تاخد راتب كام و ترجع لمصر؟؟؟؟

[hOuSsAm]

حاجة كمان يا شريف عايز اضيفها

ان من خلال دراستى لمحاسبة البنوك واقتصاديتها اتاكدت تماما ان البنوك دى خراب لاقتصاد الدول وهى بتعمل على تقليل دوران راس المال وبتالى اقتصاد الدول بيضعف ويتبعه من اضعاف لاقتصاديات الافراد والمنشآت

لان البنوك وبالذات الحكومية اغلب نشاطها يتلخص فى انهابتدى فوايد عالفلوس وبتدى قروض تاخد عليها فايدة (الفايدة ثابتة طبعا)

ومكسبها هو الفرق بين الفايدتين بالاضافة للمصاريف الادارية

بس لو دخلت جوه البنك هتلاقى كمية المخصصات والاحتياطيات اللى يعملوها كتيرة جدا يمكن يكون المبلغ المستثمر يقل عن 50 % من مبالغ الودائع

كمان هما مش بيوافقوا الا عالقروض اللى عليها ضمانات كبيرة وميكونش فيها مخاطرة

وانت عارف طبعا القاعدة الاقتصادية اللى بتقول كلما قلت المخاطرة قل الربح (التناسب طردى )

ياريت لو تتعمق فى الموضوع ده وتقرا فيه كتير عشان يكون عندك خلفية صحيحة وشاملة للموضوع

[tarek nokia]

حاجة كمان يا شريف عايز اضيفها

ان من خلال دراستى لمحاسبة البنوك واقتصاديتها اتاكدت تماما ان البنوك دى خراب لاقتصاد الدول وهى بتعمل على تقليل دوران راس المال وبتالى اقتصاد الدول بيضعف ويتبعه من اضعاف لاقتصاديات الافراد والمنشآت

لان البنوك وبالذات الحكومية اغلب نشاطها يتلخص فى انهابتدى فوايد عالفلوس وبتدى قروض تاخد عليها فايدة (الفايدة ثابتة طبعا)

ومكسبها هو الفرق بين الفايدتين بالاضافة للمصاريف الادارية

بس لو دخلت جوه البنك هتلاقى كمية المخصصات والاحتياطيات اللى يعملوها كتيرة جدا يمكن يكون المبلغ المستثمر يقل عن 50 % من مبالغ الودائع

كمان هما مش بيوافقوا الا عالقروض اللى عليها ضمانات كبيرة وميكونش فيها مخاطرة

وانت عارف طبعا القاعدة الاقتصادية اللى بتقول كلما قلت المخاطرة قل الربح (التناسب طردى )

ياريت لو تتعمق فى الموضوع ده وتقرا فيه كتير عشان يكون عندك خلفية صحيحة وشاملة للموضوع

كلام جميل

[hosambob]

أنا لو قلولي ترجع مصر و تاخد زي ما كنت بتاخد قبل ما تيجي هنا ( 1500 راتب وظيفتين ) صباحي و مسائي و ممكن ربنا يرزقك بشغل خاص في الشهر تعمل منه 200 أو 300 جنية كمان ............. ارجع و بدون تفكير و الله محصله بعضها هنا زي مصر ..

[الفقير الى الله]

اسأل نفسك شوية اسئلة قبل ما تنزل مصر ؟؟؟؟ وهى هل انا بتعامل معاملة محترمة ولا لاء؟

هل انا مكانى ووظيفتى كويسة ولا لاء؟

هل انا عندى سكن فى مصر ولا هنزل هسكن فى مفروش ولا هشترى شقة بتحويشة العمر ولا اية بالظبط؟

اسأل نفسك لما انزل مصر هشتغل اية؟

اسأل نفسك لما انزل مصر هركب نفس نوع العربية اللى انا راكبها؟ واية هيا معاملة اهلى ليا وانا راجع بجر اذيال الخيبة؟

هاة يا ترى عرفت الاجابة؟؟

متهيالى الاجابة انك هتقول لاااااااااااااااا يا مصر وبحبك يا غربة بكل ما فيكى

[kitkat]

هي المسألة مش فلوس بس لو هاتتحسب بالفلوس :

مش أقل من 45 ألف جنيه :closedeyes:

[se_ Elsyed]

اسأل نفسك شوية اسئلة قبل ما تنزل مصر ؟؟؟؟ وهى هل انا بتعامل معاملة محترمة ولا لاء؟

هل انا مكانى ووظيفتى كويسة ولا لاء؟

هل انا عندى سكن فى مصر ولا هنزل هسكن فى مفروش ولا هشترى شقة بتحويشة العمر ولا اية بالظبط؟

اسأل نفسك لما انزل مصر هشتغل اية؟

اسأل نفسك لما انزل مصر هركب نفس نوع العربية اللى انا راكبها؟ واية هيا معاملة اهلى ليا وانا راجع بجر اذيال الخيبة؟

هاة يا ترى عرفت الاجابة؟؟

متهيالى الاجابة انك هتقول لاااااااااااااااا يا مصر وبحبك يا غربة بكل ما فيكى

حيلك حيلك يا عم ... في إيه

أومال ملايين العربيات اللي موجوده في مصر مين اللي راكبها ومالكها .... هنود ولا مصريين ؟

إنت صورت مصر كأنها الصومال مثلاً أو دولة من دولة أفريقيا الوسطى

لاااااااااااااااا يا مصر وبحبك يا غربة بكل ما فيكى

وهو السؤال هنا

ما ينفعش يبقى واحد مغترب لكن بيحب بلده ويحترمها ؟

صعيه دي

[se_ Elsyed]

هي المسألة مش فلوس بس لو هاتتحسب بالفلوس :

مش أقل من 45 ألف جنيه

تمام كده

على أساس إن متوسط الأنفاق الشخصي في مصر 1500 ج في اليوم ... جِبن بقى وفينو على فول وطعميه .. يا دوب المبلغ يكفي

هو في إيه ؟!!!!!!!

ما تخلونا نتكلم كلام عِدل ومنطقي

[kitkat]

هي المسألة مش فلوس بس لو هاتتحسب بالفلوس :

مش أقل من 45 ألف جنيه

تمام كده

على أساس إن متوسط الأنفاق الشخصي في مصر 1500 ج في اليوم ... جِبن بقى وفينو على فول وطعميه .. يا دوب المبلغ يكفي

هو في إيه ؟!!!!!!!

ما تخلونا نتكلم كلام عِدل ومنطقي

لا علي أساس اني عايز ادخل العيال مدرسة من أم 5000 دولار ف السنة

أبشر يا طويل العمر

والله يا سي السيد مش عارف أشكرك ازاي انا ابتديت ف الاجراءات ودعواتك يا كبير

[kingsabry]

انا برضه موافقه ع النزول واتمناه وبشدددددة حتى لو باوضاع اقتصادية اقل من هنا

عارفين برنامج دارك بتاع اشرف عبد الباقى

شوفتو جلقات لممثلين مصريين

وحلقات لممثلين او فنانين خليجين او حتى اللى اتربو برة مصر

زى غادة عادل

شوفو فرق الذكريااااااااااااات

وفرق الخبراااااااااااات

انتو ناسين ولادكم ولاايه يا حماعه

كلو اللى بتفكرو فيه عربية مكيفة وشوية هدوء مميت

وولادكم

مش من حقهم يعيشو حياه زى اللى عيشتوها

يبقالهم اصحاب وقرايب وولاد خال وولاد عم وجد وجدة يستمتعو بحبهم

يبقالهم اصحاب وذكريات ويطلعو رحلاااااااااااااات

هى دى الحياة الحقيقية اللى هتطلعهم بنى ادمين بجد

بس الصحراااااا اللى احنا عايشين فيها دى بتخلق اطفال متاخرين اووى مهما قلتو هنعوضهم بمدارس انترناشيونال

الحياة الاجتماعيه اللى بتحرموهم منها اغلى كتييييير

انا عن نفسى لا اتمنى ابدا اربى بنتى هنا حتى لو المدارس فى مصر اقل من المستوى بس التعليم مش بالمستوى وبس بالاحتكاك اللى هتعيشه مع الناس

والخبرات اللى هتاخدها منهم بالحب اللى هتشوفها من اهلها

متتخيلوش بتصعب عليا ازاى

لما بتيجى تجرى ورا طفل فى اى مول عشان عاوزة تلعب معاه وميعبرهاش

هنا التواصل الاجتماعى شبة معدوووووووووم

على فكره هو ده الكلام المظبوط

وانا لسه ما اتجوزتش بس مغترب

ويمكن اضحي بجزء من سعادتي شويه مقابل اولادي ان شاء الله .. يعني ممكن ما اعملش استقدام اصلا

[الفقير الى الله]

اسف جدا على اسلوب كلامى ولكن ردى على الاخ elsyed اللى راكب عربيات فى مصر اللى انتة بتشوفهم دول ..... فى المدن .. ممكن يكونوا اصحاب مصالح او تجارات ومعتقدش انهم هيكونوا غير كدة ....... اما بقى الاقاليم فدول حاجة تانية ......مش معنى اللى انا قولت كدة انى مش بحب بلدى بالعكس انا بحبها جدا وبعشق ترابها بس بدور لى على فرصة برة يمكن ابقى فيها حاجة فى يوم من الايام ...... مفيهاش حاجة لما يبقى عندى طموح انى اتجوز ويبقى عندى سكن وعربية ومتهيالى دى اساسيات الحياة مطلبتش غيرها

[the consultant]

40 جنيه + مصاريف الشحن

[elrasy]

40 جنيه + مصاريف الشحن

ههههههههههههههههههههههه

طيب مفيش خصم لو اخدت كمية

wst::

تم تعديل 7 يوليو 2010 بواسطة elrasy

[ozoozo]

للرفع في عيد المحاورات

[AhMeD nOr]

اانا سايب مصر و انا مراتبى 1000 و رايح السعوديه علشان 1500

:sad::sad::sad::sad:

[iloveegypt]

علشان ارجع مصر الاتى

1-زوجةلبنانية

2-مطعم كباب متنقل

3-سيارة بورش موديل 2020

4-فيلا بالساحل الشمالى

اكيد ارجع مصر بدون شروط دى بلدى يا جدعان

وبالمناسبة انا الان رجعت مصر بقالى سنتين وزى الفل ولله الحمد فسح عائلية بر والدين اجتماعيات عشرةعلى عشرة تعليمكويسمشوحش للاولاد اصحاب زى العسل عمار يا مصر بس العيب الوحيداللى بالى بالكم

[ahmed hanafy]

المشكلة في مصر مبقتش ترجع بكام

بقت المعاملة ازاي

اسمحولي اقولكم الانسان اللي المادة اساسة اكيد انسان ملوش كرامة وممكن يجيب اللي بيجيبة في الغربة وهو في مصر

بس الللي بيدور علي الحياة الكريمة هي دي مشكلتة

لو مصر تحترم ادمية الانسان صدقوني ناس كتير حترجع والدليل الهجرة الناس مبقتش بتفكر انها تسافر تشتغل وترجع زي زمان دلوقتي بيفكروا يهاجروا

علي فكرة احنا احسن واطيب شعب بجد والله واللي عايش في السعودية يعرف كدة الشعب السعودي عامل ازاي

بس مشكلتنا الاهانة مش الفلوس

[egyprogramer]

10000

مع البدلات طبعا

[Rosea]

انا شخصيا لو عندى شقه فى حته محترمه يعنى زى اى مدن جديده مثلا و بشتغل قريب منها و الفلوس اللى هاخدها تمكنى من الدراسات العليا (الادميه )برده لانى شفت الويل فى ماجستير القصر العينى...

انا مش عايزه عيشه مرفهة على الاطلاق فقط مساحه تسمح بالاحلام و تحقيقها!!!!

للى عايزين ارقام بعد تامين اعلاه مش مهم اللى فاضل يبقى 500 جنيه حتى

و بالنسبه للمناقشه اللى دايره عن حب المصرى لمصر هل يتناقض مع السفر...فعن تجربتى الشخصيه و الناس اللى قابلتهم فلا انا بحس انك و انت بره مصر بتحس فجاة انهم لزقوا عليك تيكيت مصرى ...وانت فى بلدك التيكيت الوحيد اللى عليك هو تيكيت مواطن مطحون حيران حاجه كده.....فالمهم لما تلاقى نفسك شايل ده كهويه مش اسمك و لا وظيفتك ولا اى حاجه تانيه بتحس ساعات ان هو ده سندك و ساعات تانيه لا بس انت فعلا مبتنساش ولا للحظه انك جاى من افقر دولة عربيه بس فى نفس الوقت الدولة العربيه الوحيده اللى خرجت اربعة من حمله نوبل!!!

[محمد مطاوع]

بصوا ياشباب حد يقولى على شغلانه محترمه تدخلى من الف ونص لألفين وأنا ما أسافرش أصلا

والعربيه مش عايزها

ولا الشقه

بس تكون دايمه ولها تأمينات والحوارات دى

وبالنسبه للمعاملات مع الشعب ما احنا من الشعب ده ومش هنغلب

بس للاسف مصر ماعدتش تنفع لحد غير الحراميه

وانا متاكد من كده

وشكرا