لو السفر برة مصر اتفتح للكل

[حسام يوسف]

السلام عليكم

بداية مش هبدأ بالدفاع عن نفسى انى بحب مصر

والكلام دة

مفيش حد بيكرة أهلة

وبيتة

لكن ممكن يتخنق م الظروف

وممكن برضة يقعد ويصبر

أوحالى بالفكرة ولوانها رأيى من زمان

العزيز جوست

السؤال بيقول

علل

افطن phn:

لو باب السفر اتفتح لكل المصريين

من سفر

لعمل بالخارج

لهجرة

لخلافة

لواتشالت كل العقبات من تأشيرات

للغة

لفلوس

لغيرة

تفتكر كام فى المية من سكان مصر

هيفضلوا فيها؟

تم تعديل 14 سبتمبر 2008 بواسطة حسام يوسف

[qenawy]

50% واكثر نظرا لان الاجيال البسيطة قليلة التعليم وكبيرة السن لن يفكروا في الهجرة

انما نسبة 100 % من الشباب سيهاجر

طبعا يجب ان تكون بلد المهجر دولة ذات قيمة مش بنجلاديش مثلا

[nona alawaal]

هيفضل فيها كبار السن

و الشباب اللى مش لاقى يدبر تكاليف الهجرة

شوف دول نسبتهم كام بقى

[أسد]

وياترى كام في الميه من المصريين يصلح للهجرة ..

أعتقد أن في مصر 50% من الشباب يتمنون الهجرة ..

ولكن طبعاً هذا الطرح هو طرح افتراضي .. وبما أنه غير قابل للتطبيق ..

ولكن هناك سؤال آخر ..

لو المسائل أصبحت مفتوحة بهذا الشكل ..

كم مليون إنسان سيقرر أن يهاجر إلى مصر ؟؟

أعرف أن في مصر عدة ملايين من السودانيين ..

وأعرف عدد من اللبنانيين والسوريين يعملون في مصر ..

وهناك آلاف من الهنود والبنجلاديش يعملون في مصر ...

وهناك حاجة في مصر إلى كوادر فنية وحرفية ومهنية ذات خبرة ومستوى مرتفع ...

المسائل ماتتاخدش بالشكل المجرد ده .

القضية في مصر أعمق بكثير ..

كان هناك قولاً قديماً يقول ..

إنظر إلى نصف الكوب المملوء ولا تنظر إلى النصف الفارغ ...

اليوم الصورة مختلفة ..

هناك كوباً مملوء ..

وكوب آخر فارغ ..

ففي مصر .. ستنظر فترى فقط الكوب المملوء ..

أو أنك سترى فقط الكوب الفارغ ...

المعادلة مختلفة تماماً عما سبق ..

[حسام يوسف]

الاخ العزيز أسد

بعد التحية

اسمحلى اختلف معاك فى كام نقطة

الأولى 50% من الشباب يتمنون الهجرة

انا عارف ان الموضوع افتراضى

ومش هعرف انا أو حضرتك نثبت كلامنا بالأرقام

لكن 50%بس

أنا أختلف مع حضرتك

وشايف انها تزيد عن ال 95%

لانهم اللى مش لاقيين شغل

ولا أى اهتمام من البلد

التانية

ان فية ملايين فى البلد من السودانيين

أنا مع حضرتك

وهمو كانوا فى مصر كتير

لأن مصر كانت أحسن امنيا واقتصاديا

دلوقتى الحرب خلصت فى السودان

وفية انتعاش اقتصادى غير عادى

تخيل ان فية كتير م الشباب فى اسوان

بدأوا يسافروا السودان

وبيقولوا انهم مبسوطين

شغل

وفلوس

مع احترامى للسودان طبعا

همة اشقائنا

لكن حتى السودان بقت أحسن مننا

الحاجة التالتة

قصة النص كوب المليان والنص الفارغ

قولى ياأخ أسد

وكلمنى

عن النص المليان

كل سنة وانت طيب

ورمضان كريم

[mohamed omar]

انا اول واحد حيسافر...بس مش.... :lol:

[Nassarlink]

انا بقول ان الي هيفضل في مصر 90 % منهم 10 % الي بيسرقوها وال 20 % الي مش عارفين انهم بيتسرقوا و 60 % عارفين انهم بيتسرقوا لكن مش قادرين يسيبوها ومش هيسافر منها غير 10 % الي عارفين انهم بيتسرقوا وكمان قدروا يبعدوا عنها علشان بيحبوها

وعجبي !!!!!

[iloveegypt]

انا عن نفسى هافضل فى مصر

ولو الحرامية اللى مسكينها سابوا البلد اظن محدش هيسيب مصر

واظن السفر حاليا مش صعب ولا حاجة وفى دول سهلة جدا مثل ليبيا والسودان والسعودية ورغم كده معظم الناس لسه فى مصر عدد المهاجرين مايزدش عن 3%

مصر هى البلد اللى احب اعيش واموت فيها :lol: :lol:

[HDarwish]

ما أقدرش أحدد النسبة كام بالضبط .. لكن في نظري هتكون نسبة قليلة جدا جدا

لإن طالما الموضوع مافيش فيه أي عقبات أمام السفر هنلاقي إن الأسباب كثير جدا

يعني لو ما كان هيسافر علشان تحسين الوضع المادي يبقى هيسافر علشان دراسة أفضل ولو ما كان علشان الدراسة يبقى أكيد هيسافر علشان البيئة والجو النظيف وعدم التلوث .. فالأسباب كثير جدا

كمان زي ما قلت كثر دايما احنا بنتصور ونتخيل إن المجهول دائما وأبدا بيكون أحسن من الواقع

[حسام يوسف]

حتى الان (صوت)13 عضو

اللى صوتوا ان هيفضل في مصر أقل م الربع من سكانها

ومش هيهاجروا اويسافروا-6 أصوات

وصوت 7 ان هيفضل فى مصر أكثر من نصها مش هيهاجروا او يسافروا

ولو ان النتيجة مفاجأة لية شوية

الا ان الرقم أو عدد المصوتين ليس كافيا للحكم على رؤية أعضاء المنتدى

أدعوكم للتصويت

مش طالب أكتر م التصويت

ولو مش عايز تسيب تعليق دى حريتك

[sherifhfm]

اعتقد ان 25% فقط سوف يبقون فى مصر وهم من لن يضيف اليه السفر خارج مصر الكثر ويمكن تصنيف هذه الفئات من التى تجد عمل مريح فى مصر وكذلك ابناء البشوات وكذلك الكبار فى السن ولا حاجه بهم للسفر اما الباقى سواء كان متعلم او نصف متعلم او حتى جاهل حيقولوا يا فكييييييييييييك wst:: :lol:

[لولا]

لا اعرف يا حسام على اى اساس استطيع ان احكم انا او اى احد

اخر ان مصر كلها ستسافر او نصفها ؟

ربما يجب ان يوجه السؤال بشكل شخصى لتكون الإجابه صحيحه.

فانا اجد ان من يدخل للتصويت ويكون فى حاله غضب من البلد ووضعها

ويرغب فى الهجرة يظن ان كل الناس جوله ترغب ايضا فى الهجرة وبالتالى

يصوت ان الكل سيهاجر . فى حين ان البعض رغم اختناقه من اى وضع لا يفكر

بالهجرة نهائيا..ربما مجرد سفر للخليج لتحسين الوضع المادى والعودة.

قرار الهجرة قرار لا نستطيع ان ندخل ونقرر ان كل الشعب يسعى له

او لا يمنعه من اتخاذه سوى مجموعة عوائق وانظمة بيروقراطيه..

انت تنسي ان ليس كل الناس سيترك اهله وذكرياته ويهاجر .

تختلف ردود فعل الناس على وضع البلد..اتفق معك ان الكل مختنق

ولكن من غير الصحيح ان يتم الجزم ان الكل يرغب فى الهجرة.

انا عن نفسي لا ارغب فى الهجرة ابدا.. لا تناسبنى ولا تناسب

احلامى فى الحياه ولا طموحاتى كلها رغم انى فى الخليج اصلا

ولكن يرحينى صدقنى التواجد فى بيئه عربيه.

لا اظن انى الوحيده التى تشعر بذلك او تقييم الأمور كذلك..

بناء عليه لا افهم كيف يُقال 90-95 % من الشعب يرغب فى الهجرة ؟؟

الإحصائيات تكون ادق عندما يتحدث كل فرد عن نفسه ولا يقرر عن غيره

اذا كنت لا استطيع ان اقرر عن اخى موضوع كهذا..اقرر عن شعب كااااااامل؟؟!!

[حسام يوسف]

أختى العزيزة لولا

أنا لم اطلب منك الوصاية على أحد

فصحيح اذا كان الواحد فينا ميقدرش يبقى وصى على أقرب الناس لية فى الزمن دة

هيبقى وصى ع الشعب كلة؟

السؤال

تخيلى

مجرد تخمين

لا يحتمل أكثر من هذا

بفرض ان كل العواقب للسفر والهجرة من مال ولغة وتأشيرات وخلافة

زالت

ودة طبعا خيال

فالسؤال أو التصويت تخيلى

تتخيلى حضرتك كام فى المية هيقعد فى البلد

مش توصى أو تتدخلى أو تهجرى بنفسك باقى الشعب

أتمنى اكون قدرت أوضح وجهة نظرى فى التصويت أو السؤال

مع خالص احترامى وتقديرى

[أسد]

مصر بلد كبير ..

ومشاكله كثيرة ..

وكبيرة ...

ولكن أن نقول أن المصريين يرغبون في ترك بلدهم ويرحلوا .. فهذا أمر غير معقول ...

نعن .. هناك نسبة كبيرة من الشباب يرغبون في الهجرة ..

ولكن أريد أن أضرب مثل بالشاب الصغير الذي عمره في حدود عشرون عاماً وقرر أن يهاجر هرباً على سفينة غرق كل ركابها إلا هو ...

ماذا جرب هذا الشاب وفشل فيه وبالتالي قرر الهجرة ..

في كل بلاد العالم أثرياء وفقراء ..

عمال ومهندسين ..

أطباء ومرضى ..

زبالين .. ووزراء ..

فلاحين .. وعمال ..

الكل يعيش في تناغم ليكون صورة المجتمع الطبيعي ..

في مصر الصورة مشوهة بعض الشئ .. والخلل بين الناس واضح ..

الحياة صعبة وغالية جداً والناس تعاني من الغلاء ..

وفي نفس الوقت الكل يطمح لأن يستمتع بمعظم منكهات الحياة .. وبالتالي الكل يرغب في أن يحصل على أكبر قدر من المال ..

وهذا من حق الجميع ..

ولكن من يريد يجب أن يعمل ويجتهد ويتعلم ..

ولكن أسطورة أن كل من يهاجر سيحصل على المال الوفير والحياة الكريمة ..

هذا أمر يجب أن نصححه ..

هذا دورنا ..

هناك الكثير جداً من فقراء المصريين يعملون في دول الخليج .. ولايزالوا أيضاً فقراء ...

وهناك أعداد من المصريين فقراء ولايزالوا في أوروبا .. ويعانون من البطالة .. ويعملون أعمالاُ هامشية .. ويعانون ..

وهناك أشخاصاً في مصر يعملون ويكدون ويجتهدون ويحصولن على رواتب مرتفعة في مصر نتيجة لجدهم واجتهادهم ...

الوضع في مصر سئ جداً .. هناك خلل كبير في المجتمع .. وخلل في منهج المعالجة ..

ووخلل في الطرح .. والحلول ..

وتطرف كبير في الفقر والثراء .. والمعالجة ...

الوضع في مصر سئ جداً ... ولكن أن نهجرها ..

لمن سنهجرها ..؟؟

ومن سنكون نحن ؟؟؟ وما هي هويتنا المقترحة ...؟؟؟

[nona alawaal]

انا بقول ان الي هيفضل في مصر 90 % منهم 10 % الي بيسرقوها وال 20 % الي مش عارفين انهم بيتسرقوا و 60 % عارفين انهم بيتسرقوا لكن مش قادرين يسيبوها ومش هيسافر منها غير 10 % الي عارفين انهم بيتسرقوا وكمان قدروا يبعدوا عنها علشان بيحبوها

وعجبي !!!!!

اجابة ممتازة

بس مش معاك ان اللى هيفضل فيها 90 % ... الكل عايز يهاجر و لكن هناك دائما عقبات

و لكن لازالت ايجابة ممتازة wst::

[أسد]

قصة النص كوب المليان والنص الفارغ

قولى ياأخ أسد

وكلمنى

عن النص المليان

كل سنة وانت طيب

ورمضان كريم

قصة الكوب .. ونصفه المملوء والنصف الآخر الفارغ ..

يمكن انت ما أخذتش باالك من كلامي كويس ..

أنا قلت ان اللوضع الآن ..

كوب ملئ .. وآخر فارغ ..

فعندما تنظر سترى واحد فقظ منهم ..

يعني إذا نظرت إلى ما يحدث اليوم من كوارث .. الدويقة مثلاً. ..

هناك كوب فقط فارغ ..

وعندما تتابع أسواق العقار .. وتذهب إلى المدن الجديدة وتشاهد المشروعات هناك .. أو تذهب إلى الساحل الشمالي .. أو شرم الشيخ ..

سترى هناك الكوب الملئ ..

هذه هي مصر اليوم ..

كل ما فيها متطرف ..

إما كوب ملئ .. أو كوب فارغ ...

إذا نظرت إلى الكوب الفارغ ... لن ترى فيه أي شئ يعطيك الأمل ..

وإن تنظر إلى الكوب الملئ .. ستقول .. أمال الناس بتشتكي من ايه ؟؟؟

هذا الوضع المتطرف جداً ..

هو الذي بالتالي يقودنا إلى تلك الحلول المتطرفة ..

مثل أن نترك مصر ونرحل ..

وأصل احنا بنحبها وبنموت فيها علشان كده حنسيبها للغربان تعشش فيها ..

وعلشان أنا باحب أهلي وناسي .. حاسيبهم وأهاجر علشان أوسع مكان لاخواتي ..

مصر زيها زي أي بلد .. فيها الغني والفقير ..

وفيها العاطل والباطل .. وفيها الجيد .. والرخخيص ..

ولكن الجديد في الأمر ..

أن الإنتماء فر من الشباك .. ومحبة الوطن ماتت وشبعت موت ..

وقيمة العمل والإجتهاد لم تعد تحمل حجمها الطبيعي والمطلوب ..

الناس في مصر محتاجين لأن يتطورا أكثر مما هم محتاجون لأن يهاجروا ..

منذ سنوات كانت المصريين والتونسيين فقط من ضمن الدول التي لم يكون مطلوب لأن ينتظروا مدة طويلة للحصول على تأشيرة الشنجن لأوروبا ..

أتحدث عن خمس سنوات فقط ...

اليوم الكل يشكو من سوء معاملة المصريين في السافارات لاأوروبية ..

وذلك لانضمام مصر للدول التي يهاجر منها الشباب بشكل كبير وبطرق غير مشروعة وانتشار عصابات تهجير وتسفير الشباب ..

هناك في مصر جيل من الشباب للأسف الشديد يريد أن يهاجر من مصر تحت أي مسمى ولأي سبب .. وبأي شكل ..

ودورنا نحن مثقفوا مصر أن نقف أمام هذا التيار ..

ولنكن أكثر إيجابية

[حسام يوسف]

مع الاحترام لكل وجهات النظر

أعتقد أن الرقم أو قراءة الأرقام فى النهاية لم تعبر الا عن من صوتوا

وتعبر عن رأيهم

ولا تعبر عن اكثر من ذلك

أتمنى ع الأقل نوصل الى 100 مصوت لحد ما نقدر نقول رأى

دة أقل رقم ممكن نقولة

والمنتدى مسجل فية الاف الأعضاء

خالص احترامى لكل وجهات النظر

وان تباينت

مع الشكر

[لولا]

أختى العزيزة لولا

أنا لم اطلب منك الوصاية على أحد

فصحيح اذا كان الواحد فينا ميقدرش يبقى وصى على أقرب الناس لية فى الزمن دة

هيبقى وصى ع الشعب كلة؟

السؤال

تخيلى

مجرد تخمين

لا يحتمل أكثر من هذا

بفرض ان كل العواقب للسفر والهجرة من مال ولغة وتأشيرات وخلافة

زالت

ودة طبعا خيال

فالسؤال أو التصويت تخيلى

تتخيلى حضرتك كام فى المية هيقعد فى البلد

مش توصى أو تتدخلى أو تهجرى بنفسك باقى الشعب

أتمنى اكون قدرت أوضح وجهة نظرى فى التصويت أو السؤال

مع خالص احترامى وتقديرى

حسنا يا حسام اعتقد انك لم تفهم ما عبرت به عن رايى هنا.

انا لم اورد بتاتا كلمة (وصايه) ولم افترض مبدأ انى (اهجر)

اتحدث عن على اى اساس اعرف ما قد يتخذه غيرى من قرار

كبير جدا كا لهجرة لمجرد ان الوضع سيئ فى البلد؟

اتحدث عن اختلاف ردود افعال الناس تجاه الأزمة.. اتحدث عن ارتباط

البعض بعمق باهاليهم وذكرياتهم ..اتحدث عن انحصار ازمة البعض فى

بعض الماديات قد يقرر الذهاب للخليج لبعض الوقت ليتغلب عليها ويعود.

هذا ما اقوله ..ان شكل الإستفتاء الذى يدخل فيه احدهم ليتخيل

كما تقول ان 90-95 من الشعب سوف يهاجر هو خيال يعكس خيال

شخصى فقط ..فقط ..فقط.. ولا يعتبر استفتاء سنصل منه لنتيجة

ما نقول فيها نسبه الشعب الذى سيهاجر كذا ...

لا احد تتوافق ظروفه مع الآخر مهما بدا من الظاهر ان الظروف متوافقه

سبق ووضحت وقلت كلنا مختنقين لكن من غير المنطق القول

كل مختنق سيهاجر..اذن مصر كلها ستهاجر وسيبقى فيها

العجزة وكبار السن فقط لأن كل عوائق السفر ازيلت .

هذا ما اراه حقا .. يزعجنى حقا بصفتى من الشعب ان يقول احدهم

لن يبقى فى مصر سوى الكبار والعجزة والشباب كله سيهاجر

فانا اعرف الكثيروون لا يفكرون فى الهجرة. ومن اعرفهم ويفكرو فى الهجرة

لا يعدون على اصابع اليد الواحده.

لا اعرف كيف نتخيل صورة بهذا السواد؟؟ انا لااريد ان اتخيل انا اتحدث

حديث عقل ومنطق ورايى الشخصى فقط.

[حسام يوسف]

اخى العزيز أسد

أنا مش أول مرة اسمع التعبير بتاع النصين الفارغ والمملوء

لكن انا مش فاهم فين المملوء؟

شرم والساحل مش بتاعتنا

بتاعة ناس تانية

مش بيمروا بالمشاكل اللى بتمر بيها مصر والمصريين

لكنى بتكلم عن الأغلبية من المصريين

واللى بالتالى مادام مالهومش شرم أو ساحل شمالى

يبقى مالهومش فى المملوء نصيب

ويبقى مفيش أصلا فى مصر تشبية الكوب النص فارغ-نص ملئ

وبالنسبة لأختى العزيزة لولا

أنا فهمت كلامك

وقلت وجهة نظرى فية

ومعنديش كلام تانى اقولة

غير ان السؤال افتراضى تخيلى

وأتمنى مايكونش عشان انك ضد فكرة الهجرة

انك تقولى السؤال مش واضح

والسؤال كدة غلط

فين الموضوعية طيب؟

اذا كنت بقول السؤال

بفرض ان العواقب من مال ولغة وغيرة زالت

يعنى السؤال افتراضى

تخيلى

لاننا مش ممكن نحذف العوامل دى

حاجة كدة زى امتناع وقوع الجواب لامتناع وقوع الفعل فى لو الشرطية

فكرتونا بالنحو

لو غلطان حد يصححلى يا جماعة

يعنى السؤال تخيلى

تيجى حضرتك وتقوليلى انا مش عايزة أتخيل ؟

من حقك تتخيلى

ومن حقك ما تتخيليش

لكن ماينفعش تطلبى تغيير صيغة السؤال

أفهم ان حضرتك تقوليلى اختيارات التصويت ناقصة؟

فية اوبشن عايزاة ومش موجود

لكن كون ان حضرتك ضد الهجرة

تقولى السؤال غلط؟

بصراحة متوقعتهاش من حضرتك

عموما رمضان كريم

وكل سنة وانتوا طيبين

تم تعديل 16 سبتمبر 2008 بواسطة حسام يوسف

[لولا]

وبالنسبة لأختى العزيزة لولا

أنا فهمت كلامك

وقلت وجهة نظرى فية

ومعنديش كلام تانى اقولة

غير ان السؤال افتراضى تخيلى

وأتمنى مايكونش عشان انك ضد فكرة الهجرة

انك تقولى السؤال مش واضح

والسؤال كدة غلط

فين الموضوعية طيب؟

وكل سنة وانتوا طيبين

لا حظت يا اخى حسام انك كررت هذه الكلمة عدة مرات فى مواضيع مختلفة

وكان ابرزها احدى المداخلات التى اتطلعت عليها فى موضوع لسه فاضل حد فى البلد

وتمت اعادة صياغتها ونشرها مره اخرى . وتكرر استغرابى وقتها مما اوردته من تقسيم

لأنى فى جانب ضد الهجرة وانت واشخاص آخرون فى جانب يشجع الهجرة وحتما

كنت انوى الرد تلك المرة ، رغم ان نفس الملاحظة قلتها انت نفسك بطريقة ما قبل ذلك

ولم ارى اى ضرورة للتعليق عليها، لأننى ظننت ان كتاباتى الطويييييييييييييييييله

جدا فى موضوع (حد لسه فاضل فى البلد2) توضح رايى الواضح جدا جدا جدا جداجدا

من انى اصلا لا اشجع هجرة ولا حتى اهاجم او ضد الهجرة ولا افعل اكثر من تفهم

ان رغبة الهجرة رغبه يجب احترام قرارات اصحابها بشكل مطلق وتقدير ان هناك

ظروف وراء اتخاذهم قرار الهجرة من الواجب ان يتم احترامه ولا يجب باى حااااااااااااال

الهجوم عليهم.. أظن ذلك كان كلامى الطوييييييييييييييييييييل هناك فى الموضوع

..وفى نفس الموضوع الذى اوردت فيه هذا الشرح الطوييييييييييييل وجدتك تورد الملاحظه

اياها انى اهاجم الهجرة وضدها والمشاركة اطلعت عليها قبل ان يتم اعادة صياغتها

ونشرها مرة اخرى.

بناء عليه لا افهم بناء على ماذا تجد صعوبه فى فهم كلامى الذى لا يدل شيئ فيه

ابدأ انى ضد الهجرة، ولا ضد من يهاجر، فتورد كل حين اسمى فى لوحة الرافضين

للهجرة؟؟ وعلى فكرة انا لا اجدها تهمه ان تقول عنى انى ضد الهجرة..لأنى فعلا

ضد الهجرة ولكن وكما وضحت بجلالالالاء ضد هجرتى انا (لولا) ولم أفكر لثانيه

واحد ان اكون ضد هجرة احد ، ولا اهاجم هجرة احد . دائما اؤمن ان الحياة يجب

ان يعيشها كل فرد بما يرضى قناعاته واحلامه وطموحه واحتياجاته وما يمثل حاجه

ملحة لى قد لا يمثل نفس الحاجه لغيرى ، قد نعانى كلنا من الإختناق لكن ليس

بالضرورة ان ردة الفعل التى يجب ان تكون ان يعتقد احدهم ان الشعب كله سيهاجر

هذا فقط ما اقوله وقلته.. ولا اخفى استيائى من ان يكون دائما كلامى واضح وافكارى

وتوجهاتى واضحه جدا ، ثم يتم تصنيفى وفق رؤيه شخصية للغير لا تعبر عنى.

ثم على فكرة انا عندما اشارك فى رايى فى موضوع لا استعمل

اساليب كأن اقول السؤال مش واضح ! السؤال كده غلط !

ولكنى اعرف كيف اوصل فكرتى بطريقه قد تلفت النظر لجانب من الموضوع

قد لا يكون تم الأخذ به.. ولأجل هذا تتم الحوارات بين اطراف مختلفه

لأنى قد ارى فى السؤال جانب وقد ترى له جانب آخر قد تشعر انه واضح

وقد يشعر غيرك انه غير مفهوم..الإختلاف فى رؤيا زوايا الموضوع

لا يعنى ان من اختلف فى رؤيا الموضوع من الزاويه المفترضه غير موضوعى

فأنا أشد ما احرص عندما اشارك فى موضوع ما هو الموضوعيه.