متيجو نحلم

[student]

يا ريت كل واحد يكتبلنا بيحلم بايه

حتى لو كانت حاجة بسيطة زي اكلت كشري او حلم كبير زي الجنة

اهو منها نوثق احلامنا ومنها جايز نستفاد من وحده منها

[student]

انا هابدا بنفسي

ولو اني كتبتها اقبل كده بس هارجع واكتبها تاني

انا عاوز جائزة نوبل

وسدؤؤني انا مش عاوزها عياقة ولا اتفشخر بيها

انا الحمد لله معاي البكالوريوس ومعاي الماجستير وبفضل الله باخد الدكتوراه

عاوزها عشان اغير فكرة العالم عن الاسلام واقولهم اهو انا مسلم وحاسجد شكرا لله قدام الكل لرب العالمين ودفاعا عن رسوله الكريم

[احمد مطر]

انا هقول على حلم واحد من احلامى انى الاقى فعلا نفسى وسطى مجموعه بتحب بعض بجد ومفيش بينهم مصالح الحلم دا فعلا بالنسبه ليا مهم جدا وفى ناس كتير زيى كده اتحرمت من انها تلاقى جو الحب دا فى حياتها رغم انها بتدور عليه بجد

اما باقى احلامى فهى كتير بس كفايه دا دلوقت وادعوا معايا وقولوا يارب دا يحصل

وفعلا موضوع ممكن كل واحد يحاول يعبر فيه عن الى جواه

[سكر]

نفسى اعيش فى عز الاسلام فى الدول الاسلامية ونتباهى بقوة الدول الاسلامية ومصر خاص امام العالم

واكون من الناس الى ساعدو فى النهضة دى

[حسام يوسف]

تحياتى للموضوع وصاحبة

نحن فعلا نفتقد للحلم(بضم الحاء وكسرها)

الحلم بمعنى الأمل بالنسبة لية

مراحل

زى الأهداف

بصراحة انا عندى الحلم=هدف

الحلم الأكبر لية هوة

السعادة

السعادة فى الأخرة بالفوز بالجنة

والسعادة فى الدنيا بان أرضى عن نفسى

وعن أحوالى

ماليا واجتماعيا وعائلياوصحيا

وكل شيئ

وأحسن شوية وضعى المالى

وأقدر أتعلم المجال اللى بحاول اتعلمة دلوقتى

وأهاجر كندا

وأقدر أسعد عيلتى الصغيرة زوجتى وابنى

وعائلتى الكبيرة

والداى وأخوتى

بس

طماع ؟

مش كدة؟

تم تعديل 19 سبتمبر 2008 بواسطة حسام يوسف

[Click]

student

لاحظت انك من المتفائلين دوماً..!

[bentmasria]

بحلم

اشوف ابنى اشطر وانجح انسان فى الدنيا واقدر اربيه واخليه احسن الناس ويكون حليم وطيب ومؤدب وحنين

وبحلم ربنا يقدرنى ويقوينى ويشفينى عشان خاطره

وبحلم اشوف لولا وسلوى وكامل مع بعض

وبحلم ربنا يهدى اللى ف بالى وتخف عنى

وبحلم احجز شقة لابنى ههههههههههههههه

الاحلام موش عيب فى زمن بلا احلام بس انبهكم يا اصدقائى لازم كلنا ندعى يارب ما تنتهيش فى سلة الاحلام زى .................... معظم احلام زمان

ربنا يسعدكم وشكرا على الموضوع الجميل

انا حروح انام واحلم تانى وارجع لكم على طول

ام مادا

[galaxy]

زميلي الفاضل ............... :P

لم اعتاد ان احلم وحدي او لنفسي فحسب...........واذا فتحت الباب للاحلام يبقي الاحلام كتيييييييييييير

بحلم برضا الله تعالي عني وتوفيقه اياي........

بحلم اني افضل انا ووالدي ووالدتي واخواتي متجمعين علي خير وطاعه لله علي طول ان شاء الله.......

بحلم اني ما اشوفش سوء لاي حد احبه واحترمه ابدا

بحلم لنفسي برصيد وافر من الرضاوالسعاده........والسعاده عندي اني اعيش مرتاحه احقق اللي بتمناه ليا وللي حواليا...ااتمني حياه بدون مشاكل بلا منغصات جسيمه......اعرف انه مستحيل نظريا بل وعمليا........لكن الرضاوالراحه النفسيه والتكاتف بحب مع من حولنا يكسب الفرد منا قدره علي مجابهه كل شيئ مهما بلغت صعوبته .

احلم ان انجح في ما اتمني ان اصل له............حياتي الشخصيه ان ادعم نفسي واطورها بقدر المستطاع لاعدها لتكون افضل وارقي ........احلم ان لما اكون عائله صغيرة في المستقبل ان شاء الله تكون عائله ناجحه من اصغر لاكبر افرادها.....اكون قوة داعمه لكل افرادها ....احلم لما يكون عندي اولاد في المستقبل ان شاء الله يكونوا من حفظه القران الكريم ومن الطموحين الناجحين دوما في حياتهم العمليه........بان ادعم من حولي واجد دعمهم وقت احتاجه..........

بحلم ان الناس تحب بعض اكتر وتتحسن احوالها اكتر ........ان ربنا يفرج كرب كل المكروبين ويشفي كل مريض و يهدينا جميعا........بحلم ما يبقاش في الم ابدا ....

زميلي الفاضل انت فتحت باب كبير للاحلام والامال لليوم وبكره وبعده..............انتظر من هذا الباب الكثير.............تقبل تحياتي

[ابو محمود]

بحلم بان نكون زى زمان من 800 سنة دولة عظمى بس يكون كل المشاهد اللى حصلت لأبنائنا واخوانا فى ربوع المعمورة مسجلة على شرائط وما ننتقمش من اللى عاملو كدة فى اولادنا واخواتنا بس لازم يعتذرو ويدفعو تعويض مناسب علشان كدة بس هنرتاح ويمكن ربنا يرضى علينا ويخلينا ننظر الى وجهة يوم الحساب علشان انا مش عارف ازاى هنقدر نواجهة الخالق ولا هنقولة اية عن خيبتنا ان كل واحد فينا عمال يحلم بأنة يكون احسن واحد فى الدنيا وكأننا خلقنا للخلد ونسينا اننا هنتحاسب على النفس او حتى مجرد التفكير فما بالنا بأننا نشاهد ونسمع يوميآ عن ذبح واغتصاب وتنكيل وخطف والأستيلاء على شرفنا وشرف امة يداس معلش نسيت انا كنت بحلم او بمعنى اصح عايز احلم

[iloveegypt]

باحلم الاقى نفسى فى الجنة

واقابل الرسول صلى الله عليه وسلم واشوف الصحابة واشوف صلاح الدين الايوبى وقطز وجمال الدين الافغانى وحسن البنا والشعراوى وابوحنيفة والشافعى وكل الناس الحلوة :P

[student]

حقيقي احلام حلوة

الى الاخ click انا متاكد ان ربنا كبير وقادر

ولو انو انا بسؤالي ده مش عاوز اتوهكو

بس يا ترى انتو فكرتو ازاي كل واحد مننا يحقق حلمو

وفكرتو بعد كده انو في يوم ربنا حيسألنا عملت ايه في دنيتك

وياترى لما تشوف الرسول صلى الله عليه وسلم حتوطي مكسوف والا حتقولو يا رسول الله انا لما كنت بعمل العمل الفلاني كانت نيتي ادافع عنك واعلي دينك

بس خلاص