اخبار الكاجوال (فرص العمل المؤقتة) ايه في كندا

[mohamed omar]

يا سلام عليك يا نجم.....ايه ده بس يا عم تورونتو "سابقا و حاليا" ارجع تاني لايام مجدك.......ايوه كده كنا مفتقدين الروح و الناس اللي زيك في المنتدي من فترة كبيرة...

تحياتي

تحت الأمر و الطلب و سرعة التنفيذ.

[mohamed omar]

طب هو الدراسة في الجامعة إيه نظامها يا إخواننا ... لو الواحد عايز يدرس حاجة جديدة على المؤهل بتاعه الأصلي ... ؟؟؟؟؟؟؟

السلام عليكم و رحمة الله و بركاته

يا ريت فعلا نعرف لو اراد شخص الدراسة فى الجامعة لنوعية دراسة مختلفة عن اللى درسها فى مصر ... يعنى مش يعادل .. لا.. يدرس دراسة جديدة خالص هل ينفع .. و هل عند ذلك يكون جايب معاه شهادة الثانوية العامة المصرية ؟؟ و له هل حصوله على بكالوريوس من مصر يعنى انه حاصل على الثانوية العامة بالطبع ؟؟

ارجو ان يفيدنا من هو موجود هناك بالفعل

و لكم جزيل الشكر

هذا الموضوع تعرض اليه احد اقاربي الموجودين بكندا..فهو محامي و اراد دراسة السياحة و الفندقة..لكن كان معاه كل اوراقه من شهادة الثانويه العامة موثقة و مترجمة و طلبوا منه ان يعمل لها EQUIVALENcE...و توجد بعض الجامعات تعتمد شهادة الليسانس في حالة دراسة اي شئ أخر علي وثيقة لاثبات دراسة 12عام...بتختلف من جامعة لأخري..الحل هو احضار كل الأوراق موثقة من غير ترجمة علشان لا تعتمد الترجمة خارج كندا ..اللهم بلغنا كندا.. :lol:

أستاذ محمد ... إنت قلت على حاجة مهمة جداً ... لازم الشهادات العربي ... شكراً يا أستاذ محمد ربنا يباركلك ...

لا تعتمد الترجمة خارج كندا..و كل الشهادات توثق و تعتمد من وزارة الخارجية او اي مكتب تابع لها.

[حسام يوسف]

الأخ الفاضل محمد عمر

فية أمثلة تانية لأعمال يمكن مزاولته حتى تتم المعادلة؟

وألف شكر لتعبك

تم تعديل 21 سبتمبر 2008 بواسطة حسام يوسف

[mohamed omar]

الأخ الفاضل محمد عمر

فية أمثلة تانية لأعمال يمكن مزاولته حتى تتم المعادلة؟

وألف شكر لتعبك

دكتور حسام باشا و اللهي فيه بس ماتنفعش مع كل الناس1ـدليفري مطاعم بيتزا و ما شابه و دي شروطها سيارة و معرفة بالبلد طبعا النافيجيتور بيسهل المأموريه..شغل الامن انضف و اسهل و كتير..وممكن تذاكر كمان لو موقعك كويس ...

[حسام يوسف]

ألف شكر لاهتمامك

كل سنة وانت طيب

[elhaw]

السلام عليكم ورحمة الله وبركاته

رمضان كريم يا شباب وشابات منتدانا الجميل

انا فعلا مبسوط اوي ان الكلام في المنتدي بدا يتطرق للتفاصيل الصغيرة والمهمة جدا بالنسبة لكل واحد مقدم علي الهجرة لكندا

فمثلا موضوع تكاليف المعيشة الي تصدي ليه الاستاذ ياسر غاية في الروعة واتمنا منه انه يقبل شكري الجزيل ليه ولباقي الزملاء علي المجهود الكبير والرائع الي بذل في بيان ادق التفاصيل وانا والله بعتبر دي من الاعمال الخيرة الي كلنا بنحاول نتقبل لربنا بيها في هذا الشهر الكريم تقبل الله منا ومنكم طاعاتنا

بس انا بتمنا علي الاستاذ ياسر والاخوان الموجودين في كندا او حتا مش موجودين داخل كندا بس عندهم معلومات فريش انهم يتطرقوا لموضوع الشغل الكاجوال الي كتير منا حيلجا اليه علي الاقل في بداية مشوارة في كندا

عايزين نعرفوا ايه الاعمال المتوفرة وصافي الاجر بعد خصم الضرائب علي كل ساعة والحد الاقصي لعدد الساعات المسموح بيها لكل شخص في اليوم او الاسبوع وهل ممكن التوفيق بين الدراسة وهذة الاعمال

ويا تري هل الواحد ممكن يستغني عن السيارة وفي البدايه ويعتمد علي المواصلات العامة بالرغم من وجود اطفال في الاسرة

عزرا علي الاطالة وكثرة الاسئلة بس انا عارف ان التعاون والرغبة في المساعدة والنصح هي من اهم مميذات اعضاء منتداني الجميل

شكرا جزيلا

لا اعرف معني كلمة الشغل الكاجوال..و لكن ان كنت تقصد اعمال مثل المطاعم و الأمن و التاكسي فهى موجودة بكثرة في كندا..نتكلم عن شغل المطاعم فهذا عمل يحتاج الي كورس 7 ساعات تحصل بعد اجتياز الأختبار علي رخصة تسمي سمارت سيرف هذا الكورس تكلفته 54 دولار راتب هذا العمل يبدا من 9 الي 12 دولار في الساعة غير البقشيش..الامن وهذا العمل متوافر بكثرة في كندا و يحتاج الي عمل رخصة من البلدية تكلفتها 80 دولار الراتب ما بين 10 الي 14دولار في الساعة..التاكسي هذا العمل له شرطين اولاا الحصول علي رخصة قيادة Gفي اونتاريو او كلاس 3 في كيبيك و بعدها يجب الحصول علي ترخيص من السيتي هول او البلدية بعد اختياز كورس في ال MTOاو احدي المدارس المعتمدة..هذا الكورس تكلفته 550دولار..توجد اعمال اخري مثل توزيع الصحف بسيارة او من غير..قيادة بعض معدات نقل البضاءع من المخزن الي سيارات الشحن فورك ليفت و لها كورس نظري و عملي و بعد اجتيازه تحصل علي الترخيص هذا العمل راتبه ما بين 12 الي 17 دولار..وفي بعض شركات البناء يرتفع الي 40دولار في الساعة..قياده الشاحنات و هذه رخصة كلاس Aوهذه الرخصة تحتاج الي عمل كورس لفرامل الهواء وبعد اجتيازه تحصل علي كلاس Zو يعني ابر بريك سيستم..ثم اختبار القيادة العملي و هذا الأختبار من الصعب اجتيازه من اول مرة و هو عبارة عن قيادة الشاحنة داخل المدينة ..راتب ساءق الشاحن يتراوح مابين 44 الي 48 سنت بير ميل تكلفة هذه الرخصة تبدا من 1500 دولار الي...لحدماتتعلم كورس فرامل الهواء تكلفته 250دولار و لكن هذا العمل لا يندرج تحت اسم كاجوال وورك.بالتوفيق للجميع.

:rolleyes: كلام ممتاز جدا :sad:

بس حتى توزيع الجرائد عيزالها كورس

و ايه غير ذلك اخى الكريم من وظائف

ياريت تفيدنا

و لك جزيل الشكر

لا مش عايز كورسات لكن محتاج سيارة فقط في فصل الشتاء..توجد النساء تعمل في صنع الحلويات و بيعها للمحلات الكبيرة..و الصغيرة ماتفرقش..علي فكرة نفس الاعمال ايلي ذكرتها عاليه تصلح لأخوات فلة طبعا لأن النساء بتشتغلها هناك.. الكول سنتر وهذا العمل يتطلب اجادة اللغة الانجليزية اجادة تامة و هوعبارة عن بيع بعض المنتجات عن طريق التليفون..توجد بعض الأعمال في البنوك تتطلب فقط اجادة اللغة الانجليزيه و التدريب عليها مجانا بواسطة البنك.العمل من المنزل بواسطة الانترنت وهو الأعلان عن منتجات و او شركات تأمين..في رايي احسن عمل للمرأة و الأسرع في الحصول عليه في مجال الأمن و غالبا بيكون مكان العمل في احدى البنوك او المولاات الكبيرة و هذا العمل لا يتطلب اجادة اللغة اجادة تامة ..وممكن العمل فيه فول تايم اوبارت تايم او في الويك اند فقط.

السلام عليكم انا عايش فى استراليا من خمسة سنوات حصلت على هجرة لكندا انا والاسرة سوالى هل ممكن الحصول على رخصة كندية G علما بانى معاية رخصة استرالية ورخصة امركية ورخصة التاكسى من استراليا ولو فية اى معلومات عن اتوا وشكرا