مشروع صغير

[حشيش]

أخى صلاح الدين

أنا أوافق على أن أشارك الأخت إتس مى 166 فى مشروع شركة الطيران التى إقترحته ولكن بالشروط الأتية:

1- أن تكون العصمة فى إيدى "قصدى الإدارة"

2- أن أعين برتبة طيار

3- المكسب مناصفة والخسارة عليها

:xmas:  :xmas:  :xmas:  :xmas:  :xmas:

[صلاح الدين]

[b:post_uid4]على فكرة أنا كنت أحاول المساعدة جديا و ألا أسهم فى تفعيل تشاؤمك سيد حشيش حيث أن مبلغ الخمسين ألف جنيه هذا لا يثمن ولا يغنى من جوع

أما عن السيد أو السيدة 1666 فأنا أقول أن مكاتب السياحة من المشروعات الناجحة جدا و ذات العائد المجزى عندما تتخطى مرحلة حجز تذاكر السفر فقط الى مرحلة تنظيم الرحلات الداخلية مثلا شرم و الغردقة و تنظيم رحلات العمرة و الحج السياحى التى أصبحت حكر على هذه المكاتب و لكن هناك ألف عقبة و عقبة أمام استخراج التصاريح الخاصة و خاصة تصريح أمن الدولة و على فكرة أنا كنت بدأت فى المشروع ده و بعدين قلت يا دار ما دخلك شر و فتحت شركة رحلات و ليست شركة سياحة حيث أن شركة الرحلات لا تستوجب كل هذه التصاريح[/b:post_uid4] [b:post_uid4] :baaa:  :baaa:  :baaa: [/b:post_uid4]

[mnman]

أنا سمعت أن تصنيع أو تجارة البطاطين  والألحفة من المشروعات الماشية قوى فكل واحد بيزعق وينادى على " أمه " والدته يعنى عشان تغطيه وتصوت عليه  .. وانا واحد منهم ..  

مشروع 10/10 ... وانا اول واحد بطلب غطا ء من الاخ حشيش بس يريت يكون بالتقسيط المريح  ...

.. المكتب موجود عندى   مش متشطب لسه  و دور ارضى و مساحته 68 متر و على شارع رئيسى و فى منطقة راقية

إية رأيك يا اخت itsme تديني الشقة أتجوز فيها ... ودة مشروع ناجح و مضمون ...  وأجرك عند الله يعني تخدية حسنات ودعاء واهو كلة ينفع يوم القيامة...

وبناء عليه قررت تلقى الطلبات من الآن من اللى عاوز يعمل مشاريع فى المحروسة ممكن يشاركنى هناك

وأنا اول مين يشارك... وياريت لو ورق توليت علية صورة توني بلير و شارون كدة تكون كملت وحنلم لم...

:D  :D  :D

[مصرى]

توكلنا على الله

الأخ معاه 50 الف جنيه وعايز يعمل مشروع فى مصر .. ماشى

الحكومة تشجع المستثمرين الصغننين زى سعاتك .. تديلك الأرض مجانا فى منطقة صناعية جديدة .. وبعدين تبنى سور على هذه الأرض ومبنى ادارى صغير وتحفى سنتين ما بين البنوك حتى يعطوك قرض لشراء الماكينات والخامات .. موش مهم .. يوجد سماسرة بدرجة استاذ جامعة يمكنهم أن يخلصوا لك الحكاية فى ظرف أيام مقابل نسبة من القرض

وبعدين تبتدى حضرتك تنتج .. بطاطين أو ملابس جاهزة أو مسامير أو حتى غطيان قزايز .. ولكنك ستفاجأ بأن دراسة الجدوى التى أجريتها حضرتك هى حبر على ورق وان السوق واقف ولا فيه بيع ولا شراء .. تصرف العمال وتشون الانتاج وتدور زى المجنون تبحث عن حل لانقاذ مشروعك بينما تكون أقساط قرض البنك قد حلت عليه وأصبحت مطالب بسدادها والدفع أو الحبس .. وستكون سعيد الحظ لو وجدت واحد يشترى منك المشروع بقيمة قرض البنك فقط وتخرج خاسرا أموالك وكسبان حريتك !!

طيب بلاش ده .. أقولك على مشروع أضمن

لا تجارة ولا صناعة .. خليك فى اللى يوكل عيش بجد

مشروع مما يسمى بالحرف الهامشية مثل قهوة بلدى أو كافتيريا ودى مخاطرها قليلة ورزقها صابح ولا مؤاخذة يابيه .. تشترى شوية الشاى والسكر البن والمعسل والفحم فى الصباح وآخر الليل تعد أرباحك .. ضيق عليك بتوع المرافق تغير نشاطك ما خسرتش كتير

تقوم قالبه صالون حلاقة .. ودى حاجة بقيت أورجينال خالص دلوقت وبعض نجوم السينما دخلوها ولم تعد مثلما كنا نسمع زمان من أن الأسطى بارد .. اذا كنت فى حى شعبى يبقى صالون الأسطى عبده شعر وذقن .. اذا كنت فى حى راقى مثل حالة شقة الأخت يبقى كوافير مستر بيبى .. وتخصصه لحلاقة شعر الأطفال .. أى والله تجيب شوية لعب وبيانو وأتارى وتعلق شوية صور روشة وتتكل على الله .. وبالشفا

محدش هيديق عليك .. لأنك طبعا موش معقول تاخد أتعاب من أولاد البهوات

[itsme_1666]

يا سلاااااااااااااااااااااااااااااااااااااااام  حقيقى فتحتوا نفس الواحد  على المشاريع  ???  ???  ???  ???  ???  ???  ???  ???  ???

اولا اشكرك اخ محبط على نوعبة المشاريع الى ذكرتها والى فعلا استخلصت منها نتيجة مهمة جدا و هى التخصص فى  شىء معين من الممكن يكون اساس نجاح المشروع  ده غير ان حضرتك قلت افكار كتير تكون محل  دراسة و تفكير لدى و لدى زوجى الى شاركنى قراءة مداخلتك  :colgate:

الاخ  صلاح الدين

انا ماعنديش مانع فى موضوع الشراكة ده   لإنه مش عيب ولا حرام  :th:  :lookaround:   يا اخ حشيش يعنى موضوع الخسارة ده الى عاوزها عليا لوحدى مش ممكن   ابدا  ... هو انا يعنى علشان  ست لاااااااااااااااااااااااا انا ورايا ناس تاكل الزلط ....... إطمئن   كل شىء قانونى و على يد محامى

و انا على فكرة  يا اخ حشيش سألت على موضوع  مكتب السفريات و طلع فعلا زى ما الاخ صلاح بيقول ان فيه عقبات كتيرة  ده غير التأمين المطلوب فى هذا المشروع والى  يتراوح ما بين  ربع مليون الى تلات تربع مليون جنيه  و لكن  كلنا عارفين ان بلدنا هى بلد الروتين والتعقيدات و إذا كان المشروع يستاهل فعلا طيب ليه لأ  ما نتعبش شوية  .. و على فكرة التأمين ممكن يكون بضمان قطعة  ارض او فيلا او خلافه و اعتقد ان كده الموضوع ما فهوش مشاكل  :turn:

الاخ mnman

واللهى كان على عينى اللى لسة مزغللة ده  :cool:  :cool:  :cool:  :cool:  :cool:   انى اديك المكان الى هأعمل فيه المشروع بتاعى   علشان   تتأهل فيه  و كله بثوابه  طبعا   هنيالك يا فاعل الخير   :th:  :lookaround:

بس للأسف انا موضحتش انه مش شقة  ده  محل  يعنى مساحة ال68 متر دول مساحة مفتوحة على بعضها و هى دور ارضى ومافيهاش غير حمام لا مؤاخذة  بس  :turn:  :D  و على فكرة كمان واجهته مفتوحة  علشان تتقفل زجاج زى البانوراما كده

:lookaround:  معلش سامحنا بقه خيرها فى غيرها ....

واللهى يا جماعة  إحنا ممكن نعمل كتير بس إحنا فينا حته وحشة جدا وهى التردد والخوف  :D  :D  :D

[بنت شعنونة]

الأخت اتس مي

والله انا جد في كلامي

انا مستعدة اشترك معاكي في مشروع انا ها اعرضه عليكي

ومربحة 400% ان لم يكن اكثر

ولكن للأسف المساحة 68 متر فقط

بس مش مشكلة

المهم هوا كم غرفة ومساحتهم ازاي؟

المشروع هوا

معهد دروس

وهم اقلية في البلد

عبارة عن معهد مرخص من الوزارة لأعطاء دروس خاصة للطلبة

تخيلي لما الطالب يدفع 50 جنية في الحصة

(ودا اقلللل سعر)

احسبي كام طالب حسبب عدد الطلاب اللي يستوعبهم المكان

في حوالي 10 - 20 حصة حسب قدرتك وقدرة المدرسين

اخصمي مرتب المدرس الذي لن يتعدى في افظع الأحوال 500جم وفي اقل الأحوال 250 او 300 العادي

)هذه معاومة مستقاه وغير اكيدة...يعني فيها قولان)

ومحاسب خبرة يطلعنا من الضرايب

احسبي كدا المكسب كام؟

لو اشتغلتي من الساعا 4 الى الساعة 10 مساء؟

انا عندي استعداد اشترك مع حضرتك في المشروع دا

وبجد والله

سيطلب منك تصريح من الحي

ومن وزارة التعليم

حيث يجب ان يكون صاحبة او حتى شريك رجل تعليم

ودي عندي محلولة

في تراخيص ضريبية هيا دي اللي مقرفة شوية

بس لو محاسب يهودي ممكن يخلصهالنا

ها ايه راي حضرتك؟

وانا بتكلم جد والله

[wahed_masry]

كل ما هو مضر لاقتصاد الوطن.. تشجعة الدولة

محل متخصّص فى الايشاربات الشيك

محل متخصّص فى السيجار والبايب والسجائر المستورده

محل متخصّص فى المطبوعات والجرائد والمجلاّت الأجنبيّه خصوصا مجلاّت الكاريكاتير والفكاهه والموسيقى والرياضه

محل متخصّص فى الطباعه على التىشيرتات والماجّات

محل متخصّص فى ألعاب الكمبيوتر والبلاى ستيشن والسوفت وير

تحياتي

واحد مصري

[wahed_masry]

الحاقا للتعليق السابق

الاختين شعنونة واتس مي

معهد 68 متر مربع!!!!!!!!!!!

تحياتي

واحد مصري

[بنت شعنونة]

ماهو ممكن يكون غرفة كبيرة وصالة صغيرة مثلا يا اخ واحد مصري :blush:

ما عشان كدا انا سالت على تقسيمته

وياسيدي ربنا بيبارك في القليل :blush:

ما تقرووش انتوا في المشروع واحنا نكسب دهببببببب ;)  :D  :D

[itsme_1666]

الاخت شعنونة انا موافقة اشاركك بس مش علشان  المشروع الى انتى إقترحتيه  لكن علشان إنتى عندك إصرار و تحدى و روح مغامرة زى حالاتى  :sneaky2:  :lookaround:  :th:  ;)  

و علشان كده اقدر اقولك  انا على استعداد من بكرة بدء خطوات عملية فى أى مشروع نتفق عليه انا و انتى  والعيل الى يرجع فى كلامه  :sneaky2:  أقصد العيلة الى ترجع فى كلامها بس اهم حاجة تكونى  بنوته مش شعنونننننننننننننننننننننن  ولا شعنونةةةةةةةةةةةةةةةةةةةةةةةة   :D  ;)  ;)  ;)  ;)  ;)  ;)  ;)  ;)  ;)  :lookaround:  :D

ممكن تقابلينى على الماسينجر لو حبيتى  :xmas:

[عادل أبوزيد]

] نوقش هذا الموضوع هنا   اكثر من مرة  و رايت ان اضيف لهذا الموضوع  عنوان موقع دراسات الجدوى الموجودة فى الهند  و ثمن الدراسة الواحدة  حوالى 286 دولار امريكى

و لكنى اذكر ان هذه الدراسات متوفرة ايضا هناك - فى الهند باسعار زهيدة - و قد كنت طلبت عدة دراسات  بسعر اجمالى حوالى 250 دولار   و لكنها لم تصلنى  ( الأمانة و الثقة فى التعامل مع الهنود  ليست فوق مستوى الشبهات )

موقع و قائمة بدراسات الجدوى المتاحة فى احد المواقع الهندية

Edited By Adel Abuzaid on Sep. 07 2002 4:15pm

[itsme_1666]

الاخ Adel Abuzaid

الموقع جميل و ملىء بالافكار الجديدة  بس انا تهت شوية فيه  و علشان كده عاوزة اسأل حضرتك  سؤال  .... دراسة الجدوى تعملها الهند لنا إزاى  ؟ مش إحنا الى عايشين فى بلدنا اكتر ناس تعرف عن قوة إحتمال السوق للبضاعة التى سوف يبدأ بها المشروع؟؟؟؟مش من باب اولى الى عايش فى مصر هو ادرى الناس بموضوع دراسة الجدوى لمشروعه و الا انا فاهمة غلط؟؟ :lookaround:  :lookaround:  :th:

[Set_Amina]

قدمت النية الحسنة وتقمصت روح المغامرة وشاركت أحد المعارف (عن طريق الانترنت على فكرة) ودفعت كل اللي ورايا واللي قدامي علشان نعمل مشروع يقوم هو بادارته وانا طبعا بتمويله حيث انني اعيش في بلاد على بابا والاربعين حرامي والفلوس عندي بالهبل،    هما فاكرين كده) المهم كانت فكرة المشروع هي انشاء كامب في دهب وكام حجرة على كام خيمة هايلموا السواح والمكسب هاينزل يرف بالاضافة الى اني هالاقي مكان اصيف فيه كل سنة لما انزل مصر مجاني واتخدم خدمة اجدعها سيدة أعمال، واذا بصاحب الضمير الصاحي يعتذر عن عدم نجاح المشروع ، قصدي عدم التمكن بالقيام به من أصله لأن شيخ العرب اللي كان هيأجر منه الأرض رجع في كلامه، وادي وش الضيف لا شفت كامب ولا شفت فلوس ولا شفت الشخص أبو ضمير صاحي مرة ثانية، وحيث اني مش عايشة في مصر وحيث اني كما بدأت كلامي كنت حاطة فيه كل الثقة وكنت فاكرة ان الكلمة هي عقد مكتوب ، أخدت الصابونة المتينة واستعوضت في رأس مالي الخالق سبحانه وتعالى ، أدي تجربتي مع المشاريع والحلم بالعودة والأمل في دخل اعيش به في بلدي اذا أردت الرجوع. إيه رأيكم بقى؟؟

[freefreer]

لا حول ولا قوة الا بالله العظيم .. اتمنى ان المبلغ لم يكن كبيرا .. طبعا لا يمكن عمل مشاريع بهذه الطريقة .. اذا لم تكونى قائمة بنفسك  على المشروع ..

الواحد ما بيتعلمشى ببلاش .. و الحمد لله الى جت على قد كدة .. و كلة مضاف فى رصيدك حسناتك .. ما فيش حاجة بتضيع

[Set_Amina]

للأسف المبلغ كان كبير وللأسف كمان اني عملت قرض بادفع فيه لحد الآن وللأسف للمرة التالتة ان صاحب الضمير الصاحي محامي ، لكن أملي فعلا زي أنت ماقلت ان ربنا سبحانه وتعالى يجعله في ميزان حسناتي وحسبي الله ونعم الوكيل

[حشيش]

انشاء كامب في دهب وكام حجرة على كام خيمة هايلموا السواح والمكسب هاينزل يرف

يهئ لى أن المشاريع من هذا النوع لا توضع فى ميزان الحسنات  :xmas:  :xmas:  :xmas:

[KWA]

بسم الله الرحمن الرحيم

السلام عليكم ورحمة الله وبركاته

يا أخ حشيش ....ليه سؤال بسيط ....ايه اللي انت تعرف فيه علشان تتاجر فيه ....اما عن المشاريع الصغيره في مصر فهي مشاريع  ماشيه بالبركه و دعاء الوالدين وليس مبنيهةعلي اي أسس أقتصاديه و لا دراسه جدوي و لا يحزنون....فتوكل علي الله و أدخل تجاره المأكولات أوالملابس و هما من أكثر السلع أستهلاكا و اذا لم تتوافر لديك الرغبه في هذا فتوكل علي الله و ريح دماغك و حط الفلوس في البنك.....و  أستفاد بالفائده أضمن .....اما اذا كنت لسه مصمم علي التجاره ....فعندي الحل الثالث ....غير فلوسك الي دولارات و المبلغ هيبقه صغير و في هذه الحاله أنت مطالب بأخراج ماتحت البلاطه القيشاني و تحولهم دولارات برضه و بعد ذلك ترسلهم لي هنا في بلاد الورق الأخضر ربما أوافق علي قبول هذا المبلغ  الصغير ...و سوف ارسل لك فوائدك الشهريه  بالورق الأخضر و كل واحد بياخد علي أد نيته .....و أذا لم يعجبك اي  من الحلول .....ده سوف تكون مشكلتك و ليس مشكلتي .....و ربنا يهديك و   أنا في أنتظار التحويل..

[Set_Amina]

انشاء كامب في دهب وكام حجرة على كام خيمة هايلموا السواح والمكسب هاينزل يرف

يهئ لى أن المشاريع من هذا النوع لا توضع فى ميزان الحسنات  :xmas:  :xmas:  :xmas:

اللي باندعي انه يوضع في ميزان الحسنات هو المبلغ الضائع ياأخ حشيش وانا وافقت على فكرة المشروع لأني كأي مصرية متغربة تريد أن تعود الى وطنها بفارغ الصبر مهما كانت الحياة في الغربة جميلة ومريحة وأضيف كذلك اني لم أكن أعلم أي شيء عن كيفية اقامة هذا المشروع وكل ما فعلته هو اني وثقت في من لا يستحق الثقة وربنا يسترها على الجميع ويحميهم من شر النصابين

[وسام]

عليا النعمة احنا شعب نحب الابتكار او الافتكاس كما يقال

اعرف شاب من منطقتنا فى مصر عاطل لا يعمل و طول النهار فى الشارع و على القهوة و مع ذلك الفلوس جايالو كل شوية

حزروا بيشتغل ايه!!!

الباشا لاعمل له غير انه يبيع مسجات الصور و النكت و يلحن نغمات على الموبايل للناس و عشان هوة ابن نكتة فمطلوب جدا و بيبع النغمة او الصورة من 5 الى 15 جنيه

فعلا رزق الهبل على المجانين

[achnaton]

ما هو ده احد دروس الجامعة الشعبية فى تلفزيون الريادة الإعلامية .. والفكرة قدمها مؤلف مسلسل أوبرا عايدة عندما قدمها ضمن المسلسل حين طلب الخواجة الفونس من أوبرا المحامى أن يسجل له لحن اوبرا عايدة على الموبايل مقاب خمسة جنيه وتانى يوم جاب له عشرين موبايل مرة واحدة .ز أفكار جديدة للفهلوة اللى جايبانا ورا ..

اخناتون :!: