عاوز جائزة نوبل

[student]

السلام عليكم

ايوه انا عاوز جائزة نوبل :happy:

وسدؤؤني انا مش عاوزها عياقة ولا اتفشخر بيها

انا الحمد لله معاي البكالوريوس ومعاي الماجستير وبفضل الله باخد الدكتوراه

عاوزها عشان اغير فكرة العالم عن الاسلام واقولهم اهو انا مسلم وحاسجد شكرا لله قدام الكل لرب العالمين ودفاعا عن رسوله الكريم

عشان كده انا فتحت الموضوع ده

الي عندو نصيحة مهما كانت انا بشكوروه

والي معندوش اقوله ادعيلي ربنا يكرمني

ومش عاوز اكتر من كده :lol:

[student]

يعني كل الناس اللي قرت الموضوع معندهاش لانصيحة ولا دعوة

والا احنا بقينا بنبخل حتى في الاشياء اللي بببلاش

ده زمان ابسط كلمة كانت ربنا ايوافقك

والنهارده حصل ايه ياترى :D

[iloveegypt]

ربنا يكرمك ياخى وتاخد الدكتوراة

وتاخد نوبل ان شاء الله :D

[Click]

أدعو الله لك ان تحقق حلمك... لكن ماذا بعد نوبل؟

[student]

ايوه كده

1-شكرا ليك يا click and iloveegypt

2-عندي فكرة اني اشجع الاغنياء العرب والاجانب نفتح جامعة (مثلا يبقى اسمها الاندلس )على اعلى مستوى وتقبل الجامعة الطلبة الاوائل من العالم

3-وفي السنة الاخيرة للدراسة نخلي كل واحد من الطلبة يحل مشكلة من المشاكل اللي عندنا حسب التخصص بتاعو

وربنا يكرمنا بقى ونحل مشاكلنا :D

[عمرعمرعمر]

ربنا يوفقك

[وليد أهلاوى مصراوى]

ياااااااااااااااااااااااه .... ماتعرفش فعلا موضوعك ده على بساطته فرحنى أزاى

أخيرا فى حد عنده طموح غير السفر والهجره !!!

والله فعلا من قلبى ربنا يوفقك ...... وعلى فكره كنت قاعد انا مكسل فى الشغل دلوقتى ...

لكن لما قريت موضوعك فعلا حسيت بحماس ونشاط تانى

[freestyle]

ربنا يوفقك و يارب نشوفك قريب في ستوكهولم شايل نوبل

من جد وجد ..............

[galaxy]

والله يا دكتور دا شيئ يسعدنا ويشرفنا قبلك.......... لان الطموح والحلم دا حاجه غاليه جدا وواضح انك مؤمن جدا بيه ودا اكتر من رائع............واكيد هيبقي احلي لما تحققه بأذن الله ................ربنا يسدد خطاكيا رب دوما وان شاء الله نتبشر قريب .........بالتوفيق .

[student]

galaxy وfreestyle و وليد أهلاوى مصراوىو عمرعمرعمر وClickو iloveegypt

شكرا ليك كلكو

مع كثرة اللي بيدعولي و خصوصا لما تكون الدعوة من واحد معندوش مصلحة شخصية يعني بيدعي من قلبو

وانا متاكد انو قلبوكو ابيض ونيتكو صافية

واحنا دلوقتي في رمضان

يبقى ما فضلش غير نظرة من الرحمن تقول للشي كن فيكون

[قديم]

وهو نوبل هيخدم الاسلام .. فيه جائزه نوبل للاسلام ولا للسلام

. .

[student]

وهو نوبل هيخدم الاسلام .. فيه جائزه نوبل للاسلام ولا للسلام

. .

بص يا استاز قديم

المسالة ببساطة انو انا عاوز اقول انو احنا المسلمين اهو زمنا من انتهاش لسه فينا علماء يقدروا ينافسوا على اعلى المستويات العلمية وبرضو في نفس الوقت بيسجدوا لله قدام العالم كلو من غير مينسلخو عن دينهم ولا اخلاقهم

واقولهم انا اهو بتبع محمد صلى الله عليه وسلم اللي علمني اطلب العلم وعشان كده انا اتعلمت ووصلت للجايزه ديه

مش زي ما بعضهم فاكر انو سبب تخلفنا هو دينا

بس انتا قول يا رب وهي نيه لو حققتها خير على خير ولو مححقتاهاش اهو على الاقل حاولت واجري على الله

بس خلاص

[freestyle]

بس هو في حاجة تانية يا أستاذ ستيودينت

دلوقت في كتييييييير جدا جدا من الناس معاها دكتوراة في العالم

وفي مجال حضرتك هتلاقي في ناس كتيييير أكيد معاها دكتوراة على المستوى العالمي

السؤال بقى : ماذا بعد الدكتوراة ؟؟

أية خطط حضرتك بقى للتميز مش بس في مجالك , لا و على الناس دي كمان كلها ؟؟

تم تعديل 25 سبتمبر 2008 بواسطة freestyle

[student]

بس هو في حاجة تانية يا أستاذ ستيودينت

دلوقت في كتييييييير جدا جدا من الناس معاها دكتوراة في العالم

وفي مجال حضرتك هتلاقي في ناس كتيييير أكيد معاها دكتوراة على المستوى العالمي

السؤال بقى : ماذا بعد الدكتوراة ؟؟

أية خطط حضرتك بقى للتميز مش بس في مجالك , لا و على الناس دي كمان كلها ؟؟

بص يا سيدي

اولا فيه الدكتوراه اللي بتاخد هنا تقريبا اربع سنين من الاطلاع و العمل على اخر ما توصل اليه العلم في اختصاصك واللي انتا حابو اصلا

زمالات بحوث ما بعد الدكتوراه ودي كمان بتاخد كم سنة

وفي الهجرة

بس قبل كل دول هو توفيق رب العالمين ليك وانت ونيتك

ويا ريت لو في حد عندو اي نصيحة

انا حابقى مدينلو طول عمري

[student]

ياااااااااااااااااااااااه .... ماتعرفش فعلا موضوعك ده على بساطته فرحنى أزاى

أخيرا فى حد عنده طموح غير السفر والهجره !!! po::

والله فعلا من قلبى ربنا يوفقك ...... وعلى فكره كنت قاعد انا مكسل فى الشغل دلوقتى ...

لكن لما قريت موضوعك فعلا حسيت بحماس ونشاط تانى :blink:

ربنا يخليك

وشكرا على دعوتك اللي من القلب ويارب نسالك الاجابة

ويا رب تفضل نشط على طول :blink:

[galaxy]

الفاضل student

ان شاء الله ربنا هيحاسبنا عمرنا الارض ازاي............ وعملنا بعقلنا ايه وابلينا شبابنا وصحتنا ووقتنا في ايه...........ودا مجال رائع ان شاء الله تخدم بيه دينك وبلدك ونفسك وغيرك وخصوصا لو مجالك متعلق بخدمه البشريه من خلال مشروع ما او دواء مثلا................يعني انت كدا بتعمل لدينك ودينتك ان شاء الله.............

نصيحتي البسيطه...........اجعل نيتك خالصه لله تعالي وستجد التوفيق من كل اتجاه ان شاء الله.........مفيش داعي ان تضع نفسك في اي مجالات مقارنه لان دا مؤثر علي نجاحك جدا جدا .....اصبر وجهز نفسك بكل ما يلزمك من معطيات للنجاح اللي بتتمناه.......النظام........مهما نجحت ان شاء الله تواضع لله ولا تنساه ما حييت.....بالتوفيق ان شاء الله.

[student]

الفاضل student

ان شاء الله ربنا هيحاسبنا عمرنا الارض ازاي............ وعملنا بعقلنا ايه وابلينا شبابنا وصحتنا ووقتنا في ايه...........ودا مجال رائع ان شاء الله تخدم بيه دينك وبلدك ونفسك وغيرك وخصوصا لو مجالك متعلق بخدمه البشريه من خلال مشروع ما او دواء مثلا................يعني انت كدا بتعمل لدينك ودينتك ان شاء الله.............

نصيحتي البسيطه...........اجعل نيتك خالصه لله تعالي وستجد التوفيق من كل اتجاه ان شاء الله.........مفيش داعي ان تضع نفسك في اي مجالات مقارنه لان دا مؤثر علي نجاحك جدا جدا .....اصبر وجهز نفسك بكل ما يلزمك من معطيات للنجاح اللي بتتمناه.......النظام........مهما نجحت ان شاء الله تواضع لله ولا تنساه ما حييت.....بالتوفيق ان شاء الله.

ربنا يكرمك

[student]

سالني احد الاشخاص في بلاد الغربة

في عندكو حد اخد جائزة نوبل في العلوم

قلتلو اه عندنا احمد زويل من مصر وانكسفت اقولو انو الكلام ده كان سنة1999 وانو الوحيد اللي اخد الجائزة

رد عليا بسؤال تاني قالي بس ده عايش في امريكا من فترة طويلة

قتولو اه معاك حق بس برضو اهو واحد مسلم وعربي