مشكلة عاجلة ارجو مشورتكم

[drTOTA]

السلام عليكم ورحمة الله وبركاته, الاخوة المغتربين وخاصة المقيمين بالامارات حصلت لزوجى مشكله غريبه شويه ومش عارف لها حل ولذا ارجو منكم المشورة , والموضوع يتلخص فى اننا مقيمين فى الشارقه فى شقه بندفع ايجارها ربع سنوى يعنى كل تلات شهور بشيك, المهم ان اللى حصل ان معاد الدفعة اللى فاتت كان يوم 5 اغسطس وبالفعل الشيك اتسحب من حساب البنك فى معاده ومافيش اى مشاكل, ولكن فوجئنا من حوالى اسبوع بصاحب البناية بيتصل بزوجى وبيقوله ان الشيك رجع له وانه ما اخدش فلوسه علما بأن صاحب البناية بيتعامل مع بنك تانى يعنى المعامله بتتم بين البنكين . المهم ان زوجى راح على البنك بتاعه فالبنك أكد له ان الفلوس اتسحبت بالفعل وان البنك التانى استلمها و لكن لا تفسير لوجود الشيك مع الراجل لحد دلوقتى وزوجى اخد من البنك كمان اثبات رسمي بان الشيك اتسحب من عنده . والبنك التانى بيؤكد انه ماستلمش اى فلوس وكمان مافيش اثبات عند بنكنا بانه سلم الفلوس. المهم ان جوزى حاول يوصل لمدير البنك قالوله البنك ملوش مدير , ولا حل الا انك تذهب للشئون القانونيه, فالشئون القانونيه قالو له لازم تعمل محضر فى الشرطه علشان نتحرك, ذهب لقسم الشرطة فى دبى رفضوا يعملو المحضر فذهب للشرطة فى الشارقه وبرده رفضو يعملو المحضر. ودلوقتى البنك بيتعامل مع الموضوع بكل برود وكل الردود انه احنا ملناش دعوة والفلوس طلعت من عندنا, ولكن لا اثبات لان البنك التانى استلمها, واللى يغيظ كمان ان لو الراجل اخد الشيك وذهب للبنك اللى زوجى فاتح فيه الحساب هيصرفوه عاااادى جدا يعنى اتسرقنا عينى عينك ومافيش حل. ارجو من اى واحد عارف حل قانونى للموضوع ده يدينا رأيه واكون شاكرة ليكم جدا