إختطاف 15 سائح أجنبي فى أقصى جنوب مصر

[حسام يوسف]

والله يا أخت جويرية اقتراح ممتاز

[حسام يوسف]

طبقا للعربية

تشكيل عصابى أهبل

خطف مجموعة من السياح المغرمين بمغامرات الصحراء والسفارى

وكانوا معاهم من 72 ساعة كاملة

ولم يعلن الخطف الا اليوم

والاخوة المختطفون عايزين 6 مليون دولار

وهمة دلوقتى ع الحدود المصرية السودانية

[أسد]

بحسب موقع العربية

كله تمام والسياح جميعهم بخير تم إطلاق سراح جميع الرهائن ..

الخبر

http://www.alarabiya.net/articles/2008/09/22/57046.html

[أسد]

الظاهر لسه المشكلة ما اتحلتش ..

http://www.alarabiya.net/articles/2008/09/22/57046.html

المفاوضات لازالت مستمرة

[مشمش]

الظاهر لسه المشكلة ما اتحلتش ..

http://www.alarabiya.net/articles/2008/09/22/57046.html

المفاوضات لازالت مستمرة

طبقاً للـ BBC السيد ابو الغيط كان بيقول اي بمب!!!

و الخاطفين اجانب!! يتحدثون الانجليزية بنلهجة افريقية, ده كلام صاحب الشركة اللي مخطوف معاهم الي زوجته عن طريق تليفون ساتلايت.

[hosiny]

ونعم بالله

وفلوس السياحة مش حرام ولاحاجة

السياحة زيها زى مهن تانية

فيها المحترم والغير

بلاش الاطلاق فى الحرمانية يا عم حسينى

واحنا دين أخذ بالأسباب

وربنايستر

يا عم حسام الارزاق بايد الله

يعني تفتكر لو السياحة راحت في مصر نهائي ...الناس اللي في الاقصر و اسوان هتموت

يا عم دي كلها اسباب ....برغم الخلاف حول مدي حليه او حرمة فلوس السياحة

الرازق هو.........الله

يا عم حسام انا اطلقت ولا فتحت بقي.....ايه ياعم بس....بالراحة علينا....دانا بقول خلاف....وبعدين انا فعلا رأيي انها حرام ...روح اتفرج علي السياح و اللي بيلبسوه و اللي بيشربوه و اللي بيعملوه في بلادنا.....هو فلوس المشروبات اياها و ارباحها حلال؟؟

ولا تيسير الزنا ليهم في فنادقنا حلال؟؟؟ولا عدم النهي عن المنكر و السماح بيه في المدن السياحية حلال؟؟

يمكن اذا كان فيه حجات حلال زي انعاش شركات الطيران و بيع التذكارات السياحية حلال فالاولي ترك الحرام للحلال و من ترك شيئا لله ابدله الله خيرا منه

[حسام يوسف]

الاخ حسينى

وان اختلفنا

فالاحترام موجود

تحياتى

[hosiny]

عزيزي حسام

اشد احترام لك...اولا لتقبلك الرأي الاخر....ثانيا لاني كنت متوقع اننا هندخل في جدال حول الموضوع ده "من باب الدفاع عن الرأي" لكنك كنت ارفع من ذلك

[حسام يوسف]

زى ما قلت

الاحترام موجود

ووالله ما قلتلك حاجة مرضاهاش لنفسى

بس حتة التحريم اللى شغالة على ودنة دى بقت زايدة قوى

مش كل شغل السياحة فية رقص أو خمر يا أخ حسينى

نورنى مرة فى أسوان وأوريك ناس محترمة وبتخاف من ربنا

ومبتعملش حاجة غلط

وفية ناس برضة بيعملوا الغلط

مش بنكر

لكن الاطلاق

السياحة فلوسها حرام

هوة اللى مش صح

وبعدين مفيش أى مشكلة

احنا أخوات

وبعدين مين قالك ان أنا (أرفع) من كدة؟ :lol:

أنا 110 كجم على فكرة

[hosiny]

يا عم حسام انا من اشد المعجبين باسوان لاني زرتها و فعلا اتمنيت اعيش فيها و فعلا و بدون مبالغة اهلها اجدع و احسن الناس اخلاقا في مصر و مش مجامله عشانك بس فعلا انا اتعاملت معاهم و جربتهم في مواقف صعبة و لقيتهم اكتر من اخوه و شايلني من علي الارض.....واكيد انا مش بتكلم عن اهل بلد معينه يا حسام.....انا باتكلم عن دخل السياحة عامة و الاغلب فيه من الانشطة التي سبقت الاشارة اليها.....تحياتي لك و لكل اهل اسوان

[se_ Elsyed]

فضيحة دبلومساية بكل المقاييس وسببها الأخ أحمد أبو الغيط وزير الخارجية

ففي أثناء ما هو في إجتماعات للامم المتحدة بنيويورك عملوا معاه حوار صحفي وصرح بكل فخر وعنجهية وملوخية بإن جميع السائحين أُطلق سراحهم وهم بصحة جيدة وبيشربوا زبادي في الخلاط دلوقت كمان ..

طلع متحدث بإسم وزارة الخارجية المصرية وقال إن الكلام ده غير صحيح ووزارة الخارجية معندهاش أي فكرة لإن اللي معني بالأمر هم :

- وزارة الداخلية

- وزارة الدفاع

- المخابرات العامة

وأديها محشي يا عم وأي كلام في الهوا

بالمناسبة ... سمعت تقرير إمبارح بيقول إن المنطقة الجنوبية الغربية دي تكاد تكون مالهاش أصحاب ولا يوجد فيها حرس حدود ويسطير عليها المهربين تماماً لعمليات التهريب المختلفة بين مصر وليبيا والسودان .... قشطة خالص

[achnaton]

بسم الله الرحمن الرحيم

العزيز ابو عمر

لى رجاء .. العنوان اللى انت كاتبه بيخلى الدم يغلى فى عروقى .. دول مش سياح .. كما ان اسوان بريئة من استضافتهم .. رجاء تعديل العنوان .. واستبعاد كلمة اسوان .. ولك شكرى مسبقا

وحتى لا تتوه يا ابو عمر ولا يتوه غيرك اسمح لة ان ادخل فى موضوع بموضوع قد اعددت الجزء الاول منه لشرح الموضوع .. وكنت ناوى افتح به موضوع :

الخاطف والمخطوف .. وعصابات من اللصوص

الاعلام الالمانى له يومان .. يقرف المشاهد والمستمع والقارئ والجان !! اما الاعلام المصرى والعربى سواء كان مقروء او مشاهد .. فحدث ولا حرج .. الكل بيدب ولابس السواد .. وبيعدد على السياحة فى مصر !!!

اما وزيرنا خفيف الظل .. للشئون الخارجية فيلقى فى امريكا بتصريحات .. قال عنها الاعلام الالمانى .. انها تصريحات كاذبه .. فادخلتنا وزارة الهم الكبير فى شرح وتفسير لما صرح به السيد الوزير .. انه سمع ان اللصوص اطلقوا سراح السياح ... وعرضت وسائل الاعلام الالمانى فيلما للسيد الوزير وهو يدلى بتصريحاته .. التى تعودنا فى مصر نسمعها من كل وزير .. حتى ولو كان الامر خطير .. الوزارة دى لها سنوات على سبيل المثال تدعى انها رصدت المليارات لتوفير شربة ماء ولا توجد فى مصر قرية او نجع بدون ماء نظيف للشرب .. وطبعا قنا مدينة لا تخضع لاصطلاح قرية .. ولذلك مفيهاش ميه .. !!

وحكاية خطف السياح .. او تهديد السياحة فى مصر .. أكذوبه ساعد على نشرها غباء الوزارة الالكترونية .. والحكاية عندما يسمعها من زاروا منطقة الواحات يضحك من اعماقه .. لسذاجة وغباء ادعياء السياحة .. وقد عرض علينا التلفزيون الالمانى ضمن نشرة الاخبار مقابلة مع بيتر الالمانى الذى يدير فندقا فى الواحة البحرية .. شرح فيه باقتدار منطقة الصحراء الغربية المغرم بها بعض الاجانب والرحلات الصحراوية التى تنطلق من هذا الفندق .. فى سيارات رباعية الدفع يمتلكها بدو الواحة .. وحتى اقرب الموضوع اكثر الى القارئ استسمح القارئ ان القى ضوءا بسيطا على هذه المنطقة من الصحراء الغربية .. والتى تبدأ بجنوب الجيزة مرورا ب 6 اكتوبر الى الواحة البحرية ثم الى واحة الفرافرة وواحة الداخلة ثم الواحة الخارجة .. والطريق الى الخارجة طريق مرصوف زى الحرير وجميل

وفى بدايته على بعد 80 كيلومتر تمتد الغابة المتحجرة والتى ترجع الى 12 مليون عام الى الوراء .. وظلت هذه المنطقة من الجيزة حتى حدودنا الجنوبية مجرى للنيل القديم قبل ان يأخذ مكانه الحالى .. وبمجرد خروج الزائر من خط الواحات الى الصحراء المحيطة وخاصة الناحية الغربية يعثر على تلال من الاثار القديمة

ولعلنا نذكر اكتشاف مقبرة الموميات الذهبية فى منطقة الواحة البحرية .. وقد تحدث السيد زاهى حواس منذ زمن عن اثار المنطقة وضرورة حماية .. وكتبت مجلة نصف الدنيا يوما الكثير عنها ومطالبة زاهى حواس نفسة بابعاد صاحبة فندق الواحة البحرية الالمانية عن المنطقة كلها .. ولست فى حل من اعادة ماقاله يومها فى الموضوع .. ومن يستطيع بشئ من الصير والاصرار والدراسة سوف يعلم ان هذه المجموعة من المغامرين .. الذين انطلقوا من هذا الفندق الى الجنوب بعيدا عن الطريق السريع الذى يربط الواحات سوف يتأكد انهم ليسوا سياحا بمعنى كلمة سائح انهم مجموعة من الباحثين عن اثارنا القديمة فى تلك الاراضى الغير مأهولة .. وليت وزارة الداخلية والمسئولين بالامن القومى – وهم المسئولين عن هذه المنطقة – يوضحوا لنا ولو تلميحا من هم الثمانية المصريين المرافقين للأحد عشر مغامر وبلاش نقول - حرامى الاثار – حنلاقى منهم 6 على الاقل سائقى السيارات الرباعية الدفع .. وقصاص للأثر .. وطباخ .. ولن اتحدث عن الالمان او الطليان الذى تدعى اجهزة الاعلام الالمانية والمصرية والعربية انهم سياح .. فيه سائح يزور هذه المنطقة فى عز الصيف وفى الظهر تصل درجة الحرارة الى اكثر من 50 درجة ..

انه مهزلة حقا .. وغباء مطلق من الوزرات .. وجهل اعمى من الاعلام .. وللموضوع بقية فقد تعبت وقبل ان اختم رجاء لوزارة الجهل الاعمى اقفلوا هذا المركز فى الواحة البحرية الذى ينطلق منه اللصوص .. والذى سبق ان تحدث عنه زاهى حواس .

تم تعديل 23 سبتمبر 2008 بواسطة achnaton

[achnaton]

بالمناسبة ... سمعت تقرير إمبارح بيقول إن المنطقة الجنوبية الغربية دي تكاد تكون مالهاش أصحاب ولا يوجد فيها حرس حدود ويسطير عليها المهربين تماماً لعمليات التهريب المختلفة بين مصر وليبيا والسودان .... قشطة خالص

لأ.. بالمناسبة انت يا ابو عمر

المنطقة كلها لها اصحاب .. وهم نحن ابناء مصر .. ولكننا ارغمنا على تفويض وزارة خايبة همها الاول والاخير افقار الشعب واذلاله .. وحسب معلوماتى تخضع المنطقة كلها لاشراف الامن القومى .. وخاصة المنطقة الصحراوية غرب خط الواحات .. وبتصريح بسيط يحصل عليه مركز سرقة الاثار فى الواحة البحرية وتمتلكه" سيدة المانية" كانت متزوجه من مصرى - تكلم عنها زاهى حواس فى المجلات المصرية - يستطيع المغامرون ولصوص الاثار التمتع بجمع ما يشاءون من اثار السلف فى هذه المناطق .. اما حدودنا مع السودان .. فهى مثل الحدود فى كل دول العالم يسودها الاخوة الدائمة بين مصر والسودان .. واتصور ان الموضوع كله اما خلاف على ما يعطيه المغامرين للمقيمين بهذه المنطقة من الهاربين من الدول المجاورة وده شئ عادى .. أو حالة من الجشع للمشرفقع على سفارى نهب الاثار واسها الطرق للأثراء .. وحالة التسلل بين دول الحدود موجودة حتى فى الولايات المتحده وحدودها مع المكسيك .. وليس صحيحا ان هؤلاء سياح فاللسياحة اماكن وللسفارى الصحرواى اماكن ووقت السفارى الصحراوى ليس فى عز الحر .. وقد اخطأوا تقدير الوقت وصدمتهم درجة الحارة العالية فى سبتمبر او ضحك عليهم مركز سرقة الاثار بالواحة البحرية .. وشيلنى وانا اشيلك

تم تعديل 23 سبتمبر 2008 بواسطة achnaton

[حسام يوسف]

بجد كل الشكر للزميل اخناتون على التوضيح

لأن المنطقة دى فعلا لا تتبع اسوان

لكن التأثير واحد بالطبع على مصر كلها

والحقيقة المكسب الوحيد فى الموضوع هو

السيد

أبو العربى

قصدى أبو الغيط

بجد

مفيش فايدة

[جويرية]

زى ما قلت

الاحترام موجود

ووالله ما قلتلك حاجة مرضاهاش لنفسى

بس حتة التحريم اللى شغالة على ودنة دى بقت زايدة قوى

مش كل شغل السياحة فية رقص أو خمر يا أخ حسينى

نورنى مرة فى أسوان وأوريك ناس محترمة وبتخاف من ربنا

ومبتعملش حاجة غلط

وفية ناس برضة بيعملوا الغلط

مش بنكر

لكن الاطلاق

السياحة فلوسها حرام

هوة اللى مش صح

وبعدين مفيش أى مشكلة

احنا أخوات

وبعدين مين قالك ان أنا (أرفع) من كدة؟ :lol:

أنا 110 كجم على فكرة

صحيح ليه أسوان مش زي الغردقة

مع ان فيها سياحة

الغردقة بايظة خالص و مأوي للحرامية و المخدرات و الرقصات و فتيات البارات

[أسد]

ألم يحن الوقت لأن يحصل السيد حبيب العادلي وزير داخلية مصر على الإقالة من منصبه ..

بعد أن أثبت فشله في حماية مصالح مصر والمصريين ...

وبعد أن فشلت وزارته في التعامل مع الجرائم .. والجريمة .. والإجرام في مصر ...

هذا الرجل ..

فشلت وزارته في إطفاء الحرائق ..

وفشلت وزارته في القبض على اللصوص والمجرمين ..

وفشلت وزارته في تنظيم المرور ..

وفشلت وزارته في الحفاظ على الأمن ..

وفشل في الحفاظ على أمن مصر ..

أقيلوا العادلي ..

[Advisor]

فى الأخبار المتوالية عن الحدث لا يوجد إسرائيليين ضمن المخطوفين.

[حسام يوسف]

لأ مفيش اسرائيليين

ومعتقدش يا أخى العزيز أسد ان العادلى هيتغير

[achnaton]

بسم الله الرحمن الرحيم

شوية .. شوية .. تفيد الانباء عن حقيقة الموضوع وما اسموه عملية خطف سياح .. والوزير زهير جرانه من تصرفاته وتصريحاته يبدو انه فاهم اللعبة وعارف اصل الحكاية .. فهو قبل ان يكون وزيرا كان احد العاملين النشطاء بصناعة السياحة .. هذه الصناعة التى لها اساليبها الخاصة فى التعامل مع الجميع .. وهو غير وزير الخارجية اللى عمل من الواقعة قضية .. بتصريحاته الكاذبه والتى كررت قنوات التلفزيون الالمانى اذاعتها ومسجله لمعاليه

وفى نفس الوقت نشرت جريدة الدستور بعض الاسماء .. منها على سبيل المثال شركة السياحة التى قيل انها نظمت هذه الرحلة الى جنوب الصحراء الغربية .. وهى فى الاصل حسب ما سمعت من احد رجال السياحة فى اسوان صاحبها الذى اعلنت جريدة الدستور عن اسمه .. مرشد سياحى للسياح الالمان .. وقالت الجريده ان شريكته بالشركة " كريستينا " الالمانية وهى ليست بشريكة فقط انها زوجته .. وهى التى ابلغت السلطات الالمانية عما اسمته واقعة خطف سياح المان من اسوان قبل ان تبلغ السلطات المصرية بثلاثة ايام .. والموضوع برمته بحاجة لتدخل النائب العام لتحقيق هذه الواقعة .. فاذا كانت المجموعة فعلا مجموعة سياح تتفضل السيدة " كريستينا " وتقول لنا آى المواقع السياحية زارتها هذه المجموعة قبل ان تتوجه الى اعماق الصحراء الغربية .. يعنى مثلا راحوا الهرم ولا المتحف ام زاروا القلعة ومدينة الاقصر .. او حتى اسوان .. نقول زى ما هى بتقول دى رحلة سفارى فى الصحراء .. تم الانطلاق بها من " فندق بيتر الالمانى " بالواحة البحرية حسب قوله هو للتلفزيون الالمانى اول امس .. مفيش بنى آدم بالواحة قال لهم درجة الحرارة هناك عالية جدا فى هذا الوقت من العام ... خرج المغامرون ال 11 من عند بيتر فى ثلاث عربات دفع رباعى بسائقين من الواحات - حسب ما اذاعته قنوات التلفزيون الالمانى - ومعهم احمد المرشد السياحى السابق وصاحب الشركة المصرية ومندوب من الامن القومى ليس للحراسة ولكن للحفاظ على ثروة الشعب المصرى بالصحراء ومعاه عسكرى مراسلة .. وطباخ .. وقصاص اثر من الواحات .. المجموعة دى رايحه تنيل ايه فى جنوب الصحراء فى عز الحر ؟؟؟؟ ولماذ حدث هذا الخلاف بينهم وبين المقيمين فى المنطقة من الهاربين من السودان وتشاد ؟؟؟ كل هذا نرجوا ان يتفضل السيد المستشار النائب العام بالامر بالتحقيق فيها وتوضيح الامر .. هو مش كفاية ما نعانيه من وزارة خايبه ؟؟؟!!!

تم تعديل 23 سبتمبر 2008 بواسطة achnaton

[أسد]

لأ مفيش اسرائيليين

ومعتقدش يا أخى العزيز أسد ان العادلى هيتغير

ليه مايتغيرش ..

هو ماسكلهم ذلة ولا إيه ..؟؟؟