تاخد راتب كام و ترجع لمصر؟؟؟؟

[أحمد سيف]

بمناسبة الصلح خير انت كنت شغال فى السعودية قيل كده

يلا حصل خير ... وكل سنة وانت طيب

بخصوص السعودية فأنا ما اشتغلتش هناك بس زرتها كثير وليا فيها أهل وأصحاب ... والسعوديين بينورونا :D هنا كل خميس وجمعة

دا حتى رئيسي في الشغل سعودي ... بس بصراحة راجل محترم (إذا طبعا تجاهلنا إنه ما بيعملش حاجه) bv:-

دا أنا حتى مره قدمت في جامعة الملك فهد في السعودية علشان أحضر ماجستير وجالي هناك قبول وعرضوا عليا آجي أشتغل معيد في الجامعة وأنا اللي ما رضيتش ... بس دي حكاية ثانية

أنا حاسس إنك لسه جديد في السعودية (يعني ما كملتش هناك سنتين) يا ترى كلامي ده صح ولا غلط

شوف الإنسان في أي مكان جديد، سواء كان السعودية أو كندا أو موزمبيق بيمر في أربع مراحل:

1- الضياع: أول ما بتيجي البلد بتبقى حاسس إن كل حاجة مجهولة بالنسبة ليك ومش عارف تعمل حاجه. ودي فترة عادة بتعدي بسرعة.

2- الإنبهار: لما تستقر أول حاجه بتشوفها في البلد هي أحلى ما فيها (النظافة - النظام - الهدوء ... الخ)، وعلشان كده البلد بتعجبك.

3- الرفض: بالتدريج هاتلاقي نفسك بتتعرف على السلبيات والسيئات في المكان الجديد وتبتدي تقارنه بالمكان اللي انتا جاي منه ... وهاتلاقي نفسك زهقان ومش طايق البلد وعاوز ترجع.

4- التأقلم: بمرور الوقت هاتبتدي تتقبل السلبيات وتتأقلم مع الحياة في المكان الجديد، ويمكن تعتبره أحسن من اللي قبله

مدة كل مرحلة بتعتمد على حاجات كثير وبتتأثر بطبيعة الإنسان ومرونته في التأقلم مع الظروف والمستجدات. أنا بقى حاسس إنك لسه في المرحلة الثالثة ... وبمرور الوقت هاتلاقي نفسك عديت المرحلة دي ودخلت في مرحلة التأقلم ... ودي هاتكون أحسن وأريح كثير لك

واسمحلي بأه أقتبسلك حكمة بعد ما عملت فيها شوية تعديلات smk: :

إذا لم تستطع أن تعيش في المكان الذي تحبه ... فأحب المكان اللي انتا عايش فيه

ورمضان كريم

[iloveegypt]

جزاكم الله خيرا احمد سيف على اهتمامك

بس انا مش جديد فى السعودية ولا حاجة انا جيت قبل هذا العقد سنتين

ودى المرة التانية يعنى الموضوع مش علشان انا جديد ولا حاجة ومعايا اسرتى كمان

وبصراحة للامانة السعودية بلد فى مجملها بلد كويسة ومعاملة السعوديين اجما لا سواء فى الشغل او براه كويسة لاقصى حد

بس فى اعتبارات شخصية ودى مش هينفع اقولها

واعتبارت خارجية زى الغلو الجامد فى الاسعار وارتفاع ثمن المدارس الكويسة ده غير ان اللى هحوشه بعد كذا سنة ما يجبش حاجة مع غلو الاسعار فى مصر

وبرضه انا من الناس اللى بحب العيشة فى مصر ولا اغترب الا لضرورة او فائدة كبيرة بس ده الموضوع

حتة بسيطة بمناسبة الخبز فى مصر ممكن تدفع 4 جنيه كل شهر ويجيلك الخبز لحد البيت smk:

وتقبل تحياتى

[magedghonim]

مع احترامي الجميل للكلام الجميل عن معاملة السعودين الحلوة لاقصى حد

انا رأي من تجربتي هناك 3 سنين كصيدلي غير كدة خالص؟؟؟؟؟؟

ومع ذلك.. فهي كبلد( وليس كشعب ) اجمالا مش وحشة

وفعلا المعاملة الادمية لها تمن

انا لو اخد 5 الاف في مصر ويريت بلدي( المنصورة ) هنزل من بكرة

لا مش من بكرة اسف

من دلوقتي.............

[Tafshan]

كل سنه و انتم طيبين ..

الموضوع عاجبنى عشان فكرت فيه و احترت في الرقم المناسب فعلاً بدون عواطف للحياة في مصر ...

لاحظت المره دى في الاجازه ان الاسعار بالمقارنه ب 2005 ( اخر اجازه طويله لي في مصر ) بقت الضعف تماماً .. يعنى المطعم اللى كنت باكل فيه في 2005 بقيت بادفع فيه الضعف تماماً في 2008 ..قيس على ذلك كل شئ و بالتالى المعادله اكيد اختلفت ..

مجموعة ملاحظات ربما تحول الموضوع لاتجاه مفيد للجميع ..

اولاً احنا المغتربين نعتبر طبقه وسطى حقيقيه .. و بالتالى لنا احتياجات استهلاكيه مرتفعه بالمقارنه بالطبقه الفقيره في مصر .. لانه ليس منطقى ان اضحى اجتماعياً من اجل العوده الى مصر .. تلك الاساسيات لا تشتمل على سياره فارهه و فيلا في مارينا .. لكن عناصرها كالتالى :

1- شقه مناسبه في منطقه غير عشوائيه

2- سياره : لانه لا يوجد بمصر مواصلات توفر حد ادنى للادميه غير السيارات الخاصه

3- مدارس خاصه مناسبه للاولاد

4- حد مناسب للادخار يسمح بمواجهة اي ظروف طارئه

معرفش الكلام ده بيساوى كام في مصر ..

ثانياً يوجد في مصر مشكلة خبرات ناتجه عن الانعزال الحضارى الذى حدث للمصريين على طول العشرين عاماً السابقه .. و بالتالى يجزل الكثير من المستثمريين في رواتب ذوى الخبره الاجنبيه في الخليج او غيره .. و لدى تجربه شخصيه .. صديق لى لم يستطع المواصله في الحياة في الغربه ( دبي) اكثر من 8 شهور .. قدم في شركة توظيف في مصر و حصل على وظيفه في مصر يتقاضى منها ثلاث اضعاف راتبه في مصر عندما سافر لمجرد ان ال CV احتوى على كلمة دبي

ثالثاً : مستوى الرواتب في مصر اختلف .. خاصةً للمؤهلين

امثله :

صديق في حازم حسن (مراجع ) يحصل على 16000 جنيه تقريباً

قريب لى (طالب جامعه) قدم في فودافون في ال Call Center في مكان "متدرب" براتب 2700 جنيه .. و السبب : انجليزي سليم جداً

مجال ال IT في مصر في الشركات و البنوك على اشتراط الخبره الاجنبيه تترواح رواتبهم من 8000 جنيه كحد ادنى ..

اما من يكتفي بشهادة الجامعه المجانيه الثمن و المضمون فراتبه ان وجد لن يتعدى ال2000 جنيه

ثالثاً : قرار العوده لمصر كقرار الاغتراب تماماً .. مع الوقت تصبح الغربه في حد ذاتها وطن .. نتعود على عناصرها و نبحث عن شبيه لها في وطننا الحقيقي و هنا يحدث الرفض للرجوع لان وطننا مختلف .. فمن يفكر في الرجوع يجب ان يفكر من وجهة نظر المفكر في الهجره .. و اكيد سنمر بنفس الاطوار التى ذكرها ansaif مع تغيرات تكاد لا تذكر و لذلك سانقل ما قال بالحرف :

1- الضياع: أول ما بتيجي البلد بتبقى حاسس إن كل حاجة مجهولة بالنسبة ليك ومش عارف تعمل حاجه. ودي فترة عادة بتعدي بسرعة. ( اتمنى ! )

2- الإنبهار: لما تستقر أول حاجه بتشوفها في البلد هي أحلى ما فيها (النظافة - النظام - الهدوء ... الخ)، وعلشان كده البلد بتعجبك. ( في حالة مصر : الاسره - العيد رمضان- القهوه - طبق فول بالزيت الحار - بولة استيميشن ..الخ )

3- الرفض: بالتدريج هاتلاقي نفسك بتتعرف على السلبيات والسيئات في المكان الجديد (مصر ) وتبتدي تقارنه بالمكان اللي انتا جاي منه ( الغربه) ... وهاتلاقي نفسك زهقان ومش طايق البلد وعاوز ترجع. ( بالضبط !)

4- التأقلم: بمرور الوقت هاتبتدي تتقبل السلبيات وتتأقلم مع الحياة في المكان الجديد، ويمكن تعتبره أحسن من اللي قبله ( غالباً كل اللى بعرفهم بيرجعو قبل المرحله دى .. زي كثير من المغتربين برضو ! )

يعنى من الاخر رفض المغتربيين للرجوع لا ينتقص من وطنيتهم لكن هو مجرد رفض للمجهول او الجديد و هو طبيعه بشريه ..

رابعاً : لاصدقائى ذوى اعراض فوبيا مصر ..

1- بالنسبه لصحبة السوء .. تخيل ابنك و صديقه الفليبينى .. و يسألك ببراءه : ليه الراجل ما يقدرش يتجوز راجل .. ترد و تقول له حرام .. يقولك .. ماهو اصحبي ريدينتور ابوه متجوز راجل و عادى يعنى !!

2- بالنسبه للتلوث .. ما احنا بننزل مصر في الاجازه .. يعنى جايلنا جايلنا ..

3- النظافه و النظام و المش عارف ايه .. اعتبر نفسك جى من قريه للمدينه و راجع تانى القريه .. و تقبل انها مجرد قريه .. و لو مش عاجبك حاول تغيره .. يمكن لو كلنا حاولنا يبقى فيه نظافه و نظام و كل حاجه حلوه .. الحاجات دى مش مجانيه .. لازم نتعب عشان تكون موجوده .. عارفين نتعب ليه ؟؟ لان "مصر" دى بتاعتنا حتى و لو كانت مسروقه .. برضو بتاعتنا ... بعكس الغربه .. مهما طالت ح تفضل برضو "وافد " لو في الخليج او "مكسيكى " لو في امريكا .. الخ

[Virus]

3- النظافه و النظام و المش عارف ايه .. اعتبر نفسك جى من قريه للمدينه و راجع تانى القريه .. و تقبل انها مجرد قريه .. و لو مش عاجبك حاول تغيره .. يمكن لو كلنا حاولنا يبقى فيه نظافه و نظام و كل حاجه حلوه .. الحاجات دى مش مجانيه .. لازم نتعب عشان تكون موجوده .. عارفين نتعب ليه ؟؟ لان "مصر" دى بتاعتنا حتى و لو كانت مسروقه .. برضو بتاعتنا ... بعكس الغربه .. مهما طالت ح تفضل برضو "وافد " لو في الخليج او "مكسيكى " لو في امريكا .. الخ

جيت على الوتر الحساس

أشكرك على مداخلتك الرائعة..ياجماعة أنا من ساعة ما دخلت المحاورات وأنا "مستانس" جداً.. شيئ رائع إن الواحد يلاقي ناس مثقفة وفاهمة وعتده نفس الخلفيات تقريباً تشاركه الحوار

[صعيدي من مونتريال]

طبقا للقدرة الشرائية للجنيه المصري :)

وعشان أشيل حاجة للزمن

10,000 جنيه وأكون كارمكم اخر كرم :)

[أحمد سيف]

اولاً احنا المغتربين نعتبر طبقه وسطى حقيقيه .. و بالتالى لنا احتياجات استهلاكيه مرتفعه بالمقارنه بالطبقه الفقيره في مصر .. لانه ليس منطقى ان اضحى اجتماعياً من اجل العوده الى مصر .. تلك الاساسيات لا تشتمل على سياره فارهه و فيلا في مارينا .. لكن عناصرها كالتالى :

1- شقه مناسبه في منطقه غير عشوائيه

2- سياره : لانه لا يوجد بمصر مواصلات توفر حد ادنى للادميه غير السيارات الخاصه

3- مدارس خاصه مناسبه للاولاد

4- حد مناسب للادخار يسمح بمواجهة اي ظروف طارئه

معرفش الكلام ده بيساوى كام في مصر ..

ثانياً يوجد في مصر مشكلة خبرات ناتجه عن الانعزال الحضارى الذى حدث للمصريين على طول العشرين عاماً السابقه .. و بالتالى يجزل الكثير من المستثمريين في رواتب ذوى الخبره الاجنبيه في الخليج او غيره .. و لدى تجربه شخصيه .. صديق لى لم يستطع المواصله في الحياة في الغربه ( دبي) اكثر من 8 شهور .. قدم في شركة توظيف في مصر و حصل على وظيفه في مصر يتقاضى منها ثلاث اضعاف راتبه في مصر عندما سافر لمجرد ان ال CV احتوى على كلمة دبي

ثالثاً : مستوى الرواتب في مصر اختلف .. خاصةً للمؤهلين

امثله :

صديق في حازم حسن (مراجع ) يحصل على 16000 جنيه تقريباً

قريب لى (طالب جامعه) قدم في فودافون في ال Call Center في مكان "متدرب" براتب 2700 جنيه .. و السبب : انجليزي سليم جداً

مجال ال IT في مصر في الشركات و البنوك على اشتراط الخبره الاجنبيه تترواح رواتبهم من 8000 جنيه كحد ادنى ..

اما من يكتفي بشهادة الجامعه المجانيه الثمن و المضمون فراتبه ان وجد لن يتعدى ال2000 جنيه

ثالثاً : قرار العوده لمصر كقرار الاغتراب تماماً .. مع الوقت تصبح الغربه في حد ذاتها وطن .. نتعود على عناصرها و نبحث عن شبيه لها في وطننا الحقيقي و هنا يحدث الرفض للرجوع لان وطننا مختلف .. فمن يفكر في الرجوع يجب ان يفكر من وجهة نظر المفكر في الهجره .. و اكيد سنمر بنفس الاطوار التى ذكرها ansaif مع تغيرات تكاد لا تذكر و لذلك سانقل ما قال بالحرف :

1- الضياع: أول ما بتيجي البلد بتبقى حاسس إن كل حاجة مجهولة بالنسبة ليك ومش عارف تعمل حاجه. ودي فترة عادة بتعدي بسرعة. ( اتمنى ! )

2- الإنبهار: لما تستقر أول حاجه بتشوفها في البلد هي أحلى ما فيها (النظافة - النظام - الهدوء ... الخ)، وعلشان كده البلد بتعجبك. ( في حالة مصر : الاسره - العيد رمضان- القهوه - طبق فول بالزيت الحار - بولة استيميشن ..الخ )

3- الرفض: بالتدريج هاتلاقي نفسك بتتعرف على السلبيات والسيئات في المكان الجديد (مصر ) وتبتدي تقارنه بالمكان اللي انتا جاي منه ( الغربه) ... وهاتلاقي نفسك زهقان ومش طايق البلد وعاوز ترجع. ( بالضبط !)

4- التأقلم: بمرور الوقت هاتبتدي تتقبل السلبيات وتتأقلم مع الحياة في المكان الجديد، ويمكن تعتبره أحسن من اللي قبله ( غالباً كل اللى بعرفهم بيرجعو قبل المرحله دى .. زي كثير من المغتربين برضو ! )

يعنى من الاخر رفض المغتربيين للرجوع لا ينتقص من وطنيتهم لكن هو مجرد رفض للمجهول او الجديد و هو طبيعه بشريه ..

كلام جميل وكلام معقول مقدرش اقول حاجة عنة

لكن خليني أختلف معاك في الحتة دي

رابعاً : لاصدقائى ذوى اعراض فوبيا مصر ..

مش فوبيا والله ... انا بس باحاول أحسبها صح وأوازن بين المزايا والعيوب في مصر والغربة، وهارجع أقول ثاني: زي ما الغربة ليها ثمن الحياة الآدمية برضه ليها ثمن

- بالنسبه لصحبة السوء .. تخيل ابنك و صديقه الفليبينى .. و يسألك ببراءه : ليه الراجل ما يقدرش يتجوز راجل .. ترد و تقول له حرام .. يقولك .. ماهو اصحبي ريدينتور ابوه متجوز راجل و عادى يعنى !!

مش عارف انت ليه رحت للمثال المتطرف ده ... أنا عشت في الغربه أكثر من 20 سنه وما شفتش حاله زي دي ... بينما في مصر باشوف حالات التحرش الجنسي وسب الدين والبلطجة علني وفي كل مكان وكل يوم تقريبا.

3- النظافه و النظام و المش عارف ايه .. اعتبر نفسك جى من قريه للمدينه و راجع تانى القريه .. و تقبل انها مجرد قريه .. و لو مش عاجبك حاول تغيره .. يمكن لو كلنا حاولنا يبقى فيه نظافه و نظام و كل حاجه حلوه .. الحاجات دى مش مجانيه .. لازم نتعب عشان تكون موجوده .. عارفين نتعب ليه ؟؟ لان "مصر" دى بتاعتنا حتى و لو كانت مسروقه .. برضو بتاعتنا ... بعكس الغربه .. مهما طالت ح تفضل برضو "وافد " لو في الخليج او "مكسيكى " لو في امريكا .. الخ

يا ريت وااله نقدر نتعب شويه ونعمل تغيير في جودة الحياه في مصر زي ما بتقول ... المشكلة إنك هاتلاقي نفسك بتحارب لوحدك ضد المجتمع كله وفي النهاية هاتتعب وتبقى زيهم ... ليا ناس أعرفهم قضوا في الغربة فترة كبيرة وكانت سلوكياتهم شبه مثالية يوم ما رجعوا مصر ... وبعد كام سنه في مصر بقت سلوكياتهم وطريقة تفكيرهم وألفاظهم وحتى أسلوب سواقتهم مختلفة (ومتخلفة). أنا شايف إن أي تغيير ايجابي ممكن يحصل في مصر هايكون مصدره الأساسي المغتربين وأولادهم اللي اتربوا على قيم وسلوكيات تختلف عن تلك السائدة في مصر حاليا، وعلشان كده عاوز أربي عيالي صح في مناخ سليم. مش بس من ناحية الأكل والمية والهواء .. ولكن أيضا من ناحية السلوكيات والقيم.

[عمرعمرعمر]

مال قارون و هاخده و اسافر

و اسف للجميع ده رأي شخصي

علي الاقل الفترة دي

و والله بتكلم بجد من غير مبالغة

[صعيدي من مونتريال]

مال قارون و هاخده و اسافر

و اسف للجميع ده رأي شخصي

علي الاقل الفترة دي

و والله بتكلم بجد من غير مبالغة

فعلا على الاقل الفترة دي اللي زي الفل :P

[mohamed omar]

مال قارون و هاخده و اسافر

و اسف للجميع ده رأي شخصي

علي الاقل الفترة دي

و والله بتكلم بجد من غير مبالغة

وانا معاك يا عمر عمر عمر..

[elshafey]

انا والله موافق بألفين جنيه وانزل من الصبح

ايه الجماعة اللي بتتكلم على 6و7 الاف احنا هنضحك على بعض يا جماعة فيه ناس مش بتاخد الرواتب دي اساسا في الغربة

بجد الشعب المصري ده دمه خفيف جدا

ما تستغربش الارقام اللي بيقولها صح

انا أعرف ناس بتاخد 12000 جنيه في الشهر

وفيه بعض الغلابة بياخدوا 8000 جنيه ونسبة من الارباح (عمهم لا يتجاوز 32 سنة)

والله ما بضحك عليك

[bibito]

انا والله موافق بألفين جنيه وانزل من الصبح

ايه الجماعة اللي بتتكلم على 6و7 الاف احنا هنضحك على بعض يا جماعة فيه ناس مش بتاخد الرواتب دي اساسا في الغربة

بجد الشعب المصري ده دمه خفيف جدا

ما تستغربش الارقام اللي بيقولها صح

انا أعرف ناس بتاخد 12000 جنيه في الشهر

وفيه بعض الغلابة بياخدوا 8000 جنيه ونسبة من الارباح (عمهم لا يتجاوز 32 سنة)

والله ما بضحك عليك

يا جماعة انتم بتقولوا اية

لو فيه مرتبات ذي مبتقولوا يعملوا اية الناس اللي مرتبها 150- 300 جنية في الشهر

يبقي ليها حق الست اللي دبحت بنتها علشان مش هتقدر تاكلها وتصرف عليها .

يبقي احنا اكيد في مصر

رحمة الله عليها كانت ام الدنيا

[ozoozo]

اللي بياخد 150 جنيه لازم يكون بيسرق عشان يكمل الشهر ولازم نحاكم كل اللي بياخدو 150 جنيه عشان نعرف بيزودو دخلهم ازاي

[ssmaly]

بصراحة اولا موضوع المرتبات اللى فى مصر اصبحت مش ممكن حد يصدقها ....بعض الناس باخدوا 150 جنيه وهناك بعض الموظفين فى المؤساسات الحكومية بياخدوا راتب رسمى وشرعى (غير اللى تحت الطربيزة)بيصل الى ارقام فلكية25.000 وويصل لبعض الناس 250.000 اعتقد الكل يعرف موضوع الكاتب ابراهيم نافع اللى كان مرتبه عبر حدود المليون (مش عارف المليون بيتكتب ازاى كام صفر ياناس انا اعرف الاصفار الى على الشمال اكتر و لكن اصفار اليمين مش بفهم فيها كتير )...

طبعا ده غير القطاع الخاص و الخصخصة و العقارات والعمولات التى مع زيادة اسعار العقارات ممكن فى بيعة واحد بيكسب مرتب لمدة 20 سنة من الموظف بتاع 150 جنيه زائد المعاش بتاعه(على افتراض ان فلوس المعاشات لم تسرق ولسه فى امل ان يدفعوها له)............

بانسبة ايه المرتب الذى اريد ان احصل عليه علشان ارجع مصر انا مش حاقول رقم معين ولكن تعالى نحسبها سوى

انا عايز حد بأمن لى الاساسيات التالية:

1-شقة ايجار من متوسطة الحال وطبعا ايجار دائم مش مؤقت لعدد من السنين مكن صاحب العمارة يطردنى او بزيد الايجار بصورة لااستطيع ان ادفعها او المرتب يزيد مع زيادة الايجار (يعنى راتب حرك بزيد مع الزيادات)

2-اقساط مدراس الاولاد اللى مش غالية اوى(يعنى مش من النوع اللى بتدفع بالدولار او الاسترلينى شوفوا انا قنوع ازاى)

3-المواصلات ياعم انا قابل باتوبيس الشغل و اتوبيس المدارس. وبلاش سيارة خاصة يعنى نقضيها مره بتاكسى نجرى وراه علشان نوقفه وشويه نتخافق مع السواق و نزوق التاكسى شويه لغاية ما نوصل مشوارنا فى صحة جيدة بعد هذه الرياضة....

4-مرتب يكفينى انا و أولادى العلاج الصحى فى الأمراض العادية (والامراض المستعصية نخليها على الله يعلاجنا منها او يخلصها منا)

5-هواء نقى ... اى و الله ده طلب مش غريب انا عاوز هواء نقى غير ملوث (سرطانات الرئة زادت فى مصر )

6- ماء نقى ....غير مخلوط بالمجارى (صحيح المجارى مش بتاعة حد تانى دى مجارى مصرية100% )

7-مجارى سالكة مش طافحة ولا بيارات (بشرى منطقة العجمى فى الاسكندرية اللى بقالها اتر من 40 سنه بدأوا العمل لانشاء مجارى ....

8-امن فى الشوراع والبيوت من اى اعتداء او سرقة (بدون ان اكون عندى واسطة علشان اخذ حقى فى اى نزاع فى الاقسام بدون ضرب على القفا) لا يوجد اى رجل امن فى الشارع المصرى ممكن حد يقللى هما بيروحوا فين؟

9-الراتب الذى يكفل لك احترام ادميتك فى كل مكان(راتب زى الرز)

10-حرية التعبير والمشاركة السياسة و ان يكون فيه حد يسمعك وياخذ برأيك فى كل مايعنيك.....

طبعا فى حاجات تانية ولكن كفاية المرتب دة بارك الله فى ما رزق

[عمرعمرعمر]

بالنسبة لي انا

السفر نعمه كبيرة و اي حد مسافر لازم يقول الحمد لله الحمد لله الحمد لله علي نعمة السفر

يعني باختصار و بصراحة

كل مصري متغرب برة بلده (يا حرام) ممكن يكون مخير

كل مصري قاعد في بلده (يا بخته) ممكن يكون مصير

معاني المفردات :

نعمة : مش فلوس و بس

بصراحة : ما حدش يزعل مني (و الله بحب مصر)

مخير : لو مش عاجبه يتفضل يروح

مصير : مش لاقي فرصة سفر

[redwany]

انا قعدت فى الغربه 3 سنين وبعد كده نزلت 3 شهور اجازة بصراحه بعد شهر قطعت الاجازه ورجعت تانى

لان مصر الان فى كبوة وانشاء الله هتفوق منها بس محتاج وقت واذا كنا لن نستطيع ان نخلصها من كبوتها بالتالى لا نصيب انفسنا بكبوه

ماحدش يقول انى مش وطنى وده بلدك

انا بحب مصر جدا

اللى بيقول حاليا ان مصر ام الدنيا اتحداه اذا كان سافر بره مصر

مصر كانت ام الدنيا بس مش الفتره ديه وانشاء الله هتبقى ام الدنيا تانى لان كل جواد كبوه

انا مااخدشى ضعف مرتبى هنا واعيش فى مصر

[shama]

تفتكروا لو 2000 ج و فيه شقة معقولة و عندك طفلين لسه مدخلوش المدرسة ممكن تكفي ؟؟؟

[ايهاب سالم]

كل مصري قاعد في بلده (يا بخته) ممكن يكون مصير

مصير : مش لاقي فرصة سفر

أعتقد إنك تقصد "مسير" يا دوك مش "مصير" ...

مش كده و الا تقصد حاجه تانيه

ما علينا

مادام دخلت الموضوع ...... ممكن أقول رأيي

في رأيي المتواضع

أي راتب في مصر لا يعوض مشقة و عذاب العيشه في مصر

أنا شخصيا .... لا أرغب في العوده لمصر بأي راتب

أفضل أحبها و أعيش فيها من بعيد لبعيد

يعني أشاهد مسلسلات و أفلام مصريه على الفضائيات وأستحمل دم تامر بسيوني اللي يلطش في البيت بيتك ....

أشوف لي حلقتين لعمرو أديب في القاهره اليوم على يو تيوب .. أقرأ الجرائد المصريه ع النت .. أقرأ شويه في المحاورات و أكتب لي كلمتين .. أشاهد ماتشات الدوري و أفريقيا و أفتكر أيام زمان....

ساعات في اليوم أحس فيهم إني عايش في مصر بس من غير ما أعوص أيديا .... فيرتشوال عيشه يعني

لكن من قريب مش بأحبها خالص

تم تعديل 27 سبتمبر 2008 بواسطة ايهاب سالم

[متسائل]

و لا أي مبلغ..أنا نفسي أرجع مصر بس اشتغل عند نفسي.. لأن أساليب الإدارة في مصر مازالت في المجمل متخلفة.

و لأن حتى لو كان هناك وظيفة ممتازة و كله تمام فالفرص قليلة جدا في مصر. فكيف تضمن إذا تركت هذه الوظيفة النادرة أن تجد غيرها؟

تم تعديل 27 سبتمبر 2008 بواسطة متسائل

[وليد أهلاوى مصراوى]

ثالثاً : قرار العوده لمصر كقرار الاغتراب تماماً .. مع الوقت تصبح الغربه في حد ذاتها وطن .. نتعود على عناصرها و نبحث عن شبيه لها في وطننا الحقيقي و هنا يحدث الرفض للرجوع لان وطننا مختلف .. فمن يفكر في الرجوع يجب ان يفكر من وجهة نظر المفكر في الهجره .. و اكيد سنمر بنفس الاطوار التى ذكرها ansaif مع تغيرات تكاد لا تذكر و لذلك سانقل ما قال بالحرف :

الجزء ده عجبنى جدا ...شكرا للأستاذ طفشان...

يعنى الأرقام اللى فى الموضوع فعلا صغيره بالنسبه للعرض اللى ممكن أحصل عليه فى مصر والحمد لله رب العالمين

.... لكن متخوف جدا من الرجوع

الحكايه أصبحت أكبر من الفلوس ..... لكن فعلا الخوف من الغربه داخل الوطن ........

ملحوظه صغيره ... أنا ماشتغلتش أبدا فى مصر ..... 11 سنه خارج مصر من بعد التخرج