هولندا و ال Mvv

[Senior]

السلام عليكم جميعا انا متردد بقى لى فترة كبيرة علشان اسأل عن الموضوع ده مش عارف ازا كان فيه حد هايفيدنى فيه و لا لأ انا و الموضوع كالأتى انا متجوز من هولندا بقى لى دلوقتى حسبه سنة و نص كده و بصراحة تعبت من القعدة هنا و عايز اسافر لمراتى و مراتى كمان تعبت من المرواح و المجى و مش قادرة تقعد هنا و لا قادرة تسيب هناك المهم هولندا عاملة قصة صعبة اوى علشان تاخد الفيزا عاملين حاجه اسمها ال mvv المهم ال mvv دى بقى حاجة كده زى الضم العائلى و لا زم علشان تعملها لازم تمتحن الأول امتحان كده ب 350 يورو فى السفارة و لا زم تجيب فى الأمتحان ده اكتر من 75% علشان تقدر تعمل بالأمتحان ده ال mvv نفسها و الأمتحان بالهولندى كله و فيه أسئلة كتير فى التاريخ و الثقافة الهولندية و الشعب الهولندى كمان كلها اسئلة عامة بس مشكلتها ان اللى بيمتحنك كومبيوتر و بيسالك طبعا بلهجة هولندى صرف و طبعا اللغة الهولندى انا لسه مبتدىء فيها خالص و مش عارف ازا كنت هاقدر فعلا اسمعه و هوا بيتكلم بالسرعة دى و هاقدر افهم هوا عايز ايه فى السؤال و لا لأ المهم كل اللى انا عايزه لو فيه اى حد يعرف اى طريقة غير الزفت ال mvv دى يبقى خدمنى بصراحة فيه طبعا فيزا زيارة بس دى مش بتبقى اكتر من 3 شهور او سياحة او دعوة كلهم برضه بيبقى مش اكتر من 3 شهور و طبعا انا عايز اروح اقعد هناك و باى يا كايرو بعد كده فمش عارف ازا كان فيه حد يقدر يساعدنى فى اى طريقة تانية انى اطلع هناك و من غير ما اعمل ال mvv دى يبقى خدمنى بصراحة معلش انا طولت اوى اصلى رغاى :D و الشلام ختام

[mohamed omar]

مالهاش حل غير انك تتعلم هولندي..

[madzoro]

ممكن السفر زيارة او سياحة تفيدك في تحسين لغتك .... و كمان تتعرف على البلد و الثقافة .... فتسهل عليك امتحان mvv

بالتوفيق

تحياتي

[Alrefaey]

اخى الكريم انا ماعنديش خلفية عن موضوع الهجرة لهولندا

لكن من كلام حضرتك انا شايف انه من الافضل تسافر الاول زيارة تكسب فى خلالها لغة وتتعود على الاكسنت الهولندى ولو زوجتك بعدها قدرت تعملك تمديد للزيارة بمده اخرى يبقى خير حتى تتقن اللغه وبعدها تمتحن وربنا يوفقك

[Senior]

الف شكر ليكم يا جماعة كلكم بس الموضوع معقد حبتين شوية انا عارف بس ربنا معايا بقى و أمرى لله و هاتعلم هولندى غصب و خلاص

[mohamed omar]

الف شكر ليكم يا جماعة كلكم بس الموضوع معقد حبتين شوية انا عارف بس ربنا معايا بقى و أمرى لله و هاتعلم هولندى غصب و خلاص

انا بحب اجيب من الأخر.. smk:

[Senior]

الف شكر ليكم يا جماعة كلكم بس الموضوع معقد حبتين شوية انا عارف بس ربنا معايا بقى و أمرى لله و هاتعلم هولندى غصب و خلاص

انا بحب اجيب من الأخر.. :unsure:

اصل هيامالهاش غبر كده و شكرا جدا ليك

تم تعديل 19 سبتمبر 2008 بواسطة Senior

[صابر وراضى]

السلام عليكم اناعندى نفس المشكله هتجوز ان شاء الله وحده هولنديه ومش عارف ايه هى الاجراءات ولا عارف هعمل ايه وتانى حاجه هى رسلت ليه زياره قبل كده واخت رفض وعوز اعرف فى اى حل فى موضوع اللغه ولالا واتمنا الى يقدر يفدنى يتفضل على الخاص ياهو diaa_diaa280 وجزاكم الله خير واتمنا للجميع التوفيق ان شاء الله والسلام عليكم