رشوة عابرة القارات

[se_ Elsyed]

لي صديق يعمل بالرياض وهو أساساً من أحدى مدن محافظة الغربية وتحديداً بالمحلة الكبرى ، هذا الصديق لاحظ منذ فترة بأن أى خطاب يصل له من اهلة بمصر مكتوب عليه من الخلف " مع تحيات رجل البريد فلان الفلاني مدير مكتب البريد الرئيسي بالمحلة الكبرى " فالراجل أستغرب وقال أيه الحب والأهتمام ده كله من رجال البريد .. ما شاء الله الخدمة تطورت فى مصر .

المهم أخر خطاب جاء له قريباً وجد مكتوب عليه من الخارج عريضة طويلة عريضة ملخصها كالأتي " لحد دلوقت بقيت موصلك ييجي أكتر من 20 جواب وكله مجاناً وأديني لسه مستني أى حاجة منك ... أما أشوف أخرتها معاك .... فلان الفلاني مدير مكتب بريد المحلة "

فالراجل وراني الجواب وبصراحة أصابني الذهول ، أإلى هذه الدرجة وصلت البجاحة بالناس لطلب رشوة علنية عابرة القارات مصحوبة بتهديد أيضاً على شيء هو من صميم عمله ويتقاضى عليه راتب ، وتصوروا منظرنا هايبقى أيه قدام الناس اللى شغاليين فى البريد هنا فى السعودية لما يقرأوا الكلام ده .

وأليست هذه تعتبر جريمة رشوة متكاملة الأركان بأعتراف مرتكبها وبخط يده ؟

على فكره انا سألت زميلي هل ضاعت لك خطابات قبل ذلك أنت أرسلتها أو أُرسلت لك من عائلتك فقال : نعم كثير !!!!! وأستنتجت أن هذا الشخص الفاسد رجل البريد ربما يمزق أو يرمي هذه الخطابات فى القمامة لأنه لم يصل له المعلوم وبالتأكيد هو يفعل ذلك مع ناس كتيره

وربما هذا الخطاب الذي يرمي يتحوي على شيك أو خطاب به أخبار مهمه ... أو ما إلى ذلك ( زي فيلم البوسطجي بتاع شكري سرحان لما ودى زيزى مصطفى فى داهيه علشان ماوصلش الجواب لها )

بصراحة أيه القرف ده ؟

نداء إلى شعنونة ... حضري صفيحة الجاز علشان عايزين نولع فى ناس فى المحلة

[بنت شعنونة]

سي السيد

انا رايحا المنصورة اخر الشهر الجاي

هات اسم الراجل دا وعنوناه

وانا اروح اخربلك بيته بجد

مش هزااااااار والله

"وش شااااااااايط ومحروق مرتين قبل كدا"

[White heart]

se_ Elsyed كتب:

" لحد دلوقت بقيت موصلك ييجي أكتر من 20 جواب وكله مجاناً وأديني لسه مستني أى حاجة منك ... أما أشوف أخرتها معاك .... فلان الفلاني مدير مكتب بريد المحلة "

بصراحة يا عزيزى، انا لا أعتقد بالمرة ان كاتب تلك الكلمات هو مدير مكنب بريد المحلة!!!! رجل فى هذا المركز لا يعقل ان يتبع هذا السلوك الذى يمكن ان يدينة ببساطة!!!

انا اتخيل ان لم تكن دعابة سخيفة، ان تكون احد الموظفين او الزملاء الذى يكن بغض لهذا المدير و يريد ايذاءة بوسيلة او اخرى!!!

انا لو مكانك....أقوم بتصوير المظروف الذى علية مثل تلك الكلمات، و ترفقة فى رسالة مسجلة بعلم الوصول و موجهة الى هذا المدير، تسألة مباشرة اذا كان هو كاتب تلك الكلمات....

و شئ من أثنين: اما سيجيبك بالنفى، و القسم بأغلظ الأيمان و يعدك بأتخاذ اللازم لمحاسبة المسئول عن هذا العبث. و بهذا تكون قد نبهتة الى مثل تلك الدسائس المحاطة بة ليحترس...و هذا خير.

و اما لن تصلك اى رسائل من ذويك مرة اخرى!!!! و ساعتها تعلم تماما ما يجب عليك و على ذويك فى مصر عملة...و هو بالطبع اشراك السلطات المعينة فى تلك المحافظة....و انا اثق بنتيجة ايجابية، و هذا ايضا خير....

شكرا لك نقل تجربتك...لنرى احدى امثال تدنى مستوى البعض فى بلدنا، لنحطاط و نتعاون ان لم يكن لأستأصالة فعلى الأقل لمحاصرتة و تحجيمة....

[White heart]

بنت شعنونة كتبت:

هات اسم الراجل دا وعنوناه 

وانا اروح اخربلك بيته بجد 

مش هزااااااار والله

و الله انا خايف يا عزيزتى، انة بأسلوب ردك على "تصرفات الشباب"، و رحلة المنصورة اللى جاية دى ن شاء الله، تتحولى من :

الكتورة شانا الى ألخط شانا !!

[الطفشان]

سي السيد

انا رايحا المنصورة اخر الشهر الجاي

هات اسم الراجل دا وعنوناه

وانا اروح اخربلك بيته بجد

مش هزااااااار والله

"وش شااااااااايط ومحروق مرتين قبل كدا"

أوعى تقول لها حاجة!

أحسن تدوسه بالعربية و الا تعمل فيه عملة!

[se_ Elsyed]

وايت هارت ... أنت بجد قلبك أبيض .. زمايل مين اللى عملينها فيه ... يا عم الراجل بتاع البريد كان عمال يعملوا تمهيد فى الأول وكل مرة يبعتلوا تحياته .. دول ناس لا يستحوون.

الطفشان ... ماتخفش يا عم انا عارف أن شعنونة متهورة وممكن تروح تولع فى الراجل .. مش هابعتلها اسم الراجل هنا.

شعنونة .. شعنونة .. سامعاني  هابعتهولك على ال بي أم

أقرا الحادثة أقرأ الحادثة ... إحتراق رجل بريد فى ظروف غامضة ... الراجل يا ولداه بقى فحمه .. ساعتها يا طفشان نضرب ضربتنا ونأخد المكافأة اللى هاتعملها الشرطة والأجهزة المحلية فى مدينة المحلة ...

معليش يا شعنونة المعايش بقت غاليه يأختي.

وش واحد عمال يبلغ على زمايله ( كده بقوا كام ... كليو ومانمان وكروساية وأخيراً شعنونة والبقية تأتي )

[ابو يوسف]

اخى سى السيد ....

كل اللى اقدر اقوله .....

ان دى قلة أدب ....

(وش واحد قرفان)

[BenNeal]

انا لى ملحوظتين على الموضوع ده:

1- انا منبهر بالقدرة الابتكارية لموظف البريد و استخدامه للمساحة المحدودة الموجوده على ظرف الخطاب لكسب ايراد اضافى. عيبه الوحيد انه استغله فى الابتزاز. ليه يا ترى ما فكرش يبيع المساحة الخالية كمساحة اعلانية ممكن يبعها مثلا لشركة عقارات او اجهزة منزلية لها فرع بالمحلة. كل اللى محتاجه ختم صغير باسم الشركة او المنتج.

2- تقاعسنا عن اخذ خطوة ايجابية لايقاف هذا الرجل (وامثاله) عند حده. لدينا ادلة مادية و جاءت الينا الفرصة لمحاربة جزأ من الفساد. فهل نحن جادون؟

[se_ Elsyed]

بالنسبة لموضوع الإيجابية يا أبن النيل ، أن نصحت هذا الصديق أن لما ينزل مصر - الشهر الجاي - أنه يتوجه لمكتب البريد هذا ويطلب مقابلة مدير هذا الشخص ويطلعه على جميع الخطابات المزركشة بخطه ويوجه له إتهام مباشر بطلب الرشوى والإبتزاز .... ولكن

وآه من لكن دي ... صديقي هذا طيب وبيحب يمشي جنب الحيط ، مش زيي أنا وشعنونة مابنعرفش نتفاهم غير بصفايح الجاز وولع يا جدع ( وش شراني )

لأ بجد لو هذا الموقف حدث معي .. أقسم بالله ما هاسيبه لو هو مين ، خاصة أن هذا مش أفتراء .

لكنها السلبية يا عزيزي اللى موديانا فى داهية ، وتبدأ بتفريط صغير فى حقنا ثم تتبعها تفريطات أكبر فى حياتنا .