مشروع صغير

[حشيش]

بما أن إقامتنا فى الخليج ليست دائمة شئنا أم أبينا وأننا عائدون إلى مصر لا محالة هل يعلم أحد الأخوة بالمنتدى ما هى المشروعات الصغيرة التى يمكن الإستثمار فيها وتلقى رواجاً فى مصر هذه الأيام ولا تحتاج لرأس مال يزيد عن خمسون ألف جنيهاً مصريا كبداية ولا تحتاج خبرة كبيرة فى إدارتها وهل هناك إجراءات بيروقراطية كثيرة لإقامة مثل هذه المشروعات فى مصر أم أن الدولة تشجعها زى ما بيقولوا فى كل مناسبة وجزاكم الله خيراً

[Faro]

ولا تحتاج لرأس مال يزيد عن خمسون ألف جنيهاً مصريا

كوافير يدفع 2 مليون جم خلو رجل / دخولية .

[wa7d]

كوافير يدفع 2 مليون جم خلو رجل / دخولية  

وبيجيبوا الأموال دى كلها منين ؟ أنا سمعت فعلا عن الأموال الخرافية الخيالية وحقيقى بأه حتى المخدرات والدعارة يعنى سهلة كده .

:devil:

[متسائل]

بما أن إقامتنا فى الخليج ليست دائمة شئنا أم أبينا وأننا عائدون إلى مصر لا محالة هل يعلم أحد الأخوة بالمنتدى ما هى المشروعات الصغيرة التى يمكن الإستثمار فيها وتلقى رواجاً فى مصر هذه الأيام ولا تحتاج لرأس مال يزيد عن خمسون ألف جنيهاً مصريا كبداية ولا تحتاج خبرة كبيرة فى إدارتها وهل هناك إجراءات بيروقراطية كثيرة لإقامة مثل هذه المشروعات فى مصر أم أن الدولة تشجعها زى ما بيقولوا فى كل مناسبة وجزاكم الله خيراً

كل ما هو مضر لاقتصاد الوطن.. تشجعة الدولة

[achnaton]

أنا سمعت أن تصنيع أو تجارة البطاطين  والألحفة من المشروعات الماشية قوى فكل واحد بيزعق وينادى على " أمه " والدته يعنى عشان تغطيه وتصوت عليه  .. وانا واحد منهم ..

اخناتون  :devil:  :inlove:

[متسائل]

مش ممكن يا أخ أخناتون..

من أين تأتي بتلك التعليقات اللاذعة؟  :angry2:  :angry2:  :angry2:

أضحكتني جزاك الله خيراً.

[Ragaai]

ياسيد حشيش

أنت لم تقل لنا عندك مكان ولا لأ

المكان من أساسيات التفكير

يعني لو عندك دكان كبير غير لو صغير غير لوماعندكش خالص

ولو عندك شقة يبقى التفكير يكون في مشروعات اخرىمالمكاتب وخلافه

ولو ماعندكش لا شقة ولا محل يبقى

وللأسف الشديد

أصرف نظر

[itsme_1666]

صباح الخير  عليكم .... :angry2:

فى إعتقادى  يا اخ رجائى  ان بعد موضوع المكان سواء كان شقة او محل او غيره  يأتى  رأس المال فى المرتبة الثانية من غير لحاف إنشاء الله  و فى نفس المرتبة  من غير لحاف برده  يأتى إحتياج الموقع لنوعية  النشاط  المقدم وعدد النشاطات   المتشايهة و المتواجدة فى موقع واحد ... يعنى مثلا  لو  كمثال شارع يقع فى حى سكنى  شعبى  فكلنا نتفق ان نوعية النشاط المقدم لا بد و ان يتناسب مع المستوى الاجتماعى و المادى  لسكان هذا الحى  يعنى محل فول و طعمية و بتكلفة بسيطة جدا يكسب دهب و اكتر من محل  بيتزا او تكا او كنتاكى  او بروست .... كمان   محل عصير قصب و  بقالة و  غيره من النشاطات التى تخدم شريحة من المجتمع و المتواجدة بكثرة فى الموقع ...طيب فرضا ان فيه محل لبيع الخضروات و الفاكهة متواجد فى منطقة  سكانها من الطبقة العليوى شوية  و فيه اكتر من   محل لبيع الخضروات والفاكهة فى هذه المنطقة  طبعا كلنا عارفين ان الكل بيبيع و الكل بيكسب لكن الذكاء فى الشغل مطلوب .. بمعنى لكى يتميز محل معين عن غيره يجب ان يقدم خدمة مميزة و ده انا لمستها بنفسى فى محلات الخضر و الفاكهة التى بجوار منزلى ... فأنا اشترى من محل واحد قدر يكسب ثقتى  لانه فيه المميزات الاتية  اولا عنده خدمة التوصيل للمنازل .... ثانيا عنده امانة   البيع و جودة فيما يبيع  والميزة الاخرى التى تميز بها عن غيره هى تجهيز الخضر من تقشير و تعبئة و تنظيف  و هذا ما تضطر ربة البيت الى اللجوء اليه فى  اوقات معينة ....

يعنى بإختصار يا اخ حشيش انت خير من يحدد إحتياج الحى الى إنت فيه من نشاطات  

و بالمناسبة ده انا المنطقة الى اعيش فيها فى مصر فيها كل النشاطات و بدل الواحد  خمسة و ستة ولكن ينقصها شىء واحد من الخدمات و هو مكتب سياحة لحجز تذاكر السفر .. المكتب موجود عندى   مش متشطب لسه  و دور ارضى و مساحته 68 متر و على شارع رئيسى و فى منطقة راقية و آهلة بالسكان مستواهم المادى يتراوح من فوق المتوسط الى عالى جدا ...حد عنده فكره خطوات تنفيذ مشروع زى ده تكون إيه؟؟ طيب مميزاته و عيوبه إيه  ؟؟ :th:  مع العلم إنى مش عاوزة اوصل يا اخ اخناتون  فى الآخر الى الى  مشروع اللحفة والتغطية والصويتتتتتتتتتتتتتتتتتتتتتتتتتتتت  :sneaky2:  :lookaround:  :lookaround: :colgate:  :colgate:

[disappointed]

موقع شقّة الزميله اتس-مى مثالى لمشروع بيبى جاردن .... روضة أطفال من سن سنتين الى أربعه

أو

صالة بلياردو وبنج بونج

أو

ساونا وتدليك

أو

ألعاب كمبيوتر ونسخ سى ديهات (أوديو-فيديو) وتسجيل كوكتيلات غنائيّه للشباب

أو

صالة ايروبيك للسيّدات

Edited By disappointed on Sep. 01 2002 12:06pm

[disappointed]

أعتقد ان المشروع عندما يكون رأس ماله صغير فينبغى أن تكون فكرته والخدمه التى يقدّمها جديده وفريده.... وياحبّذا لو كان مشروعا تخصّصيا , فعندما يعرف البعض أن المحل الفلانى متخصّص فقط فى كذا فانهم يفضّلون شراء هذا الكذا من ذلك المحل من باب : أصله متخصص فى الكذا

كما أرى أن فئة الشباب هى اكثر الفئات انفاقا للمال (ليس من منظور حجم الانفاق بل من منظور كثرة مرّات الانفاق....يعنى الشباب بيصرفوا مرّات كثيره بمبالغ قليله) وهو مايتناسب مع مشروع رأس ماله صغير

أمثله لمشروعات ذات رأس مال صغير بالمواصفات السابقه

محل متخصّص فى الايشاربات الشيك

محل متخصّص فى السيجار والبايب والسجائر المستورده

محل متخصّص فى المطبوعات والجرائد والمجلاّت الأجنبيّه خصوصا مجلاّت الكاريكاتير والفكاهه والموسيقى والرياضه

محل متخصّص فى الطباعه على التىشيرتات والماجّات

محل متخصّص فى ألعاب الكمبيوتر والبلاى ستيشن والسوفت وير

مع ملاحظة أن كل هذه المشاريع لاتحتاج لأكثر من مساحة متر ونصف فى

اثنين متر بأى مول وياحبّذا لو كان به دور سينما تجتذب الشباب

[حشيش]

أنت لم تقل لنا عندك مكان ولا لأ

الحقيقة ياأخ رجائى الخمسين ألف جنيه شاملة كل شئ :dozingoff:  :dozingoff:  :dozingoff:

مكتب سياحة لحجز تذاكر السفر

الأخت اتس مى مشروع هايل بس محتاج صفر زيادة على رقم الخمسين ألف أهيف سالفة الذكر فهو يحتاج كام كمبيوتر وكام خط تليفون وبنتين تلاتة روشين الواحدة بمرتب ما يقلش عن 500 جنيه شهرى :inlove:  :inlove:  :inlove:

ساونا وتدليك

أخونا العزيز محبط..هذا المشروع يحتاج رأس مال كبير جداً...اللهم إلا لو أخدت شقة بمنافعها وعملنا موضوع التدليك ده فى الحمام  :xmas:  :xmas:  :xmas:

[حشيش]

محل متخصّص فى الطباعه على التىشيرتات والماجّات

فكرة هايلة وغير مكلفة ولكن لا أدرى هل انتشرت فى مصر ولا لسه على الضيق..ممكن طباعة أشكال فرعونية مثلاً على التى شيرت وبيعها للسياح فى الغردقة وشرم الشيخ والأقصر وغيره..هل تدرى أخى محبط ما هى المعدات اللازمة لهذا

سمعت أيضاً عن مشروع زراعة "عش الغراب" وتصديره لأوروبا..أيضاً نباتات الضل للبيوت..تربية النعام والحمام والسلام ختام  :xmas:  :xmas:  :xmas: أفيدونااااااااا أفادكم الله :music:  :music:  :music:

[achnaton]

يا أخ حشيش

عش غراب ليه ..ماهو عنده عش عظمة فى شارع مجلس الشعب ..ولا قصدك غراب تانى غير غراب الخراب .. وإذا كان على الزراعة فتروح بعيد ليه وأنت أسمك نفسه ثروة .. معلهش القافية حبكت .. خاصة وأن تلك الزراعة تودى الى العلا ؟؟!!

اخناتون  :inlove:  :inlove:

[حشيش]

ولا قصدك غراب تانى غير غراب الخراب

أخى أخناتون

أى غراب تقصد؟..الغربان كتير..أنا كنت أقصد الغراب المشروم  :xmas:  :xmas:  :xmas:

أما عن إسمى...الله يسامحك   :lookaround:  :lookaround:  :lookaround:

[achnaton]

معذرة يا أخ حشيش .. حكاية الأسم جت كده .. ويمكن أنت عارف أن هذه الزراعة رفعت ناس كتير فى مصر ..

أما غراب الخراب .. فهو معروف لأعضاء المنتدى .. غراب الخراب الأقتصادى دكتور الكساد وحامى حمى الفساد اللى كرم سمير رجب أول امبارح ..

عرفته ..؟؟ كفاية كده

اخناتون :inlove:

[بنت شعنونة]

عن تجربة

اشتري فدان او فدانين ارض زراعية

او ممكن تقسطهم

خصوصا ان حالة البلد ضنك دلوقتي وكله ماشي بالتقسيط

ويعني ب 25 الف تشتري الأرض

و ب الباقي تشتري بقر و خرفان

الخروف الصغير يعمل 200 الى 250 و الكبير 400 او 500 في اغلى حالاته

و الماعز الصغيرة التلاتة يعملوا بعد الفصال 300 جنيه

المهم تشتري دول وتربيهم في الأرض

وصدقني كلللللللل حاجا بتمنها

اللبن ها يتباع

و الخرفان على العيد سعرها بيكون الضعف وعامة من غير عيد هيا مربحة بنسبة 20%

والبقر بنسبة 40% من الثمن الأصلي

يعني مشروع مربح جداااااااا

وعن تجربة شخصية

مشروع اخر ودا كان اخر واحد انا عملته

تشتري ميكرو باص وهوا مستعمل يعمله دلوقتي 125 الف بعد ما الدولار غلي

ولو حظك سعيد ممكن تاخد واحد حالته جيدة 100الف

المهم

هوا بيعمل في اليوم الواحد في اتعس حالاته من 100 الى 150 جنيه

دا لو كان فقري و السواق بيسرقك

والله اعلم :)

[achnaton]

ربنا يكفيكم جميعا شر المرض .. فارق النوم الليلة عينى .. ولم أجد الا فى الكتب سلوتى .. وحتى أحرر منطقة ترتيب الأفكار داخلى .. مددت يدى الى بعض الكتالوجات أحلم مع المعروضات .. ولأنها كانت كتالوجات فصل الصيف فقد كان هناك الكثير من مهمات الحدائق والأدوات المنزلة .. ولفت نظرى الرسومات الجميله للسجاد والمشايات وتلك التى نضعها فى الحمامات بما عليها من صور جميلة ولوحات فنية تشكيلية يحلم بهاالفنان فاروق حسنى نفسه .. وقطع على رحلة أحلام اليقظة نشرة الأخبار والناس بتصلى فى الكنائس الإنجيلية وبتدعى الله أن يخلص الكرة الأرضية من راعى البقر اللى تاوى يقلبها دندرة وتذكرت مقال كنت قد قرأته فى أحد المجلات يشرح الأسباب الرئيسية للكره المعشش فى نافوخ بوش لقائد أم المعارك .. وأنتم عارفينه طبعا .. بيقال والعهده على كاتب المقال أن بوش وأسرته زعلانين جدا جدا من أعمال الرئيس الأوحد لأهانته بوش الأب إهانة أزليه بأن وافق على الزام المصالح والمكاتب الحكومة بأن تضع على الأبواب " مساحة للجزم " عليها صورة بوش الأب ليمسح فيها الشعب المتردد على هذه المكاتب جزمته .. وواحد خبيث إشترى كام دسته وصدرها بطريق أو آخر الى القارة الأمريكية فأستخدمها بعض أعضاء أحزاب المعارضة أمام مكاتبهم مما جعل بعض الوزراء اصدقاء بوش الأب يكونون جبهة " كلوكس كلاى " للأنتقام من صدام .. وجاءتنى فكرة إنى أروح البنك بمجرد شفائى واسحب رصيدى هناك وابعته لمصنع سجاد ليصنع لى كام الف وعليها المرة دى صورة راعى البقر الأبن .. وطبعا أنا ضامن أن هناك الملايين فى كل الأرضية مشتاقين لوضع هذه المساحات  على أبواب مكاتبهم وبيوتهم .. وما على الا أن أؤجر مكتب صغير به تليفون لتلقى الطلبات حتى من غير سكرتيرة ولا دياولوا وأتولى توزيع الإنتاج بنفسى أو كام مندوب يشتغلوا بالقطعة .. وطبعا فى الأول الواحد مش حيلاحق على الكميات المطلوبة .. وممكن تطوير الأنتاج بوضع صور شلة الحرب إياها ومش عاوز أقول أسماء .. وبالمرة لما السوق يتشبع وتقل الطلبات أعمل إستفتاء مدفوع الأجر فى الجرائد إياها بتاعة النفاق الأزلى .. او ممكن برضه كام إعلان فى الفضائية والقنوات الأقليمية .. وفضلت أحلم .. واحلم إنى خلال وقت بسيط حابقى من القطط السمان وابنى لى قصر بمعرفة الأخ سليمان اللى بنى قصر سمير وأمثالة ناهبى قوت الشعب وأمواله .. وأفتح للشركة فروع فى البلاد العربية والأفريقية والأوربية والأمريكية ماهو برضه فى امريكا زباين كثير على الاقل نص الشعب مش عاوز حرب .. وبناء عليه قررت تلقى الطلبات من الآن من اللى عاوز يعمل مشاريع فى المحروسة ممكن يشاركنى هناك !! ويا خسارة تحالفت على آلام المرض وآلام الحزن على المحروسة فطيرت أحلامى ..و سرقوا أحلامى يا رجب .. واقرؤا حكاية السرقة دى فى باب الشعر والأدب ..

مع تقديرى للجميع وحبى لمن يضحك معى .. حد واخد منها حاجة ؟؟

اخناتون       :inlove:  :inlove:

[Seafood]

و ب الباقي تشتري بقر و خرفان

الخروف الصغير يعمل 200 الى 250 و الكبير 400 او 500 في اغلى حالاته

و الماعز الصغيرة التلاتة يعملوا بعد الفصال 300 جنيه

المهم تشتري دول وتربيهم في الأرض

وصدقني كلللللللل حاجا بتمنها

اللبن ها يتباع

و الخرفان على العيد سعرها بيكون الضعف وعامة من غير عيد هيا مربحة بنسبة 20%

والبقر بنسبة 40% من الثمن الأصلي

يعني مشروع مربح جداااااااا

وعن تجربة شخصية

مشروع اخر ودا كان اخر واحد انا عملته

تشتري ميكرو باص وهوا مستعمل يعمله دلوقتي 125 الف بعد ما الدولار غلي

ولو حظك سعيد ممكن تاخد واحد حالته جيدة 100الف

المهم

هوا بيعمل في اليوم الواحد في اتعس حالاته من 100 الى 150 جنيه

دا لو كان فقري و السواق بيسرقك

والله اعلم

:D  

أنت شعنونة بالظبط و لا شعنون ؟

بس برافو عليكى لو الكلام اللى كاتباه ده صحيح ...و فى نفس الوقت طلعتى شعنونة مش شعنون  ;)  :D

[بنت شعنونة]

الأخ سي فوود

عشان تعيش لازم تجرب كل حاجا واي حاجا مادام حلال

والحمدلله معلوماتي كلها صحيحة ومن واقع تجاربي الشخصية

وبعدين احمدالله على اني شنعون"ة"

يعني بنوتة :D ;)

والا كان "اجباري" اني اعمل المستحيل عشان اصرف على نفسي

صحيح انا بعمل كدا فعلا لكن في خلفية ورايا اسمها اهلي ملزمين بيا :D

بس نعمل ايه بقى

لقمة العــــــــــيـــــــش صعبة

وانا مش ناوية اكون عالة على حد ;)

[صلاح الدين]

والله يا أخ حشيش أنا مع السيد 1666 قلبا و قالبا و أحب أن أوجه عناية السادة المشاركين أن الجميع يسيرون فى خط *** عشة ملك و لا قصر شرك *** و هذا ما أجده عيبا فى تفكيرنا نحن المصريين من أصحاب رؤس الأموال الصغيرة فعلى سبيل المثال لمذا لا يشارك السيد حشيش السيد 1666 على أن تقوم الشركة على أساس موضوعى و حسابات دقيقة و ليست على الطريقة البقالى طريقة التساهيل يعنى و فى هذه الحالة يكون رأس المال أكبر و البداية أقوى  مساحة الاختيارات أكبر أنا عن نفسى عملت كدة وأحذر كل الحذر من شركات توظيف الأموال الجديدة والمقنعة