انا والليل والموسيقي ..ومجرد كلمات (لولا)

[ELSHAMY]

لماذا يهفو القلب أحيانا لما يعده بالعذاب؟؟؟!!!

مجرد سؤال

الاجابة تكمن فى طيات السؤال...

لو صدّق القلب أنه العذاب....ما هفا اليه...

و من قال أنه العذاب....

و ما هى معايير العذاب....

العذاب فى الندم على ما فات....

و تجرع الذكريات....

اللهم رضّنا بقضائك...

[ELSHAMY]

أنا و حتى لحظة كتابة هذه الكلمات مازلت غير مصدق...

هل فعلا كتبت قصتنا نهايتها...

علمتنى الحياة أن تقلباتها لم تعد تُُبقى للمنطق حُجة...

و بناءاٴ على ما تعلمت... أبقى فى انتظار المعجزة

هل يُعقل أن أظل مبقيا محور حياتى حول هذا الوهم....

عذرا يا أنا..... أعلم أنكِ تأبين أن تُسميه وهما... فهل يُعقل...

أقول لمن استعذب انتظار المجهول....

و رضى بذلك حتى لم يعد يشعر بكل ما يحيطه من واقع يظنه الأخرين سعادة..

أقول له...

ربما الأمر يستحق...

ربما...

[لولا]

المحاوله شجاعه .. دوماً الأمل يستحق يا شامى دوماً يستحق ,

واذا ما حدث وفشلت مره فلا تنشغل بالفشل..

ولو حدث وانشغلت لبعض الوقت فأستيقظ ذات صباح

أنظر لنفسك وخاطبها :

شامى الذى تحمل ملامحى

شامى الذى تحمل جزء من روحى

ان كنت قد انشغلت عنك بخسارتى

فسامحنى ..سامحنى ان انشغلت

بخسارتى عنك .

إفتكر كلام منير ..

أفتح قلبك قوم بيينا

ليه نضحك على بعضينا

ده الكون جوانا وفينا

يضحك لكن بايدينا

.

[ELSHAMY]

عذرا لولا....

ولكنى عرفت أن هناك مجال أخر لاهتمام مشترك و هو كلمات غناها الحجار......أسمعها فتثير الذكريات

لما الشتا يدق البيبان

لما تناديني الذكريات

لما المطر يغسل شوارعنا القديمة والحارات

ألقاني جايلك فوق شفايفي بسمتي

كل الدروب التايهة تنده خطوتي

كل الليالي اللي فقمرها قلبي بات

مش جاي ألومك عاللي فات

ولاجاي أصحي الذكريات

لكني بأحتجلك ساعات

لما الشتا يدق البيبان

كنا طفولة حب لسة فى أوله

بنضم بإيدنا الحنين وبنوصله

خريف ندانا والشجر دبلان

بردانة كنتي وكنت أنا بردان

ضمت قلوبنا بشوق ولهفة نبضها

لما التقينا الخطوة عرفت أرضها

أجمل معاني الحب غنتها النايات

مش جاي ألومك عاللي فات

ولا جاي أصحي الذكريات

لكني بأحتاجلك ساعات

لما الشتا يدق البيبان

تتصوري.....

رغم اننا شايفين طريقنا بينتهي...... تتصوري

تتصوري.....

لا عمري هأقدر عالفراق ولا أنتي عمرك تقدري

لسة حنيني بيندهك رغم البعاد

ولسة زهرة حبنا بتطرح ميعاد

لكن بيغرق حلمنا فى بحر السكات

مش جاي ألومك عاللي فات

ولا جاي أصحي الذكريات

لكني بأحتاجلك ساعات

لما الشتا يدق البيبان

[Emo]

..استحمِلي

..جايْ لِك مع الفجر اللي راجِعْ مهما موج بحرِك عِلِي

..لا يهمّني.. بُعد السَفَر

..ولا حتى سُورِك والغَفَر

..ولا خندق اليأس اللي بإْيدِيكي اتحفَر

..هَانْدَهْ واقول لِك: يا حبيبتي

..أسمع غُناكي وتنزلي

..استحمِلي

..فاضِل مَفِيش

..وعشان نعيش

..لازم يصبّرنا الأمل

..وماتسأليش إيه اللي ممكن يتعمل

!!دا البدر عايش في السما بْيصبُر لحدّ ما يكتمَل

الحلم قرَّب.. قرَّبي

مدِّي إيديكي وْجرَّبي

..وماتِيْئَسِيشْ مِ الحبّ.. لمّا بيتولد ويعيش عفيف

..واطَّمِّني.. أنا مش ضعيف

..ومانيش جبان

..لكن بابان طيِّب قوي

..وباحبّ اكون ابسط من الناس كلها

..لكنْ فى نفسى باكون قَوِى

لا الدنيا تكسر قلبي يوم

..ولا حدّ فيها يهزِّني

..طبع السنابل يا حبيبتي يشدِّني

لو فاضيه... ترفع راسها فوق

!!لو فيها حَبّ... بتِنحِني

..استحمِلي

..أنا وانتي ورده فْ أحلى جنّه عبيرها واصِل للسَما

..لو يوم قَسَمْتِى الورده... لازم كل نصّ هيترمَى

..دا انا قلبي فوق كفِّك نَمَا

زهَّر.. وكل زهوره قاعدالِك تغنِّي

ازَّاي تعيشي فْ لحظه وانتي بعيده عنِّي؟

..طبْ جرَّبي

..انسيني يوم

..وقولي لي بس ازَّاي هتنسي وهتعيشيه

ازَّاي يعيش قلبك ثواني ماكُونش فيه؟

ازَّاي تقومي الصبح مابْقَاشْ حلم عايش بتشوفِيه؟

..ازَّاي عينيكي تشوف بشر

!مايكونش وشِّي فْ أيّ واحد تلمَحُه؟

أنا ننّ عينك.. يبقى بسّ ازَّاي عيونك يجرحُوا؟

ازَّاي تغنِّي وتلعبي

وف قلبي عُودِك.. ملعبك؟

ازَّاي تذاكري.. ماتنحتيش إسمي فْ قلوب على مكتبِك؟

ازَّاي هتمشي ماتحلميش

إنك تقابليني في أقربْ مُنحنَى؟

ازَّاي تنامي وْتحلمِي بْفارس يجيلِك عَ الحصان

َ!وماكُونش انا؟

وان يوم قِدِرتي على الفراق.. هتكمِّلي؟

..استحمِلي

..دمعِك كِتِر

..حتى امّا اشوف ضحكِك.. بتنزل دمعه تايهه بتعتذِر

..دمعِك طريقي للكسَل

دا انا لما اشوف دمعه فْ عيونِك

..نسْج قلبي بيتنَسَل

..وبيتغسَل

!!من دمع عينِك... والخجَل

..ضحكه فْ عيونك... أبتدي بيها اللي جيّ

..بسمة شفايفِك... قلبي يفضَل بيها حيّ

..خليكي جنبي.. نخلِّي كلّ الدنيا ضيّ

..واستحمِلِي

لكِنْ

..يا نبْض النبْض فيَّه.. وْحِلم عمري وْفرحتُه

..لو يوم رماكِي اليأس في إْيدين الملَل

..ونَدَه خلاص قلبِك عليكي بْدون أمَل

..هاتي الرسايل.. والهدايا.. والصوَر

..بصّي بْخيالِك عَ اللي فات.. والذكريات

..افتِكْري ضحكةْ قلبنا فْ يوم اللُّقا

..افتِكري دمعة قلبنا فْ يوم الشّقَا

..افتِكري كلّ شريط حياتنا وحبِّنا

!!وانسِيه بقَى

..انسِي حبيب ضيَّعْتِي قلبه بْدون سبَبْ

..كان كلّ ذنبُه

..إنُّه قال لِك لمّا شافْ قلبِك تِعِبْ

..استحمِلي"

..جاي لِك معَ الفجر اللي راجِعْ

... "مهما مُوج بحرِك عِلِي

من مدونة أخف دم..للمبدع أشرف توفيق

[alsaher]

حين يذبل الحب على جنبات الطريق

تدمع العيون

ويصرخ القلب الغريق

واعود انا وحيدا بلا حبيب

بلا صديق

إنسكبي أيتها الحروف كلمات

بلا رقيب

الساهر

التحية موصولة للجميع

الأفاضل الدكتور الشامي , أشرف , إمو

ولمن أتاحت الفرصة لأرواحنا لتتقلب بين صفحات الإساس والمشاعر

الأخت لولا

تحياتي

[لولا]

حُبك

قطرات

متساقطه

تتسرب لمسامى فتوقضها !!

*

*

*

الليل الذى ينسكب على أيامى ..

يملأها سحراً من نوع خاص يقودنى الى حيث كل شيئ عذب.

كل الأفكار تتمدد فى ذلك الليل

كل الأحلام تتلون بلون اللحظات

أنا .. أنا التى تعشق أن تشاغب نفسها قبل الحياة

لم أجد نفسي سوى فى الليل

ذكرياتى كلها

غرفتى القديمه

هدوء الليل

رائحته

هواءه

والموسيقى

موسيقى الليل لها طعم مختلف

يخترقك ويعرف طريقه الى قلبك

تتجاوز كل تضاريس داخلك ..قلبك وروحك

لتستقر حيث لا يمكن لشيئ أن ينتزعها.

*

*

*

تسألنى أى أنثى هى أنا ؟!!

فأجيبك : أنا التى تتنفس الأشياء..

تبحر فى كل شيئ ..

تبحث عن شيئ مجهول

تبحث عن أنا التى تسألنى عنها

تبحث عنها بجنون فى رحلة من الصعب أن يكون لها نهايه

لأننى أبداً لن أستقر داخل سور له عنوان

لن أحبس نفسي فى حدود شيئ

وحبك ابداً لم يكن شيئ..

أنه عالم

عالم لا محدووووود

لولا

[لولا]

مابين بين .. المنطقه التى تفصل كل الأشياء

الحفره بين كل متناقضين ..

لونين ..

فكرين ..

احساسين .

كنت دائماً أظن أن الإنسان يجب ان يتخذ منطقه محدده ..

الغريب انى اكتشفت ان بعض الأمور تحتاج فعلا ان تتعايش معها فى منطقه البين بين !!

لولا

[alsaher]

مابين بين .. المنطقه التى تفصل كل الأشياء

الحفره بين كل متناقضين ..

لونين ..

فكرين ..

احساسين .

كنت دائماً أظن أن الإنسان يجب ان يتخذ منطقه محدده ..

الغريب انى اكتشفت ان بعض الأمور تحتاج فعلا ان تتعايش معها فى منطقه البين بين !!

ياااااااااه

مدام لولا ...

مش عارف ليه الكلمتين دول أثروا فيّ جامد

يمكن لأنهم لمسوا حالة حاسس فيها حاليا !!!

إستمري لولا بالنزف هنا

إحترامي لحضرتك

تم تعديل 2 ديسمبر 2008 بواسطة alsaher

[alsaher]

ألملم الفتات والشظايا

باحثاً بين طيات المستقبل عن هوايَ

أبحث بين كل القلوب عن قلبي المفقود

عن حبّي ..

عن صبايَ ..

عن روحٍ أحببتها بين الحنايا

سألملم ورقي المنثور

وأزرع على وسادتي الزهور

وأصبّّر نفسي عن عيناها بالبلّور

سأمشّط كل البحور

وأمسك بقلمي المكسور

أكتب لها عبارةُ حبٍ عللها تثور

سأناجي القمرَ في الليل المهجور

وأٌ سمِعها صوت عباراتي .. فقلبها بها مسحور

سأذكرها كلّ غروب وكلّ سحور

بحبنا المشتاق... فهو لن يبور

سنأتي ونقطع الورق الذابل وننثر البذور

ونستبدل عبق حبنا بدلا من الريحان والعطور

تم تعديل 4 ديسمبر 2008 بواسطة alsaher

[alsaher]

إلى ملهمتي ....

آه ٌ لو تعلمين ..

كم في غيابك في القلب أنين

وكم أخفي من الشوق والحنين

آه ٌ لو تعلمين ...

أنه في عيناي لأجلك تُنبت ورودا تلك البساتين

آه ٌ لو انك تعودين

لنغتال هموم السنين

لنرسم حروف إسمينا

ولنعلنها نحن عاشقين

تم تعديل 4 ديسمبر 2008 بواسطة alsaher

[Emo]

..حَبِيبْتِي

..شَرْطَه مَايْلَه

..فَرَاغْ

وهَاكْتُبْ لِيهْ حُرُوفْ إِسْمِكْ؟

مَا هُو انْتِي فْ قَلْبِي سَاكْنَه الْقَلْب

عَارْفَه بْقِصِّتِي وْحَالِي

ومِينْ غِيرِكْ فِي قَلْبِي اكْتُبْ لُه مِرْسَالِي؟

..و...... أَمَّا بَعْد

مَانِيشْ عَارِفْ جَوَابِي دَا جَوَابِي الكَّامْ

مَا عُدتِشْ بَاحْسِب الصّفْحَاتْ

مَا عُدتِشْ بَاحْسِب الاّقْلاَمْ

مَا عُدتِشْ بَاحْسِب اللّي ضَاعْ مِن الأَحْلاَمْ

..كِفَايَه انِّي بَاحِبِّكْ بس

..وقَلْبِكْ لَوْ بِقَلْبِي حسّ

أَوْ شَافْ حَالُه فِي بْعَادِكْ

!لَصَلَّى لْرَبُّه واسْتَغْفَرْ لِذَنْبُه...وْصَامْ

قُولِي لِي ازّايْ أَحِبِّكْ حُبّ يِرْضِيكِي؟

أَنَا تَايِهْ... وِنِفْسِي اوْصَلْ أَرَاضِيكِي

دَا لَوْ كَان الْهَوَا بِالسُّهْد

..انَا سِيدُهْ

ولَوْ قُلْتِي انّ حُبِّكْ صُوم

..أَنَا عِيدُهْ

ولَوْ حُبِّك فِدَاهْ قَلْبِي

أَقَطَّعْ قَلْبِي مِيتْ مَرَّهْ

..وَاقَدِّمْ لِكْ عَنَاقِيدُهْ

!وِبِتْقُولِي بَاحِبِّكْ لِيهْ؟

وهُوَّ الْقَلْب مِتْعَذِّبْ كِدَه بْإِيدُهْ؟

بَاحِبِّكْ... حَتَّى لَوْ بِاب الْقُبُول اتْسَدّ

وهَاتْخَيِّلْ صَدَى صُوتِي بِيَاخُدْ كِلْمِتِي وْيِرْجَعْ مَعَاه الرَّدّ

:ولَوْ قُلْتِي لِي مِيتْ مَرَّهْ

.."أَنَا عُمْرِي مَا حَبِّيتْ حَدّ"

هَازيد الْكِلْمَه مِيتْ مَرَّهْ

دِي نُقْطِةْ مَيَّه مِ الْمَطَرَهْ إِذَا فَاضِتْ

..تِهِدّ السَّدّ

وحَتَّى لَوْ فَارِقْتِينِي

..هَاحِبِّكْ فِي الْفُرَاقْ بَرْضُهْ

هَوَاكِي فْ قَلْبِي لَوْ شُفْتِيهْ

..نَوَافْلُه وْسُنِّتُه وْفَرْضُهْ

وحُبِّكْ أَرْضُه

لَوْ تِنْسِيهْ... هَيِنْسَى ازّايْ حَنِينْ أَرْضُهْ؟

ويَامَا فْ نِفْسِي

يَامَا فْ نِفْسِي

تِيجِي لْقَلْبِي وِتْحِنِّي

..ولاَزِمْ تِعْرَفِي إِنِّي

..لاَ انَا عَفْرِيتْ وَلاَ جِنِّي

..بَاحِبِّكْ... بَسّ إِيدِي اقْصَرْ كِتِيرْ مِنِّي

فَمِشْ هَاْقدَرْ

أَجِيبْ لِكْ مِ الدَّهَبْ كَفَّهْ

وَاجِيبْ لِكْ مِ اليَاقُوتْ كَفَّهْ

ومِشْ هَاْقدَرْ

أِجِيب الْوَالِي فِي الزَّفَّهْ

ومِشْ هَاْقدَرْ

أَجِيبْ لِكْ بِيتْ

يِمُوت الْقَطْر لَوْ لَفّ فْ حِمَاه لَفَّهْ

كِفَايَه انِّي بَاحِبِّكْ مُوتْ

وحُبّ النَّاسْ نَدَامَه وْعَارْ

وحُبِّي عَكْسهُمْ عِفَّهْ

ولَوْ تِرْضِي فَعَنْدِي شْرُوطْ

أَنَا طَبْعاً بَاحِبِّكْ مُوتْ

ولَكِنْ بَرْضُه لِيَّه شْرُوطْ

أَنَا عَايْزِكْ تِكُونِي فِي الْوَرِيدْ دَمُّهْ

وِتِبْقِي فْ عَقْلِي انَا هَمُّهْ

وِتِبْقِي وَرْد جُوَّا الْقَلْب

غِيرِي يْشُوفُه يِتْحَسَّرْ... وَلاَ يْشِمُّهْ

وعايزك تفهميني لو كلامي طلّ من رمشي

وعَايِزْ رِمْشِك الْجَارِحْ

صِرَاطْ يِجْرَحْ فُؤَادْ غِيرِي مَايِرْحَمْشِي

وَانَااجِيلِك

أَعَدِّي فُوقْ صِرَاطْ رِمْشِكْ... وَلاَ اخَافْشِي

وحَتَّى لَوْ وِقِعْت فْ يُومْ مِن الْخَضَّهْ

أَقَعْ فِي عْينِيكِي وَاتْوَضَّا

وَاصَلِّي رَكْعِتِينْ لله

وَابُوسْ نِنّ الْعِينِينْ

..وَامْشِي

لاَ انَا طَمَّاعْ

وَلاَ فْ طَبْعِي الأَنَانِيَّهْ

بَاحِبِّكْ

وانْتِي انَا طَبْعاً

ومَا اسْمَحْشِي لِحَدّ يْكُونْ شِرِيكْ فِيَّهْ

وقَبْل مَا يِخْلَص الْمِرْسَالْ

:بَاعِتْ لِكْ مِنْ عِينَيَّه سُؤَالْ

وهُوَّ الْحُبّ كَانْ عِيبَهْ؟

ولَوْ مَرَّهْ حِلِمْت بْضِحْكِتِكْ فِي النُّومْ

عَلَيَّهْ تِتْحَسَبْ غِيبَهْ؟

وفِي الآَخِرْ

بَاعِتْ لِكْ وَيَّا مِرْسَالِي الْجِدِيدْ أَحْلاَمْ

بَلاَشْ تِرْمِيهَا كَالْعَادَه مِنَ اعْلَى الْبُرْجْ

وِخَايِفْ يِبْقَى مِرْسَالِي نِهَايْتُهْ زَيّ أَجْدَادُهْ

!فِي قَلْب الدُّرْجْ

جَنَايِنْ قَلْبِي رَاحْ تِفْضَلْ ولَوْ طَال الْبِعَادْ فَاتْحَهْ

بَاحِبـِّــكْ

قُلْتهَا بِالْكَسْرَهْ

!!!نِفْسِي اسْمَعْهَا بِالْفَتْحَهْ

من ديوان مرسال لحبيبتى للشاعر أشرف توفيق

[alsaher]

مشاركتك رائعة إمو :rolleyes:

بس ياريت تزيدي الخط حته صغيرة بس

لو ما فيهاش غلاسة يعني

[Emo]

الشاعر..رعاك الله..

حقا لمن يسكب روحه لنا..ان ترخص لأجله مزاجاتنا.. :rolleyes:

بس 14 جنيه ونص حق البنط الأكبر

[alsaher]

الشاعر..رعاك الله..

حقا لمن يسكب روحه لنا..ان ترخص لأجله مزاجاتنا..

بس 14 جنيه ونص حق البنط الأكبر

قصد حضرتك الساهر ؟؟

وبالنسبة للخط هو كده حلو على فكرة :rolleyes:

اعتذر لصاحبة المكان لو كنت شتت الموضوع في غيابها

[ELSHAMY]

ابيبات أعجبتنى غناها الحجار:

انتى طلعتيلى منين و دخلتى حياتى ازاى

ف عينيكى حنان و حنين و ف صوتك بحة ناى

طيبتك خلتنى صالحت الزمن الكداب النساى

و فتحت ببان للفرحة الجاية ف العمر الجاى

و بحبك بكل الحنان اللى فيكى

و احبك بكل الجنون اللى فيا

و احب الرضا و السماحة ف عينيكى

و احب ابتسامة شقية خفية

و سلمت عمرى امانة ف ايديكى

و عارفك حبيبة امينة و وفية

انا عشت لوحدى سنين و قفلت عليا الباب

طب شفتك امتى فين و بقينا ازاى احباب

ايه اللى عملتيه فيا و جرحى ازاى على ايدك طاب

صحيتى ربيع العمر يا عمرى و رجعتينى شباب

[ELSHAMY]

وأخرى أعجبتنى :

اسأل عنك مين يا حبيبتى

أسأل عنك مين

دا انا شفتك فى الحلم يتجرى

مش عارف على فين

ايوه الحلم أجمل بكتير

حتى و لو مالهوش تفسير

لو غمضت عيونى باطير

و افهم معنى كلام العين

نفسى أحلم وياكى و انا صاحى نفسى احلم وياكى

و أشوفك نجمة فى صباحى و تاخدينى لسماكى

[ELSHAMY]

قال الشاعر:

القلب تعبان يا خال القلب تعبان يا عم

ليا ليالى طوال فى هم ما يتلم

دا البعد عنكم نار و القرب منكم نار

و العشق و الله مرار و انا برضه لحم و دم

سايق عليكو الهوا يا مدوبنى حنين

من شوقى قلبى انكوى واشكى الامى لمين

لما انتو مش حاسين طب مين بقى يهتم

القلب شايل ما شايل و غيركو مين حيعين

شارى و ليه بايعين يا فرح عمره ماتم

تم تعديل 10 ديسمبر 2008 بواسطة ELSHAMY

[لولا]

حاولت ان ابحث كثيرا عن تلك الكلمات التى قد تختصر حالتى الهائمه فى سماء ذات ظلال لها الف لون ..

فلا أنا وجدت الكلمات ولا الكلمات وجدتنى .

احيانا تضج نفوسنا بزحمة لا متناهيه من المشاعر تتدافع كلها فى ذات اللحظة فلا تنجح فى الخروج

بوضوح كما هى داخلنا . ولكنه الأمل ... الأمل والفرحة والحريه ... جناحان يغطيان سماء لا منتهيه

وحلم هو اقرب للخيال .. ودقات قلب مليئة بالدفئ .

ساحر جدا هو احساس البرد القارص ودفئ غريب يشع من اعماقك . يقولون انها طاقه الحب .. واحسها

طاقه الحياة .. الحياة التى افتقدتها كثيرا ........... جدا.

منير ... صوتك فى الشتا له طعم تانى ..

شىء من بعيد نادانى واول ما نادانى جرالى ما جرالى

و مش بأيدى يا ابا دة مش بأيدى يا ابا

نادانى من يمينى ولسة بينادينى بيقولى حصلينى على بلد العاجايب

نادانى من شمالى قال يا ام المهر غالى

تعالى قوام تعالى خدى من الحب نايب

و مش بأيدى يا ابا دة مش بأيدى يا ابا

[ELSHAMY]

أحيانا -كثيرة- أجد نفسى مجبرا -أمام عمق الكلمات- أن أعيد قراءتها مرات و مرات.....

و الغريب....

أن فى كل مرة تظهر لى معان جديدة ربما عناها من أبدع....

فيزداد يقينى أنى أمام فارس لان له لجام فرس الكلمة....

فأصاب سلاسة القيادة....مع سحر البيان.....

و أصبت أنا بعدوى تقليده...و لكن يبدو أنه هيهات....

........مجرد خاطرة