السعوديين بيحبونا ( تجربة شخصية )

[khatabmohammed]

والله أخى الكريم كفيلى ظالم وحقير ومغرور ومخه فوت ولكن والله أنا احتك بهم كثيرا من خلال عملى كمندوب بشركة كانت كبيرة والله لى منهم اصحاب يحبوننا كثيرا ويدخلون بيتى وادخل بيتهم وعيش وملح ولو طلبت منهم ايه لنفذوه لك لو فى امكانهم ولكن اخى الكريم المشكلة فينا احنا مبنحبش بعض ونتعالى على بعض للأسف وشكرا على حقيقة شعورك وربنا يحبب فيك خلقه واكيد انت شخص كويس لأن السعودى لا يحيب الا من احبه وارتاح له فعلا .

[tarek nokia]

السلام عليكم

الرجاء من ادارة المتندى اغلاق المواضيع الغير مفيدة كهذا الموضوع الذي يجعل السعوديين وغيرهم يكرهونا بجد وانا مش عارف يا اخي الي مش عاجبه البلد يمشي وبلاش كل واحد يصور نفسه غلبان وان السعوديين وحوش او غيرهم ياراجل لو انت مش مستريح وعايش احسن من بلدك بمراحل ماكنتش اصلا فضيلت هنا ولا اي واحد متغرب مافيش حد يغصب حد علا حاجة مش عايزها وياريت نتكلم بشيء يفيدنا بغربتنا مش نشتم بخلق الله احنا عرب يعني اخوان ومسلمين كمان

[ابو حودة]

السعوديين بيحبونا؟؟؟؟؟؟؟!!!!

السعوديين مبيحبوش غير نفسهم وبس

أنا مش هناقشك في سلوكيات الأفراد لأن دي عايزة بحث طويل ومفصل لكن هضربلك كذا مثال وانت احكم بنفسك..

لما تكون بتشتغل في مكان وبتقبض مرتبك, وفي واحد غيرك بيشتغل في نفس وظيفتك وله نفس مؤهلاتك ويمكن أقل وبيبذل أقل من مجهودك لكن بيقبض 3 أو 4 أضعاف مرتبك لمجرد انه سعودي, مش ده يبقى تمييز وعنصرية؟؟

لما تاخد أجازة العيد 4 أيام والسعودي ياخدها 18 يوم, مع انكم بتشتغلو في نفس المكان وتحت نفس المسمى الوظيفي, مش ده يبقى تمييز وعنصرية؟؟

ده الجو العام اللي سائد في السعودية, وده تمييز وعنصرية يحميها النظام السعودي, ومش هنتكلم على نظام الكفيل الممقوت من كل العالم, ومش هنتكلم على هيئة الأمر بالمعروف والنهي عن المنكر اللي صلاحيتها تجاوزت كل الحدود وخاصة مع غير السعوديين, ومش هنتكلم عن عنصرية السعوديين بصفة خاصة ضد العمال الآسيويين وخادمات المنازل اللي بيتعاملو زي العبيد.. أدخل على أي منتدى سعودي وهتشوف عروض البيع والتنازل عن الخدم مقابل مبالغ مبالية رجعتنا تاني لعصر الرق والنخاسة..

بالفعل في شريحة كبيرة من السعوديين مبيحبوش المصريين, وتفسيري لكده ان المصريين بيشتغلو في وظايف السعوديين نفسهم مبيفهموش فيها ولا هيفهمو فيها, زي الطب والهندسة والتعليم, وده دايما بيحسس الشريحة دي بالدونية, فبيحاول يعوضو النقص ده ببعض التصرفات المتعالية..

المسألة دي قتلت بحثا ومحدش وصل للنتيجة اللي بتقول ان السعوديين بيحبونا غير صاحب الموضوع ده..

ما أود ان اقوله هنا ان كان هناك فارق في الراتب بين صاحب البلد ( سعودي ) وغيره من الاجانب ( مصري او غيره ) فان الرد بسيط اذا كان لك قريب توفي وله تركه وانت الوريث هل سيقول لك احد انك لم تتعب لتأخذ هذه الاموال ولا تشاركنا فيها أمر طبيعي ان يكون هناك توزيع للثروة والزيادة غير المبررة من وجهة نظرك هي احدى طرق توزيع الثروة

[لولا]

سؤال يحيرنى جدا ........... بعد كل هدا الكم من الحُكم على السعوديين بأنهم كدا أو كدا ما الفائدة من هدا الموضوع ؟؟؟؟؟؟؟؟؟؟

ماهى القيمة فيه ؟؟ ما هى الفائدة ؟؟

وما آثاره السلبيه ؟؟ وأيهما يغلب على الآخر ؟؟

أن يفتح موضوع بنيه طيبه من صاحبه يتحول لساحة هجوم على شعب شقيق امر غير منطقى .

دائما ننسي اننا اخوه وعرب وان النقد يختلف تماما عن التطاول وعن الهجوم .

أعرف الكثييييييييييير من السعوديين ممن يحملون فى جعبتهم مئات القصص السيئة جدا عن التعامل

مع مصريين فى اجازاتهم الصيفيه للسياحه هل من اللائق ان يدخلو هنا ويفردو الصفحات لسرد تلك الحكايات

لتقرير الحكم على شعب كامل من واقع تعاملات وتجارب شخصيه ؟؟؟

فقط لنترفع عن كل مشاعر سلبية ولنتعامل بحب ، لأن من يزرع الحب يحصده. وعامل الناس كما تُحب أن يعاملوك

أحبهم ليحبوك .

تحياتى للجميع .

لولا

[عاشق]

الموضوع جدا شائك

بيحبونا مبيحبوناش

هما زي اي شعب فيهم الصالح وفيهم الطالح اذا كان بالسعوديين ام المصريين ام ....... الخ

ونسأل الله ان يكون فينا وفيهم الصالح اكثر واكثر

لاننا جميعا اولا واخيرا امه مسلمه ودولة عربية

هما منا واحنا منهم

يا ريت نفسي وامنية عيني انه لو مفيش تكامل عربي

نعمله احنا

بجد لازم نبص ونشوف نفسنا مع بعض مش كل واحد لحالة وهناك صراع

عوزين النظرة الشمولية والجماعية مش ده ضد ده

لان مصيرنا واحد شئنا أم ابينا ...

مع تحياتي للجميع

[YaserK]

أعربت نقابة الأطباء عن تضامنها مع الطبيب المصري رءوف أمين محمد العربي أخصائي الجراحة العامة، الصادر ضده حكم بالحبس 15 سنة بجدة بالمملكة العربية السعودية والجلد 1500 جلدة، بواقع مائة جلدة أسبوعيا في الشكوى المقدمة ضده من أحد الأمراء بـ "التسبب في إدمان زوجته".

وأكد الدكتور حمدي السيد نقيب الأطباء المصريين، أن الدعوى المرفوعة من الأمير الذي لم يذكر اسمه صدر فيها حكم ابتدائي منذ عامين يقضى بحبس الطبيب المصري 7 سنوات فقط زيدت في الحكم الاستئناف إلى 15 سنة و1500 جلدة كمعاقبة للطبيب على لجوئه إلى استئناف الحكم الابتدائي.

وكانت سلطات سجن جدة المحبوس به الطبيب المصري، والذي كان يعمل بمستشفى السلام بجدة بدأت تنفيذ أولى جلسات الجلد الأسبوع الماضي، على أن يكون الأحد بعد المقبل موعدًا لتنفيذ الجلسة الثانية.

وأضاف السيد أن النقابة بدأت الاتصال بوزارة الخارجية والسفارة المصرية بالسعودية من أجل أن ينال الطبيب الحاصل على دكتوراه في إدارة المستشفيات والمقيد برقم54816 في 31/3/1983، قدرا أوفر من العدالة وإظهار موقفه بوضوح في القضية.

وقال إنها ليست المرة الأولى التي يتعرض فيها الأطباء إلى مثل هذا الموقف حيث يتعرضون من حين إلى آخر لمظالم كثيرة، وتتكرر مثل هذه الحالات كل عدة أسابيع أو كل شهر، مشيرا إلى أن ذلك ما يجب أن تكون عليه العلاقة بين الشقيقتين مصر والسعودية.

وأضاف، قائلا: نحن لا نتمنى أن يخرج طبيب مصري خارج الحدود، إلا إذا كان مرحبا به ويأخذ حقوقه كاملة ويعامل حسب القواعد الدولية المعروفة، فلا نريد لهم أن يعملوا بالسخرة في إحدى المستوصفات وتسحب رخصته ويوضع تحت رعاية كفيل ويلفق له التهم.

منقول عن جريدة المصريون والموقع الرسمي لدار الحكمة (النقابة العامة لأطباء مصر)

http://www.ems.org.eg/akhpar_hama/1-25-10-08.htm

[طوبى للغرباء]

انا عن نفسى بحب السعودية بصراحة جميع الامور هنا ميسرة الى حد كبير

اما بالنسبة للسعودين اكيد فى منهم الكويس وفى منهم ;) ولكن اللى عاوزة اقوله ان للاسف هناك بعض المصريين

سلوكيتهم سيئة جدا وهذا ماجعل السعوديين ينظروا لنا نظرة وعشان كدة عندهم انطباع سىء عن المصريين

معى سعوديات فى الشغل بيستغربوا منى لما يعرفوا انى مصرية يقول مش ممكن تكونى مصرية قلت لهن والله هناك من

هم افضل منى مش معنى انكم شفتوا نموذج سئ نعمم على الشعب كله وقلت لهم انهفى كل بلد فى فيه الصالح

والطالح

[الحر الأشقر]

رغم مرور وقت على طرحي لهذا الموضوع ( الجدلي ) إلا أنو لغايه دلوقتي الردود بتتوالا كمان و كمان

و الخلاصة : كل ناس فيهم الكويس و فيهم الوحش

أنتظروني في مواضيع ( جدلية ) أخرى باااااااااااااااااااااااااااااي

:blush2: ;) :harp:

[طنطاوي]

بداية اشكر صاحب الموضوع على طرحه

وأود أن أقول أن معاملة الناس لك هي كالمرآة التي تنظر فيها فإن كنت بشوشًا فسوف ترى صورة وجه بشوش والعكس صحيح

للأسف الشديد معظم العاملين في السعودية من طبقة الصنايعية مع "الاحترام الكامل للصنايعية الأفاضل المحترمين"

لكن احنا في مصر بنشوف الامريين من الصنايعية

يعني لو وعدك انه يخلص شغل بكره يخلصه بعد اسبوع

وممكن يتفق معاك على شغل وتلاقيه بيخلص شغل في مكان تاني والكلام اللي بيحصل في مصر بيحصل برده في السعودية وليبيا

فكتير من الناس لما بتتعامل مع الصنايعية بيفتكروا ان كل المصريين كده وبياعملوهم من المنطلق ده

دي وجهة نظري في الصورة السلبية عن المصريين

في حاجة تانية معظم المصريين وأنا منهم النقد عندهم مقدم على الإشادة وعندنا نظرة سوداوية للأمور

ده بالإضافة إلى إن المصريين عاطفيين بطبيعتهم لانهم متأثرين بطبيعة الزراعة عكس السعوديين المتأثرين بطبيعة الصحراء والجمال وده جعل العاطفة عندهم تكاد تكون معدومة

لكن ده ما يلغيش ان في شعوب زي الشعب القطري والأماراتي معظم المصريين بيشكروا فيهم

تم تعديل 19 مايو 2009 بواسطة طنطاوي

[banaga]

اية يا جماعه انتوا مهاجمين الراجل اوى كده ليه الاستاذ iloveegypt بيقول بهنيك على شجاعتك على اية يعنى ؟؟؟ مش عارف انا مش شايف الموضوع كبير اوى كده حاجة عادية يعنى انا بقالى سنة و نص فى جده و الناس السعوديين اللى معايا كويسين جدا و كنت قبل كده فى الرياض و بتعامل مع الجمهور و كانو برضة ناس كويسين بس ليا ناس فعلا زمايلى فى الرياض بيشتكوا بس معرفش يمكن نصيب كمان قابلت ناس من اهل المدينة بيحبوا مصر جدا لدرجه ان دكتور قعد يقولى شعر فى مصر و يسمعلى اغانى ام كلثوم و كان بيحب رياض السنباطى جدا كمان كبير شوية من الناس اللى قديمه اللى اتعلمو على ايد المصريين و هو قعد يقولى و الله العظيم انتو عمامنا انا اتربيت و اتعلمت على ايد المصريين فى المدرسة و الجامعه و كان عندهم شقة كمان فى مصر بس انا شايف ان الكلام ده مالوش لازمه يعنى مع انه مش عيب ( و فى مقال لكاتب سعودى اسمه جميل غازى تقريبا اسمه انصفوا مصر ياريت تقروه كاتب شعر فى مصر والله) و مينفعش يا جماعه نعمم حاجة على شعب انا ساعة البطولة الافريقة الناس فى الرياض قعدت تباركلى لمدة شهور بعدها و كانوا فرحانين اكن هما اللى كسبوا

و عايز اقول انى مع الاستاذ / tarek nokia جدا و ديما بقول كده لاصحابى اللى مش عاجبه البلد يقدم استقالته و ينزل او ينزل اجازة و ميرجعش ايا كانت ظروفه .

[abohaya]

انا لى رأى مختلف ولن احكم على السعوديين بالتعميم فانا من خلال عملى مندوب مبيعات 8 سنوات قابلت الكويس و الوحش من السعوديين و المصريين و كل الجنسيات بحكم عملى والمشكلة من وجهة نظرى من بلدنا من مصر فنحن تربينا على ان مصر ام الدنيا و مصر القائدة و الزعيمة للعرب ومصر فضلها على كل العرب فهى حاربت من اجلهم و بنت بلدانهم وتبدا المشكلة من هنا فعند اول تكشيرة فى و جهك من اى مواطن فى البلد الى انت فية لازم تفكره بالماضى فيزيد التعالى و الصدام و بالتأكيد هم يحاولون النسيان و التطلع للقيادة و هذا حقهم طالما نحن فى مصر نتنازل عنها بانهيارنا فى كل المجالات و اهدار كرامة المصريين فى الداخل و الخارج و الخص فكرت ان الموضوع بايدينا نحن و انا غير متخيل ان اجد شخص امريكى او اوروبى مهتم ان يحبه السعودى او يكرهه المهم انه يأخذ حقه غير منقوص و بكرامته المحفوظة و لايعنينى يحبنى ام يكرهنى فانا اقوم بعملى بكفاءة