محاسب خريج 2006 فى دبى

[التائب]

السلام عليكم

بجد انا حبيت ان انضم لهذا المنتدى الذى يهتم بالمغتربين المصريين فى الخليج العربى وده هو الصح لازم الواحد قبل مايخطى خطوة يعرف هو رايح فين (جمع معلومات) علشان الواحد يعرف راسه من رجله . المهم ياجماعة انا جالى عرض فى دبى على 3000درهم وبدل سكن 12000درهم فى السنة والمواصلات على الشركة وفيه بونس فى حدود 3شهور فى نهاية العقد بس ده بيعتمد على الاداء وكمان فيه تامين طبى وبدل اثاث فى حدود مرتب شهر وانا على فكرة محاسب خريج 2006 و معايا ال FGF وكمان ال ICDL .

افيدونى يا جماعة العرض ده كويس ؟؟؟؟؟؟

ونظام العيشة ؟؟؟؟ والسكن ؟؟؟؟

ولو ان الله رحت الاجازة هتكون 30 يوم مدفوعه الاجر.

وجزاكم الله خير ؟؟

[التائب]

افيدونى يا جماعة افادكم الله العرض كويس ولا ؟؟؟؟؟؟؟؟؟؟؟؟

اللهم لا صعبا الا ماجعلته سهلا وانك تجعل الجزن ان شأت سهلا

[ozoozo]

بدل السكن هاتقدر تسكن في غرفه مع اتنين في شقه مشتركه كل غرفه فيها اتنين او تلاته والاكل ممكن تضغط علي روحك وتاكل اكل هندي او باكستاني 1500 وتحوش 1500

[التائب]

شكرا ليك يا اخ ozoozo

ممكن حضرتك تكلمنى على مكونات الشقة (المنافع) تكييف مثلا ................................ الخ.وكمان الغرفة ممكن يكون بدخلها ايه مثلا وهل هى بتكون واسعة ولا متوسطة .

وايه نظام الاكل الهندى والباكستانى .

وال 1500 درهم ان شاء الله هيكفو مصاريف الشهر من اكل وشرب والاشياءالاخرى تليفون و نت لو هتكلم من سيبر مثلا مرة فى الاسبوع مع العلم بانى غير مدخن الحمد لله .

وجزاكم الله خيرا

[ozoozo]

انا ماعشتش في دبي لكن زرتها لمده اسبوع في شغل وزرت واحد صاحبي في السكن بتاعه وكانت شقه مكونه من تلات غرف كل غرفه بها تلاته وبها تكييف وسرير لكل واحد ومطبخ وحمام مشترك

الاكل الهندي كانت الوجبه من15 الي 25 درهم وجبه غدا محترمه يعنى فراخ ولحمه وارز بعني تشبع

والعشا جبن وحاجات بعشره درهم

[التائب]

بجد شكرا ليك يا اخ ozoozo على المعلومات ديه بس انا كنت عايز أسألك فى حاجات تانى يعنى مثلا فى الغرفة اللى فيها تلاتة فيها دولاب لكل واحد ولا برده دولاب مشترك وهل يوجد غسالة فى الشقة ولا النظام هناك دراى كلين وهل لو دراى بتكون بمصاريف غالية ولا متوسطة

وهل فى مطاعم مصرية رخيصة ولا ؟؟؟

وهل لو الواحد شاف شركة تانية بمرتب اعلى يقدر يتشغل فيها ويخلع من الاولى ؟؟؟ وسعر اللاب توب هناك كام ؟؟؟

والعقد مكتوب فيه مرتب شهر بدل اثاث ماذا يعنى ذلك؟؟؟؟

وما رايك فى العرض بصفة عامه؟؟؟ واسعار الملابس هناك كام يعنى مثلا قميص , بنطلون , حذاء

وشكرا لك وجزاك الله خيرا ووفقك الى كل ما تحبه وترضاه

وَنَزَعْنَا مَا فِي صُدُورِهِمْ مِنْ غِلٍّ تَجْرِي مِنْ تَحْتِهِمُ الْأَنْهَارُ وَقَالُوا الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَا اللَّهُ لَقَدْ جَاءَتْ رُسُلُ رَبِّنَا بِالْحَقِّ وَنُودُوا أَنْ تِلْكُمُ الْجَنَّةُ أُورِثْتُمُوهَا بِمَا كُنْتُمْ تَعْمَلُونَ

[ozoozo]

استني عليا لغايه بكره اكون سألت

[ozoozo]

انت هاتجيب سرير ودولاب ودول بشهر تأثيث

الملابس القميص من 75 الي 100 حاجه معقوله والباقي زيه

الاب توب بحوالي 3000

وفي ميزه هناك ان في wireless كتير مفتوحه يعني لو حظك كويس تخش علي النت ببلاش

[webmaster]

اخى الكريم انا مسافرتش دبى قبل كده لكن اسمع انها غالية نار , مثلا ايجار شقة فاضية مش مفروشة 8000 الاف درهم لحد 15 الف درهم فى الشهر و ليس السنة

السرير فى دبى ب 500 درهم اقصد ايجار سرير فى شقة بها شباب مثلك

الاسعار غالية خالص حاول تدبر امورك من طبيخ و غسيل

فيه ناس بتروح تسكن مثلا فى الشارقة او بلد تكون قريبة من دبى و تشترى عربية بعد فترة وتسافر كل يوم

علشان يقدر يوفر السكن

خد بالك من السرقة هناك , و حافظ على نفسك من الفتنة و النساء و الايدز

ربنا يحفظك

العرض نسبيا كويس لكن الحلقة الناقصة انت اية فى مصر , يعنى لو انت بتشتغل مثلا فى وظيفة براتب كبير فى مصر او شركة كبيرة ده يتوقف عليه

لكن لو حضرتك بدون عمل يبقى السفر افضل اهو خبرة و تجربة فى حياتك

حاول تشد على نفسك علشان تحوش حاجة و قلل من المصاريف و الاتصالات و التليفون و الهدايا و انت جاى اجازه

علشان الغربة ده صعبة و خسارة تضيع فلوسك فى حاجة

اسف على الاطالة

السلام عليكم

تم تعديل 23 سبتمبر 2008 بواسطة webmaster

[التائب]

شكرا للاخوة الكرام على المعلومات المهمة جدا واكيد الواحد هستفيد منها ان شاء الله.

والحلقة الناقصة هو انى محاسب فى شركة سياحة شركة متوسطة والراتب فيها الى حد ما كويس حوالى 800جنية وبعدين فرصة السفر المتاحة انا مش هدفع فيها ولا مليم كل حاجة على الشركة وكمان التأشيرة جاية بالمؤهل بتاعى يعنى مش هتعب فى موضوع الورق .

وكنت عايز اعرف منكم لو حد يعرف اى شخص قريب او صديق شغال فى مجموعة العثمان يسألهلى على نظام الشركة ايه هل هى شركة كويس؟؟؟ وكمان تعاملتها من الموظفين عاملة ايه .

وان شاء الله هحاول اكلمهم فى موضوع السكن عاى انهم يوفرو لى سكن كويس.

وسعر خط التليفون ياجماعة هناك بكام ؟؟؟؟؟؟؟ والمسافة بين دبى والشارقة كام ساعة ؟؟؟ وهل الاسعار ارخص فى الشارقة من دبى ؟؟؟؟؟؟

وياريت ياجماعة تفدونى باكبر قدر من المعلومات عن البلد علشان الواحد ميتصدمش ويشوف هل العملية هتجيب همها.

وجزاكم الله خيرا وتقبل منا ومكنم صالح اعمالنا

عن أبي بكر الصديق رضي الله عنه أنه قال لرسول الله صلى الله عليه وسلم

علمني دعاء أدعو به في صلاتي قال قل اللهم إني ظلمت نفسي ظلما كثيرا ولا يغفر الذنوب إلا أنت فاغفر لي مغفرة من عندك وارحمني إنك أنت الغفور الرحيم

[ozoozo]

من دبي للشارقه 10 دقايق بالعربيه لو السكه فاضيه وفي الزحمه ممكن ساعتين

[التائب]

بجد ان شاكر الاخوة ozoozooوwebmaster على المعلومات اللى اكيد فدتنى وكمان هتفيد الاخرين اللى حابين يسافروا لدبى او الامارات بوجه عام.

وكنت عايز اعرف منكم لو حد يعرف اى شخص قريب او صديق شغال فى مجموعة العثمان يسألهو لى على نظام الشركة ايه هل هى شركة كويس؟؟؟ وكمان تعاملتها من الموظفين عاملة ايه .

وايه هو الاستوديو ؟؟؟ وبيتكون من ايه ؟؟؟؟؟؟ وايجاره كام فى الشهر وممكن يسع كام واحد

وسعر خط التليفون ياجماعة هناك بكام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وبجد انا محتاج اكبر قدر من المعلومات اللى اقدر استفيد افدونى افادكم الله

وجزاكم الله خيرا

اللهم إني أعوذ بك من العجز والكسل والجبن والهرم وأعوذ بك من فتنة المحيا والممات وأعوذ بك من عذاب القبر

[madzoro]

الاستوديو عبارة عن شقة مكونة من غرفة واحدة و مطبخ ضغير مستقل او مفتوح على الغرفة (امريكاني) + حمام

ايجاره بيختلف و السعة حسب المساحة

خط الموبيل اتصالات ب165 درهم مفتوح لمدة سنة و التجديد ب100 سنويا .............. في شبكة اخرى اسمها دو الخط ب 50درهم بس مش فاكر تفاصيلها بصراحة

المكالمة تقريبا 30فلس /الدقيقة داخليا

ربنا يوفقك

تم تعديل 25 سبتمبر 2008 بواسطة madzoro

[التائب]

شكرا ليك يا medzoro على هذه المعلومات ولو عندك معلومات اكتر يكون جزاك الله خير وكمان الاخوة الكرام اللى عنده معلومات يقولى عليها وجزاكم الله خير

[krawiaa]

السلام عليكم

انا مقيمه فى الشارقة و شغلى فى دبى ، السكن بيكون مشاركة 2 او 3 فى الغرفة و لو انت هاتسكن فى دبى هايكون الإيجار فى الشهر مابين 1500 او 1800 درهم بالنسبة للأكل و الشرب انت شاب عازب ممكن يكفيك حوالى 1000 درهم فى الشهر و بالنسبة لخط الموبايل ب 165 درهم و انت على حسب استخدامك و بعدين بالنسبه لفرش الغرفة انت ممكن تجيب دولاب و سرير فى حدود 1000 درهم بالكتير من مكان معين بالشارقة انا لسه جايبه زيهم لأخويا و اللبس فى أرخص من 100 درهم للقميص بكتيير عموماً ممكن تراسلنى على الخاص لو عايز معلومات زياده لكن بشكل عام انا شايفه ان العرض كويس