السعوديين بيحبونا ( تجربة شخصية )

[الحر الأشقر]

أنا سبتكوا تتكلموا على راحتكم و حبيت اعقب على كلامكوا :rolleyes: :lol:

1 ـ في البداية أنا بأتكلم عن ( تجربة شخصية )

2 ـ اكيد فيه مشاكل مرت علي مع إخوة سعوديين و لكن دي المشاكل اخف كتير مما تتخيلوا

3 ـ بالنسبة للأسم أنا حبيته لأن المدام حباه أوي هو و اسم ( فيصل )

4 ـ اما بالنسبة لوضعي في العمل ففيه الي هوا اكبر مني ( على فكرة المدير بتاع القسم مصري يمتلك لسان سليط و دم تقيل و يحب ينسب نجحات القسن ليه ) و انا شغال إداري لا أكثر و لاأقل

5 ـ أهل الحجاز ( جدة ـ مكة ـ المدينة ـ الطائف ) متعودين على الحجاج و يعرفوا يتعاملوا مع كل جنس

6 ـ الأخ ( Virus ) للأسف نحن المصريين عندما نسافر لاي مكان في الدنيا ننظر للسلبيات و نترك الإيجابيات ، فأنت متلا في المدينة عند مسجد و قبر الرسول ( ص ) و بتقول الكلام ده أما الي حاصل في شرم الشيخ و الصياعة الي فيها و الغربيين و الاسرائيين الي فيها حتقول ايه ( اترك السلبي و تعلق بالايجابيات )

7 ـ قصة قصيرة (( معايه زميل سوري في القسم حكيتلوا على الي سمعتوا عن السعوديين قبل ما أسافر من مصر فقلي أني سمعت نفس الكلام ده فسوريا و لكن الوضع مختلف لما جينا هنا و شوفنا العكس و على فكره هو إشتغل في الكويت و قطر و ما ارتحش فيها زي جدة ))

8 ـ أحلى حاجه في السعودية لما يحل وقت الصلاه كل المحلات بتقفل و يروحوا يصلوا .

9 ـ أنا بأروح مكة كل شهر و المدينة كل 3 أشهر و الحج كل سنة ( فيه أحلى من كدا )

10 ـ نقطة مهمة نسيت أحكيهالكوا ( المدام ) عندي من عائلة منفتحة جدا خفت إن الوضع ماينسبهاش فلقيت أنها مبسوطة عالأخر و عايزة ( تولد ) هنا ،،،، بس المشكلة إن المستشفى الي متعاملة معاها الشركة ( مستشفى سليمان فقيه ) معروف عنها بين الزملاء أنها بتعمل عمليه ( شفط ) للجنين و دا الي مخوفني و بفكر أعرضها في مستشفى تاني و ارجو إنكم تدلوني عل المستشفى و اسم الدكاترة الي فيه

11 ـ ما نستغنيش عن تعليقاتكم الجميلة الممزوجة بالغربة

[الحر الأشقر]

السعودية والملك عبد الله تحتل المركز الأول :

( منقول من مجلة الفرسان القطرية )

جاءت المملكة العربية السعودية في المرتبة الأولى بين الدول العربية والإسلامية -التي شملها استطلاع للرأي أجرته مؤسسة أمريكية بارزة وأُجري في 47 دولة في العالم، من بينها 11 دولة عربية وإسلامية- من حيث أعجاب الدول بها كما حظي العاهل السعودي الملك عبد الله بن عبد العزيز على المرتبة الأولى بين قادة الدول الإسلامية أيضا من حيث الإعجاب بسياسيته الخارجية.

وأظهر استطلاع أجرته مؤسسة "بيو" الأمريكية الشهيرة عن الاتجاهات العالمية في العالم، والذي صدر مؤخرا أن أغلبية الشعوب الإسلامية التي شملها الاستطلاع قالت انها تنظر الى السعودية "نظرة إيجابية"، في حين جاءت مصر في المرتبة التالية للمملكة بفارق ضئيل.

وكان المصريون أكثر الشعوب العربية والإسلامية تعبيرا عن آراء إيجابية تجاه السعودية بنسبة 91%بمعنى أن تسعة من كل عشرة مصريين قالوا أنهم راضون عن المملكة العربية السعودية، في حين جاءت الأردن في المرتبة الثانية من حيث الإعجاب بالسعودية بنسبة 90 بالمائة من الأردنيين، واحتلت الكويت المرتبة الثالثة بنسبة إعجاب بالسعودية 79 في المائة من شعبها ثم 65 بالمائة بين الفلسطينيين، و82 بالمائة من اللبنانيين (بأغلبية ساحقة بلغت 94% بين سنة لبنان، انخفضت إلى 64% بين الشيعة).

وعبرت شعوب أخرى في العالم الإسلامي عن آراء إيجابية تجاه السعودية، بنسبة 87 % في باكستان، و86 %في إندونيسيا و63%في ماليزيا.

مصر تحل ثانياً :

وقد جاءت مصر في المرتبة التالية مباشرة بعد السعودية، فيما يتعلق بالآراء الإيجابية للشعوب الإسلامية تجاهها، حيث عبرت سبع دول إسلامية من بين الـ11 دولة (غير مصر) التي أُجري فيها الاستطلاع عن آراء إيجابية تجاه مصر، تراوحت بين 55 % في المغرب و88 %في الأردن.

ومن جانب آخر، وبحسب وكالة أنباء أمريكا إن اربيك، أظهر الاستطلاع أن العاهل السعودي الملك عبد الله يحظى بثقة واسعة بين معظم شعوب الشرق الأوسط وبخاصة الدول ذات الأغلبية المسلمة،حيث قال 88 % من المصريين إنهم يثقون في قيام الملك عبد الله بما هو "صحيح في الشئون العالمية"، وهو الرأي الذي عبر عنه أيضا 83 % من الكويتيين، و81 %من الأردنيين، و79 %من اللبنانيين.

وفي المقابل حصل الرئيس الأفغاني حامد كرزاي على أقل مستوى من الثقة في الشرق الأوسط؛ حيث قال 51 % من المصريين إنهم لا يثقون في كرزاي، وهو ما عبر عنه 54 بالمائة في الأردن، و57 %في لبنان، وكانت النسبة الأعلى بين الفلسطينيين الذي عبر 65 %منهم عن عدم ثقتهم في أداء الرئيس الأفغاني.

وبحسب الاستطلاع، جاءت المملكة العربية السعودية في المرتبة الأولى كأكثر دولة يُعتمد عليها بين أربعة من سبعة دول عربية وإسلامية في الشرق الأوسط، حيث قالت أغلبية اللبنانيين (57 بالمائة) إنهم يعتبرون السعودية أكثر حليف يُعتمد عليه بالنسبة لبلدهم، تلتها فرنسا بنسبة 53 بالمائة كحليف يعتمد عليه بالنسبة للبنان.

وقالت نسبة كبيرة من الشعوب العربية إنها تعتبر السعودية أكثر حليف يعتمد عليه بالنسبة لبلدهم، وهو ما قاله 44 بالمائة من المصريين و48 بالمائة من الكويتيين، و42 من الأردنيين.

لكن دولا أخرى في المنطقة حظيت بثقة الشعوب العربية كحليف موثوق به، لكنها جاءت بعد السعودية في المرتبة، حيث قال 41 % من الأردنيين إن مصر حليف يُعتمد عليه بالنسبة لبلدهم، بينما اعتبر 62 %من شيعة اللبنانيين إيران حليفا وثيقا لبلدهم، فيما قال 51 % منهم إن سوريا تمثل حليفا وثيقا أيضا.

واعتبرت شعوب أخرى خارج المنطقة العربية أن السعودية تمثل أكثر حليفا موثوق به بالنسبة لبلدهم؛ حيث اعتبر60 % من الباكستانيين أن السعودية تمثل أكثر حليف يُعتمد عليه بالنسبة لبلدهم، ثم جاءت الصين بعد المملكة كحليف لباكستان بنسبة 58%من الباكستانيين]

[Ghooost]

والله انا شايف الموضوع دمه خفيف . بس عندى كام ملاحظه على اسباب حبك للسعوديين . مش قصدى انهم وحشين بالعكس هما بشر زينا فى الحلو والوحش . انا بس تعليقى على الكلام اللى انت كتبته .

3 ـ بالنسبة للأسم أنا حبيته لأن المدام حباه أوي هو و اسم ( فيصل )

انت حيرتنى معاك انت حابب اسم سعود عشان السعوديين ولا عشان المدام بتحبه وعلى العموم ياسيدى ربنا يخليلك المدام .

4 ـ اما بالنسبة لوضعي في العمل ففيه الي هوا اكبر مني ( على فكرة المدير بتاع القسم مصري يمتلك لسان سليط و دم تقيل و يحب ينسب نجحات القسن ليه ) و انا شغال إداري لا أكثر و لاأقل

ليه طالما اقترن لقب مدير بمصرى يبقى شخص استغفر الله . لأ طبعا فى فى ناس زى الفل زى السعوديين اللى بتحبهم . انا عن نفسى بحب المديرين المصريين وبفكر اكتب تجربه شخصيه اسمها المديرين المصريين بيحبونا فى الغربه

6 ـ الأخ ( Virus ) للأسف نحن المصريين عندما نسافر لاي مكان في الدنيا ننظر للسلبيات و نترك الإيجابيات ، فأنت متلا في المدينة عند مسجد و قبر الرسول ( ص ) و بتقول الكلام ده أما الي حاصل في شرم الشيخ و الصياعة الي فيها و الغربيين و الاسرائيين الي فيها حتقول ايه ( اترك السلبي و تعلق بالايجابيات )

لا علاقه بين اللى انت بتقوله وبين اللى بيقوله الأخ viurs هو بيتكلم عن اشخاص وسلوك وانت بتتكلم عن اماكن دينيه وروحانيات ولو كان دا قصدك مش كان هيبقى الموضوع بالعنوان اللى انت كتبته

8 ـ أحلى حاجه في السعودية لما يحل وقت الصلاه كل المحلات بتقفل و يروحوا يصلوا .

نفس الملاحظه السابقه

9 ـ أنا بأروح مكة كل شهر و المدينة كل 3 أشهر و الحج كل سنة ( فيه أحلى من كدا )

نفس الملاحظه السابقه . واضح ان فيه خلط عندك مابين انك مبسوط فى مكان عشان هو فيه ايه وبين سلوك الناس معاك (بس برده دا مش معناه انهم وحشين ) دا مجرد تعليق على نقطه كتبتها .

10 ـ نقطة مهمة نسيت أحكيهالكوا ( المدام ) عندي من عائلة منفتحة جدا خفت إن الوضع ماينسبهاش فلقيت أنها مبسوطة عالأخر و عايزة ( تولد ) هنا ،،،، بس المشكلة إن المستشفى الي متعاملة معاها الشركة ( مستشفى سليمان فقيه ) معروف عنها بين الزملاء أنها بتعمل عمليه ( شفط ) للجنين و دا الي مخوفني و بفكر أعرضها في مستشفى تاني و ارجو إنكم تدلوني عل المستشفى و اسم الدكاترة الي فيه

انا مش عارف ايه اللى مخلى النقطه دى مهمه اوى . ايه اللى فى النقطه دى بيوضح ان السعوديين بيحبونا او بيكرهونا . وايه علاقة انفتاح المدام بانبساطها بانها عايزه تولد هنا بحب السعوديين أو كرههم لينا . (نقطة مهمة نسيت أحكيهالكوا ( المدام ) عندي من عائلة منفتحة جدا خفت إن الوضع ماينسبهاش فلقيت أنها مبسوطة عالأخر ) ربنا يخليك للمدام ويخلى المدام ليك . بس اتمنى تعيد نظر فى صياغة الجمله دى

:happy: :lol:

11 ـ ما نستغنيش عن تعليقاتكم الجميلة الممزوجة بالغربة

زى ماذكر الأخوه فى كل بلد فى الكويس والوحش . وانا اعرف من السعوديين الكويس أكتر بكثير من الوحش . بالمناسبه انا احتكاكى المباشر بالسعوديين تقريبا هما 7 اشخاص .

وكل سنه وانت طيب

[النجم الثاقب]

مع احترامى لجميع الآراء .. و برغم ان هناك مواضيع أخرى كثيرة مشابهة .. و مع يقينى ان هناك مواضيع اخرى مشابهة سوف تطرح ان شاء الله .. النقطة التى ستدور حولها معظم المداخلات انه ليس كل المصريين و ليس كل السعوديين و ليس كل الناس فى العالم سيئين .. هناك الجيد و هناك السيىء فى كل مكان .

تقبلوا تقديرى .

خلص الكلام ( بعد اذن الاستاذ شريف عبد الوهاب )

[Amr Radwan]

انا اول ما شوفت عنوان الموضوع ده افتكرته تريقة و سخرية و لكن عند مشاهدة الموضوع اكتشفت ان الموضوع بجد و ان صاحب الموضوع فعلا مبسوط من السعوديين ..

و بصراحة .. ممكن نبص علي الموضوع ده من زاويتين ..

الزاوية الاولي : "النظر الي النصف الممتلئ من الكوب" او النظرة الايجابية

و دي بتخلي فيه راحة نفسية و خاصة ان الدنيا مليانة بلاوي و لو الوحد قاعد يبص علي النص الفارغ من الكوب او "السلبيات " فقط هتكون حياته عذااااااااب و لن يستمتع باي لحظة في حياته و لذلك الحل هو "البحث عن الايجابيات" و الابتسام للحياه .. حتي نكون مستريحين نفسيا و ما نكونش "مبوزين" :happy:

الزاوية الثانية : "الواقعية"

و دي معناها تكميلي للزاوية الاولي .. يعني ما نعيش علي طول في مود الابتسام للدنيا و ان كل حاجة حلوة و ما فيش اي مشاكل و الشعب مبسوط خالص يا ريس :lol: الطبيعي ان يكون فيه حاجات سلبية مش كله ايجابي و الحل معاها هو التعامل بعقلانية و منطقية و محاوله حلها مش الهروب منها و نقول المفروض اننا نبص علي الايجابيات بس ..

الخلاصة ..

انا بحب اشوف اي حد متفائل و مبسوط مش دايما هموم الدنيا مليا دماغه .. و علشان كده انا سعيد بالموضوع ده

و في نفس الوقت .. لا افضل تعميم "صفة" علي شعب او مجموعه من الناس لانها دايما بتظلم ناس كتيرة اذا كانت صفة سيئة او بتعمل هاله من الصفات الجيدة علي ناس كتيرة لا تستحقها ايضا ..

و في النهاية ..

شاكر ليك موضوعك و ان شاء الله نقابلك علي خير في التجمع "تجمع المصريين في جدة" :blink:

[Virus]

مع احترامى لجميع الآراء .. و برغم ان هناك مواضيع أخرى كثيرة مشابهة .. و مع يقينى ان هناك مواضيع اخرى مشابهة سوف تطرح ان شاء الله .. النقطة التى ستدور حولها معظم المداخلات انه ليس كل المصريين و ليس كل السعوديين و ليس كل الناس فى العالم سيئين .. هناك الجيد و هناك السيىء فى كل مكان .

تقبلوا تقديرى .

خلص الكلام ( بعد اذن الاستاذ شريف عبد الوهاب )

يا سيدي الفاضل.أتفق معك تماما وكلنا يعلم هذا

كلامنا هنا عن "الأغلبية" ..وأنا وغيري نعتقد جداً أن الأغلبية تميل في صالح عدم حب المصريين على عكس الطبيعي والمتوقع من شعب يشترك معنا في اللغة والدين والقومية والجوار فضلاً عن إسهامات شعبنا في بناء حضارته!!

وعشان كده..مخلصش الكلام ومش هيخلص أبداً طالما استمر هذا الخلل :happy:

[حسام يوسف]

ومن الحب ما قتل

[Diab]

حسام يوسف مشاركة بتاريخ اليوم, 01:35 PM

ومن الحب ما قتل

:lol:

[الحر الأشقر]

شكرا لكل الي إتكلموا عن دا الموضوع و شاركوني فيه و أنا لي بعض الملاحظات و يمكن إجمال نتائج الحوار بما يلي :

1ـ وصلت لنتيجة إننا نحن المصريين بنبص فالسلبيات و مانزكرشي الايجابي و لو زكرناه حيكون مرور كرام

2 ـ التدقيق على أمور صغيرة في العمل و نعمل من الحبه قبه فيه

3 ـ ( إننا سبب في نهضة بلدان الخليج ) باين

4 ـ الإعلام المصري ( يحاول ) يفرق بين الشعوب للأسف .

5 ـ أكرر انا بأتكلم على ( تجربة شخصية ) مبسوط فيها عالأخر

6 ـ الطريقة للعودة لمصر و معايه قرشين محترمين مش لاقيها لغايه دلوقتي

7 ـ ( تجمع المصريين في جدة ) يجب أن يكون كلام رجاله

8 ـ :D :D :lol:

9 ـ مبحبش رقم ( 8 )

10 ـ الرجاء عدم التعليق على الموضوع دا تاني لاني حاسيت مايلي :

أ ـ مفيش فايدة من طرح هكذا موضوع لا للمصريين و لا للسعوديين

ب ـ في كل بلد حتلاقي كويسسين و وحشيين ( إن شاء الله ماألاقيشي )

ج ـ خرجت بفائدة و تصور شامل عل كل مايدور في عقول المتغربيين ( باي باي )

[Amr Radwan]

الواضح انك ما بتحبش النقاش .. و زعلت .. ليه مش عارف ..!!!

انت طرحت موضوع عن "تجربة شخصية" خاصة بك و "سعيد بيها" علي حد تعبيرك و علشان هي تجربة شخصية ممكن تختلف من شخص لاخر .. صح و لا كلامي غلط ؟!؟! و مش غلط ان الناس ترد و تعبر عن تجاربهم الشخصية برده و سواء كانت التجارب بتاعت الاعضاء في المنتدي عكس تجاربك او معاك في صفك .. تزعل و تطلب عدم الرد علي الموضوع !!!

علي فكرة ..

تجمع المصريين في جدة "حقيقة" و يا ريت تشوف الموضوع ده "تجمع المصررين في جدة"

بالاضافة الي التجمعات الجميله اللي سمعت عنها في السفارة المصرية في الرياض .. و خاصة افطار رمضان

اخي الكريم : الحر الاشقر

ندعو لك الله التوفيق بس المهم لما تحصل لك مشكلة معاهم ما ترجعش و تعمل موضوع جديد "السعوديين بيكرهونا (تجربة شخصية)"

[قديم]

مره اخــري عزيز الحر الاشقر

الموضوع جميل جدا ومحل نقاش وابداء راي وتحاور بين الاعضاء كل حسب رايه الشخصي وتجربـته فالموضوع جدا مثير وذو شجون . وتابعت الموضوع وردود الاخـوه المتحاورين على اختلاف وجهات نظرهم . وكنت استعد لاضافـه تعليق .

فما اكتبه او تكتبه او يكتبه الاخرون هنا لا يعدو نا يكون نقاشا وقناعات خاصـه . وما دمت اثرت قفل الموضوع ساحتفظ بتعليقي احتراما لارادتك ويبقي الود بيننا ما بقي الاحترام

تحياتي وتقديري .

تم تعديل 18 سبتمبر 2008 بواسطة قديم

[elcamello]

السلام عليكم جميعا ... احب اقول رأيي في الموضوع .. و اتمني ان ما حدش يزعل من كلامي .. احنا في الاول و في الاخر بننصح بعض و بنتبادل خبراتنا.. انا اولا ضد اثارة النعرات القومية تماما .. و لا أؤمن بموضوع الجنسيات .. المفروض ان العرب و المسلمين كلهم اخوة... انا كنت متواجد في السعودية من فترة بسيطة.. اقل من سنة .. و مجال عملي يحتم علي الإحتكاك بمواطنين سعوديين.. و لم اري اي شيء ينم عن عداوة او كرة للمصريين .. بس الاهم من كدة ان انا شايف ان فية نقطة سلبية لازم كلنا نتخلص منها .. و هي اننا بننتقد الاخرين علي اشياء احنا اول ناس بنعملها ...السعودية من الدول اللي بتستقبل عدد مهول من الوافدين سنويا سواء للحج او العمرة او العمل .. و لا يوجد اي دولة في العالم تستقبل هذا العدد سنويا ... من احتكاكي ببعض المصريين هناك وجدت ان فية فكرة متأصلة عندهم و هي ان طالما انت مصري يبقي انت عبقري و جامد قوي و لازم الاخرين يحترموك لمجرد انك مصري و الفكرة التانية المتأصلة عندهم بردة هي ان السعوديين مش بيفهموا حاجة في اي حاجة و انهم بيكرهونا و ما الي ذلك .. مع ان الاشخاص دي كانت لسة واصلة السعودية مابقالهمش ايام معدودة و ماشافوش من السعوديين و لا غيرهم لا حلو و لا وحش.. بس هما جايين واخدين الحقنة دي من مصر .. من بعض النماذج سواء السيئة او قليلة الحظ اللي واجهت مشاكل هناك و رجعت مصر تحكي و تعمم ان كل الناس هناك وحشة و متكبرة..ان افضل ان كل واحد يتحمل مسؤلية نفسة و يخوض التجربة بنفسة و يكون محايد ..لما تعامل اي شخص و انت متحفز و منتظر منة سوء المعاملة .. اكيد حاتعتبر اي حاجة بيقولهالكم سوء معاملة حتي و لو كنت بتتعامل اسوأ من كدة في بلدك بواسطة مديرينك في العمل او بواسطة الشرطة في بلدك و مفيش داعي نحكي عن المعاملة في مصر و خصوصا في السنوات الاخيرة لأن عدم الأحترام بقي هو الشعار السائد في كل حتة ... و انا بردة مش بأعمم .. ارجو من اي حد يتعرض لموقف في الغربة انة يقف مع نفسة و يفكر كدة لو عكسنا او تبادلنا الادوار و لو الموقف دة دار في بلدة هو كان حايتصرف ازاي .. بعد كدة يحكم علي الشخص اللي قدامة.. ارجو اكون ما طولتش عليكم...

[jonior]

كلامك صحيح فعلا، انا كنت فى السعوديه فى المرحله الابتدائيهمع الاسره و عانيت الامرين من معامله السعوديين، و حاليا انا رجعت السعوديه للعمل بعد 12 سنه تقريبا ، و فوجئت بالاخوه السعوديين زملائى فى العمل انهم ناس غايه فى الاحترام و الادب و الذوق، ده ما يمنعشى ان السعوديه زى اى مجتمع فيه الكويس و فيه الوحش، بس الغالبيه العظمى ناس محترمه، لكن فى بعض اهل السعوديه من الباديه و دى ناس كريمه و كويسه، بس طبعهم جاف شويه و هو ده اللى بيعطى الانطباع السئ، و دى حاجه طبيعيه جدا نظرا لطبيعه الحياه الصحراويه، و لكن بشكل عام الناس دى محترمه جدا

[نجوم]

السلام عليكم

مشكور يا الحر الاشقر

بارك الله فيك

وانت واضح انك انسان طيب جدا واخلاقك عاااااالية

لك مني اجمل التحيات

[دكتور مصري]

مداخلة غير مقبولة على الإطلاق ...

سي السيد

الإدارة

[elshafey]

إخواني وأخواتي:

عاملوا الناس كما تحبوا أن يعاملكم الناس

هذا هو المختصر المفيد بمعني حتي لو عاملوكوا معاملة سيئة عاملوهم بالحسني مرة واثنان وثلاث وصدقوني سيتغيروا بالرغم عنهم

أنا لم اسافر حتي الان ولم اذق طعم الغربة وليست يدي في النار كما يمكن ان يقول بعضكم ولكن البشر لا يختلفون من مكان لآخر

تحياتي

[Dr.mmfriend]

السلام عليكم

حبيت بس اسجل مرورى هنا

بس كده

والسلام عليكم

[YaserK]

السعوديين بيحبونا؟؟؟؟؟؟؟!!!!

السعوديين مبيحبوش غير نفسهم وبس

أنا مش هناقشك في سلوكيات الأفراد لأن دي عايزة بحث طويل ومفصل لكن هضربلك كذا مثال وانت احكم بنفسك..

لما تكون بتشتغل في مكان وبتقبض مرتبك, وفي واحد غيرك بيشتغل في نفس وظيفتك وله نفس مؤهلاتك ويمكن أقل وبيبذل أقل من مجهودك لكن بيقبض 3 أو 4 أضعاف مرتبك لمجرد انه سعودي, مش ده يبقى تمييز وعنصرية؟؟

لما تاخد أجازة العيد 4 أيام والسعودي ياخدها 18 يوم, مع انكم بتشتغلو في نفس المكان وتحت نفس المسمى الوظيفي, مش ده يبقى تمييز وعنصرية؟؟

ده الجو العام اللي سائد في السعودية, وده تمييز وعنصرية يحميها النظام السعودي, ومش هنتكلم على نظام الكفيل الممقوت من كل العالم, ومش هنتكلم على هيئة الأمر بالمعروف والنهي عن المنكر اللي صلاحيتها تجاوزت كل الحدود وخاصة مع غير السعوديين, ومش هنتكلم عن عنصرية السعوديين بصفة خاصة ضد العمال الآسيويين وخادمات المنازل اللي بيتعاملو زي العبيد.. أدخل على أي منتدى سعودي وهتشوف عروض البيع والتنازل عن الخدم مقابل مبالغ مبالية رجعتنا تاني لعصر الرق والنخاسة..

بالفعل في شريحة كبيرة من السعوديين مبيحبوش المصريين, وتفسيري لكده ان المصريين بيشتغلو في وظايف السعوديين نفسهم مبيفهموش فيها ولا هيفهمو فيها, زي الطب والهندسة والتعليم, وده دايما بيحسس الشريحة دي بالدونية, فبيحاول يعوضو النقص ده ببعض التصرفات المتعالية..

المسألة دي قتلت بحثا ومحدش وصل للنتيجة اللي بتقول ان السعوديين بيحبونا غير صاحب الموضوع ده..

[Amr Radwan]

مداخلة غير مقبولة على الإطلاق ...

سي السيد

الإدارة

بصراحة انا شوفت المداخلة فعلا و حسيت انها صعب تطلع من دكتور ..

شكرا للادارة علي حذف التعليقات من هذا النوع ..

[elshafey]

السعوديين بيحبونا؟؟؟؟؟؟؟!!!!

السعوديين مبيحبوش غير نفسهم وبس

أنا مش هناقشك في سلوكيات الأفراد لأن دي عايزة بحث طويل ومفصل لكن هضربلك كذا مثال وانت احكم بنفسك..

لما تكون بتشتغل في مكان وبتقبض مرتبك, وفي واحد غيرك بيشتغل في نفس وظيفتك وله نفس مؤهلاتك ويمكن أقل وبيبذل أقل من مجهودك لكن بيقبض 3 أو 4 أضعاف مرتبك لمجرد انه سعودي, مش ده يبقى تمييز وعنصرية؟؟

لما تاخد أجازة العيد 4 أيام والسعودي ياخدها 18 يوم, مع انكم بتشتغلو في نفس المكان وتحت نفس المسمى الوظيفي, مش ده يبقى تمييز وعنصرية؟؟

اعتقد ان كل دولة من حقها تحمي مواطنيها من البطالة ودي الطريقة اللي شايفاها حكومة السعودية لحماية مواطنيها و اقتصادها من البطالة

وهما بيفكروا بطريقة (( Take it or leave it))

وهي دي طريقة تفكيرهم للحماية

فلنفترض ان ابني مش كفاءة ادارية وعندك شركة هتفضل وراه وتعلمه ولا هتجيب حد ياخد الجمل بما حمل

هذه وجهة نظري مع احترامي للاراء الاخري

تحياتي