قِمة كروية رمضانية ثالثة

[se_ Elsyed]

إوعى وشك

يلتقي اليوم في الساعة العاشرة مساءً بتوقيت المحروسة فريقي الزمالك الأهلي وذلك في اللقاء قبل الأخير من دور الثمانية لبطولة دوري ابطال أفريقيا

الأهلي متبت في قمة المجموعة برصيد 10 نقاط وهو الحمد لله الفريق الوحيد الذي لم يُهزم حتى الان والفريق الوحيد الذي جمع هذا الكم من النقاط في المجموعتين .. والفريق الوحيد الذي تأهل رسمياً بدون حتى ان يلعب المباراتين القادمتين بما فيهم طبعاً مباراة اليوم ..

الزمالك ... موقفه يصعب على الكافر .... آه عارفين ظروفه .. وآه في لخبطة ... لكن إيه حجتك لما تلاقي الناس كلها بتساعدك وبتلعب لصالحك وإنت مش قادر تساعد نفسك ؟

فالأهلي اللي معاه في نفس المجموعة عمال يكنس له الفرق اللي قدامه ... فسبق أن تعادل مع أسيك في ساحل العاج .. ثم هزمه في القاهرة .. قلنا بس الزمالك هايقطع أسيك المتهالك .. نفاجأ بالزمالك يتعادل معاه في القاهرة تعادلاً بطعم الهزيمة ... ثم يطلع بفضيحة ثلاثية مع الرأفة في ساحل العاج رفعت رصيد آسيك من نقطتين لا لزوم لهم إلى 5 نقاط أحيت أماله في التأهل على حساب الزمالك ... وبالتالي تجمد رصيد الزمالك عند 4 نقاط

ومع ذلك سبحان الله ... ديناموز هراري يمسك أسيك يظبطة على ارضه ووسط جمهورة فيرتفع رصيد ديناموز إلى 6 نقاط .. وبالتالي فُرص الزمالك مازالت قائمة حتى لو إنهزم النهاردة بس لازم يكسب ديناموز في أرضة بالمبارة القادمة وبكده بإذن الله يبقى عنده 7 نقاط ويصعد ثاني ..

فنياً .. الاهلي أفضل

معنوياً ......... الأهلي أفضل

إدارياً .................الأهلي أفضل

لكن مباريات القمة مالهاش كبير كما تعودنا ..

وسبحان الله .. جه اليوم اللي بقينا نتمنى فيه إن الزمالك يبقى عنده جرأة الأندية الصغيرة زي المصري البورسعيدي اللي روق الأهلي في أول مباراة بالدوري .. والمقاولين اللي حجر امام الأهلي بتسع لعيبة وخطف منه نقطة بطعم الفوز ...

بقى لنا 5 سنين بنكتب لما الحبر خلص والقلم وصل لجلدة الأستيكة ونقول إن مشاكل الزمالك إدارية بحته.. مشاكله إدارية إدارية إدارية ..ولعيبته تشعر بذلك وعشان كده بيتدلعوا وبيعملوا اللي هما عايزينه بدون رقيب ولا حسيب وهناك لعيبه أصبحوا مثل الفيروس أو العضو الفاسدالذي يجب بتره في الفريق وعلى رأسهم هذا المُسمى جمال حمزه اللي ضرب زميله البرازيلي عيني عينك أمام الجميع يقوموا يوقفوا البرازيلي ويخصموا منه فلوس .. وفي نفس الوقت يهشتكوا النوغه جمال عدم الفايدة اللي عدم وجوده أفضل للفريق ...

عن إذنكو خمسه أتصل بموديست في معسكره المغلق بالبكونه .. لإني بجد باتباشر به .. بس مش عارف ليه هو بيكرهني وبيعاملني بجفاء .. لإنه من ساعة ما عرفنا بعض من 5 سنين والاهلي بيكسب على طول الخط ووشي كان وحش عليه .... حبيبي يا موديست والله من ايام الجيزة ..

[الطيار المصرى]

يا سلام يابو الاسيان...دايما سباق كده و بتكتب في الموضوع السياسية المهمة التي تمس كل فرد في الوطن العوربي....

النادي الأهلي يدخل المباراة في حالة من الاطمئنان و الهدوء....بينما الزمالك بأعصاب مشدودة نتيجة للموقف لبصعب في المجموعة...

الزمالك يحتل المركز الاخير برصيد أربع نقاط ففرص الزمالك تتلخص في الاتي...

في حالة هزيمته من الاهلي تزداد صعوبة الموقف الزمالكاوي حيث يحتم عليه الفوز علي ديناموز هراري علي أرضه في زيمابوبي مع النظر الي مباراة الأهلي مع أسيك...

في حالة تعادله مع الأهلي يكفيه التعادل مع ديناموز هذا اذا ما هزم الاهلي اسيك...

في حالة فوزه علي النادي الاهلي يكفيه ايضا التعادل مع ديناموز...

في الحالتين الاولي و الثانية تضيع فرص الزمالك في التاهل اذا ما هزم من ديناموز أو هزم الاهلي من اسيك

و في الحالة الثالثة تبقي فرصه مفتوحة للتاهل....

يعني الزمالك حط نفسه في حزبة برمة المعقدة حيث ان تأهله مرتبط بمبارة اليوم و مبارته القادمة مع ديناموز و مباراة الأهلي و أسيك خاصة بعد فوز ديناموز الغريب علي أسيك في ارضه 2\1...

و نتمنا لكم جميعا سهرة كروية رمضانية سعيدة علينا جميعا أهلاوية و زمالكاوية....

[حسام يوسف]

قمة اية بس؟

عشان الأسامى اهلى وزمالك؟

لو بالأسامى

أوكية

لكن الاهلى مش فى مستواة

والزمالك أصلا فى غيبوبة من سنين

والطبيعى ان الاهلى يكسب

وغير كدة يقى هية دى المفاجأة

[Modest]

فطرنا و الحمد لله و ممكن نغلط بقى و نتخانق زي ماحنا عايزين .... و أدي سيجارة :lol:

ماهو طبعاً يا كابتن سين سين بتتكلم و انت متحامي في الفتوة بتاع الحارة اليومين دول (حقك يا عم) .. لكن تجيب سيرة الغلابة اللي الواحد فيهم يوم ما إتمعظم ضرب زميله بالقلم (و ده طبعاً مرفوضون مرفوضون مرفوضون يا والدي) و تطنش المزور اللي لطش أرض الدولة و كوفئ و مازال بإشراكه أساسي و لا المزور التاني اللي برضه إتكافيء بتعيينه مدير فني لناشئي الدولة برضه و لا لطش لاعيبه بالأساليب اللي بتسموها احتراف .. و القائمة تطول لأن ما خفي كان أعظم :happy: .

لكن شوف إحنا ناس طيبين أوي إزاي و اللي في قلبنا على لساننا تلاقي كل لما بنعمل مصيبة مش بنعرف نخبيها و سيرتنا بقت على كل لسان angl::

مبروك يا سونسون مقدماً على الماتش لكن هذا لا يمنع إذا حصلت المعجزة و كسبنا هاجي اعمل فرح هنا .. ياااااااااارب ييجي اليوم اللي أكفل فيه أهلاوي و احنا في الأيام المفترجة دي

سقّع واحدة كوكا فالد سين سين :rolleyes:

[حسام يوسف]

شكلك ما اتصلتش يا سين سين

يا اما انت عملت فينا معروف وقفلت موبايلك المرة دى يا جنرال موديست phn:

عموما لسة الزمالك لازم يغلب ديناموز فى أرضة

وحتى لو كان غلب الاهلى برضة

برضة لازم نغلب برة

والله أنا مبسوط

لو لاعيبة الزمالك استرجلوا وعملوها

يبقوا يستاهلوا

ولو كالعادة فضحونا

يبقى فضيحة دلوقتى أحسن من فضايح قدام

[Modest]

شكلك ما اتصلتش يا سين سين phn:

يا اما انت عملت فينا معروف وقفلت موبايلك المرة دى يا جنرال موديست :unsure:

و الله يا دكتور الراجل بعت لي اس ام اس أول الماتش و انا فضلت مطنش و مارديتش لغاية ما قلبي ما طاوعنيش و رديت عليه و النتيجة 2/1.

لكن علشان سرُّه باتع بعدها دقيقتين جابوا جول التعادل

يعني سامحني انا السبب في التعادل :lol: .. كان هايجرى ايه لو استنيت لآخر الماتش

[حسام يوسف]

طيب بص يا جنرال

فلنكن ايجابيين

سيبنا م اللى فات

وخلينا فى اللى جاى

ادينا عرفنا السر

ااخد منك وعد بعد كدة بالماتشات الجاية هتتظبط؟ :lol:

[Modest]

طيب بص يا جنرال

فلنكن ايجابيين

سيبنا م اللى فات

وخلينا فى اللى جاى

ادينا عرفنا السر

ااخد منك وعد بعد كدة بالماتشات الجاية هتتظبط؟ :lol:

ماهو اللي مجنني إني كل مرة أقول كده و برضه مش باتعلم :lol:

خلاص يا حسام .. خليك انت معايا بس و فكرني و إن شاء الله تضبط المرة الجاية :wub:

أخدت لي بالك بقى من الكابتن اياه المؤدب المهذب و هو بيشاور لجمهور الزمالك بطريقة مش مؤدبة و لا مهذبة بعد إحرازه الهدف؟ ياللا هانقول ايه .. رمضان كريم.

[حسام يوسف]

والله ياجنرال انا سعيد

بالوانتوهات اللى بيننا دى

وعمرك أطول من عمرى

همة الاهلوية كدة

يفخموا اوى لحد ما توسع منهم

طب خدت بالك من السبعة بتاع جمال حمزة لجيلبرتو فى السكسياردة فى جول جمال؟

دى عندى بالدنيا

نورتنا يا جنرال

ماتبقاش تغيب

وانا معاك عشان أفكرك بالماتش الجاى

[Modest]

والله ياجنرال انا سعيد

بالوانتوهات اللى بيننا دى

وعمرك أطول من عمرى

همة الاهلوية كدة

يفخموا اوى لحد ما توسع منهم

طب خدت بالك من السبعة بتاع جمال حمزة لجيلبرتو فى السكسياردة فى جول جمال؟

دى عندى بالدنيا

نورتنا يا جنرال

ماتبقاش تغيب

وانا معاك عشان أفكرك بالماتش الجاى

انا أسعد و الله يا حسام :lol: .. أهو نعيش شوية وان تو لغاية الفجر و قبل ما كابتن سين سين يصحى من النوم و "يدلو بدلوُه" و "يغرّقنا" بتحليله الفني للمباراة :wub:

عم عصام عبده مذيع إيه أر تي كان ناقص يسيب الميكروفون و ينزل يبوس اللاعب إياه بتاع الإشارات اللي مش مؤدبة .. بس للأمانة ده مش ساعة الإشارات .. ده كان في مرة الكورة معاه و التاني بيشرح إزاي الساحر هايلعبها و كله يسكت كله يتفرج :lol: .. قامت الكورة متاخده منه.. مش يسكت بقى .. لأ .. فضل يتخيل كان هايعمل ايه لو الكورة فضلت معاه :D .. عالم تجيب الاستبحس بعيد عنك B)

[الطيار المصرى]

حبايبنا قادة التيار الزمالكاوي....مبروك علي التعادل....

دكتور حسام انا مش قلتلك امبارح اننا بقينا حبايب و الماتش هيخلص ودي كده ما بينا و ما بين بعضينا...

و بان الكلام ده أوي بعد ما الاهلي جلب هدف التعادل...ياللا بقي كده اهه الواجب التمام غلبنا ديناموز علي ارضه و اتعادلنا معاكم...

الهمة بقي عشان نقابل بعض في النهائي....

بس الميزة الوحيدة في نظري ان الماتش كان فيه اربعة اهداف و لا جون فيهم وحش....

كلها اهداف ملعوبة و المهارة الفردية ظهرت فيها بشكل واضح خاصة الجون المسخرة اللي جمال حمزة خلص من جيلبرتو اللي عمله في غانم سلطان و عبد الله طول الماتش....

[حسام يوسف]

بيقولوا (حوض )جلبرتو

فية شرخ

من (سبعة )جمال

ومش عايز الاهلوية يكرهوك يا جيمى؟

بجد مالكش حق wst::

[الطيار المصرى]

بقي كده يا دوك...لا ماكنش العشم....

عموما الحول اللي جه للزمالك لاعبين و جمهور من الهدف المرعب توقيع الارهابي ابو تريكة ماخفيش علي حد...

لا يا تريكة مالكش حق :lol:

كل ماتش بجد و احنا حبايب و بنهزر و نضحك مع بعض من غير أي ضغائن...

و ان شاء الله نتقابل في النهائي و تكون الكأس الافريقية مصرية (أهلاوية :lol: ) مائة %

[حسام يوسف]

والله العظيم ما فيش ضغائن يا دكتور طيار

أنا بس مش بحب التعصب ان كان زمالكاوى ولا أهلاوى

مش بحب التفخيم

والمبالغة

والطبل

والزمر

وعموما احنا أو على الاقل انا كزملكاوى عارف ان الزمالك تعبان

وميستحقش اى بطولة

وهبقى سعيد لو الاهلى خدها أحسن ما ياخدها نادى غير مصرى

بس انتوا كمان تشدوا حيلكم شوية

اداء الاهلى قياسا لامكانياتة سيئ جدا

كل سنة وانت طيب

بس والله المكسب بالنسبة لية فى الماتش دة

الجنرال موديست

عميد الزملكاوية بالمنتدى