استفسار عن استقدام العائلة

[nashwa anshasi]

السلام عليكم ورحمة الله وبركاته

اخواني اخواتي في هذا المنتدى الرائع حيث كان دليلا لي طوال اشهر مضت

انا سيدة فلسطينية ولست مصرية رغم ان جذوري في الاساس مصرية فأنا من مدينة أنشاص في مصر

اواجه مشكلة لم اجد لها طوال ثلاثة أشهر حلا فأنا زوجي مقيم بالرياض منذ ثلاثة أشهر ويحاول عمل الاستقدام لنا من مكتب الاستقدام في الرياض وهنا تكمن المشكلة؟

حيث ان المسمى الوظيفي في رخصة الاقامة (فني حاسب آلي) والمؤهلات العلمية بكالوريوس حاسب آلي وعندما يقدم المعاملة الى دائرة الاستقدام مرة يقولون المؤهل العلمي لا يطابق المهنة اذهب وغير مهنة ومرة يقولون اذهب وغير شهادتك ونحن محتارون

لجأنا لمكاتب الخدمات وطوال ثلاثة أشهر بدون فائدة المعقب يأخذ المعاملة لمدة شهر او أكثر ولا يقوم بها حاولنا اجراء تغيير المهنة الي أخصائي تسويق ولكن لم نكمل الاجراءات لاننا نسمع ان تغييرها لا يفيد وانا مستعجلة جدا لان طفلتى سوف تدخل أول ابتدائي هذه السنة وأخاف ان ينتهي شهر رمضان بدون فائدة فهل بأمكانكم مساعدتي وابداء المشورة الصادقة والطرق الصحيحة التي نسلكها

انني استجير بكم حيث وجدت في منتداكم ضالتي فأرجو المساعدة او ارسال رقم معقب صادق وامين يجري لنا هذه المعاملة بسرعة وامانة مع أن الجميع يقول انها سهلة حيث ان زوجي لديه مؤهل جامعي ومهنته تستقدم فهل اجد الجواب الشافي لديكم اخوتي الاعزاء

المهندسة:نشوى أنشاصي

[ozoozo]

المسمى الوظيفي في رخصة الاقامة (فني حاسب آلي) والمؤهلات العلمية بكالوريوس حاسب آلي

معلش انا مش فاهم دي ازاي هو فني حاسب الي والمؤهل بكالوريوس حاسب وتكون المهنه غير مطابقه؟

انا عارف ان تطابق المهنه والمؤهل غير مطلوب عشان الاستقدام فيكفي ان تكون المهنه تسمح بالاستقدام ويوجد مؤهل عالي......ودي منتظره تأكيد من سي السيد.

هل زوجك كان جه للملكه بفيزا ايه هل هي فني الكترونيات ولا حاجه تانيه وبعدين غير المهنه؟؟

هل زوجك مصري ام فلسطيني؟

جاوبي علي الاسئله السابقه وانتظري الرد علي موضوعك من س س فده ملعبه....

[nashwa anshasi]

انا مش عارفة اشكركم أزاي صدقا على التفاعل السريع معاي ده عشمي فيكم كلكم

والله هو كده هو فيزته اللي دخل بيها الرياض فني حاسب ألي ومؤهله بكالويوس حاسب ألي انا عارفة انها متطابقة بس هم بتلككوا مش عارفة ليه راجعهم زوجي اكتر من 15 مرة وكل مرة بدون فائدة زوجي أصله فلسطيني بس يحمل جواز سفر أردني مؤقت وأنا أحمل جواز سفر سلطة فلسطينية ،هو ماغيرش المهنة اللي دخل بيها السعودية لغاية دلوقت واساسا السفارة هنا في الاردن اذا مافيش تطابق في المؤهل العلمي والمهنة مش بيرضوا يطبعولوا فيزة العمل أساسا وزوجي حكالهم الحاجات دي 100 مرة بس مش عاوزين يفهموا عاوزين يعطلوها وبس انا مش عارفة الحل ايه وانا بشكركم اوي على تواصلكم معاي وانا بستنى الرد الحاسم منكم انتوا بس

[se_ Elsyed]

يذهب الأن وقبل أن تتعطل الحكومة ويقدم في جده وبإذن الله ستمشي الأمور على ما يرام حيث أن مكتب إستقدام مرن جداص ولا يدقق حتى في موضوع تغيير المهنة .

أما إذا كانت ظروفه لا تسمح يبقى يطلب مقابلة مدير مكتب الإستقدام اللي رفض له المعاملة ويشرح له الوضع وإن أولاده على وشك الدخول للمدارس وإنه حاصل على مؤهل عالي وبرضوا هايوافق له بإذن الله .

[ozoozo]

معلش ياسي السيد هو فعلا لو المهنه في للتاشيره غير مطابقه للمؤهل بيمنعوا فعلا الاستقدام حتي لو المهنه تسمح بالاستقدام والمؤهل العالي موجود والمرتب اكتر من 4 الاف

[nashwa anshasi]

شكرا ليكم اوي

بس زوجي ما ينفعش يقدم في مكتب الاستقدام في جدة علشان الشركة اللي اقامته عليها مالهاش سجل تجاري في جدة وبعدين زوجي قابل مدير الاستقدام اكتر من 5 مرات بقوله ارجع لرئيس قسم الاستقدام ومش عاوزين يعملوها بتلككوا اخر مرة قالوله نعملك تأشيرة زيارة ليهم فزوجي حكالهم ماينفعش لانه بنتي مش حتدخل مدرسة كده

انا عاوزة أسأل هو فعلا ما فيش تطابق بين المؤهل العلمي والمهنة؟

ولو زوجي غير مهنته لأخصائي تسويق هل راح يرجعوا للمهنة الاصلية اللي دخل بيها البلد؟

معلش انا بجد تعبتكوا معاي بس مش عارفة ايه الحل والاجازة بتاعتهم عالابواب وراح تاخد اسبوعين وما فيش وقت

[se_ Elsyed]

معلش ياسي السيد هو فعلا لو المهنه في للتاشيره غير مطابقه للمؤهل بيمنعوا فعلا الاستقدام حتي لو المهنه تسمح بالاستقدام والمؤهل العالي موجود والمرتب اكتر من 4 الاف

والله لما تكون إيه

لو الموظف حب يغلس عليك فلن يغني ذلك عنك شيئاً

وأديك شوفت واحد معاه بكالوريوس حاسب آلي ومهنته فني حاسب آلي .. المفروض يكون معاه مؤهل إيه عشان يتطابق مع المهنة ؟ إيه دبوم تططريز وأقتصاد منزلي ؟

[se_ Elsyed]

شكرا ليكم اوي

بس زوجي ما ينفعش يقدم في مكتب الاستقدام في جدة علشان الشركة اللي اقامته عليها مالهاش سجل تجاري في جدة وبعدين زوجي قابل مدير الاستقدام اكتر من 5 مرات بقوله ارجع لرئيس قسم الاستقدام ومش عاوزين يعملوها بتلككوا اخر مرة قالوله نعملك تأشيرة زيارة ليهم فزوجي حكالهم ماينفعش لانه بنتي مش حتدخل مدرسة كده

انا عاوزة أسأل هو فعلا ما فيش تطابق بين المؤهل العلمي والمهنة؟

ولو زوجي غير مهنته لأخصائي تسويق هل راح يرجعوا للمهنة الاصلية اللي دخل بيها البلد؟

معلش انا بجد تعبتكوا معاي بس مش عارفة ايه الحل والاجازة بتاعتهم عالابواب وراح تاخد اسبوعين وما فيش وقت

يا ستي إسمعي الكلام ..

مش شرط يكون لهم سجل تجاري في جده

بس أهم حاجه خطاب التعريف المصدر من شركتة يكون موجه لمكتب إستقدام جده .. وما يكونش ورق عليه توقيع بالرفض قبل كده ... خليه يجرب ويدعي لي .. ولما تيجي السعودية ما تنسناش في شوية مانجا من أنشاص

بس خليه يتحرك دلوقت لإن لما التأشيرة تصدر له .. إنت مش هاتقدري تقدمي أوراقك للقنصلية في مصر إلا بعد العيد لغنهم خلاص هايقفلوا .. فأكسبوا وقت يعني

[nashwa anshasi]

ماشي بس خطاب التعريف الموجه لمكتب استقدام جدة لازم يتصدق من الغرفة التجارية طبعا التابعة لها الشركة وهي الغرفة التجارية في الرياض وهل حتصدق الغرفة التجاربة الخطاب ده اذا كان موجه لمكتب استقدام جدة والشركة مالهاش سجل تجاري في جدة؟يعني ينفع علشان انا بستنى الرد لانه زوجي عاوز يعملها اذا ينفع وبعد كده يقدر هو بنفسه يروح يقدمها لمكتب استقدام جدة ولا عاوز معقب

[se_ Elsyed]

ماشي بس خطاب التعريف الموجه لمكتب استقدام جدة لازم يتصدق من الغرفة التجارية طبعا التابعة لها الشركة وهي الغرفة التجارية في الرياض وهل حتصدق الغرفة التجاربة الخطاب ده اذا كان موجه لمكتب استقدام جدة والشركة مالهاش سجل تجاري في جدة؟يعني ينفع علشان انا بستنى الرد لانه زوجي عاوز يعملها اذا ينفع وبعد كده يقدر هو بنفسه يروح يقدمها لمكتب استقدام جدة ولا عاوز معقب

ممكن يصدقه من الرياض عادي وممكن برضوا من جده

ولعلمك ليس كل الشركات اللي لها فروع في مناطق مختلفة عندهم سجلات تجارية هناك

وإلا اللي شغال في مشروع بعيد عن مقر عمله ومقيم هناك على طول يعمل إيه في أي ورقة بيحتاجها ؟

الإستقدام أو الزيارة ما بينفعش فيهم معقب وغالباً مكتب الإستقدام بيرفض قبول أي أوراق إلا من صاحب المعاملة ...

اللهم إلا شغل الرشاوى اللي تحت الترابيزة ده حاجه تانية .. أنا هنا اتحدث عن كل ما هو رسمي وقانوني

تحياتي ،،

[nashwa anshasi]

أشكرك الشكر الجزيل وانا مش عارفة اوصفلك شعوري على تفاعلكم معاي

انا دلوقت اتكلمت مع زوجي وقالي انه راح يعمل الخطوة دي بس اهم حاجة نلحق الوقت ومكتب استقدام جدة ما يطلعلناش بحاجة تانية

ممكن حد في جدة يقدر يستفسر عن الموضوع ده والمعاملةبتخلص في يوم واحد ولا عاوزة كام يوم والمدارس ايمتى بتبدأ عندكم

انا مش بس راح اجيب لك منجا ده انا لو اشكرك على طول مش حوفيك حقك

[Amr Radwan]

السلام عليكم و رحمة الله و بركاته

خلي زوجك يتصل بي علي الرقم ده 0553371510 انا في جدة و لو اقدر اساعدة انا في الخدمة

[se_ Elsyed]

أشكرك الشكر الجزيل وانا مش عارفة اوصفلك شعوري على تفاعلكم معاي

انا دلوقت اتكلمت مع زوجي وقالي انه راح يعمل الخطوة دي بس اهم حاجة نلحق الوقت ومكتب استقدام جدة ما يطلعلناش بحاجة تانية

ممكن حد في جدة يقدر يستفسر عن الموضوع ده والمعاملةبتخلص في يوم واحد ولا عاوزة كام يوم والمدارس ايمتى بتبدأ عندكم

انا مش بس راح اجيب لك منجا ده انا لو اشكرك على طول مش حوفيك حقك

المدارس هاتبدأ بعد العيد

ولو زوجك اوراقه أتقلبت في جده فالموضوع ما بياخدش أكتر من يوم ..

[nashwa anshasi]

صباح الخير للجميع

السيد عمرو رضوان اللي عرض مساعدته انا بشكرك جدا وانا لاحظت انك كنت ماشي يمعاملة استقدام في جدة هل الامور صعبة زي ماهي في الرياض وممكن لو استفسرنا من مكتب استقدام جده بجاوبوا على التلفون ولا لأ؟

وسؤال تاني لمن يعرف بهذه المواضيع لو زوجي غير مهنته الى اخصائي تسويق لما يرجع يقدم مرة تانية هل راح يرجعوا للمهنة الاصلية اللي دخل بيها السعودية؟

بجد انا عايزة أتأكد من الموضوع ده

[ozoozo]

إقتباس([size="5"]ozoozo @ Sep 13 2008, 12:07 PM)

معلش ياسي السيد هو فعلا لو المهنه في للتاشيره غير مطابقه للمؤهل بيمنعوا فعلا الاستقدام حتي لو المهنه تسمح بالاستقدام والمؤهل العالي موجود والمرتب اكتر من 4 الاف

والله لما تكون إيه

لو الموظف حب يغلس عليك فلن يغني ذلك عنك شيئاً

وأديك شوفت واحد معاه بكالوريوس حاسب آلي ومهنته فني حاسب آلي .. المفروض يكون معاه مؤهل إيه عشان يتطابق مع المهنة ؟ إيه دبوم تططريز وأقتصاد منزلي

سيدتي الفاضله انا سألت السؤال السابق لسي السيد وده كان رده

فتفتكري اذا كان هو بكالوريوس حاسب ومرضيوش يكون فني حاسب فهل هايرضوا يكون اختصاصي تسويق اللي المفروض يكون بكالوريوس تجاره عشان يغيرها

وبعدين من اجابات سابقه للاعضاء اعتقد انه بيعرفوا عشان دول سيستمين مختلفين....

وبرضو منتظرين رد س س

[nashwa anshasi]

صباح الخير لكل أعضاء وزوار المنتدى وكل عام وانتم بألف خير بمناسبة عيد الفطر المبارك أعاده الله على الجميع باليمن والبركة وراحة البال

أعزائي :

بالنسبة عن وضعي مازال كما هو حتى الان وننتظر أول يوم دوام رسمي في الرياض لعل الامور تتيسر بعون الله

فزوجي لم يستطع انهاء اجراءات الاستقدام ولم تتهيئ الظروف المناسبة لعلها تفرج بعد العيد ونستطيع انهاء اجراءات الاستقدام والامور الاخري بسرعة وسهولة ويسر.

انا أؤمن أن أحلك الساعات هي التي تسبق الفجر "وأن مع العسر يسرا،ان مع العسر يسرا"هذا قوله تعالى في كتابه الحكيم وانشاءالله تفرج وتيسر أمورنا في القريب العاجل غير الأجل بدعائكم لأختكم في ظهر الغيب فهذه أصدق أوقات الاستجابة للدعاء فأنا بحاجة لدعائكم بأن يمن الله علينا بالفرج العاجل غير الآجل ويجمع شملنا في أقرب وقت.

شاكرة لكم تعاونكم وتواصلكم الحنون معي

[Amr Radwan]

السلام عليكم ..

عذرا علي التاخير في الرد ..

بالنسبة لي انا فعلا مريت بمشكلة في مكتب الاستقدام في جدة .. لاني الاقامة بتاعتي من الرياض و موثقة من الغرفة التجارية في الرياض و لكني اعمل في فرع الشركة في جدة .. و للاسف ذهبت الي مكتب الاستقدام و رفض الطلب لان الختم صادر من الغرفة التجارية بالرياض و قالي الموظف لازم اروح لمكتب الاستقدام في الرياض .. و طبعا اضطريت احجز طيران للرياض رايح جاي و خلصت الموضوع هناك و الحمد لله .. و لكن في نفس اليوم اللي كنت بخلص ورقي في الرياض .. تقدم زميلين لي في نفس الشركة و معهم نفس الاوراق و المستندات الموثقة من الغرفة التجارية بالرياض و تمت الموافقة علي طلباتهم !!!!!

و زميل اخر طلبوا منه اعادة التوثيق و الختم من الغرفة التجارية بجدة .. (ختم علي ختم )

الخلاصة ..

الموضوع للاسف بيرجع للموظف و مزاجة ..

و بالتوفيق للجميع ان شاء الله

[nashwa anshasi]

بصراحة يا سيد عمرو انا بطلت أفهم حاجة

يعني ناس يقولولي حتى لو الشركة بتاعت زوجك مالهاش سجل تجاري في جدة يروح على جدة وسهلة هناك وتتعمل بسرعة

وانت بتقولي دلوقت انهم في مكتب استقدام جدة قالولك ارجع الرياض ومشيت أمورك بالرياض

سيد عمروانت قرأت المشكلة من الاول وفي مكتب استقدام الرياض بعاندوا فيها ممكن أعرف حضرتك مهنتك ايه ومؤهلاتك ايه

انا خايفة لو زوجي قدم في جدة زي ما اقترحتوا علي تترفض لانه الشركة بتاعته مالهاش سجل تجاري بجدة بس المشرف العام في المنتدي بتاعنا قالي انه ممكن نقدم في مكتب استقدام جدة حتى لو مافيش سجل تجاري للشركة بتاعت زوجي في جدة أعمل ايه مش عارفة بجد؟

[mishoshow]

بعد السلام عليكم انا يا جماعة مهنتى فنى ابنيه يعني مراقب معماري ومؤهلي ليسانس اداب مكتبات ومعلومات وكل ورقي سليم وكل حاجة ومهنتي فيها استقدام عادي لكن موظف مكتب جدة قالي لازم يكون مؤهلي مطابق للمهنة وانا مش عارف اعمل اية دة قالي ممكن تجيبلي شهادة دبلوم صنايع عادي يقبلها انا مش عارف اعمل اية بصراحة ارجو من اخواني الافادة

[ozoozo]

حاول مع موظف اخر في يوم تاني واحفظ شكل الموظف الاولاني عشان ماتروحلوش تاني انا نفس مشكلتك لكن محدش كلمني ولا شاف اصول اساسا ولو معاك شهاده الخبره اياها اللي خلصت بيها التاشيره من مصر خدها معاك

1-حاول تضرب بدله وكرافته وانت رايح لانهم هنا بيحترمو البدل قوي

2-جرب تروح الساعه حداشر ونص اتناشر تكون الزحمه خفت والموظف مزاجه رايق