اذهب إلى المحتوى
محاورات المصريين

توبيك من غير البنت الشعنونة مالوش معنى

abofasad

بواسطة abofasad
في موضوعات شخصية

 مشاركة

Recommended Posts

abofasad عضو جديد

abofasad

بتاريخ:
بتاريخ:

لاحظت مرارا انني عندما اتصفح المواضيع الجديد، فإن اول ما أبحث عنه ان تكون هناك مداخلة او رأي من الدكتورة شنشن، احسن على طول ان هذا الموضوع فيه شيء يشدني.

وأقراءه من اوله لأخره

ألا تتفقون معي في هذا الرأي؟

اقترح عليكي يا دكتورة ان تنشئي منتدى خاص بك

ويكون اسمه مثلا

"منتدى الدكتورة شانا" البنت الشعنونة سابقا

سأكون اول المشاركين

رابط هذا التعليق
شارك
DARWEEN عضو جديد

DARWEEN

بتاريخ:
بتاريخ:

يابو الفصاد في كل عيله بتلاقي طفل شقي عامل دوشة بس كل العيله بتحبه وتحب تعاكسه ..

الحمد لله العيله بتاعت المنتدى مليانه ...

شعنونه طبعا

كروس فيلد

لانسيلوت

حشيش اللي باموت فيه

طبعا دول غير الكبار أنا باتكلم عن الشباب الصغير

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

رابط هذا التعليق
شارك
Farah عضو جديد

Farah

بتاريخ:
بتاريخ:

والله ياابو الفصاد المنتدي ده غريب كل واحد تحس ان المنتدي مينفعش من غيره انما بما انك تتكلم عن الدكتوره فدعني اقوللك احساسي الشخصي **انا باحب البنت دي بجد لان بحس انها نموذج للبنت المصريه الجدعه متحرره لكن في اطار محترم غير متعاليه طبيعيه اللي في قلبها علي لسانها**تلقائيه اللي بتحس بيه بتكتبه اتابعها من حوالي سنه ونصف لم تجرح احد علي الاطلاق ولن تطاول علي احد

بس حكاية انها تفتح منتدي اخر انا ضد الفكره خليها هنا متآلقه وعلي حد علمي انها مسؤله عن منتدي اخر

شعنونه هو انتي زعلانه من؟؟؟؟؟؟؟؟؟؟؟

رابط هذا التعليق
شارك
BenNeal عضو جديد

BenNeal

بتاريخ:
بتاريخ:

انا بقالى اكتر من تلات اسابيع عايز اكتب موضوع جديد بعنوان "وراور يا فجل" (معلش تعبير فلاحى و قديم) و كنت ناوى اعبر فيه عن المكانة الخاصة التى يحظى بها كلا من الدكتورة شعنونة و الأستاذ حشيش لدرجة ان لو احدهما قرر ان يكتب هذه الجملة فقط "وراور يا فجل" بلا اى تعليق لانهالت عليهما المشاركات و لحصلا على جوائز نوبل للطب و العلوم و الأدب و الأخلاق...

انا كتبت قبل كده فى موضوع آخر ردا على د. شعنونة:

بنت شعنونة wrote:

عرفت مؤخرا ان بعض الناس تعتبر حروفي تافهه..

كما تعلمت ان الكثيرين لا يفهمون البساطة

لذلك فضلت الصمت..

.......

على العكس تماما يا دكتورة. الكلام التافه لن يجد احدا يتفاعل معه و يرد عليه. لقد لاحظت ان الكثيريين هنا يكنون لك كل المحبة و الاحترام و الدليل هى كمية المشاركات فى اى موضوع تفتحيه. بل انا اعترف انى اغبطك و احسدك عليها. هذه المنزلة لا ينازعك فيها احد (يمكن الأستاذ حشيش).

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
حشيش عضو جديد

حشيش

بتاريخ:
بتاريخ:

الأخ العزيز أبو فصاد

أتفق معك فى أن الدكتورة شانا من أحب وألطف الشخصيات فى المنتدى وأن مداخلاتها هى مزيج من البساطة وخفة الروح والأدب الجم والتواضع...قصدى...التوااااااااااضععععععع

الأخ العزيز دارون

شكراً على كلماتك الرقيقة...القلوب عند بعضها

الأخت فرح اليوم

أتفق معك فى كل ما قلتيه عن أختنا العزيزة شانا.

الأخ العزيز بن نيل كتب

لقد لاحظت ان الكثيريين هنا يكنون لك كل المحبة و الاحترام و الدليل هى كمية المشاركات فى اى موضوع تفتحيه. بل انا اعترف انى اغبطك و احسدك عليها. هذه المنزلة لا ينازعك فيها احد (يمكن الأستاذ حشيش).

ربنا يخليك...شكراً على كلماتك الرقيقة...إيش جاب حشيش (عضو غير مصنف) إلى منزلة أختنا العزيزة شنشن.

بقى أن أقول أن كل أخ أو أخت فى المنتدى له طابعه وأسلوبه الخاص المميز له فى الكتابة...وأنا لو عديت الناس اللى بحب أقرأ لهم هنا تقريباً حكتب أسماء الناس كلها....هذا المنتدى غنى جداً بأعضاءه جميعاً بإختلاف أرائهم وتوجهاتهم....تحياتى للجميع

حشيش

أديب ومفكر

أَلا إِنَّ نَصْرَ اللَّهِ قَرِيبٌ

رابط هذا التعليق
شارك
abofasad عضو جديد

abofasad

بتاريخ:
  • كاتب الموضوع
بتاريخ:

ابني العزيز حشيش

اسمحللي اقولك ابني لأنه عندي احساس انك شاب صغير زي اولادي (انا عندي ولدين توأم) عندهم 28 سنة وانا متخيلك واحد منهم

المهم .. انت كمان بيعجبني اسلوب جدا .. وخاصة البساطة في اختيار الألفاظ التي تجعل المعني يصل مباشرة الى القارىء

وانا اوافقك اني لو قلت عن اللي بحبهم في المنتدى .. فلازم اذكر كل اسماء المشاركين..

على العموم كلكم اولادي وانا بحبكم كلكم (بنات وولاد)

نسيت اقولكم ان عندي بنت عمرها 30 سنة

يعني قريب ان شاء الله حلقى جدو

ايه رأيكم

حلو جدو ديه .. صحيح الواحد مش متعود عليها ولكن يظهر انها كلمة حلوة

رابط هذا التعليق
شارك
بنت شعنونة عضو جديد

بنت شعنونة

بتاريخ:
بتاريخ:

يا نهااااار ابيض

"وش محرررررج خالص وعنيه في الأرض"

بجد انا مش عارفا اقول ايه "وش بيدي حشيش دراع عشان يطلعه من الصورة " "وش ميت ضحك"

والله يا ابو فصاد انا مش عارفا اقول ايه خلالالالاص

كلامكم كلمك خلوني مش عارفا اتكلم والله

بس فعلا الفضل ليكم انتوا مش ليا انا خاااالص

انا مشتركة في كذا منتدى تاني

ومش عاوزا اقولكم ان فيه منتديات انا فيها مجررررررد "نكرة"

ممكن اكتب مييييت موضوع وماحدش يعبرني

انما هنا

انا عبارة عن وردة وسط بستاااااااااااااان ماليان زهور من كل شكل ولون

وفيه اكتر من راعي بيرعانا

دا غير اننا بنرعى بعض

ازاي بقى مش عاوزني اكون متالقة؟؟ :)

انتوا اديتوني الفرصة اني اتكلم احكي...اعيط..اصرخ..اتنرفز

اعمل كل حاجا

وانا مش خايفا ولا قلقانا

ومش انا لوحدي والله

الكللللللل كداااااااا

يعني محدش فينا يتخير عن التاني بجد

يمكن عشان انا عاملة دوشة كتير حبتين بحكم حبي للرغي "وش محرج تاني"

وبحكم وجودي كتير على النت اكتر من الباقيين

انما بجد يمكن انا اقل واحدا في المنتدى

على راي اخونا سي فود انا مدبولي سواق الاتوبيس :)

المنتدى دا بجد من اروع واحسن المنتديات اللي شفتها

فيه لقيت ألأباء اللي سمعوني وقت ما والدي بيكون مش موجود

لقيت الأمهات اللي حضنوني وانا اللي كنت نسيت كلمة ماما

لقيت الأخوات صبيان مناغشين مناكفين بيخافوا عليا

لقيت اخوات بنااااات ودول بقى انا عااااااااشقة ليهم كللللهم بنوته بنوتة لاني محررررومة من الأحساس الرائع دا بس عشته معاهم

من الأخر انا صفر على الشمال من غيركم

اللوحة دي لوحة سينيييييييه متكاملة

لو لون واحد فقط نقص منها

اللوحة كلللللللها تبوظ

ربنا يخليكم ليا كلكم

ومش يحرمني منكم ابدااااااااااا

حششششششيشششششششششش

انت ورايا ورياياااا يا فندم :)

استاذ benneal

انا كنت فاكرا ان اسمها ريااااااااااان يا فججججججججججل

"وش واحدا بياعة خضار قبل كدا"

:)

وانا من البلد ديييييييييييي

رابط هذا التعليق
شارك
Excellence عضو جديد

Excellence

بتاريخ:
بتاريخ:
حشيش (عضو غير مصنف)

ازاي بقى

(هو يعني ايه غير مصنف الاول!)

وش واحد محتار""

دي حاجة عدم المؤاخذة ليها علاقة بالصنف

(وش واحد معلم لسة خارج من سويسرا - عنبر معلمين الصنف)

رابط هذا التعليق
شارك
BenNeal عضو جديد

BenNeal

بتاريخ:
بتاريخ:
.......

استاذ benneal

انا كنت فاكرا ان اسمها ريااااااااااان يا فججججججججججل

"وش واحدا بياعة خضار قبل كدا"

و الله هى دى الكلمة اللى كنت عايز استعملها.. بس للأسف اتلخبطت و استعملت كلمة وراور (منه لله الأزهايمر). على العموم انا هأغير العنوان الى: "معسلة اوى يا بطاطا".

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
حشيش عضو جديد

حشيش

بتاريخ:
بتاريخ:
ابني العزيز حشيش 

اسمحللي اقولك ابني

ولى عظيم الشرف...

حشيش (عضو غير مصنف)

ازاي بقى 

(هو يعني ايه غير مصنف الاول!) 

وش واحد محتار""

الأخوة الأعزاء الطفشان وإكسلنس

عضو غير مصنف لها معنيان مختلفان...الأول بمعنى أنه ليس من الصفوة أو الأعضاء المتميزين...والثانى بمعنى أنه واسع الإطلاع...يعنى ممكن أفتى لك فى أى موضوع...سياسة تلاقى...أدب وشعر وفنون لهلوبة...إقتصاد...مناقشات عامة...حلاقة...مكوة...فرن ألى...توصيل طلبات للمنازل....كله موجود.

حشيش

تحت الطلب

أَلا إِنَّ نَصْرَ اللَّهِ قَرِيبٌ

رابط هذا التعليق
شارك
الطفشان عضو جديد

الطفشان

بتاريخ:
بتاريخ:

انت مش متميز؟

انت باين عليك سايق الدلال!

طب روح شوف قصة هيثم و تامر و وليد

و الناس قعدوا يسألوا عليك كام شهر و انت متغيب!

و الا شوف الناس عملوا ايه في موضوع الجطة و جنديل!

سيب الجوزة شوية يا شيشو و فوق معانا كدة!

و الا اقول لك، انت باين عليك فايق و لما بتفوق بتقلبها نكد

شد نفس من الجوزة تاني و اكتب!

الشعب اراد الحياة و القيد انكسر

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:
.......

استاذ benneal

انا كنت فاكرا ان اسمها ريااااااااااان يا فججججججججججل

"وش واحدا بياعة خضار قبل كدا"

و الله هى دى الكلمة اللى كنت عايز استعملها.. بس للأسف اتلخبطت و استعملت كلمة وراور (منه لله الأزهايمر). على العموم انا هأغير العنوان الى: "معسلة اوى يا بطاطا".

سلمتك من الزهايمر يا أبن النيل ... يا عزيزي أنت على حق

ريان يا فجل .. ده كان النداء أيام شركات توظيف الأموال فلما قفشوا الريان غيروا النداء إلى وراور يا فجل ( أوعى يكون وراور ده قريب حد هنا )

وبالمناسبة بعد إذنك أسمحلي أستلف العنوان ده وأفتح به توبيك كان نفسي فيه من زمان ..... أنظر الكتاب صفحة وراور يا فجل

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
BenNeal عضو جديد

BenNeal

بتاريخ:
بتاريخ:

se_ Elsyed.......

سلمتك من الزهايمر يا أبن النيل ... يا عزيزي أنت على حق ..

وبالمناسبة بعد إذنك أسمحلي أستلف العنوان

كتر خيرك يادكتور SS ....انا كده اطمنت على نفسى.

اما بالنسبة للعنوان فدى اقل حاجه نرد بيها جميلك.

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...