إختطاف 15 سائح أجنبي فى أقصى جنوب مصر

[se_ Elsyed]

الخبر على قناة الجزيرة وفي موقع محيط الإخباري !!!!!!!!!!!!!!!

ليه ومين وإشمعنى في الظروف الطين دي خصوصاً البورصة في مصر خسرت الناس مليارات في يومين تلاتة من توابع الزلزال الإقتصادي الأمريكي ؟!!!!!!!!!!!!!!!

سنوافيكم بالتفاصيل

[se_ Elsyed]

محيط: اعلنت مصادر أمنية مصرية اليوم الاثنين اختطاف 15 سائحًا في أسوان جنوب مصر من عدة جنسيات بينهم على الأرجح إسرائيليان وخمسة إيطاليين.

ورجحت مصادر أمنية أن يكون المختطفون قد نُقلوا إلى السودان .

ومن جانبها أكدت وكالة "آكي" الأيطالية نباء الاختطاف ، وأشارت الوزارة إلى أن وزير الخارجية فرانكو فراتيني، الذي في طريقه إلى نيويورك للمشاركة في اجتماعات الجمعية العامة للأمم المتحدة، يتابع الحادثة مع خلية الأزمات في الخارجية وبالتنسيق مع السفارة الإيطالية في القاهرة .

ودعت الخارجية وسائل الإعلام باتخاذ "كافة وسائل الحذر الممكنة" في التعامل بشأن الحادثة .

إتنقلوا السودان ؟!!!!!!!!!!!

ليه

هو أحنا للدرجة مخترقين براً وبحراً وجواً ؟

هو أحنا بنتكلم على شولة رُز أو قش .. دول 15 واحد وأجانب ... فين الشُرطة وحرس الحدود وفين وفين ؟

[حسام يوسف]

أنا بطأس يا سين سين

ومافيش أى معلومات لحد دلوقتى

[حسام يوسف]

من ضمن المختطفين بفتح الطاء

ظابط حرس حدود والعسكرى بتاعة

وبكدة كل سنة وانتوا طيبين ع الموسم السياحى السنة دى

[se_ Elsyed]

من ضمن المختطفين بفتح الطاء

ظابط حرس حدود والعسكرى بتاعةوبكدة كل سنة وانتوا طيبين ع الموسم السياحى السنة دى

كده أنا إطمئنيت .. أهو وجوده يوفر لهم غطاء حمايه برضوا ... لووووووووووووووولوووووووولي

[حسام يوسف]

هية طبعا حاجة تكسف

وفضيحة

لكن انا زعلان على السياحة فى اسوان ومصر كلها

الموسم السياحى على وشك البدء

الضربة جاية فى وقت قاتل

وكنا منتظرين موسم كويس

علية العوض

ومنة العوض

[qenawy]

المشكلة ان احنا اللي هندفع لثمن

رخصك وتفتيش كل ثانية ويفتشوا شنطة العربية مع ان التفتيش غير قانوني بدون ادن نيابة ولكن غصب عنك هتفتح شنطة العربية والا يلبسوك قضية

فالحين البهوات بس علي الناس الغلابة شخط ونطر وقلة ادب وعند الجد ارانب

اتمني ان تنتهي الازمة علي خير علي المستوي الانساني بعيدا عن ازهاق الارواح وعاشت وحدة وادي النيل

[حسام يوسف]

وفية تأثيرات تانية يا دكتور قناوى

حتى لو مش بتشتغل فى السياحة

فقرش السياحة داير

يعنى الطبيب والصيدلى هيجيبوا فلوس منين والعملاء بتوعهم ناس بتشتغل فى السياحة وحالتهم كرب؟

كل سنة وانت طيب

ياللا على باب كندا

[الباشمهندس ياسر]

رخصك وتفتيش كل ثانية ويفتشوا شنطة العربية مع ان التفتيش غير قانوني بدون ادن نيابة ولكن غصب عنك هتفتح شنطة العربية والا يلبسوك قضية

معلش اصل انا كده فاهم غلط

انا عارف ان من يوم ما لغو اذن النيابة و العمليه بقت هايصه

يعنى عم عبده البواب لو قالك انزل م العربيه علشان افتشها يبقى لازم تنزل علشان يفتشها

ولا انا فاهم غلط ولا ايه

نورونا يكرمكم ربنا

[حسام يوسف]

على عهدة وزير السياحة المصرى

مفيش اسرائيليين

5 ألمان

5 طلاينة

1 رومانى

4 مصاروة

ظابط وعسكرى واتنين مرشدين سياحيين

والموضوع موضوع فدية وفلوس

ربنايستر

والموضوع يخلص على خير

وادى الخبر طبقا للجزيرة

قال وزير السياحة المصري زهير جرانة إن مفاوضات جارية مع خاطفي السياح الـ15 لإطلاق سراحهم مقابل فدية، مشيرا إلى أن السياح هم خمسة ألمان وخمسة إيطاليين وروماني واحد وأربعة مصريين.

ووصف الوزير الحادث بأنه عمل "عصابي" نفذه "ملثمون" في منطقة الجلف الكبير جنوبي مصر.

بدورها أوضحت مصادر أمنية مصرية أن السياح خطفوا أثناء قيامهم برحلة بدؤوها في الـ16 من الشهر الجاري في الصحراء بالمثلث الحدودي بين مصر وليبيا والسودان.

من جانبها أكدت وزارة الخارجية الإيطالية أنها تتابع موضوع السياح المختطفين مع كافة المؤسسات في مصر والدول التي لها علاقة بالقضية، بينما نفت وزارة الخارجية الإسرائيلية وجود أي إسرائيلي بين السياح المختطفين.

ولم تستبعد مصادر أمنية مصرية أن يكون المخطوفون قد نقلوا إلى السودان، وقال التلفزيون المصري إن من بين المصريين الأربعة المختطفين ضابطا في قوات حرس الحدود.

ونقلت مراسلة الجزيرة لينا الغضبان عن مصادر أمنية استبعادها أن تكون أسباب سياسية وراء عملية الخطف، مشيرة إلى أن المنطقة تشهد عادة انتشارا أمنيا مكثفا وذلك للحفاظ على سلامة السياح الذين عادة ما تعج بهم المنطقة.

وكان من النادر في السنوات الأخيرة أن تقع هجمات تستهدف سياح في مصر لكن وقعت سلسلة من التفجيرات استهدفت سياح في منتجعات بشبه جزيرة سيناء بين عامي 2004 و2006 واتهمت مصر مجموعة من البدو بالمسؤولية عن هجمات سيناء.

تم تعديل 22 سبتمبر 2008 بواسطة حسام يوسف

[النسر المصري]

اللله ...هييه .هييييه.... يعني السنادي هنصيف ببلاش تاني زي السنه اللي موتوا فيها السياح في الاقصر.......ياحلاااوه ياولاااد!!

[hosiny]

هية طبعا حاجة تكسف

وفضيحة

لكن انا زعلان على السياحة فى اسوان ومصر كلها

الموسم السياحى على وشك البدء

الضربة جاية فى وقت قاتل

وكنا منتظرين موسم كويس

علية العوض

ومنة العوض

يا عم حسام متزعلش مش فارقة الموسم اضرب و لا لسه بكرامته....لو السياحه دي ايه و دخلها اكتر من 100 مليار بردو الناس هتفضل تشحت...القصة مش في الفلوس اللي بتدخل مصر القصة في بيرسيل و مدام نظيفة و القطنة طلعت بتكدب و مبتنضفش

تم تعديل 22 سبتمبر 2008 بواسطة hosiny

[حسام يوسف]

يا جماعة فية بلاد كاملة عايشة على السياحة

زى أسوان

الأقصر

الغردقة

شرم الشيخ

سيوة

مينفعش الكلام اللى بتقولوة دة

دى أرزاق ناس

لازم نقدر بعض

ونحترم بعض

ونخاف على بعض

[hosiny]

يا عم حسام الارزاق بايد الله

يعني تفتكر لو السياحة راحت في مصر نهائي ...الناس اللي في الاقصر و اسوان هتموت

يا عم دي كلها اسباب ....برغم الخلاف حول مدي حليه او حرمة فلوس السياحة

الرازق هو.........الله

[iloveegypt]

يا جماعة فية بلاد كاملة عايشة على السياحة

زى أسوان

الأقصر

الغردقة

شرم الشيخ

سيوة

مينفعش الكلام اللى بتقولوة دة

دى أرزاق ناس

لازم نقدر بعض

ونحترم بعض

ونخاف على بعض

ان شاء الله مش هتتأثر السياحة علشان اهلنا ويارب يوسع ارزاق كل الناس

[حسام يوسف]

ونعم بالله

وفلوس السياحة مش حرام ولاحاجة

السياحة زيها زى مهن تانية

فيها المحترم والغير

بلاش الاطلاق فى الحرمانية يا عم حسينى

واحنا دين أخذ بالأسباب

وربنايستر

[ozoozo]

ياخساره ماطلعش فيهم اسرئلين

[qenawy]

انا كل حزني علي جيش مصر وحرس حدود مصر

فالحين بس وطبعا الاخ حسام فاهمني فالحين يعدوا الجمال

والجمل ده سوداني والجمل ده بلدي

وكل جمل معاه الباسبور بتاعه

كما انه تقوم كبسات لملاحقة الجمال الشاردة وجمعها

المشكلة تكون في القش اوالتبن الدي ياكلوه

الجيش يتكفل باطعام الجمال

وسلم لي علي حرس الحدود قاهر الصفاقسي والترجي التونسي

اما عن موضوعالخطف فان شاء الله يخلص علي خير بس ياريت الحكومة ما تتدخلش سيبوا صاحب الشركة يتفاوض ويدفع وينجز

لان لو الحكومة تدخلت هيبقي فيه دم وده مش عاوزينه

[batman]

يا خسارة يا مليون خسارة ..

طبعاً دي عيبه كبيرة في حقنا لأنهم ضيوفنا

وطبعاً السياح دول تلاقي دولهم وأهاليهم قالبين الدنيا عليهم

[جويرية]

يا جماعة فية بلاد كاملة عايشة على السياحة

زى أسوان

الأقصر

الغردقة

شرم الشيخ

سيوة

مينفعش الكلام اللى بتقولوة دة

دى أرزاق ناس

لازم نقدر بعض

ونحترم بعض

ونخاف على بعض

السياحة دي عاملة زي بيت قش أي شوية هوا يطيره

اذا كانوا بيقولوا ان السياحة من الضروريات اللي مفيش غني عنها ، فعلي الأقل الحكومة تعمل في المدن اللي عايشة علي السياحة ، تعمل فيها نشاط موازي للسياحة ، يعني لما تحصل أزمة زي دي الناس تلاقي مصدر دخل تاني