اذهب إلى المحتوى
محاورات المصريين

بطاقة الرقم القومى...سؤال?

BenNeal
 مشاركة

Recommended Posts

BenNeal عضو جديد

BenNeal

بتاريخ:
بتاريخ:

انوى ان شاء الله نزول مصرلمدة اسبوع بعد اجازة العيد. و انوى ايضا اثناء الزيارة استخراج بطاقة الرقم القومى.

ارجو التكرم بشرح عملية استخراج البطاقة و متطلباتهاومكانها علما بأنى جواز سفرى المصرى سارى واقيم بجوار جامع الصديق قريبا من النساجون. بطاقتى قديمة و غير مجدده.

شاكر اجاباتكم مقدما.

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
مصري جدا عضو جديد

مصري جدا

بتاريخ:
بتاريخ:

الأخ ابن النيل

أنا حأجاوب علي حد خبرتي ....في الأجازه الأخيره من شهر تقريبا عملت بطاقه رقم قومي لأبنتي ...كان المطلوب أستماره وفيه نوعين مستعجل ب75 جنيه ودي بتخلص في يومين تقريبا وعاديه ب 15 جنيه بتخلص في أسبوعين

شهادة ميلاد بالرقم القومي الجديده.....بس بالنسبه لحضرتك ممكن جواز السفر والبطاقه القديمه تمشي ..مش عارف

بالنسبه للوظيفه لازم تختمها بالوظيفه من مكان عملك ..ولو مش بتشتغل في مصر يبقي من النقابه التابع لها

متزوج ولا لأ.... بقسيمة الجواز ..وخلي بالك لو متزوج وعملتها أعزب فيها مشكله بعد كده ...

طبعا موقف التجنيد

أعتقد كده بس ...هذا علي حد علمي ...

طبعا فيه مراكز معروفه أستخراج البطاقه ...مش حأقدر أدلك عليها لأني من أسكندريه ومعرفش فين مراكز القاهره ...واعتقد الرئيسي في العباسيه ..مش متأكد

أرجو أن أكون أفادك ..ولو فيه حد عنده حاجه تانيه أو تصحيح لشئ ياريت ما يتأخرش

ththbb1a6b24.gif

أستعين بالصبر عند مواجهة نفاذ صبرك

مثل صيني

رباعيات الغربه

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

بالمناسبة

يمكن الان استخراج بطاقة الرقم القومي من القنصلية المصرية بالرياض

وبالتالي اعتقد في اي دولة اخرى بس كل واحد يسأل في القنصلية اللي جنبه

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
مصري جدا عضو جديد

مصري جدا

بتاريخ:
بتاريخ: (معدل)

خد دي كمان نقلا من موقع مصلحة الأحوال المدنيه

إضغط هنا لزيارة الموقع

استخراج بطاقات الرقم القومي المميكنة

أولاً : المستندات المطلوبة لاستخراج بطاقة الرقم القومى ( اول مرة )

- استمارة الحصول على بطاقة الرقم القومي

- بطاقة تحقيق الشخصية ( شخصية /عائلية ) او جواز سفر لاثبات شخصية المواطن

- صورة ضوئية لشهادة الميلاد ان وجدت

- صورة لوثيقة الزواج او البطاقة العائلية للزوج ( بالنسبة للزوجات فقط )

- اعتماد المهنة من النقابة المختصة لاصحاب المهن النقابية

- تقديم خطاب التأمينات للعاملين بالقطاع الخاص

- إرفاق صورة ضوئية لشهادة السجل التجاري الساري وبعـد الاطـلاع عـلى الأصل ( لاصحاب النشاط التجاري )

- إرفاق صورة ضوئية من المؤهل الدراسي ( بعد الاطلاع على الأصل ) فى حالة إثبات المؤهل الدراسي

فى حالة طلب تغيير محل الإقامة يتم إثباته بموجب عقد موثق او إيصال كهرباء او غاز او تليفون او إقرار أحد الأقارب فى حالة طلب تغيير محل الإقامة لديه على ان يكون هذا العنوانمثبتا ببطاقة القريب الشخصية او العائلية ولا يشترط لمن بلغوا سته عشر عاما من الذكور والإناث استخراج بطاقة ورقية حيث يمكن اثبات الشخصية بكافة طرق الإثبات ( جواز سفر كارنيه جهه الدراسة /إقرار : الاب/الام / الاخ / العم/ الزوجة / الابناء / الجد / الخال )

بالنسبة لأرباب المعاشات او ذوى المؤهلات العلمية بالبطاقات الشخصية او العائلية لا يشترط إعادة اعتماد الاستمارات اذا كان المطلوب إثبات نفس المهنة

ثانيا : المستندات المطلوبة لاعادة انتاج بطاقة الرقم القومى ( بدل فاقد/ تالف ) بنفس البيانات

- استمارة الحصول على بطاقة الرقم القومي ( يشار بعلامة صح عند اختيار سبب الطلب بدل فاقد/ تالف )

ثالثا : المستندات المطلوبة لاعادة إنتاج بطاقة الرقم القومى ( تغيير بيانات )

- استمارة الحصول على بطاقة الرقم القومي ( يشار بعلامة "صح" عند اختيار سبب الطلب تغيير بيانات )

- تسلم البطاقة المميكنه

- تقديم المستند الدال على التغيير فى البيانات ( الوظيفة / جهة العمل / الحالة العلمية / الحالة الاجتماعية / الديانة الخ )

رابعا : مكان تأدية الخدمة

- يتقدم المواطن بالاستمارة والمرفقات إلى اقرب منفذ لمحل إقامته من المنافذ المنتشرة على مستوى الجمهورية والموضحة بهذا الدليل

خامساً : الرسوم المقررة

- (15) جنيه للاستمارة العادية

- (75) جنيه للاستمارة المستعجلة

سادسا : مـــــدة الاصـــدار

- خمسة عشر يوما للاستمارة العادية

- 72 ساعة للاستمارة المستعجلة

استخراج شهادات الميلاد المميكنه

اولاً: المستندات المطلوبة لاستخراج شهادة الميلاد المميكنه

نموذج (40) طلب الحصول على صورة وثيقة أو مستند

ثانيا : في حالة عدم الاستدلال أو اختلاف بيانات ميلاد المواطن بالحاسب يجب على المواطن إرفاق مستخرج شهادة الميلاد أو صورة ضوئية معتمدة

ثالثا : من له الحق في استخراج شهادة الميلاد المميكنه (نفسه /الأب/الام / الأخ / العم/ الزوجة / الأبناء / الجد / الخال)

رابعا : مكان تأدية الخدمة

يتقدم المواطن إلى اقرب منفذ لمحل اقامته من المنافذ المنتشرة على مستوى الجمهورية والموضحة بهذا الدليل

خامساً : الرسوم المقررة

(7) جنيه لشهادة الميلاد المميكنه شاملة سعر النماذج والطوابع

سادسا : مـــــدة الاصـــدار

في نفس يوم تقديم الطلب

استخراج بطاقات الرقم القومي وشهادات الميلاد المميكنه

عن طريق الإنترنت

اولاً : كيفية تأدية الخدمة

- الدخول على موقع الإنترنت تحت مسمى www.cso.gov.eg

- تدوين بيانات الطالب والمستفيد

- السداد من خلال البطاقة الائتمانية / الدفع عند الأستلام

ثانيا : الوثائق التى يمكن استخراجها بأسلوب الحكومة الإلكترونية من خلال الإنترنت هي :

- بطاقة رقم قومي ( بدل فاقد / تالف)

- صورة قيد ميلاد مميكن

- صورة قيد وفاة مميكن

- صورة قيد زواج مميكن

- صورة قيد طلاق مميكن

- صورة قيد عائلى مميكن ثانى مرة

تم تعديل بواسطة مصري جدا

ththbb1a6b24.gif

أستعين بالصبر عند مواجهة نفاذ صبرك

مثل صيني

رباعيات الغربه

رابط هذا التعليق
شارك
ozoozo عضو جديد

ozoozo

بتاريخ:
بتاريخ:

بص من الاخر

1-تروح العباسيه مصلحه _السجق الميدني_ علي رأي اخوان اليمبي او السجل المدني تشتري ورق بطاقه مستعجل ب75 جنيه تاخده بعد 3 ايام

2-تاخد معاك القسيمه والبطاقه القديمه والمؤهل الدراسي لو عايز تكتب حاصل علي مؤهل كذا واو عايز المهنه في الخارج تروح تامينات العاملين بالخارج في الالفي وتختم الورق من هناك بس لو مش مامن عليعلي نفسك هاتحتاج العقد بتاع العمل الموثق ويمكن تكع خبتين عشان هاتدفع من اول ما سفرت عشان كده مانصحش بالخطوه دي وكفيه المؤهل

3-لو عايز نفس عنوان البطاقه القديمه اوكي عايز تغيره يبقي تجيب مايثبت التغيير

3-اعتقد كمان انك ممكن تطلع البطاقه ببيانات الباسبور بس مش متاكد

4-شهاده الميلاد لا اعتقد ليها لازمه لكن وانت بتشتري الورق ممكن تطلعها وانت واقف بتدفع خمسه جنيه رسوم وتاخدها بعد 5 دقايق

رابط هذا التعليق
شارك
محمد عيسى عضو جديد

محمد عيسى

بتاريخ:
بتاريخ:

بطاقة الرقم القومي مهمة جدا لانه تم وقف التعامل بالبطاقات القديمة، و لكن طالما معاك جواز سفر فممكن تستخدمه عادي

لكن لا تورط نفسك في أي إجراء رسمي خلال أجازة قصيرة و خاصة أنه يتخللها أعياد، و من الممكن استخراجها من أي قنصلية أو سفارة برسوم تزيد قليلا عن مصر

و بالتوفيق ان شاء الله

خير الناس أنفعهم للناس

رابط هذا التعليق
شارك
BenNeal عضو جديد

BenNeal

بتاريخ:
  • كاتب الموضوع
بتاريخ:

Many thanks for all the responses and info.

I live in Houston, and we do have a consulate here. I'll check with them on Monday In Shaa Allah. I renewed my passport twice there and even my mother's.

If it works, it would be great. A couple of extra dollars are nothing compared to spending more time with El-Hgga.

Barak Allah Feekum.

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
Many thanks for all the responses and info.

I live in Houston, and we do have a consulate here. I'll check with them on Monday In Shaa Allah. I renewed my passport twice there and even my mother's.

If it works, it would be great. A couple of extra dollars are nothing compared to spending more time with El-Hgga.

Barak Allah Feekum.

مانت كنت حلو وماشي في العربي كويس !!!!!

عامة اتصل بالقنصلية بتاعت هيوستن واتأكد الاول الموضوع ده موجود عندهم ولا لأ بس اوعى يكون عندكم تليفون من ابو زيرو 700

اصل قنصلية الرياض عاملين تليفون من بتاع المسابقات ... يعني تشترك الاول من خلال شركة الاتصالات في الخدمة دي

وكل مكالم تتكلمها للقنصلية الدقيقة بتوقف عليك باكتر من دولار والساعة بخمسة جنيه والحسابة بتحسب

واعتقد انهم في الاخر بيعملوا سحب والفايز بيحصل على الجائزة الموعود وهي " جائزة السيخ الذهبي " وهو وضميرة بقى يستخدم السيخ ده ازاي

انا عن نفسي باتحايل على الموضوع لاني ما بأحبش الاسياخ وكرهت كل حاجة الحديد داخل فيها من كرهي لاحمد عز وشريكه ابيه جمال

فبأقوم متصل على القنصلية في جده بالتليفون العادي

او بأتصل بصندوق التكافل الاجتماعي بالقنصلية بالرياض اللي عندهم تليفون عادي واسألهم عن اللي عايزه وغالباً المصري طول عمره مصري يعني لو عارف معلومة ما بيخبهاش عنك ولو سألت على عنوان وانت ماشي في احد الشوارع فبتلاقي جميع طوائف الشعب تلاحمت وتكاتفت عشان تساعدك

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
BenNeal عضو جديد

BenNeal

بتاريخ:
  • كاتب الموضوع
بتاريخ:

اعتذر لكمم لكتابتى بالغة الانجليزية. انا باستعمل الكى بورد الاكترونية و باكتب ببطئ ممل وباستسهل الكتابة بالانجليزية وبالذات لما اكون مستعجل

انا شاكر جدا لاجاباتكم.

تجاربى مع القنصلية المصرية هنا كلها ايجابية. الا ان الرسوم عالية شوية. أخر باسبور دفعت 100 دولار. باسبور الحاجة جددته رغم انها لم تكن معى فى يوم واحد ب 65 دولار بس ده كان من15 سنه. القنصليه 10 دقائق من موقع عملى و ممكن اروحلهم فى ساعة الغدا.

شكرى للجميع لتعاونهم و اهتمامهم بالرد.

رمضان كريم.

ملحوظة: اناكتبت الرد ده فى اكتر من 10 دقائق.

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...