((((( بعض ))))) المهندسين و الدكاترة

[Digital]

خلاص صافي يا لبن حليب يا دولسي المهندسين و الدكاترة خلاص عرفوا غلطهم و مش حيعملوا كده تاني، انا بعد كده حقول لرئيسي في الشغل يا اسطي هوا علي فكرة Master in computer science و حقول للدكتور يا عم الحج (علي اساس انه يمكن حج)، مش عارف ليه بدات احس ان الموضوع فعلا فكاهي

يا جماعة الاحترام يتتبع صاحبه و لا يتتبع الناس الاحترام يعني المفروض الاحترام يجيلك لغاية عندك مش انت اللي تجري وراه، و دي ملهاش دعوة بالالقاب اللي هيا حق الناس اللي بجد مش عارف مزعلة بعض الناس ليه سواء مهندس او دكتور او او او يعني من الحاجات الغريبة اللي لاحظتها يعني اشمعني منتقضتش القاب رجال الشرطة سيادة اللواء مثلا و ده بجد بقي اللي حيخلي وقعتك سودا لو ناديته بدون لقبه wst:: محدش يعني اتكلم عليهم!!!!!

هوا لو حضرتك او حضرتك بكسر الراء قعدتي 3 سنين ماجستير و 4 سنين دكتوراة و جه واحد استخسر فيكي كلمة دكتورة ياتري ايه احساسك؟؟؟؟؟؟؟!!!!

و متقولوليش الناس بتتكير الناس مش كلها وحشة و مش كلها حلوة، هوا انا لما ابقي عندي عربية و اقول للناس انا بس بعد اذنكم طالع اركتن عربيتي ابقي بتكبر او بتمنظر بعربيتي؟؟؟؟

لكن لما اقول يا جماعة معلش بعد اذنكم انا طالع اركن عربيتي المرسيدس موديل السنة دي 3000 سي سي فرامل ABS و معاها 2 air bags و سقف بانوراما بره يبقي اه كده بتكبر :D

رجاء لا تحرموا الناس الذين قامت هذه البلد علي اكتافهم من ابسط حقوقهم في الاحتفاظ بالقابهم فربما هذا هو الشيء الوحيد الباقي لهم و شكرا

[alsaher]

وأنا بأقرأ بالموضوع تذكرت موقف محرج تعرضت له في بداية دراستي في مصر

وأنا عشت في مجتمع لا يتعامل مع الألقاب نهائيا ، وإن كانت بدأت تظهر حاليا في الجيل الحالي

لكن كان الخطاب المعتاد إما بالأسامي أو لو في فرق سن يبقى يا عمو أو يا خالتو أو آنسة أو مادام

وكانت إحدى متطلبات الجامعة تدرسها مدرسة ليست كبيرة في السن ، نناديها مس فلانة ، ربما كان الأسبوع الثالث في الجامعه وفي مصر

كنت لسه مش متعود على بعض الألقاب ، وكنت اناقشها في موضوع أمام كل الطلبه ومتحمس وبغاية التركيز

وبين كلامي قلت (لو سمحتي يامس : إنتي قلتي لي سابقا أن أفعل كذا ، وإنتي دلوقتي شرحتي نقطة شبيهة فياريت توضحي الفرق بين النقطتين لإني تلخبطت )

فوجدتها تركت الأقلام ، وتركت كل الأوراق التي بيدها متجهة لي وتقول لي أوقف يا دكتور !!! فوقفت

وبعد حديثها بعصبية ، لمست في لهجتي شيئا غريبا ، فسألت إنت من فين ؟؟ فعندما أجبت، قالت وعندكو بتقولوا (إنتي ) ، قلت أه بنقول

فقالت سألتمس العذر لك ، ولو أني ما فهمت أنها عن جهل لطردتك من السكشن وطلبت تحويلك لأي سيكشن آخر ، لأنه إسلوب غير محترم :ninja:

وبعد كده تعلم تقول (حضرتك )

بعد ما إنتهى السكشن ، إعتذرت لها ، وبررت موقفي ، وأظهرت أنني مصدوم من كون (إنتي) أزعجتها بهذه الصورة ، وأحترم أسلوب الخطاب الذي لم أكن أعرفه

وفي نفس اليوم غيرت أنا بنفسي السكشن لآخر

من يومها لازم أقول حضرتك ، إلا لما يطلب مني رفع الكلفه :)

[السندباد]

السلام عليكم

بصراحة العنوان مستفذ !!!!!!!!!!!!!!!!!!!!!!!!!!!!!!!!!

هل هى دعوة لعدم الإحترام

اولا محدش اجبرك ان تنادى على احد بدكتور او باشمهندس

ثانيا اذا قررت ان تنادى على احد بدون لقب

فارجو ان تعطية الحق فى الرد أو عدم الرد عليك ..................... وخالصين

عموما انا حساس ان الموضوع فى النهاية هيصفى على انة واحد كان نفسة يكون دكتور ولامهندس فمقدرش

فقدامة حل من أثنين

اما يكون عايز يعرف الدكتور والمهندس بيفكر اذاى والموضوع فارق معاة هنا مفيش مشكلة

أو ينفس عن غضبة ومش عايز اقول حقدة هنا قدامة حل من اتنين

انة يدور داخلة على شئ يميزة ويتصالحبية مع نفسة وبكدة مفيش مشكلة

او انة يعرض نفسة على دكتور نفسى يخلصة من كم العقد ....................... ويخلصنا احنا كمان

[سهل جدا]

السلام عليكم

بصراحة العنوان مستفذ !!!!!!!!!!!!!!!!!!!!!!!!!!!!!!!!!

هل هى دعوة لعدم الإحترام

بصراحة الموضوع مش متفز ولا حاجة .. الموضوع مهم جدا

وعنوانه كان ((بعض)) المهندسين والدكاترة وليس ((كل))

فمش من حق أي واحد دكتور ولا مهندس إنه يزعل..

ما سبق كان استهلالا ...... :happy:

لما نيجي للواقع بقى , هانلاقي فعلا إن كلمة ((بعض)) ديه تشكل نسبة في الدكاترة والمهندسين أكبر من نسبتها في مهن أخرى

لو قلنا مثلا إن 10 في المية من المحاسبين مغرورين

فهاتكون النسبة في الدكاترة والمهندسين 20 في المية مثلا

وبعض المهندسين لما تندهلو يا (أستاذ فلان)

يزعل جدا , ويقولك أنا مش أستاذ أنا مهندس..

والموقف ده حصل كثير أوي معايا .. واكيد حصل مع كل واح مننا

بس هارجع بردو وأقول .. إن مش كلهم كذلك..