احتاج مساعدتكم...

[amir]

الاخ Egypt5

أرجو تزويدى بالمزيد من المعلومات عن هذا الكيتوسان لأن أخوك المسكين يتمتع بكمية كلسترول يمكن توزيعها على الشرق الاوسط كله ، يعنى هل هو دواء رسمى معترف به؟ هل يحتاج الى روشته؟...أى أثار جانبيه؟

افيدونا افادكم الله....و أنا على استعداد ان أكون اول زبون

[Mohd Hafez]

[b:post_uid0]الأخ العزيز واحد مصري ..شكرا على الرد.. بصراحةلا يمكني تقيم المشاكل المصاحبة لتوزيع علاج مثل هذافي مصر .. ربما الأخت شونشن ستحتاج إدخال هذا الدواء للبلاد على مواد غذائية .. فهو ليس دواء يعالج مرض  ناتج عن الدهون .. ولكنه يمنع زيادة الدهون في الجسم .. يعني لا يحتاج روشتة طبية .. بل تشتريه من الصيدلية مثل تشتري حبوب زيت الورد .. أو حبوب عصارة الثوم أو حتى الفيتنامينات أو شراب الجولكوز للأطفال .. هو من نفس النوعية .. لا يحتاج روشتة بل يمكن شرائه دون الرجوع للطبيب .. فهو مادة طبيعية ليس مضاف عليها أي مواد كميائية .. وكافة العمليات الصناعية التي تمت عليه .. هي عمليات تجفيف وطحن وهدرجة بالهيدروجين .. لذا فلاخوف من أي أعراض جانبية ..  ولا خوف من أي  من موضوع الجرعة .. يمكنك أخذ حبة أو إثنين .. كله بحسابه .. ولكن بالنسبة للشخص العادي .. كبسولة 250 إلي 300 ملجرام مناسبة جدا لإمتصاص كمية دهون تعادل وجبة غنية من اللحوم الضان السمينة

الأخ أمير .. كما سبق وشرحت في ردي للأخ واحد مصري .. فإن الكيتوسان لا يعالج الكلسنرول الموجود في دمائك اليوم .. ولكن يمنع زيادته .. فهو ليس علاج بل نوع من الوقاية ويفيد في عملية ضبط الكلسترول لديك وإعطائك فرصة لأكل طعام لم ينصح به الطبيب

على أية حال .. ألف سلامة  وتمنياتي لك بالشفاء العاجل

[/b:post_uid0]

[KWA]

عندي لك مشروع حلو إذا كنت تستطيعي العمل علي تصدير التي شيرت القطن قوللي و سوف نتناول هذا بالتفصيل  .....طبعا جمله....وليس قطاعي .....

* أستيراد أدوات مكياج أمريكيه

*

لعب أطفال .....مختلفه المنشأ.....صينيه أو أمريكيه أو تايونيه...

[بنت شعنونة]

يا ايجيبت

هوا انا معايا مليوووون جنيه؟؟!!

داهما ملاليم

يعني ما ينفعش

وثانيا انا مش طايقا رييييحة الطب

ف ابعدوا عنها

وبعدين انت بتقول فيها

انا وجدت علاج لحب الشباب

وعلاج نهائي وجربته على اكثر من عشرين حالة وانا اولهم

والنتائج كان مبهرررررة

لأنه بيروح من غير ما يرجع بعده

ومدة العلاج 3 ايام الى اسبوع فقط

واستحااااااالة الحباية التى تعالج به ترجع تطلع في نفس المكان

عشان كدا بنصح باستعماله على كل المنطقة يقوم ما يطلعش فيها

ورحت عشان اسجل برائة اكتشاف الموضوع دا باسمي وانزله السوق

طلعت عييييييييييين اهلي

فبقيت اعمله دكاكيني كدا وبيني وبين الناس مجانا

:(

سيبوها على الله

اختى سيدة والله كلامك صح

بس خير اللهم اما اجعله خير

انا نويت على مشروع كدا

وربنا يستتتتتتتتتتتتر

اديني ها اعمل شوية تلفونات عشانه وربنا يسهلها

دعواتكم

بالمناسبة

يعني ايه توناية؟؟؟

:dozingoff:

اخي kwa

والله انا ما افهمش فيه خالص

بس شكرا على المساعدة ربنا يخليك :inlove:

[Mohd Hafez]

[b:post_uid0]شونشن .. موضوع الكيتوسان لا يحتاج لملايين .. عشرين كيلو لن يزيد ثمنهم عن 1500 دولار أمريكي .. وتعليبهم لن يزيد بأي حال عن 200لــ 300 أمريكي ..يعني كامل البسنس قرابة 2000 دولار أمريكي أي أقل من 10000 جنيه مصري .

ثانيا أنسي موضوع الكيتوسان مش مهم .. إذا كان دواء حبوب الشباب فعال زي ما أنت بتقولي أنا مستعد شرائه منك .. المهم أن تكوني أنه دواء فعال ويعطي نتائج سريعة جدا .. لو أنت واثقة من هذا .. أنا أشتريه منك مع المعادلة وأسجله بأسمك عندي وأصنعه عندي للتصدير ولكي حقك أيه رأيك . المهم يكون دواء نهائي .. عايز أسمع ردك سريعا

سلام

[/b:post_uid0]

[بنت شعنونة]

يا ايجيبت

انا مش معايا ال 10000 دول

لو كانوا معايا كنت عملته بجد

اما موضوع حب الشباب

انا معاك

بس خلي بالك

دا مش مركب انا عامللاه

دا شيء موجود فعلا

بس عمر ما حد فكر يستعمله ابداااااااااا

وانا استعملته

وعمل نتايج مدهششششششة

سواء في الحالات العادية او المرضية المستعصية

ولو عايز تشتاري "الفكرة والطريقة" مني انا معاك

يالله بينا

بس ازاي؟

:inlove:  :lookaround:

[Mohd Hafez]

[b:post_uid0]آوكي ياسيدة القصر .. أيه رأيك ترسلي لي عينة مدفوعة الثمن .. يمنك إرسالها لأحد أقاربي بالقاهرة وتتسلمي قيمتها .. وهم سيرسلونها لي مباشرة أو أن ترسليها لي على عنواني بماليزيا وتتسلمي ثمنها من أخي بالإسكندرية

أنا تحت أمرك بشرط أن تكوني واثقة فيما تقولين ويكون الموضوع مستحق التعب عليه .. يعني حاجة غير تقليدية وفعالة

سلام

[/b:post_uid0]

[الطائر المحب]

بيكتر قوي مشروع الداوجن والارانب

وكل شويه الوسيط تطلع اعلانات بالعبيط عن المشاريع دي

يعني عندك مشروع بياض ,, بقيمه 10 تلاف جنيه ,, العائده كل 32 يوم حوالي 1350 جنيه

ومشروع بط تسمين تدفع 16 الف جنيه والعائد كل 92 يوم حوالي 4850 جنيه ,

ومشروع رومي تسمين بقيمه 22 الف ,, العائد 8500 جنيه كل 117 يوم ,,

المشاريع دي من شركه اسكندريه للدواجن

وفيه شركه تانيه مش عارف اسمها

المشروع عليك والاشراف والتسويق علينا

مشروع ارنب بقيمه 19 الف جنيه والعائده 3 الاف جنيه شهرياً

ومشروع بط تربيه بتكلفه 3250 نيه والعائده 400 جنيه ( ادخل في 5 مشاريع كدا يعني 16250 جنيه والعائده الفين جنيه شهرياً )

مشروع بياض بقيمه 5500 جنيه بعائد 675 جنيه شهرياً

وغيره من الحاجات دي

ايه رأيكم بالمشاريع دي ,,

بصراحة انا عاوز اسأل وادخل واحد من المشاريع دي ,,,

بس خايف وقلقان حبتين من اعلانات الجرايد ,, لانها بتكون ورديه في الاول

وفي الآخر بتقلب ظلمه ,,

وربنا مايجعلها ظلمه

اي رأيك ؟؟؟

[مسلمة]

السلام عليكم ورحمة الله وبركاته

اختي بنت شعنونة شكرا لك على هذا الموضوع وبالخصوص كما قلتى انا عندك دواء فعال لحب الشباب فانا احد المصابين بهذه الحبوب و ارجوكي يااختى تساعدني و راح ادعي لك بظهر الغيب و في كل او قات الصلاة الله يخليك و يرزقك الجنة و يحقق لك كل ماتتمني و يسعدك يارب يارب

والله يعلم كم عنيت من هذا المرض اكثر من 12 سنة و لسه ماوجدت العلاج و اي خلطة او دواء او مرهم و كريمات جربتها بس مااعطتني اي نتيجة حتى ولو اعطتنى نتيجة بس بترجع بكثرة و الاثار الحبوب كمان والله انتي تعرفي الشخص اذا جرب حاجة و وجد فيها العلاج يفرح كثيرا و يدعو الله انه شفاه من هذا المرض وانا صرت معقدة حتى اني رفضت اتزوج لان هذه الحالة التى انا فيها عقدتنى واريد منك ان تساعدني كيف احصل عليه رغم اني من بلد المغرب ويارت تجاوبني باسرع وقت اذا ممكن اتمنى من الله ان لاتبخلي بالرد عليا و شكرا لك جزيلا

اسال الله العلي القدير ان يشفي جميع امراض المسلمين

اميـــــــــــــــــن اميـــــــــــــــــــن يارب العالمين

[أحمد سيف]

نصيحة من متخصص في الاستثمار:

اللي معاه فلوس عاوز يستثمرها بس ماعندهوش خبره في أي مجال ممكن يحطها في صناديق استثمارية mutual funds

في منها أنواع كثير تناسب ظروف كل شخص: صناديق مضاربة و نمو وعائد وربح كلي وضمان رأس المال و تحوط .... الخ

وبتستثمر في كل حاجه: أسهم وسندات وصكوك وسلع وأدوات السوق المالية ومشتقات وعقار، وفي منها تقليدي أو "إسلامي"

أهم حاجة إنك تختار اللي يناسب ظروفك واحتياجاتك وتنوّع بمعنى إنك ماتحطش فلوسك كلها في نوع واحد، ودي ممكن يساعدك فيها مستشار مالي

روح شركة أستثمار (نعيم - EFG Hermes - الخ) أو أي بنك واسأل عن صناديق الاسثمار وهايحولوك لمستشار مالي يعمل تقييم لوضعك وينصحك بالنوع المناسب لك

وفي نفس الوقت روح اشتغل أو اتعلم أو حتى استمتع بوقتك لحد ماتلاقي فرصة استثمار في حاجة بتفهم فيها (والأهم من كدا بتحبها) وتعملها دراسة جدوى جاده (مش على الورق بس زي معظم دراسات الجدوى اللي بتتعمل اليومين دول)

أما موضوع دخول مجال جديد عليك بالدراع :aslam: فده احتمال الخساره فيه مرتفع جدا، وما أنصحش بيه خصوصا لو المبلغ اللي معاك صغير (يعني أقل من مليون جنيه)