الاهلي الي دور الاربعة...و الزمالك خارج الاربعة الكبار

[الطيار المصرى]

لم يستطع الزمالك اعتنام الفرصة الاخيرة للصعود الي دور الاربعة و هزم من ديناموز هراري بطل زيمبابوي بهدف نظيف من تسديدة صاروخية اثر ضربة حرة مباشرة لم يشاهدها احد من الحاضرين....لم يظهر الزمالك بشكل يظهر رغبته في الصعود و الفوز فكان اداءه هزيلا للغاية احزن الجميع بينما كان لاعبي ديناموز في منتهي التركيز مدركين أهمية هذا اللقاء المصيري فكان تهديدهم للمرمي الابيض أكثر من مرة....لكن نجم المبارة بلا منازع عبد الواحد السيد استطاع الحفظ علي مرماه نظيفا حتي احراز الهدف....

ادي الامر الي دخول الاهلي و أسيك ميموازا المبارة بأعصاب هادئة و كأنها مبارة ودية....فكان الاداء محدودا من كلا الفريقين و ان كان الاهلي اقرب للفوز لكن تصميم لاعبي اسيك علي عدم الخروج بهزيمة من بطل مصر كان وراء التعادل الايجابي و انتهء المبارة بهدفين نظيفين لكل منهما....

و موقف الدور نصف النهائي كالاتي...يلتقي الاهلي مع العنيد انيمبا النيجيري احدي ايام 3 أو 4 أو 5 اكتوبر بنيجيريا و العودة احد ايام 17 أو 18 أو 19 بالقاهرة....

بينما يلتقي ديناموز بمفاجاة البطولة القطن الكاميروني متصدر المجموعة الثانية....

حقيقي حقيقي .... يا خسارة يا زمالك....كان ممكن نكون فريقين مصريين في دور الاربعة لكن.....

مبروك للنادي الاهلي و حظ اوفر لنادي الزمالك....

و ربنا يكرمنا و نحرز البطولة الافريقية باذن الله.....

[حسام يوسف]

مبروك للاهلى

والزمالك مستواة ميأهلوش لدور الأربعة

مرة تانية ببارك للأهلى وجماهيرة

[se_ Elsyed]

للأسف الزمالك لم يُخطط لهذه البطولة ودخلها فرد دراع عشان كده طلع اخر مجموعته وهو صاحب التاريخ الافريقي الناصع

فريق في 6 مباريات يفوز في مباراة واحدة ويتعادل مرتين ويتهزم 3 مباريات ... يبقى ينافس بأمارة إية ؟

فريق ليس به صانع لعب ولا مهاجم يقدر يشيل فريقه !!!! ينافس ازاي

فريق عنده مدير فني لا يمتلك الجرأة الهجومية وعندما تشاهد المباراة تشعر كأن الزمالك يسعى للتعادل او يسعى لمفهوم جديد في عالم الكرة إسمه " مش عايز اخسر وكل اللي يجيبه ربنا كويس " ودي حاجه لا تشفع للفريق وتُخرجه من اي بطولة وشوفناه في المبارتين مع الاهلي ومباراة النهاردة اللي كانت حاجه تكسف والفريق ما هجمش هجمة واحده توحد الله ... على العكس فلقد رأينا الاهلي وهو يفوز خارج ارضة على فريق قوي وهو ديناموز ويتعادل مع اسيك هناك ويكسب منه نقطة هامه على ارضه

عامة بقى لنا 5 سنين بنكتب نفس الكلام لكن مسئولي الزمالك لا يقرأون

الزمالك يحتاج في يناير القادم بأي شكل من الاشكال

هاف ديفندر جنب ايمن عبد العزيز كبير السن والبطيء والعفيجي اللي مافيش ماتش يعدي الا ياخد انذار او يتوقف

صانع العاب ان شالله نستورده من كوريا

مهاجم هداف جنب الحيطة اجوجو .. وعبد الحليم يريح وكفاية عليه كده ومصطفى جعفر ندخله مصحة نفسية يتعالج وشريف اشرف ربنا يتولاه لإنه ضعيف وفي مباراة افريقية قوية ممكن ينداس تحت الرجلين والاخ وسام العابدي ده ياخد نفس السكة اللي اخدها اخوه يامن بن ذكري

غير كده يبقى الحال هايفضل على ما هو عليه

هارد لك للزمالك

والف مبروك للأهلي وعايزينه يعيد علينا ويكسب انيمبا هناك كما فعلها العام قبل الماضي

والله اللعيبة بتتعب برضوا .. ففي حين كلنا هانبقى لابسين لبس العيد وعمالين ننفخ البلالين .. هيكونوا هما بيبدأوا رحلة الى مملكة شومبنجو في الاحراش الافريقية عشان يلعبوا مباراة هامة