحتلهم 4 مرات لما الحلاق بتاعى راح الحج. هو بيروح كل سنه (عقبالنا) بس الحمد لله مره واحده فى السنه.

3- 10 دولار عند الحلاق بتاعى. هو اخ فلسطينى فاضل و بقالى معاه 13 سنه. الحمد لله هو عارف طبيعة شعر الشرق اوسطيين و حفظ تضاريس رأسى.

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
ابو حلاوه عضو جديد

ابو حلاوه

بتاريخ:
بتاريخ:

عزيزي بن النيل انا الحقيقة شعري له طبيعة خاصة في معظمة ناعم لكن هناك عدة شعيرات لا يقبلوا ان يحنوا عودهم للريح .. و كنت معتاد علي قص شعري كل شهر مرة في مصر .. هنا متوسط الاسعار 20 يورو و طالع قص و بس ..و عادة اللي موجود في الصالونات نجمات استعراض لم يتم اكتشافهم بعد يعني بصراحة بتسلم رأسك و نفسك الحلاقة ما تخلصش

و في مرة قلت اجرب ماكنة حلاقة بالكهرباء لوحدي خاصة ان بعض الشعريات كانوا وصلوا لمرحلة الغرور المفرط و كان يصعب السيطرة عليهم بالوسائل التقليدية و كانت النتيجة مش بطالة و حلقت لنفسي زي اجدع حلاق خاصة ان شعري فورمته اقرب ليول راينر عن ليوناردو دي كابريو بس وعنها يا سيدي بقالي دلوقتي باحلق لنفسي خمس سنوات بدون اي مشاكل

الرئيس مسئول عن كل ما تعاني منه مصر الأن

لا

رابط هذا التعليق
شارك
yasser6666 عضو جديد

yasser6666

بتاريخ:
بتاريخ:

انا بقي مراتي بتحلقلي بالماكينة..صحيح في اول كام مرة كان فيه حوادث ونقر وحفر ومطبات وتوقفت عن تسليمها راسي لكام سنه ولكن من سنتين قررت اعطائها فرصة تانية بحذر والحمدلله اصبحت خبيرة الان ...ولكن عادة كنت باحلق قبل كده بحوالي عشرة يورو بالبقشيش الي ان قررت شراء الماكينة ومعها فيلم فيديو يشرح كيفية استعمالها ونوعيات الشعر وخلافه ....لكن في مصر دايما كنت بحلق برغيف عيش تحت كوبري التاريخ في القباري-الاسكندرية !

أننـا ندفع ثمـن غالـي لسلبـيـتـنا وسكوتنـا والثمن قـابـل للارتفــاع الى أن تتعـدى تكلفـة السـكوت والخنـوع تكلفـة التغـيير وقتهـا فقـط قـد يحـدث التغـيـيـر

رابط هذا التعليق
شارك
mnman عضو جديد

mnman

بتاريخ:
بتاريخ:

في مصر كنت بدفع 8 جنية من 6سنين عند حلاق اسمة محمود ودة بجد كان فنان و الناس بتتخانق علية... والمحل كان جنب البيت في اسكندرية....

في بلجيكا... كانت حوالي 700 فرنك بلجيكي يعني 70 جنية مصري..... ولما اتغيرت العملة كانت 15 يورو......

في البرازيل بقي حلاقة الشعر فن و هندسة..... زي مصر تمام.... و بحوالي 30 هياو يعني حوالي 50 جنية مصري... بس فنانين حلاقة.......

في السعودية بقي بحوالي 20 الي 25 ريال في الخبر.....و طبعا نفس استيل صالونات مصر الجيدة والحلاقة جيدة.......

حلاق مصر الدولي منمان....

إلي كل المصريين:

لا يستطيع أحدٌ ركوب ظهرك .. إلا إذا كنتَ منحنياً.

رابط هذا التعليق
شارك
حشيش عضو جديد

حشيش

بتاريخ:
بتاريخ:

أجمل حلقة حلقتها كانت فى مركز تدريب المدفعية عام 1996 وكانت قصت الشعر تحمل إسم (إرحمنى وطمنى)...الحلاقة هناك ببلاش ومش بس كده...تقدر بعد الحلاقة تشتم الحلاق أو تقول له عندما ينتهى من الحلاقة (الله لا ينعم عليك يامعفن)...

أَلا إِنَّ نَصْرَ اللَّهِ قَرِيبٌ

رابط هذا التعليق
شارك
ragab2 عضو جديد

ragab2

بتاريخ:
بتاريخ:

كتب حشيش

أجمل حلقة حلقتها كانت فى مركز تدريب المدفعية عام 1996 وكانت قصت الشعر تحمل إسم (إرحمنى وطمنى)...الحلاقة هناك ببلاش ومش بس كده...تقدر بعد الحلاقة تشتم الحلاق أو تقول له عندما ينتهى من الحلاقة (الله لا ينعم عليك يامعفن)...

:o :D :) :lol: :lol: :o

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك
ragab2 عضو جديد

ragab2

بتاريخ:
بتاريخ:

أولا

شكرا لأخى ابن النيل لفتح هذا الموضوع المهم

ثانيا

ايه حكاية الزوجات الأسطوات اللى بتحلق لأزواجها

والله شطارة عفارم عليهم

نفس الشيئ حصل لى فى أول وجودى بالخليج وكانت زوجتى تتولى عملية الحلاقة لى بواسطة ماكينة بالكهرباء أحضرتها معى من هونج كونج وكان لها كراسى تركب حسب طول الشعر المطلوب لأنه لم يكن يوجد فى تلك الوقت بالخليج الا محلات الهنود والباكستانيين للحلاقة وكان مجرد الإقتراب من صالون الحلاقة الخاص بهم تشم روائح غريبة عدا العدوى المحتمل التقاطها من آلاتهم وكانت أجرة الحلاقة وقتها عندهم لا تتعدى درهمين أو ريالين

وبعد أن بدأ اللبنانيون فتح صالونات حلاقة بدأت فى المواظبة على الحلاقة عندهم وكانت أجرتهم وقتها من خمسة الى سبعة دراهم أو ريال

ولا أتذكر فى يوم ما أنى حلقت ذقنى خارج المنزل خوفا من العدوى

أما فى مصر فيتراوح أجرة الحلاقة على ما أعتقد حول خمسة عشر جنيها عدا البقشيش للصبى وخاصة بعد انخفاض الجنيه المصرى

طبعا السعر هذا للحلاقة العادية بدون كريه أو سبسبة أو عمل فتلة أو غسيل الشعر وغيره وعند حلاق محافظ وليس للخنافس

وشكرا

للإخوة الذين استمتعنا بطرائفهم لدى الحلاقين

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

يا ولاد الذين أمنوا ... انتوا قاعدين هنا وأنا عمال أحلق فى المطبخ بتاع اتغديت أيه أمبارح ، خلاص هانقل الموضوع اللى كتبته هنا

طالب عفو الخلاق .. الأسطى عبده الحلاق

هنا فى السعودية ، الحلاقين الهنود كتير بس يعتبروا نص لبه والسعر 10 ريال ( 2 دولار ونص ) للراس.

أما التوب فهما الأتراك ودول سعرهم ما بين 30 إلى 50 ريال .

والمصري يكاد يكون قليل هنا لأنه كسيب فى مصر ومافيش داعي يتغرب بره.

أنا عن نفسي طول عمري رأس مالي هو شعري بصراحة لانه سايح ونايح ومش أى حد يقدر يتعامل معاه علشان كده عمري ما أدي دماغي لحد ما أثقش فيه .

عايز أقولكم سر بيني وبينكم ( أخوكم س س عنده صالون حلاقة فى مصر فتحه كمشروع خاص ، بس أنا مش تــِلم يعني ماليش فى المهنة أساساً ) وده بصراحة أعلان مدفوع الأجر عن صالون س س للقص والتنعيم وبقدم خصم خاص لحامل هذا الأعلان كل راس عليها راس هديه ( cut one get one free ) أما للجنس الناعم فعندنا أفخر أنواع الكريمات والبرفانات ( خمس خمسات كولونيا ليمون ... تعني الأنتعاش )

ولما بانزل مصر فى الأجازة بدون مبالغة بأحلق كل يوم إن شاالله أخلي الحلاق يربطلي الفوطه ويفكها تاني بس أسمع كلمة " نعيماً " صالوني بقى وأنا حر فيه ، وهي عملية تعذيب للصنايعية اللى عندي ليس إلا .. وذلك تخليصاً للفلوس اللى بأدفهعها هنا ،

ومن هنا بأعلنها أني معجب جداً بدماغ أخونا حشيش ................. ونفسي أعرف بيحلق فين .

وش واحد مخبي شعره تحت غترة علشان الناس اللى السطوح عندهم مكشوف مايحسدهوش وخصوصاً أبو حلاوه المشهور

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
صعيدي عضو جديد

صعيدي

بتاريخ:
بتاريخ:

أرخص حلاق هنا فى اليابان بيحلق ب13 دولار طبعا مفيش حاجة فى اليابان اسمها بقشيش لانها تعتبر شتيمة وطبعا السعر ده لقص الشعر فقط بدون غسيل او حلاقة ذقن. انا و الحمد لله مراتى بتحلقلى لكن بينى وبينكم لما يكون فى مقابلة مهمة او زيارة لمسؤل بضحى و أذهب للحلاق منعا للعواقب الوخيمة. (وش واحد خايف تكون مراته سمعاه)

بالمناسنة ممكن سؤال بايخ لو ذهبت لحلاق لأول مرة فى مصر تدفع كام انا أحيانا كنت بأتعرض للموقف المحرج و إذا سألت لن تجد الاجابة هيقولك اللى تجيبة و ما تخلى وكلام من هذا القبيل فعلا فى خدمات كتير فى مصر من ضمنها الحلاقة اسعارها هلامية غير محدده

mycopy10.gif
رابط هذا التعليق
شارك
ابو حلاوه عضو جديد

ابو حلاوه

بتاريخ:
بتاريخ:
أجمل حلقة حلقتها كانت فى مركز تدريب المدفعية عام 1996 وكانت قصت الشعر تحمل إسم (إرحمنى وطمنى)...الحلاقة هناك ببلاش ومش بس كده...تقدر بعد الحلاقة تشتم الحلاق أو تقول له عندما ينتهى من الحلاقة (الله لا ينعم عليك يامعفن)...

فكرتني بدكريات مؤسفة .. الحقيقة انا العنبر بتاعي كله في معسكر الخدمات الطبية اتعرض للعقاب بسبب تأخرنا علي طابور الصباح و طبعا انا معاهم

و تم حلاقة شعرنا كلنا اربعين طبيب زي الورد

و الحلاقين كانوا من هواة الفن السريالي يعني كل واحد كان علي رأسه لوحه فنية بأسامي مختلفة -- الضياع -- ألم -- الغروب -- ضحكات في العاصفة --

و كان عندنا اجازة بعدها بيومين و النزول في الشارع بقصة شعر حداثية مش مرغوب فيه و نفحت احد عساكر المعسكر الحلاقين بجد خمسة جنية و ظبطلي شعري

الرئيس مسئول عن كل ما تعاني منه مصر الأن

لا

رابط هذا التعليق
شارك
Scorpion عضو جديد

Scorpion

بتاريخ:
بتاريخ:

عندما أقارن بكل الحلاقين الذين تولوا أمر رأسي سواء في مصر أو هنا في ايطاليا... لن أنسي أبدا الأسطى عدلي.. فلمدة سنتين خلال عملي بمدينة أسوان الرائعه.. أسلمت رأسي بكل أقتناع لهذا الرجل ليس لأنه شاطر.. بل لأنه بكل بساطة كاااااااااااااااان

أخرس..

هل تتخيلوا كل هذا الحظ...حلاق أخرس... يعنى و لا نم و لا فلان عمل و فلان سوي و لا أي حاجة.. يعنى هما بالظبط العشر دقايق المطلوبين لحلق الراس ما تسمعش فيهم غير صوت المقص... من غير النص ساعه الأضافية لزوم الرغي و 4 جنيه و فوقيهم بوسة... فينك يا أسطي عدلي و فين أيامك الحلوة... أنطونيو هنا بياكل دماغى أكتر من نص ساعة و فى الآخر 20 يورو...

آآآآآآآآآآآآآآآآآآآآآآه يا دماغي...

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك
حشيش عضو جديد

حشيش

بتاريخ:
بتاريخ:

c_safe.jpgc_safe.jpgc_safe.jpgc_safe.jpgc_safe.jpg

ها إيه رأيك بقه فى الكام زبون دول يابو السييد....أنا إديتهم عنوان المحل بتاعك فى مصر....المهم بس تكون اسعارك مهاودة علشان يقولوا لأصحابهم وقرايبهم والبلية تلعب هناك...

أخوك

حشيش بن ناسيت آل ثانى

أَلا إِنَّ نَصْرَ اللَّهِ قَرِيبٌ

رابط هذا التعليق
شارك
BenNeal عضو جديد

BenNeal

بتاريخ:
  • كاتب الموضوع
بتاريخ:
...........................

بالمناسنة ممكن سؤال.... لو ذهبت لحلاق لأول مرة فى مصر تدفع كام انا أحيانا كنت بأتعرض للموقف المحرج و إذا سألت لن تجد الاجابة هيقولك اللى تجيبة و ما تخلى وكلام من هذا القبيل فعلا فى خدمات كتير فى مصر من ضمنها الحلاقة اسعارها هلامية غير محدده

والله يا استاذ صعيدى انا العملية دى بتتعبنى فى مصر جدا. من الحلاقه لركوب التاكسى للبقشيش الاجبارى مقابل الخدمات المجانيه.

الحلاقه حليت مشكلتها بان اقوم بحلق شعرى قبل ما اسافر مصر باسبوع (الأسبوع ده مهم جدا... بس دى حكاية ثانيه), و عادة انا باعد فى مصر اسبوعين يعنى ما بحتجش احلق فى مصر. الحمد لله كل ال صالونات هنا لازم تعلق تسعيرة الخدمات بتاعتها.

قبل ما اسافر انا كنت باحلق شعرى ب2 جنيييييه. بعدها حلقت شعرى مرتين فقط فى مصر... مره مقدرتش اظبط حكاية "الأسبوع" دى قبل مانزل مصر فرحت مع ابويا(رحمة الله عليه) للحلاق بتاعه و هو اللى دفع وثانى مره يوم فرحى هى خطيبتى اللى حاسبت علشان ده كان حلاق اخوها الصغير. هى اصرت ان انا اروح له بالرغم من انا طبقت نظرية" الأسبوع" قبلها. اللى هى ادركته بعد كده ان العيب مش من "الماشطه"....وش واحد عكر. (انا محتفظ بكل الحقوق لاستعمال هذا الوش).

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
c_safe.jpgc_safe.jpgc_safe.jpgc_safe.jpgc_safe.jpg

ها إيه رأيك بقه فى الكام زبون دول يابو السييد....أنا إديتهم عنوان المحل بتاعك فى مصر....المهم بس تكون اسعارك مهاودة علشان يقولوا لأصحابهم وقرايبهم والبلية تلعب هناك...

أخوك

حشيش بن ناسيت آل ثانى

يا ناسيت قصدي يا حشيش أنا بأقولك ده صالون حلاقة مش " فرارجي " الاخ بتاعك ده عايز يتحط فى الماكينة اللى بتنضف الفراخ بعد ما يتنقع فى برميل مية نار ........... روح يا شيخ ربنا ما يتلملك موس

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
  • بعد 11 سنة...
عادل أبوزيد Rising Star

عادل أبوزيد

بتاريخ:
بتاريخ:

منذ سنوات طويلة كنت أستخدم مستحضر just for men لمواجهة الشيب في شعري و قص الشعر يكون عند الحلاق العادي

ما سبق كان إستهلالا لابد منه

لجأت منذ سنوات الى الصبغ عند الحلاق. ، أو حلاق عندي هنا في مدينة نصر طلب ٥٠ جنيه و هذا سنة ١٩٩٥ ، و بعدها سألت أولادي هل الحلق بتاعهم هل يمكنهم أن يقوم بالصباغة و كان الرد إيجابي.

من وقتها و أنا أحلق عن صالون أحمد و عماد و يحاسبني الآن على ٥٥ جنيه حلاقة و غسيل و صبغة ، و هو يزيد السعر خمسة جنيهات كل سنة.

فعلا إختيار حلاق مسألة صعبة

أذكر سنة ١٩٦٧ كنت اعمل في مكتب نائب رئيس الوزراء المهندس محمود يونس و كان العمل يمكن أن يستغرق اليوم و الليل و كنت أحيانا عندما يمر على الليل بالمكتب أنزل في الصباح الباكر قبل أن يأتي الموظفين و أبحث عن صالون حلاقة من أجل أن أحلق ذقني و كنت أنا و حظي مرة أحلق ب ربع جنيه و في مرات قليلة كنت أحلق ب جنيه كامل عند الحلاق اللي أمام سينما قصر النيل و كان يستخدم تكنولوجيا تدليك الوجه و الفوط الساخنة. حاجة زي السينما كدة و كان الجنيه ثمن عادل لحلاقة الدقن عنده و أظن أن إسمه سقراط... إيه أيام !!

مواطنين لا متفرجين


رابط هذا التعليق
شارك
MZohairy عضو جديد

MZohairy

بتاريخ:
بتاريخ:

في مصر في الزمالك في التمانينات كنت بحلق ب 2 جنيه

في جده كان فيه بعشرين و فيه بعشره و فيه بخمسين كمان

دبي من 30 لغاية 100

كندا بقى اللي غريبه قوي

المتوسط 20 دولار ...بس فيه بخمسه بس و فيه بيوصل بخمسين

ابويا الله يرحمه كان بيحلق في اواخر تلاتينات القرن الماضي بنكله....2 مليم

Vouloir, c'est pouvoir

اذا كنت لا تقرأ الا ما يعجبك فقط فإنك لن تتعلم ابدا

Merry Chris 2 all Orthodox brothers

Still songs r possible

رابط هذا التعليق
شارك
أبو محمد عضو جديد

أبو محمد

بتاريخ:
بتاريخ:

ابويا الله يرحمه كان بيحلق في اواخر تلاتينات القرن الماضي بنكله....2 مليم

أنا من الجيل اللى بعده

اللى كان بيحلق بنص فرنك (2 قرش صاغ)

دلوقت 20 جنيه

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة
تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...