ياترى ايه الأهم الخبــــــــــــرة أم الفلــــــــــوس السريعه ...........

[kingsabry]

بسم الله الرحمن الرحيم

أخوكم محمد صبري ساكن في الرياض

أنا جديد في السعوديه ومعنديش خبره في الحياة ياريت تفيدوني لو سمحتم ؟؟؟؟؟؟؟؟

دلوقتي وأنا بدور على شغل استقريت على حاجه من اتنين :

1- وظيفة محاسب في السلي في معرض سيارات كبيره ( تريلات ) بس هي مؤسسه بيملكها شخص سعودي .. الراجل معجب بيا وبشغلي ( أصلي اشتغلت هناك 3 أسابيع ) وسبته لما جالي العرض التاني بس بصراحه أنا شفت وضع المحاسبين اللي في المعارض التانيه لقيتهم بسم الله ما شاء الله وضعهم كويس وعاملين استقدام وبيتاجروا لحسابهم . يعني عملوا فلوس في وقت قليل .. بس لما قعدت معاهم لقيتهم يادوب عارفين أساسيات المحاسبه بالعافيه ... حتى فيه محاسب هناك بيقولي ( انت هنا هتعمل فلوس بس هتتعلم الجهل من العمال هنا ) ...........

2- وظيفة محاسب في شركه كبيرة للمواد الغذائيه ليها فروع كتير في المملكه وأسواق كمان . موقع المكتب الرئيسي لها بشارع الحجاز في المنفوحه ( يعني جنب اصحابي ومعارفي ) ... بصراحه الواحد داخ لما اتعينت هناك ..

لما أنا جالي العرض بتاع الشركه الكبيره .. سبت المعرض على طول .. بس بعديها بيومين لقيت صاحب المعرض بيتصل بيا وهيزود راتبي يبقى زي الشركه .. ولما أعمل استقدام هيديلي شقة من عنده ..

---------------// بس أنا شايف ان الشركه ليها مستقبل وهتزودني خبره .. ( مش عارف هعمل بيها ايه .. بس يلا ) ..

---------------// انما المعرض نفس الراتب بتاع الشركه .. ويمكن أوفر منه أكتر .. ويا عالم ممكن بعد كده أعمل بزنس من خلاله ..

انا عايز أعرف اراء حضراتكم للموضوع ده أصل محيرني جدا ..

مع العلم ان بامكاني أروح اي من الوظيفتين ؟؟؟؟؟؟ في الوقت الحالي ؟؟

تم تعديل 18 سبتمبر 2008 بواسطة kingsabry

[أحمد سيف]

نصيحتي ليك ما دمت في بداية حياتك المهنية ما تبصش للفلوس وركز إنك تشتغل في مكان محترم تتعلم فيه وتحطه في السيرة الذاتية بتاعتك ... الفلوس هاتصرفها هوا وهاتلاقي نفسك بعد كام سنه بتبتدي من الصفر أو حتى تحت الصفر بشويه ... لإن الخريج الجديد هايكون أحسن منك في نظر أصحاب الشغل. والسعودية مالهاش أمان ... ممكن صاحب الشركة اللي بيتحايل عليك علشان تيجي تشتغل عنده أول ما تنقل كفالتك عليه يقوم قالبلك على الوش الثاني ويطلع عينك. في كل الأحوال أحسنلك تشتغل في شركة كبيرة ليها أنظمة وقواعد عن إنك تشتغل عند كفيل فردي يتحكم فيك بمزاجه.

[ozoozo]

بص ياصبري انا بقالي خمس سنين خبره في مصر والحمدلله رايح السعوديه علي شركه كبيره وكان في كل الشركات اللي اشتغلت فيها كنت في المقام الاول بدور علي الشركه اللي فيها سيستم كبير وكل ما السيستم قرب من المالتي ناشيونل بيبقي احسن يبقي معرض ايه اللي انت عايز تروحه يعني في الاخر دكانه احتماليه انها تقفل اكبر من احتماليه الشركات الكبيره

[wagdi]

"إذا خيرت بين المال والخبرة فأختر الخبرة... وسيأتي المال بعد ذلك من تلقاء نفسه..."

[kingsabry]

يا جماعه بارك الله فيكم ... على ردودكم ونصايحكم المفيده ...

وده فعلا اللي أنا ماشي فيه .. اني أدور ع الخبرة أولا .. وده صح فعلا .

وشكرا ليكم كمان مره .