اجراءات استقدام الزوجه و الابناء بالتفصيل

[mekkawy]

السلام عليكم يا أهل الخبرة و رحمة الله و بركاته

دلوقتي بعد الدراسة و الفحص و التمحيص عندي سؤالين

أولاً: هل يلزم جواز سفر الوةجة و الابنة أو صورهم أثناء تقديم الاستقدام ولا لأ ؟؟

ثانياً: أنا جاي بفيزا اختصاصي تسويق و عرفت ان لها استقدام عادي لكن أنا مؤهلي ليسانس آداب إنجليزي و عديت نقطة التعارض دي بشهادة خبرة في نفس مجال عملي و عمل الشركة بمدة 3 سنوات (الشهادة يعني) فهل كدة شهادة الخبرة دي تعادل فعلاً تعارض المؤهل مع الوظيفة ولا هيغتتوا عليا في الاستقدام ؟؟

و جزاكم الله خيراً

مكاوى

[ozoozo]

السلام عليكم يا أهل الخبرة و رحمة الله و بركاته

دلوقتي بعد الدراسة و الفحص و التمحيص عندي سؤالين

أولاً: هل يلزم جواز سفر الوةجة و الابنة أو صورهم أثناء تقديم الاستقدام ولا لأ ؟؟

لا

ثانياً: أنا جاي بفيزا اختصاصي تسويق و عرفت ان لها استقدام عادي لكن أنا مؤهلي ليسانس آداب إنجليزي و عديت نقطة التعارض دي بشهادة خبرة في نفس مجال عملي و عمل الشركة بمدة 3 سنوات (الشهادة يعني) فهل كدة شهادة الخبرة دي تعادل فعلاً تعارض المؤهل مع الوظيفة ولا هيغتتوا عليا في الاستقدام ؟؟

مش هاتحتاجها وماطلعهاش غير لو سألو عليها

و جزاكم الله خيراً

مكاوى

[mekkawy]

جزاكم الله خيراً أوزو

اجابتك كافية و وافية ربناي يبارك فيك

انا كنت بأسأل عشان هنا الاخوة شددوا أوي على تطابق الاسماء في جواز سفر الزوجة و الاولاد و بين الورقة الصفرا

هم لسة بيعملوا جوازات سفرهم فخايف يكون في تعارض خاصة انت عارف في مصر بيكتبوا بمزاجهم و بيشيلوا و يحطوا براحتهم

فعرفت كمان ان أهم حاجة الاسم و اللقب ... يعني اسمي ثلاثي و في الاخر مكاوى ... فبنتي كمان كدة ... السؤال بأة

هل لو الاسم فيه تعارض في النص يعني زايد اسم أو ناقص اسم ... لكن الثلاثي و اللقب متطابقين ... هل ده يأثر في الموافقة ؟؟

و لك كل خير و جزيل الشكر

مكاوي

[نوارة]

السلام عليكم

لازم التطابق التام فى جميع الاسماء....ابتداء من شهادة الميلاد...سواء كانت لحضرتك او لبنتك....ودة بيوفر عليك مشاكل ممكن تقابلك فى مصر اوبالخارج...وبالتوفيق ان شاء الله

[mekkawy]

الفاضلة نوارة

جزاكم الله خيراً و نسألكم الدعاء بالتيسير

مكاوى

[loyal]

يا جماعة لدى سؤال دولوقتى زوجى بيحاول يعملى الاستقدام وان شاء الله مفيش مشكلة فى مهنته بس لو كنت حامل فى الشهر الأول دولوقتى ووصلتلى الورقة الصفرا هل لازم اعمل كل الاجراءات والتحاليل فورا بعد وصول الورقة الصفرا لي ولا فيه مدة محددة ممكن اعمل فيها الاجراءات دى وانا اعرف ان لازم اكون محضرة نفسى للسفر فى خلال 3 شهور بس يعنى انا لما توصلى الورقة الصفرا واروح اخلص الاجراءات فى اد ايه يعنى هل فيه مدة صلاحية لتقديم الورقة الصفرا للقنصلية ولا مفتوحة يعنى لازم اقدم الورقة الصفرا فى خلال اد ايه وبعد ما اخلص الاجراءات والتحاليل وكده واستنى التأشيرة لما القنصلية تديهالى استعد للسفر فى غضون 3 شهور ولا ايه

ممكن الافادة وتساعدونى فى الموضوع ده

[شيمووو]

انا من مصر وزوجي سافر الرياض من 6 شهور هو محاسب والتأشيرة محاسب لكن هو بيقولي حاجات غريبة قوي نفسي افهمها كويس :

1- لو حبيت اسافرله هل الاستقداد صعب

2-الشقق اسعارها ايه هناك " اقل شقة بكام؟"

3- هل يوجد شغل للزوجات هناك؟ولا صعب

4- هل يوجد شغل للصحفيين

وارجو منكم سرعة الاجابة ولكم مني فائق الشكر. :unsure:

[أسد]

انا من مصر وزوجي سافر الرياض من 6 شهور هو محاسب والتأشيرة محاسب لكن هو بيقولي حاجات غريبة قوي نفسي افهمها كويس :

1- لو حبيت اسافرله هل الاستقداد صعب

2-الشقق اسعارها ايه هناك " اقل شقة بكام؟"

3- هل يوجد شغل للزوجات هناك؟ولا صعب

4- هل يوجد شغل للصحفيين

وارجو منكم سرعة الاجابة ولكم مني فائق الشكر.

بالنسبة للاستقدام .. لو المهنة والتأشيرة محاسب .. فالإستقدام غير صعب ..متاح

ولكن يتطلب حد أدنى للراتب .. وسيكون محتاج لأن يحصل على خطاب من جهة عمله بها راتب بحد أدنى 3000 ريال

أسعار السكن في الرياض مرتفع شوية ... أعتقد إنه يبدأ من 15 ألف ريال سنوياً ..

عمل الزوجات قليل .. ونادر .. وينحصر غالباً في التدريس .. ويلزم أن يكون المؤهل تربوي .. والأطباء والممرضات ..

باقي التخصصات ... فرص العمل فيها نادرة

[TAM]

أنا رحت من 5 أيام عشان أقدم الأوراق وبعد معانة أخدت رقم الورق تمام بس راجع الريس خير في اية انت معدل مهنة والتعديل لة بس زيارة مش استقدام مشعارف الكلام دة صحيح ولة لأه الرجاء الافادة واية العمل

[خالد شحاته]

أنا رحت من 5 أيام عشان أقدم الأوراق وبعد معانة أخدت رقم الورق تمام بس راجع الريس خير في اية انت معدل مهنة والتعديل لة بس زيارة مش استقدام مشعارف الكلام دة صحيح ولة لأه الرجاء الافادة واية العمل

الاخ الفاضل

في اي مكتب استقدام في المملكه انت رحت علي فكره في ناس مغيره الاسبوع الا راح وعمل استقدام من الرياض عادي جداااااااااااااااا

[TAM]

انا رحت المكتب الي في شارع الوزارات وزارة الدخلية انا مغير مهنة من سنة تقريبا يعني مش من فتر ة قصيرة هل اروح تاني وجرب ولة اعمل اية

[TAM]

أنا رحت من 5 أيام عشان أقدم الأوراق وبعد معانة أخدت رقم الورق تمام بس راجع الريس خير في اية انت معدل مهنة والتعديل لة بس زيارة مش استقدام مشعارف الكلام دة صحيح ولة لأه الرجاء الافادة واية العمل

الاخ الفاضل

في اي مكتب استقدام في المملكه انت رحت علي فكره في ناس مغيره الاسبوع الا راح وعمل استقدام من الرياض عادي جداااااااااااااااا

شكرا علي الرد انا رحت المكتب الي في شارع الوزارات وزارة الدخلية انا مغير مهنة من سنة تقريبا يعني مش من فتر ة قصيرة هل اروح تاني وجرب ولة اعمل اية

[sherifrrr]

السلام عليكم و رحمة الله و بركاته

في البداية احب اشكر الاستاذ سي السيد كتير جدا لانى عن طريق متابعتى للموضوعات و مشاركاته قدرت اعمل الاستقدام

و احب اعرف المشاركين بالمنتدى على تجربتى يمكن حد يستفيد

البداية انا تأشيرتى - فيزا حرة بمهنة بناء عام و الكفيل في حفر الباطن و انا شغلى في جدة - و حاولت اغير المهنة لمهنة تنفع تستقدم لان شغلى و مؤهلى محاسبة

و الكفيل كان متعاون راح كفيلي عشان يغير المهنة ما قدرش و السبب ان عشان المؤسسة يبقى فيها محاسب لازم يكون عدد العمال ما يقلش عن 20 عامل

المهم لقيت ان لازم امشي أموري بالفلوس

دفعت و أمري لله و غيرت المهنة بس مع معقب مضمون من طرف الكفيل نفسه :ninja:

و حضرت الورق زى ما هو مكتوب في المنتدى هنا و طلعت جري على مكتب الاستقدام في جدة و اما وصلت للموظف و شاف تصديق الغرفة التجارية من حفر الباطن على الأوراق قال لى روح الدمام انت تبع المنطقة الشرقية

طلعت للمدير و ما فيش فايدة :lol:

خرجت لمعقب جنب المكتب ما فيش غيره اسمه ابو ياسر في الأول قال اخلص لك الموضوع من جدة بدل السفر ب500 ريال قولت له ماشي و بعدين رجع طلب 1000 ريال حسيت انه بيبتزنى و بيغير كلامه و ما وثقتش فيه بصراحة

المهم سافرت على الدمام و كنت هناك من بدري على الفجر

لقيت انهم بيدققو شوية لكن طيبين

تصديق شهادة المؤهل لازم يكون من القنصلية السعودية و كمان من الملحق الثقافي للقنصل في مصر و كمان من وزارة الخارجية السعودية

انا كمان كنت مصدق شهادات ميلاد الاولاد و قسيمة الزواج من القنصلية السعودية احتياطي

اضافة الى طلب جديد و الحمد لله كنت عامل حسابه اللى هو صور جوازات السفر للمستقدمين هو طلب غريب لكن مهم جدا

و كمان طلبو جواز السفر للاطلاع و صورة تأشيرة تغيير المهنة في الجواز

و الحمد لله حصلت في النهاية على الورقة الصفرا و هيتلم شمل أسرتنا و عقبال كل المغتربين المصريين :blink:

[هنادي]

اود ان اشكر الاخوه القائمين على هذا المنتدى و الذى يتيح الفرصه لتبادل الخبرات بين كل المغتربين

و لذلك وجدت انه من الواجب ان اوضح خطوات الاستقدام لأسر المقيمين بالسعوديه

اولا : المستندات المطلوبه :

1- اصل جواز السفر + صوره

2- اصل الاقامه + صوره

3- خطاب تعريف من الكفيل موضح به الراتب و موثق من الغرفه التجاريه

3- طلب استقدام موثق من الغرفه التجاريه ( موجود بمكتب الاستقدام) و يملأ الطلب بالبيانات مطابقه لجواز السفر و الاقامه و الحرص على ان يكون اسم الزوجه و الابناء مطابق للأسم فى جواز سفر الزوجه و الابناء

4- ايصال من بنك الرياض بقيمه 2000 ريال و يمكنك تسديده عن طريق موقع بنك الرياض على الانترنت(فقط اذا كان لديك حساب فى بنك الرياض) او من اى صراف لبنك الرياض ATM و الدفع نقدى عن طريق الصراف الالى ( سوف تحصل على ايصال من الصراف الالى لبنك الرياض مكتوب فيه رقم الاقامه و المبلغ المدفوع)

5- قسيمه الزواج موثقه من الحارجيه المصريه و من القنصليه السعوديه + صوره

6- شهاده ميلاد الابناء موثقه من الخارجيه المصريه + صوره

ثانيا : تقديم الاوراق

1- اذا كنت من سكان الرياض، فعليك بالذهاب الى مكتب الاستقدام بوزاره الداخليه القديمه بشارع المطار القديم ( الملك عبد العزيز) مبكرا(يعنى 7 او 8 صباحا) قبل مواعيد العمل و هتلاقى واحد معاه كشف سجل فيه اسمك علشان الدور، و ممكن تمشى و ترجع على ميعاد الدوام الرسمى بتاعهم وهو فى رمضان الساعه 10 صباحا

2- هتدخل صاله الاستقدام و الموظف هينادى على اسمك و يديلك رقم

3- تنتظر لغايه لما يجى رقمك و تسلم الاوراق و الموظف هيطلب انه يطلع على الاصول و هيرجعهالك تانى

4- بعد كده لو ورقك سليم و المهنه تسمح بالاستقدام هيدلك ورقه صفراء

5- الورقه دى تبعتها لاسرتك فى مصر عن طريق البريد و يتابعوا القنصليه السعوديه بعد اسبوعين من تقديم الاوراق و الحصول على الورقه الصفراء

ثالثا : استلام الفيزا من القنصليه السعوديه

الخطوه دى لسه ما عملتهاش...بس اللى اعرفه ان الزوجه لازم تعمل تحليل فيروس سى فى المعامل المركزيه بوزاره الصحه اللى عند مجلس الشعب، و مش متاكد كمان ان كان المفروض تعمل كشف طبى شامل فى احدى المستشفيات المعتمده زى النيل بدراوى، و ده بيكون عن طريق مكتب اسمه جامكا، و بالنسبه للأبناء لازم يكون معاهم شهاده فيها التطعيمات اللى اخدوها

و بعد كده يتم تقديم الورقه الصفراء + قسيمه الزواج الموثقه + التحاليل و الكشف الطبى + جواز سفر الزوجه و الابناء لو مش متضافين على جواز مامتهم + شهاده ميلاد الابناء الموثقه + شهاده التطعيمات الى القنصليه السعوديه و ده بيتم غالبا عن طريق مكتب من مكاتب التسفير اللى فى القاهره، يعنى بتديله الورق ده كله و بتنتظر يوم او اتنين و بيجيبلك التأشيره على الجواز، بس مش عارف ان كان ممكن الواحد ممكن يروح بنفسه ولا لازم عن طريق مكتب

مهم جدا : لازم اسم الزوج يكون مكتوب فى جواز سفر الزوجه لأن الورقه الصفراء اللى بتبعتها مصر بيكون فيها اسمك انت بس و بيكون مكتوب فيها كلمه زوجه و ابن او بنت (من عير الاسماء) علشان كده لازم اسم الزوج او الاب فى حاله الابناء يكون مكتوب فى جواز سفر الزوجه

مهم : فى الرياض و ده اللى انا عرفته من اخواننا المصريين اللى بيقدموا على استقدام لازم يكون ورقك كله كامل علشان اداره الاستقدام فى الرياض شديده، لكن عرفت ان فى جده او الدمام الامور اسهل من كده بكتير و احيانا مش بيطلبوا الاصول

دى كل معلوماتى اللى عرفتها و عملتها.... و هتابع معاكم الموضوع اول باول و خصوصا الجزء الاخير (ثالثا) اول لما يخلص ان شاء الله

يارب اكون قدرت اوصل المعلومه بسهوله و يستفاد منها اكبر عدد من اخواننا المصريين

[Mohamed Badry]

السلام عليكم و رحمة الله و بركاته

انا مهندس اتصالات اقيم فى المملكة منذ حوالى 3 سنين و أعمل الان فى الدمام

زوجتى الان فى مصر لظروف الحمل و الولادة و معها تأشيرة خروج و وعودة 6 شهور تنتهى فى 1 فبراير 2011

ما هى الاجراءات المطلوبة عند العودة للملكة مرة اخرها و معها المولود انشاء الله وكم تستغرق من وقت تقريبا

مع العلم ان :

1- موعد الولادة ان شاء الله 15 ديسمبر 2010

2- جواز سفر زوجتى بالرقم القومى (الجديد)

3- اقامة زوجتى كاقامتى الالكترونية (الكارت) و تنتهى 1 مارس 2011

و شكرا على الرد

[خالد شحاته]

السلام عليكم و رحمة الله و بركاته

انا مهندس اتصالات اقيم فى المملكة منذ حوالى 3 سنين و أعمل الان فى الدمام

زوجتى الان فى مصر لظروف الحمل و الولادة و معها تأشيرة خروج و وعودة 6 شهور تنتهى فى 1 فبراير 2011

ما هى الاجراءات المطلوبة عند العودة للملكة مرة اخرها و معها المولود انشاء الله وكم تستغرق من وقت تقريبا

مع العلم ان :

1- موعد الولادة ان شاء الله 15 ديسمبر 2010

2- جواز سفر زوجتى بالرقم القومى (الجديد)

3- اقامة زوجتى كاقامتى الالكترونية (الكارت) و تنتهى 1 مارس 2011

و شكرا على الرد

الاخ الفاضل

السلام عليكم ورحمة الله وبركاته

ان شاء الله لما زوجتك تقوم بسلامه ان شاء الله تخد شهادة الميلاد وتطلع جواز سفر للمولود وتروح اي شركه عماله وتعطيهم جواز المولود وصورة تاشيره الخروج والعوده وشهادة الميلاد علشان التطعيم والمكتب بيجيب تاشيره للمولود ويخد منك 250جنيه ولما توصل زوجتك بسلامه المملكه بتخدم استماره من الكفيل وصوره من التطعيم وتدفع في البنك 2000 ريال وتخد اقامه وربنا يقوم المدام علي خير ويجمع شملكم ان شاء الله

[Mohamed Badry]

جزاك الله خيرا

بس فى نقطة كنت عايز أتاكد منها هو لازم شهادة الميلاد الكمبيوتر للمولود

أصل انا سمعت انها بتاخد 40 يوم عشان تطلع

ومراتى قدامها حوالى 50 بس بعد الولادة انشاء الله

فهل تكفى هذه المدة ل :

1. استخراج شهادة الميلاد
   
2. جواز السفر
   
3. استخراج التأشيرة
   

و اسف على الاطالة

[Mohamed Badry]

جزاك الله خيرا

بس فى نقطة كنت عايز أتاكد منها هو لازم شهادة الميلاد الكمبيوتر للمولود

أصل انا سمعت انها بتاخد 40 يوم عشان تطلع

ومراتى قدامها حوالى 50 بس بعد الولادة انشاء الله

فهل تكفى هذه المدة ل :

1. استخراج شهادة الميلاد
   
2. جواز السفر
   
3. استخراج التأشيرة
   

و اسف على الاطالة

السلام عليكم يا شباب

أفيدونا أفادكم الله

[Mohamed Badry]

جزاك الله خيرا

بس فى نقطة كنت عايز أتاكد منها هو لازم شهادة الميلاد الكمبيوتر للمولود

أصل انا سمعت انها بتاخد 40 يوم عشان تطلع

ومراتى قدامها حوالى 50 بس بعد الولادة انشاء الله

فهل تكفى هذه المدة ل :

1. استخراج شهادة الميلاد
   
2. جواز السفر
   
3. استخراج التأشيرة
   

و اسف على الاطالة

السلام عليكم يا شباب

أفيدونا أفادكم الله

أنا وراكم وراكم لحد متردوا عليا

كل سنة و أنتم طيبين

[Mohamed Badry]

جزاك الله خيرا

بس فى نقطة كنت عايز أتاكد منها هو لازم شهادة الميلاد الكمبيوتر للمولود

أصل انا سمعت انها بتاخد 40 يوم عشان تطلع

ومراتى قدامها حوالى 50 بس بعد الولادة انشاء الله

فهل تكفى هذه المدة ل :

1. استخراج شهادة الميلاد
   
2. جواز السفر
   
3. استخراج التأشيرة
   

و اسف على الاطالة

ألسلام عليكم يا شباب

كل عام و أنتم بخير

لا تنسوا صيام العشر الأوائل من ذى الحجة

حد يعرف شهادة الميلاد المميكنة بتطلع للمولود بعد اد ايه من الولادة ؟

و ياترى فى تغيير فى الاجراءات دى لو أنا نزلت اجازة و رجعت بالمدام و المولود ان شاء الله ؟

و جزاكم الله خيرا