رباطية الاحزاب

[qenawy]

الاخوة الافاضل

بكل مرارة والم احدثكم عن تجربتي القصيرة جدا ليست في العمل الحزبي ولكن محاولة الانضمام الي احد الاحزاب لا ادري لو ذكرت اسم الحزب هنا وهو حزب معارض طبعا يكون مسموح ام لا

عموما

بعد فاصل من النقد الذاتي لشخصي وكيف اني رغم اني متعلم جيدا واجتماعي وقادر علي الخدمة دون مقابل وفي نفس الوقت لا احب التطبيل والتهييص ولا النفاق

قلت حسنا

سانضم لحزب معارض حتي امارس ما يمكنني من انشطة مفيدة للمجتمع وكي اكون راضيا عن نفسي بدلا من السلبية والشكوي وخلاص كحال اغلبية المصريين للاسف

في المدينة التي اعيش فيها مقرات لاربعة احزاب الوطني والغد والتجمع والوفد وبحكم موروث قديم من قراءات العدالة الاجتماعية ومبادئ الاشتراكية قلت حسنا هو ذاك الحزب الاشتراكي الرائع

توجهت الي مقر الحزب وجدته مغلقا

ثلاث مرات متتالية مغلق

سالت عن المواعيد سالت الجيران قالوا مالوش مواعيد

المرة الرابعة وجدت امين الحزب في المدينة موجود الراجل

عرفته بنفسي وبحكم اني معروف نسبيا بحكم اني طبيب رحب بي الراجل واهلا وسهلا

قلتله اني لدي رغبة في العمل التطوعي ورغبة في نفض السلبية عن نفسي وحبيت انضم للحزب المعروف بانحيازه للمباديء الاشتراكية وانحيازه للفقراء وكلام كثير كنت صادق في قوله

المهم الراجل قاللي سيبلي صورة البطاقة وصورتك الشخصية وان شاء الله اول ما تيجي الاستمارات للاشتراك هابعتلك او اتصل بي بالتليفون

حسنا

كنت مجهز صورة البطاقة وصورة وفلوس ايضا

بصراحة الراجل طولالقعدة حسيته مرتاب في توجهاتي وبيعاملني كاني مرشد من الحكومة عاوز ادخل حزبهم

نظرات شك واستغراب واندهاش

ازاي بقي دكتور ورايق ومعروف عاوز يبقي تبع البارتيتيا بتاعتنا

المهم قلت ان بعض الظن اثم واستنيت يومين ورحت تاني

قاللي معلش اصلالورق بيتاخر واصل امبارح ودخل لي في فيلم غير سوي عن زياراته ومعرفته الوثيقة بضابط امن الدولة في المدينة

(نظام تهويش مبطن لي )

طيب ياعم فين الاستمارات

قاللي اصل احنا بنعمل الكارنيهات والاشتراكات كومبيوتر

قلت له ماشي

اللي انا هاعدي عليك في العيادة ونكمل الاجراءات

تقولش هاقدم في قرعة الحج

طبعا ولا الهوا

بصراحة حسيت انهم رباطية هو ومجموعه صغيرة معه اعضاء واقارب وواضح انهم خافوا مني وخصوصا ان امكانياتي العلمية والاجتماعية اعلي كثيرا من امين الفرع بتاع الحزب

ويا الله

ادي نتيجة من يحاول ان يكون ايجابيا حتي ولو في المعارضة

هو للاسف العمل السياسي في مصر ليس له فائدةولكنها كانت محاولة لتحريك الماء الراكد

اتاري ان بعض الاحزاب ما هي الا ديكور حكومي ممتاز

عموما انا في مكان عملي اطبق مااراه مفيدا لمصلحة الناس بدون احزاب وشكرا

[Virus]

عزيزي دكتور قناوي

تحياتي لك أولا على إيجابيتك الجميلة ورغبتك في الإصلاح

وتعازي لك ثانياً على ما وجدته في مغامرتك الحزبية التي باءت بالفشل

وأظن أن هذا متوقع تماما من أحزاب الديكور السياسي في مصر والتي لم نسمع بها مطلقاً تشارك الناس أو تقوم بأي مبادرات لإنقاذ مصر

والناظر لشخصيات مثل أباظة في الوفد والسعيد في التجمع وداود في الناصري..أو حتى لأيمن نور نفسه لا يسعه إلا الشك أو اليقين أحياناً في توجهاتهم وأهدافهم الحقيقية...

وحتى أعلام الصحافة المستقلة كمصطفى بكري ووائل الإبراشي وحمدين صباحي و عبد الحليم قنديل..تشعر كثيراً إنهم ليسوا فوق مستوى الشبهات وأنا هناك علاقات ما بينهم وبين النظام!

للأسف فإن مفهوم "مصلحة الوطن فوق كل اعتبار" قد مات ودفن منذ زمن طويل بفضل مجهودات رئيسنا الحكيم

وأنت يا عزيزي لمست الجرح..لأني مازلت أظن أنه مازال هناك الكثير من الأسوياء في مصر القادرين على التغيير، والمحاورات هنا خير مثال ، ينقصنا أن يكون هناك مكان يجمعنا..حزب..حركة..جماعة أياُ كان

ولما كان ذلك مستحيل الحدوث في مصر-أو هكذا أظن- فقد فكرت كثيراً بما يمكن أن يفعله 2 مليون مصري موجودين في منطقة واحدة هي الخليج...أقصد حركة معارضة من الخارج

عموماً ده موضوع تاني وعايز قعدة..تحياتي لك ودعواتي أن تظل على إيجابيتك مهما كانت المعوقات

[qenawy]

شكرا للاخ virus علي احيائه الموضوع

[حسام يوسف]

هوة كدة الحزب اتعرف يا دكتور قناوى

وأنا معاك فى كلامك

قول للاخوة بقى عن الاصلاح اللى هيتعمل

وقولهم انك حاولت بالفعل

اشوفك فى كندا باذن الله يا دكتور قناوى

[محمد عبدالعزيز]

بغض النظر يا دكتور قناوى عن رد فعل أمين الحزب فى مدينتك, وهو رد فعل أقل ما يمكن أن يقال عنه إنه قليل الذوق ومثير للشك فى نفس الوقت.

إلا إننى معجب جداً بإيجابيتك, وأتمنى أن لا تتراجع عنها, لأنه كما قال تعالى: "إن الذين آمنوا وعملوا الصالحات إنا لا نضيع أجر من أحسن عملاً".

دائما هذه الآية تكون الفيصل عندى فى مثل هذه المواقف, مادمت لم تقصر وفعلت ما فى وسعك, فالنتيجة بيد الله وجزاءك عند الله, وهو عنده خير الجزاء.

أشكرك مرة أخرى وتحياتى لك.

[لولا]

هوة كدة الحزب اتعرف يا دكتور قناوى

وأنا معاك فى كلامك

قول للاخوة بقى عن الاصلاح اللى هيتعمل

وقولهم انك حاولت بالفعل

اشوفك فى كندا باذن الله يا دكتور قناوى

انا معنديش اى خبره فى الأحزاب بصراحة يا حسام

لكن شعرت بس بالفضول والرغبه فى المعرفه..

ياريت تفدنى انت او د.قناوى هل كل الأحزاب فى مصر

غير شريفة ؟؟ كلها على شاكلة الحزب اللى بيتكلم عنه الدكتور؟!!

اتمنى بجد حد يرد عليا.

[qenawy]

بغض النظر يا دكتور قناوى عن رد فعل أمين الحزب فى مدينتك, وهو رد فعل أقل ما يمكن أن يقال عنه إنه قليل الذوق ومثير للشك فى نفس الوقت.

إلا إننى معجب جداً بإيجابيتك, وأتمنى أن لا تتراجع عنها, لأنه كما قال تعالى: "إن الذين آمنوا وعملوا الصالحات إنا لا نضيع أجر من أحسن عملاً".

دائما هذه الآية تكون الفيصل عندى فى مثل هذه المواقف, مادمت لم تقصر وفعلت ما فى وسعك, فالنتيجة بيد الله وجزاءك عند الله, وهو عنده خير الجزاء.

أشكرك مرة أخرى وتحياتى لك.

بل انا اللي اشكرك اخي الفاضل محمد

انا حسبتها تاني قلت ما هو المطلوب مني لخدمة الناس بدون احزاب و اونطة انا كنت بس عاوز انضم من اجل الخطة المنهجية ولكن طبعا طلعوا اونطه

بقي لي العمل المباشر

والحمد لله في مكان عملي اذهب اول واحد

اكشف عليالمرضي الفقراء اصلا اللي جايين المستشفي بنفس جهدي ونفس تشخيصي اللي في العيادة ونفس المعاملة

لغاية ما اخلص كشف عليالمرضي ياتي زمايلي فلا يجدوا احدا

ولذلك المكان الذي اعمل فيه مشهور بالكفاءةوالامانة وبقول زمايلي والموظفين

احنا الحكومة

كل الناس بتشكي من الحكومة

لو كل واحد صلح نفسه في مكانه هينصلح حال البلد ولكن للاسف قليلين من يرغبون في العمل عموما انا شخصيا بعتبر نفسي كده دايس وخلاص في عملي ولا اهتم لا بتفتيش ولا غيره ولا بعمل زي الدكاترة الخيبانة اللي يفتكر انه لما ما يشتغلش للناس الغلابة اللي هما ناسنا يبقي عيادته هتبقي زحمة بيهم

فشر

تذكر الفقراء تجد عيادتك مليانة وعن تجربة والارزاق علي الله وشكرا

معلش صدعتكم

[galaxy]

اعتقد ان الاحزاب في مصر لم يعد لها ثقلها كما في الماضي دكتور قناوي ...............مش بس بالمحسوبيه ولا الروباطيه ............لكن كمان بقت مجال للمنظرة والرياسه من جانب خفي لا اكثر ولا اقل..................زي ما شفنا في احداث حزب الوفد من فتره زمينه لما كانت الخلافات علي تولي رئاسته علي اشدها بعد ما كانت جريده الوفد عنونا لكثير من المصريين........ومنها فقدت كثير من مصداقيتها وان عادت عند البعض لتالقها من وجهه نظرهم...............اشترك مع زملائي في تحيه مشاعرك الايجابيه .........تقبل تحياتي

[iloveegypt]

هوة كدة الحزب اتعرف يا دكتور قناوى

وأنا معاك فى كلامك

قول للاخوة بقى عن الاصلاح اللى هيتعمل

وقولهم انك حاولت بالفعل

اشوفك فى كندا باذن الله يا دكتور قناوى

انا معنديش اى خبره فى الأحزاب بصراحة يا حسام

لكن شعرت بس بالفضول والرغبه فى المعرفه..

ياريت تفدنى انت او د.قناوى هل كل الأحزاب فى مصر

غير شريفة ؟؟ كلها على شاكلة الحزب اللى بيتكلم عنه الدكتور؟!!

اتمنى بجد حد يرد عليا.

بصراحة يا اخت لولا مش كل اللى منتمين لاحزاب فى مصر على هذه الشاكلةبس للاسف من النوعية اللى قالها د قناوى فيه كتييير

للاسف معظم الاحزاب الان بعيدة عن الشارع المصرى ومشاكله يمكن باستثناء حزبين او ثلاثة هم الغد والعمل (رغم انه موقوف بقرار حكومى)وحزبين تحت التأسيس هما الكرامة والوسط

بس فى حركات شعبية اقوى بكتير من الاحزاب ولها نشاط واسع مثل كفاية و شباب 6 ابريل والاخوان المسلمين

معلومة اخيرة الحزب اللى بيتكلم عنه د قناوى حزب له عضو او اثنين فى مجلس الشعب بس واسمه ولا بلاش

تم تعديل 14 سبتمبر 2008 بواسطة iloveegypt

[qenawy]

شكرا لجالاكسي

[الباشمهندس ياسر]

السلام عليكم

د. قناوى

اسمحلى اقول ان الاحزاب الحقيقية ماتت منذ قيام انقلاب 1952 و شبعت مووووت

و عموما ربنا يجزيك خير على نواياااااك الطيبة والحقيقية فى الاصلاح

و اذا سمحت لى ان اذكرك بدور الجمعيات الخيرية و كفالة اليتيم ودروس العلم الدينى والدنيوى والتثقيفى و حتى الرعايه الطبية

و ان كنت اعرف ان ما تفكر فيه من اصلاح يفوق مثل هذه الاعمال ... انما لنعتبرها خطوة فى الطريق

و اخيرا تقبل الله منك و عوضك كل خير

[tarek hassan]

الاخوة الافاضل

بكل مرارة والم احدثكم عن تجربتي القصيرة جدا ليست في العمل الحزبي ولكن محاولة الانضمام الي احد الاحزاب لا ادري لو ذكرت اسم الحزب هنا وهو حزب معارض طبعا يكون مسموح ام لا

عموما

بعد فاصل من النقد الذاتي لشخصي وكيف اني رغم اني متعلم جيدا واجتماعي وقادر علي الخدمة دون مقابل وفي نفس الوقت لا احب التطبيل والتهييص ولا النفاق

قلت حسنا

سانضم لحزب معارض حتي امارس ما يمكنني من انشطة مفيدة للمجتمع وكي اكون راضيا عن نفسي بدلا من السلبية والشكوي وخلاص كحال اغلبية المصريين للاسف

في المدينة التي اعيش فيها مقرات لاربعة احزاب الوطني والغد والتجمع والوفد وبحكم موروث قديم من قراءات العدالة الاجتماعية ومبادئ الاشتراكية قلت حسنا هو ذاك الحزب الاشتراكي الرائع

توجهت الي مقر الحزب وجدته مغلقا

ثلاث مرات متتالية مغلق

سالت عن المواعيد سالت الجيران قالوا مالوش مواعيد

المرة الرابعة وجدت امين الحزب في المدينة موجود الراجل

عرفته بنفسي وبحكم اني معروف نسبيا بحكم اني طبيب رحب بي الراجل واهلا وسهلا

قلتله اني لدي رغبة في العمل التطوعي ورغبة في نفض السلبية عن نفسي وحبيت انضم للحزب المعروف بانحيازه للمباديء الاشتراكية وانحيازه للفقراء وكلام كثير كنت صادق في قوله

المهم الراجل قاللي سيبلي صورة البطاقة وصورتك الشخصية وان شاء الله اول ما تيجي الاستمارات للاشتراك هابعتلك او اتصل بي بالتليفون

حسنا

كنت مجهز صورة البطاقة وصورة وفلوس ايضا

بصراحة الراجل طولالقعدة حسيته مرتاب في توجهاتي وبيعاملني كاني مرشد من الحكومة عاوز ادخل حزبهم

نظرات شك واستغراب واندهاش

ازاي بقي دكتور ورايق ومعروف عاوز يبقي تبع البارتيتيا بتاعتنا

المهم قلت ان بعض الظن اثم واستنيت يومين ورحت تاني

قاللي معلش اصلالورق بيتاخر واصل امبارح ودخل لي في فيلم غير سوي عن زياراته ومعرفته الوثيقة بضابط امن الدولة في المدينة

(نظام تهويش مبطن لي )

طيب ياعم فين الاستمارات

قاللي اصل احنا بنعمل الكارنيهات والاشتراكات كومبيوتر

قلت له ماشي

اللي انا هاعدي عليك في العيادة ونكمل الاجراءات

تقولش هاقدم في قرعة الحج

طبعا ولا الهوا

بصراحة حسيت انهم رباطية هو ومجموعه صغيرة معه اعضاء واقارب وواضح انهم خافوا مني وخصوصا ان امكانياتي العلمية والاجتماعية اعلي كثيرا من امين الفرع بتاع الحزب

ويا الله

ادي نتيجة من يحاول ان يكون ايجابيا حتي ولو في المعارضة

هو للاسف العمل السياسي في مصر ليس له فائدةولكنها كانت محاولة لتحريك الماء الراكد

اتاري ان بعض الاحزاب ما هي الا ديكور حكومي ممتاز

عموما انا في مكان عملي اطبق مااراه مفيدا لمصلحة الناس بدون احزاب وشكرا

احسنت والله أخانا الفاضل فيما قلت وفيما توصلت إليه

هل يمكن أن يكون هناك عمل سياسي

لا أمل في رئيس جديد بهذا الشكل

ولا حد فيهم ممكن لو نجح يجيب رئيس وزراء أو وزراء خلينا واقعيين

والدستور يمنع ان يكون هناك رئيس من المستقلين إلا بشروط معجزه

عندكم بدائل

هل ممكن تشكيل حزب جديد يضم الصفوة ويعتمد على تكوين حكومة ظل داخله ورئيس جاهز ربما يكسب بس يارب مدته تسمح له بدخول الانتخابات