احتاج مساعدتكم...

[بنت شعنونة]

متسائل؟

ممكن افهم حضرتك حذفت بقية كلامي ليه؟

وابقيت على اقسى ما فيه!!

هوا انت مستأصدني والا حاجا؟؟ :0  :sneaky2:

[Abood]

بسم الله الرحمن الرحيم

انا عندى فكرة مشروع ممكن تعجبك  .... مزرعة ارانب

المشروع مطاط يعنى ممكن تبدأى من 5000 جنيه لغاية مليون جنيه

تأجرى مكان مناسب ويتم تحديد المساحة بناء على رأس المال

شراء بطارايات تربية الارانب

التعاقد مع دكتور بيطرى للمتابعة مرتين فى الاسبوع

التسويق من خلال علاقات مع المزارع الاخرى ومنافذ بيع الدواجن والارانب والسوبر ماركت

دورة رأس المال فى المشروع ده 3 شهور

وممكن تبدأى بمشروع بمبلغ صغير حتى تتعرفى على السوق وتكبريه شوية شوية

مع اطيب تمنياتى  

والسلام

:inlove:

[بنت شعنونة]

اخي عبود

فكرت فيها فعلا

لكن خوفوني بموقوله

كام واحد بياكل ارانب في البلد

وكام واحد عامل مزرعة ارانب

???

عمتي كانت عاملة مزرعة فراخ

بس هيا تخصص زراعة وكانت بتشتغل في شركة دواجن

يعني عندها خبرة

وانا شفتها في المزرعة بتتعذب فعلا

علف و نظافة وريحة واف

لالا

صعبة قوي

ربنا يخليك يا عبود يا رب

ما عندكش افكار تانية من فضلك؟ :inlove:  :angry:  :angry:  :lookaround:

[Sharkiah]

عارفه ياشعنونه إجابه سؤالك العلميه يعرفها كل من ذاكر ال

MBA

الإستثمار وتحقيق أكبر عائد على رأس المال والموازنه بين العائد والمخاطر المرتبطه بالمشروع  المزمع إنشاءه وأفضل وأرخص الوسائل للتأمين ضد هذه المخاطر وتقدير إحتياجات السوق والعثور على الفجوات فيه ـ أى الفرق بين العرض والطلب ـ وتحديد دوره الأعمال وفتره إسترداد رأس المال وتقييم المنافسه الحاليه والمتوقعه ووضع خطط طوارئ بديله ، كل هذه أشياء ضروريه بل وحتميه ولن تستطيعى الحصول عليها من دردشه على الإنترنت أبدا ، دى معلومات لن يبوح بها من يعرفها معرفه دقيقه ببلاش لأنه ببساطه أولى أن يستخدمها بنفسه لمصلحته وإذا لم يتوافر له رأس المال فسوف يبيعها بالفلوس لمن يحتاجها ، ما أنت بصدده الآن هو مصدر دخل هائل للبنوك فى أوربا وأمريكا وقد بدأ فى الظهور أيضا فى بنوك مصر وبعض المؤسسات الماليه الكبيره ،

portfolio management

وهناك قاعدتان يعلمهم جيدا كل دارس وممارس للإستثمار والتمويل  

الأولى ـ نقطه بدايتك كمقياس لتقييم أى مشروع هى ما أصطلح على تسميته بتكلفه الفرصه البديله ، أى مقدار الربح الذى ستضحى به فى مقابل عمل أى مشروع تنتويه ، وهو ببساطه ثانى أفضل بديل مضمون عائده وربحه ورغم كونه أقل من عائد المشروع المزمع عمله إلا أن مخاطره أقل ، فدائما العلاقه طرديه بين المخاطره والعائد فكلما زاد الأول زاد الثانى والعكس صحيح ، وقد يكون فى حالتك مثلا أقل تكلفه فرصه بديله هى العائد على سندات وأذون الخزانه لأن درجه المخاطره فيها صفر فالعائد مضمون بواسطه الحكومه ومن المستحيل ألا تلتزم أى حكومه بتعهداتها

والثانيه ـ أن أى مشروع ناجح ـ هكذا علمونا فى التمويل ـ لابد أن يبدأ بفكره جديده ، فكره لم يسبق لغيره من المشروعات التطرق إليها ، فكره ليست فقط تستهدف سد حاجه مستهلكين من سلعه أو خدمه ما ، بل يجب أن تخلق داخل المستهلكين الطلب على السلعه أو الخدمه التى تنتوى تسويقها لهم

هكذا كانت مايكروسوفت وفيدإكس وسى إن إن فى بدايتهم ، بل وسأضرب لك مثل بسيط خالص ، بيتزا دومينو عندما بدأ فى نيويورك إبتكر فكره التسليم فى خلال وقت معين بالموتسيكلات وعرض خصومات إضطراديه لكل خمس دقائق تأخير فى التسليم وصلت إلى حد إعطاء بيتزا كامله مجانا ، وعن طريق هذا الإبتكار إستولى على شريحه هى نصيب الأسد من سوق مستهلكى البيتزا وطرد من السوق عمالقه من مطاعم البيتزا

وكانت إستراتيجيته ربح أقل من كل المنافسين جميعا ونصيب الأسد من السوق

يعنى مفيش حاجه بالسهل أبدا ومفيش حاجه بدون تضحيه وبدون مخاطره ، والأهم مفيش حاجه ببلاش

ومفيش حاجه مفيده هتطلعى بيها من المنتدى إلا شويه دردشه منتديات

[بنت شعنونة]

كلامك صحيح يا اخي شرقية فعلا

ولكن لسا في ولاد حلال

انا كل ما احتاجة حاليا هو فكرة

او افكار

ممكن اطلع بيها من خلال هذه الدردشة

زي ما بعمل مع زمايلي برضه

كلمة من هنا على كلمة من هنا

ولم كله في سلة واحدا

ممكن توصل لحاجا

ربنا يستر بس :angry:  :lookaround:

[Ashraf]

الاخت شعنونة عندي فكره ليه مفكرتيش تشاركي بجزء من رأس المال في مشروع شغال ومضمون يعنى مثلا شاركى عمتك في مزرعة الدواجن مثلا او مشروع لتسمين العجول مشروع واللهي مربح وبلاش من موضوع الارانب خطر عليكي كمبتدأه جربي الاول فكرة المشاركة وخدي منها خبرة وبعد كده استقلى بنفسك نسيت مشروع مهم اقولك عليه مشروع زواج  بس بدون شراكة مع تحياتي

[Faro]

من كام سنة كدة و صلنى E mail من واحد افريقى

شخص نيجيري , وطبقا لما سمعته عبر الـ س ن ن تم القبض عليه والضحايا يطالبون تعويضات من الحكومة النيجيرية .

[متسائل]

كلام شرقية صحيح..

لكني كصاحب ضمير حي.. سوف أخبرك عن مشروع ناجح.. و بدون أن آخذ منك أي مقابل الآن.. و لكن لي 10% من الأرباح السنوية عندما ينجح المشروع معك..

أوكي؟

المشروع هو "مزرعة تماسيح"..

هذا هو الكلام الجد... جلود لمصانع الشنط و الأحذية و المنتجات الجلدية... و ربما لحوم للمطاعم.

Edited By متسائل on Aug. 28 2002 11:40am

[the king]

ممكن  تشترى  او تشتركى  مع  حد  وتشترى  ميكروباص  لنقل   الناس  وتجيب

سواق  يشتغل  لك  

وممكن   محل  ميكانيكى  

وممكن  محل  فول  وفلافل  

وممكن مكتب  لتشغيل  العاطلين  

وممكن  تفتحى  مستودع  لانابيب  البوتجاز  

وممكن  تحطى  الفلوس  فى  البنك   وتاخدى  ارباح  بين  10  الى  11 فى  المئة  

يعنى  لو معاكى  100000  تاخدى   فى  السنة    10000  جنية  ارباح  فى السنة  لو  الفائدة  10  المئة   وانا  اقرا  فى الجرايد  ان  الفائدة  11 % فى  البريد  وبعض  البنوك     يعنى

[Byte]

الفنان عادل ادهم في فيلم سوبر ماركت قال حكمة بليغة لراغبي الثراء في مصر:

الفلوس لا تورثها ، لا تسرقها ، لا تتجوزها.

هما دول التلات طرق للمشاريع الناجحة ايضا!

[بنت شعنونة]

الأخ متسائل وبايت

يا عيني على جرعة الأكتئاب اللي بخيتوها في وشي ???

قال يعني انا ناقصا!!

واحد يقولي تماسيح والتاني قفلها في وشي!!!

والنبي هيا متقفلة جاهزة

ف الموضوع مش ناقص يعني :devil:

the king

موضوع الميكروباص دا كان اخر مشروع ليا واضطريت اني اصفيه عشان عدم التفرغ دا واحد

2- عشان السواق كان حرامي محترف وانا ما كنتش فاهما فكنت بتسرق

وبالرغم من اني كنت بتسرق عمال على بطال بس والله دخله كان معقول

بس وقتها كانت حالتي المادية افضل حالا

انما دلوقتي مش معايا اللي يكفي ولا حتى اول دفعة :(

الفول و الفلافل دا اللي في بالي حاليا

بس لما اعمل دراسة وافية عنه الأول

والميكانيكي فكرة من ناااااار

بس المشكلة انه السرقه فيها سهلة

على فكرة

انا ان شاء الله ها اعمل بطارية الارانب دي على الشتا

بس كمشروع ثانوي

ربنا يسهل كدا واستقر على حاجا اساسي

:nervous:  :bored:

[wahed_masry]

يا اخت شعنونة

أنا من كبار مؤيدي الكبدة

ويا حبذا لو أمكن التوسع في المشروع ليشمل مخ وحواوشي

أحنا ناكل كبدة

وانتي تاكلى الشهد

أيه رايك

واحد مصري

[ragab2]

عندى

تلات مشاريع  مصرية مية فى المية وتجنن

وكلها مشاريع ناجحة وعمل لها دراسة جدوى

أولهم

عمل شركة توظيف أموال ونوظف لكى هذا المبلغ لتصرفى الأرباح خمس شهور ثم نفلق ونعمل فريرة للخارج

والثانى

نقترض المبلغ قرض حسن ونكتب لكى فى المقابل شيك بدون رصيد أو وصل أمانة ويحلها حلال اذا تم الحكم بعد عشر سنين وبعد الطعن بالتزوير والهروب من تنفيذ الأحكام ونكون لمينا لك المبلغ الأصلى من الأرباح

والمشروع التالت

تشاركينى فى استصلاح أرض صحراوية لزراعتها وصرف المبلغ بالكامل عليها وبعد مانزهق نترك الأرض ومابها وعليها ومش هاتكونى زعلانة لأنه معروف

ان استصلاح الأرض الصحراوية يحتاج مال قارون وعمر نوح وصبر أيوب

ايه رأيك

مشاريع تهوس

Edited By ragab2 on Aug. 28 2002 12:47am

[بنت شعنونة]

:0  :cry:

انتوا؟؟؟

ااااااااااااااااااخ بس

اللي يمشي وراكم يروووووح ورا الشمس :D  :P

بكرا اعمل مشروعي واكيييييييد العزااااااااال

;)  :P

ولا الحوووووووجة ليكم

:sneaky2:  :P  :baaa:

[محب لمصر]

السلام عليكم ورحمة الله وبركاتة

اختي العزيزة

نصيحتي لك هي  التالي :

مشروع توناية صغيرة تشغليها مع شخص قريب لك جدا جدا وليس اي حد

او كوفي شوب في منطقة حية

اهم شئ يكون دون شريك لاني جربت المشروع ناجح جدا جدا ولكن المصيبة في الشريك الجاهل الطماع

وربنا يوفقك

[Sayyeda Abouzied]

أختي شعنونة انت زي جوزي كل ما يعمل مشروع يطلع فيه ميت عفريت يضيعه منه

مرة مزرعة ومرة مكتب خدمة الطلبه ومرة سوبر ماركت وعايزة الصراحة البلد صعبه تعملي فيها مشاريع أبسطها حماي مات لما عرف مبلغ الضرائب عليه من مشروع صغير كان يقصد بيه يخدم اقاربه ومعارفه في العمل وايجاد رزق لهم

ونصيحتي ليكي متقوليش لحد ان معاكي فلوس لأن كده سوف تضيع مائه في المائه

أذا مكانش تتسرق هتلاقي الي ينصب عليكي

اوعي تقولي انك مفتحه عينك لان الحرامي بيسرق الكحل من العين

وأفضل ليكي انك تشيلهم بالدولار في بنك امريكاني من الي همه حتى لو يتهموكي بعدم الوطنية

الله ما بلغت الله ما اشهد

[wahed_masry]

أنا برضه مازلت مع الكبدة

ولو أن موضوع التناية مغري

خصوصأ لو رخصناها أقاليم وبعدين تأخد ضغط مثلث والنفر بجنيه أنشاله ينزل بعد مثر واحد

ولا ايه يا عروسة

(الظاهر أن أنا تقمصت الدور زيادة)

تحياتي

واحد مصري

[Faro]

إفتحي عيادة بالمجان ... وربنا حيبارك فى تحويشة العمر. :colgate:  :colgate:  :inlove:

[Mohd Hafez]

[b:post_uid0]عايزة تشغلي فلوسك .. لابد أولا أن تتأكدي من عدة عناصر هامة قبل الوقع ضحية للآخرين عن نصب  أو ضحية نفسك  عن عدم دراية..  لذلك حاولي أن تكون تجارتك ذات علاقة بخبرتك التعليمية .. يعني طالما أنك دكتورة.. فأفضل شئ إيجاد تجارة بالأدوية أو المنشطات أو  أدوية من الأعشاب الطبية .. المهم تقدمي حاجة جديدة ليس في السوق شئ مشابه له ..وأن تكوني أنت محتكرة البسنس .. وعندك وقت يكفي لإدارته .. وكلما كان عدد المسؤولين عن هذا البسنس أقل كلما كانت إدراته أفضل وأرباحه أكثر .. بالإضافة أنك يجب أن لا تدخلي على البسنس بصدر مفتوح على الأخر وتضعي معظم فلوسك .. وبعد كده تغني ظلموه .. على أي حال أنا أقترح عليكي بسنس تجمتع فيه كل العناصر السابقة .. البسنس وهو تصنيع حبوب ..كيتوسان في مصر ..

CHITOSAN

هذه الحبوب عبارة عن كبسولة تحتوي على مادة تسمي كيتوسان . وهي مادة مصنعة من قشور الجمبري الصغير حيث يجفف في المعامل ويطحن ويعالج بالهدرجة والحرارة وبعد عدة عمليات معملية تخرج هذا القشر على شكل بودرة توضع في كبسول .. هذا الكبسول مفيد جدا في إمتصاص الدهون .. ليس الدهون المتراكمة تحت الجلد بل الدهون التي ستأكلينها بعد ساعة ... فعلى سبيل المثال .. يدخل جسمنا يوميا كمية عالية من الدهون تزيد مستوي الكلسترول وأمور أخري عديدة .. وعند تناول هذا الكبسول قبل وجبة الغذاء بساعة زمن .. تتمكن بودرة الكيتوسان من إمتصاص كافة الدهون بمجرد وصولها للمعدة .. ثم تسير في مسارها  بالجهاز الهضمي لخارج الجسم وذلك  دون أن تتفاعل مع أي من الأحماض ولا يذهب من الدهون أي شئ للدماء .. بالطبع هذه الحبوب ستمنع زيادة الوزن .. ستحافظ بشكل كبير على مستوي الكلسترول وغيرها من الفوائد .. هذه الحبوب تصدر حاليا لماليزيا من أستراليا وعدد من اليابان .. وبالطبع تعتمد أساسا على وجود نوع من الجمبري الأبيض والذي هو متوافر بشكل كبير في ماليزيا .. وبدأ أحد مراكز الأبحاث الشبه حكومية في إنتاج الكيتوسان وتصديره لعدد من الدول المجاورة  بسعر أرخص من قرينه الإسترالي بقرابة 50% .. ولقد فكرت منذ فترة في إرساله لمصر .. ولكن للأسف لا أريد أن أسلمه لتاجر أريد أن أسلمه لصيدلي أو طبيب .. وأعتقد انه سيكون من نصيبك

.. على العموم .. أنا عندي منه عينات في بيتي .. منها معلب وبداخله قرابة 60 كبسولة والعينة الأخرى عبارة عن بودرة خام .. المطلوب حاليا شخص يمكنه تسويق قرابة 20 كيلو شهريا في مصر .. كيلو البودرة بنقله لمصر يتراوح ثمنه بين 70 إلي 75 دولار أمريكي .. ويمكن تصنيع قرابة 4000  كبسولة كيتوسان من الكيلو الواحد ..  وممكن أيضا أن أرسل لك الكبسول فارغ ..  بحيث تعبئ الكبسول في البيت وتعلبيه بشكل جيد .. وتسجليه رسميا في الغرفة التجارية تحت إسم .. كايتوسان شونشن .. إيه رأيك يا شونشن .. نعمل بسنس ؟؟؟  تكاليف المعدات بسيطة جدا .. ورئس المال المطلوب لشراء عشرون كيلو أقل من 1500 دولار أمريكي .. أعتقد الموضوع ليس كبير .. ولكن لو أحسنتي تسويقه .. صدقيني سنعمل شغل للركب .. سلام

[/b:post_uid0]

[wahed_masry]

باشمهندسنا الزميل العزيز جدا جدا

والتسجيل بوزارة الصحة والتصريح بالانتاج والتداول

خاصة اذا كان هذا التصريح لفرد وليس شركة؟؟؟!!!!

كم يتكلف من الوقت والجهد والمال وربما الرشاوي (عفوأ أقصد التشاهيل)؟؟؟

نحن نتحدث هنا عن مصر المحروسة

و الا ايه يا باشمهندس؟

تحياتي

واحد مصري