باركولي اخذت التأشيره....خطوات تأشيره السعوديه الجزء الثاني اجراءات ما بعد التاشيره

[ozoozo]

الحمدلله رب العالمين النهارده اخذت تأشيره السعوديه بعد اكثر من عام ونصف من المعاناه وده رابط الجزء الاول بتاع اجراءات استخراج الفيزا

http://www.egyptiantalks.org/invb/index.php?showtopic=64511

1-تصريح العمل من الدراسه ب 120جنيه

2-تروح العباسيه تطلع قسيمه زواج مميكنه وشهادات ميلاد الاولاد المميكنه وتوثقهم من الخارجيه

3-تديهم لمكتب السفريات عشان يتوثقوا من السفاره وكل مستند مصاريفه 150 جنيه

4-لو تفدر تطلع رخصه سواقه مصريه يبقي هايل

5- تاخد الورق السابق معاك بالاضافه لشهاداتك الموثقه وعقد العمل....بالسلامه

الي اللقاء في الجزء الثالث اجراءات الاقامه ودي استنوا عليا شويه عشان لسه معملتهاش انا هاسافر انشاء الله يوم 15\10

[khaledashour]

السيد الفاضل

بما انك عندك خبرة في المجال ده:

ما هي اسباب رفض التاشيرة

لاني بصراحة قلقان جدا

ولك جزيل الشكر على الرد السريييييييييع جدااااا

انا قدمت ورقي كامل مكمل للمكتب في اول سبتمبر ( الكشوفات - شهادة الخبرة موثقة من الخارجية مطابقة للمهنة في البسبور - الجيش - المؤهل موثق من الخارجية - الباسبور بنفس المهنة في العقد - شهادة الميلاد - صورة البطاقة و صور شخصية ) هذا بالاضافة الى عقد العمل و خطاب الاستثناء من جهة العمل لان المؤهل غير مطابق و صورة التاشيرة.

هل هناك داعي للقلق بسبب تاخر التاشيرة الى بعد العيد.

[tinkerbell]

شكرا على المشاركة المتميزة صحيح انا جيت متأخرة بعد ما الجزء الاول كنا عملناه الحمدلله بس شرحك مطابق فعلا للخطوات !! وياريت تكملنا الجزء التالت :lol: الوصول بالسلامة .. السكن؟ ... مدة استخراج الاقامة؟ .. استقدام الاسرة .. والف شكر ليك

[المخنوق دائما]

بعد اذنك يا أستاذ أوزوووووووووزووو لومفيهاش رخامه وغلاسه كنت عايز أكمل موضوع مابعد التأشيره وحتى رخصة القياده !!!!!!!!!!!! ده بعد إذن سيادتك طبعا

[ozoozo]

طبعا ياسيدي اتفضل لكن اظن الرخصه كان ليها كذا موضوع بس طبعا لو عندك الموضوع محدث يبقي احسن عشان انت عارف هنا كل يومين يفتكسو قانون

[Mercedes]

السلام عليكم و رحمة الله و بركاته

الأخ الفاضل , قد لا يكون هذا الكلام له مكان الان ,لكنى أعتقد أنك بعد أن تصل الى السعودية و تستقر بك الأمور على خير انشالله سوف تتذكرنى , السعودية هى مطمح و حلم الكثيرين من الشباب المصرى كمصدر جيد لجمع المال كما حدث معى فى البداية عندما سافرت على عقد حكومى بمواصفات ممتازة و لكنى وجدت أن السعودية بها ميزتان , الأولى هى السهولة فى تأدية الشعائر الدينية و التانية هى السهولة فى تحصيل قدر محدود من المال بمجهود ما لو أنك بذلت هذا المجهود فى مصر لن تستطيع تحصيل هذا المال و هذه حقيقة لا يمكن انكارها , ما عدا هاتين الميزتين فالباقى أمور عادية و لا تنسى أن الأجنبى يظل طول عمره أجنبى و هو داخل يديهم جواز السفر و ياخد الاقامة و العكس و هو خارج من السعودية , لذلك لا ضرر من أنك تقعد فى السعودية كام سنة لتحقيق هدف معين أنت عاوز تحققه , لكن أن السنيين تسحب معاك و تلاقى نفسك دخلتلك فى15-20 سنة فأنا أعتبر أن هذا خطأ لأنك هتفضل بعد العمر دة كله أجنبى و لأنك مصرى فهتكون أجنبى من الدرجة العاشرة لأن الأمريكى و الكندى و الانجليز اللى فى السعودية برضوه أجانب , بس أجانب من الدرجة الأولى يعنى أعلى من السعوديين نفسهم و هذا ما أحسسته عندما سافرت الى السعودية و لقبت الفلوس بتغرينى ولقيت نفسى بجدد سنة بعد سنة لحد ما ربنا بعتلى واحد قالى كلمة لا زلت اتذكرها حتى الان , قالى ( ده أنت لو هتعيش هنا 20 سنة هتفضل ذى ما أنت , لكن لو قضيت العشرين سنة دول فى بلد ذى كندا هتلاقى نفسك بعد العشرين سنة دول بقيت مواطن كندى من الدرجة الأولى و من حقك تترشح لمنصب رئيس وزراء كندا ) و بالفعل بدأت آخد اجراءات الهجرة لكندا و لقبتها ميسرة جدا , أنا قصدى فى النهاية أنك تستخدم السعوديةكسلم للصعود الى حاجة أعلى و ليس أن تجعل السعودية هى منتهى طموحك لأنك مصرى و المصرى بطبعه ذات طموح جامح و أنت هتعرف دة كويس لما تسافر السعودية و تتفرج على السعوديين و طريقة حياتهم الغير هادفة .

و ربنا يوفقك و يوفق الجميع

[امير مجروح]

الحمدلله رب العالمين النهارده اخذت تأشيره السعوديه بعد اكثر من عام ونصف من المعاناه وده رابط الجزء الاول بتاع اجراءات استخراج الفيزا

http://www.egyptiantalks.org/invb/index.php?showtopic=64511

1-تصريح العمل من الدراسه ب 120جنيه

2-تروح العباسيه تطلع قسيمه زواج مميكنه وشهادات ميلاد الاولاد المميكنه وتوثقهم من الخارجيه

3-تديهم لمكتب السفريات عشان يتوثقوا من السفاره وكل مستند مصاريفه 150 جنيه

4-لو تفدر تطلع رخصه سواقه مصريه يبقي هايل

5- تاخد الورق السابق معاك بالاضافه لشهاداتك الموثقه وعقد العمل....بالسلامه

الي اللقاء في الجزء الثالث اجراءات الاقامه ودي استنوا عليا شويه عشان لسه معملتهاش انا هاسافر انشاء الله يوم 15\10

[Diab]

هه ياعم أوزوز وصلت لحد فين دلوقت

[ozoozo]

هه ياعم أوزوز وصلت لحد فين دلوقت

لسه محجوز في المطار مش عايزين يدخلوني:)

[نصر محمد]

السلام عليكم

إلى الاخ العزيز Mercedes

انا اختلف معك فى ان الهجرة لدول الغرب حلم من الدرجة الاولى او هو النجاح الاعظم لما لها من سلبيات مميتة عليك وعلى اسرتك من ضياع الدين والمشاركة بالضريبة فى تقوية اقتصادهم وبالتالى تقوية شوكتهم فى الاعتداء على الدول الاسلامية مثل العراق وافغانستان وضياع اولادك فيما بعد عندما يبلغوا سن الثالثة عشر او اعلى قليلا وفى الاخر احب انا أذكرك بشئ الانسان يسير فى الدنيا غريبا سواء فى مصر او فى غيرها والدنيا دار فناء وعندى انا اعيش فى بلد مسلم احافظ فيه على دينى واولادى خير مليون مرة من جنسية فانية ومال فان ......وذل الكفيل ولا ضياع الدين.. واعلم ان الرزق بيد الله وان الرزق كالسهم يتبع صاحبه ولا تدرى نفس فى اى ارض تموت .