عقود العمل لدي الشركات بكندا

[samehelassad]

تسلم اديك يابو اليسر رد وافي وكافي زي ماعودتنا. ربنا يكرمك. بس مستنين ردك على سوال الحسيني.

[mohamed omar]

علي فكرة يا جماعة انا كمان استفت من كلام مسيو ياسر..فيه حاجات انا ماكنتش اعرفهالأنها مش مهمة ليه..بس ممكن اضيف شئ في بعض الشركات التامين ممكن للمهاجر ان يشتري تأمين صحي يغطي ثمن الدواء و العيون و الاسنان بحوالي 1790دولار سنوي..شكرا ليك مسيو ياسر.

[hosiny]

حلوة حتة التأمين دي بردو....بس المبلغ ده يعتبر عالي و لا عادي بالنسبة للاشياء اللي بيغطيها؟؟؟

تم تعديل 23 سبتمبر 2008 بواسطة hosiny

[mohamed omar]

لوة حتة التأمين دي بردو....بس المبلغ ده يعتبر عالي و لا عادي بالنسبة للاشياء اللي بيغطيها؟؟؟

رخيص جدا..حضرتك عارف لو عايز تخلع درس او تحشي اقل شئ 400 دولار..و الة وجع الاسنان..

[yassir]

سؤالي لو انت بقي اللي حبيت تمشي قبل العقد بتاعك ما ينتهي هل عليك شروط جزائية؟

و موضوع الريفرنس ده هتخسره لو مديتش انذار باسبوعين ولا مجرد انك مكملتش عقدك؟؟

انت حسسيستني ان موضوع الشغل اللي يدخلك مرتب كويس صعب قوي بصراحة...لما انت هناك بقالك 7 سنين و مضطر تشتغل بارت تايم عشان تكفي مصاريف بيتك...امال احنا هنعمل ايه....المفروض واحد زيك يكون دخل في مرحلة السيفنج من زمان

لا يا عمنا لو مشيت قبل عقدك مفيش شروط جزائيه , ده حسب علمى طبعا , لم يحدث ان تعرضت لموقف او قابلت احد دفع أى شرط جزائى , اصل انت مش بتتعامل مع أفراد دى مؤسسات ضخمه و حتى لو افراد حيتكلف اد ايه مصاريف تقاضى علشان موظف مشى ...متشلش هم النقطه دى ...أنا عارف طبعا الوضع مختلف فى الخليج و علاقه العمل بأقامتك ...الوضع هنا مختلف تماما ...لاعلاقه بين عملك و كونك مواطن أو مقيم أقامه دائمه مثلا و حقوق المواطنه ...مش مثلا تترفد او تسيب الشغل نعملك مشاكل فى الجنسيه أو الأقامه الدائمه ....

موضوع الريفرنس مش مسأله خساره ...هو ايه الريفرنس أساسا ....هو شخص زى ال HR Manager أو المدير بتاعك يقدر أن يشهدلك انك كنت بتشتغل فى الشركه أو كنت بتشتغل فى الشركه و كنت مسئول عن كذا و مسبتش الشغل مثلا بسبب أى عمل مخل أو جريمه ...فلو علاقتك بأحد من هؤلاء كويسه سواء خارج العمل أو داخله فممكن يبقى الريفرس بغض النظر عن انك سبت الشغل من غير notice أو سبت الشغل غضبان مثلا ...مش خساره بالمعنى المفهوم ....حيكلموه فى شركتك الجديده ...ايه ياباشا الحسينى كان عندكو ...حيسد وراك ....أمال ياباشا ....فيه تكه فى الموضوع ده صغغننه متنفعش غير على الخاص مش عايزين مشاكل ...

بالنسبه ليا ياعمنا ...انا مش بشتغل بارت تايم ...أنا بحاول أنقل من شغلى الى التدريس بشكل كامل ...لانى كما تعرف أعشق شغل Management و تدريسه و بعدين بينى و بينك يعنى - اوعى تقول لحد- أستاذى الى بيدرس فى جامعه تورنتو مرتبه قدى مرتين و بيشتغل يومين بس و الله .....اللهم لا حسد ....بس يعنى الواحد بيكبر و عايز يريح مش يمكن تضرب مين عارف ....دعواتك و يجعله عامر ...

[yassir]

علي فكرة يا جماعة انا كمان استفت من كلام مسيو ياسر..فيه حاجات انا ماكنتش اعرفهالأنها مش مهمة ليه..بس ممكن اضيف شئ في بعض الشركات التامين ممكن للمهاجر ان يشتري تأمين صحي يغطي ثمن الدواء و العيون و الاسنان بحوالي 1790دولار سنوي..شكرا ليك مسيو ياسر.

عمنا أبو سكندر أحلى تحيه , لا شكر على دفوار يا باشا . واحشنى و الله و تقلان علينا , قهوه خبينى واخدك مننا...

[yassir]

وكمان ماذا عن الاجازة السنوية؟؟؟ مدتها؟؟؟ مدفوعة؟؟؟اي حاجة تانية عنها؟؟؟

المفروض ان أجازتك السنويه حسب مده خدمتك يعنى لو سنه كامله يبقى حوالى 80 ساعه على أساس 6.67 ساعه فى الشهر , يعنى أسبوعين فى السنه , لو أربع سنوات يبقى 120 ساعه يعنى 6 فى الميه من دخلك و هكذا و طبعا ده فى أونتاريو باقى المقاطعات لها Packages مختلفه و طبعا الشركه ممكن تديلك أكتر لكن أقل لأ ...طبعا و عليك خير فى خدمه 20 سنه ليك 200 ساعه يعنى 10 فى الميه ...يدينا و يديلك طوله العمر...

طبعا الأجازه الدينيه من حقك تأخدها على حسابك يعنى من السنويه , الاجازات الرسميه لو أشتغلت فيها بتاخد مره و نصف و ده الحد الادنى طبعا ممكن الشركه تديلك اكتر بس مش أقل ....و الأجازات الرسميه مدفوعه الأجر و عددها تسعه أيام فى السنه و يجعله عامر ....

[yassir]

ألف شكر للفاضل ياسر على اجاباتة

ربنايكرمك على قد مابتنصح

وبتساعد

عشت يا دكتورنا الحبيب , لك عندى رد على سؤال عارف أنك بتدور عليه .....أوعى تقوله خليه فى سرك ....علشان لسه بيستوى...

[mohamed omar]

علي فكرة يا جماعة انا كمان استفت من كلام مسيو ياسر..فيه حاجات انا ماكنتش اعرفهالأنها مش مهمة ليه..بس ممكن اضيف شئ في بعض الشركات التامين ممكن للمهاجر ان يشتري تأمين صحي يغطي ثمن الدواء و العيون و الاسنان بحوالي 1790دولار سنوي..شكرا ليك مسيو ياسر.

عمنا أبو سكندر أحلى تحيه , لا شكر على دفوار يا باشا . واحشنى و الله و تقلان علينا , قهوه خبينى واخدك مننا...

واللهي يا مسيو ياسر مشاغل..و انا مقدرش اتقل عليك و علي حضرتك بالذات..حكلم حضرتك علي التليفون.

[حسام يوسف]

ألف شكر للفاضل ياسر على اجاباتة

ربنايكرمك على قد مابتنصح

وبتساعد

عشت يا دكتورنا الحبيب , لك عندى رد على سؤال عارف أنك بتدور عليه .....أوعى تقوله خليه فى سرك ....علشان لسه بيستوى...

والله العظيم أنا كنت بشكرك على ردودك على أسئلة موضوع الاخ الحسينى

مفيش سؤال معين فى دماغى

لكن بكرم أخلاقك المعهود

لو متوقع سؤال معين

وعندك اجابتة

يبقى توكل على الله وقولنا الاجابة

والسؤال كمان المرة دى

ربنايكرمك

وبجد

أتمنى اتعرف عليك أكتر

عن كثب

زى مابيقولوا بالنحوى :lol:

[yassir]

ألف شكر للفاضل ياسر على اجاباتة

ربنايكرمك على قد مابتنصح

وبتساعد

عشت يا دكتورنا الحبيب , لك عندى رد على سؤال عارف أنك بتدور عليه .....أوعى تقوله خليه فى سرك ....علشان لسه بيستوى...

والله العظيم أنا كنت بشكرك على ردودك على أسئلة موضوع الاخ الحسينى

مفيش سؤال معين فى دماغى

لكن بكرم أخلاقك المعهود

لو متوقع سؤال معين

وعندك اجابتة

يبقى توكل على الله وقولنا الاجابة

والسؤال كمان المرة دى

ربنايكرمك

وبجد

أتمنى اتعرف عليك أكتر

عن كثب

زى مابيقولوا بالنحوى :lol:

:lol: :lol: :lol: حلوه كثب دى ...آخر مره سمعتها يمكن أواخر التمانينات :lol: :lol:

يشرفنا ياباشا ...بس السؤال موجود فى موضوع التهامى ....أظن سهلتهالك كده .....هس أوعى تقول ...

[hosiny]

الله علي اجاباتك يا ياسر......حسستني باجاباتك اننا هنا في الخليج بنتعامل زي العـ......

هنا مش مسموحلك انك تغير كفيلك...ولو عملت فيها فتك و نزلت و مرجعتش او حتي نزلت نهائي و ماخدتش عدم ممانعه هتتمسك علي الحدود وانت داخل....لحد ما يجيلك البيه لو انت كنت نازل اجازة و مرجعتش و رجعت بفيزا تانيه...او مش هيسمحولك تدخل اساسا الا لو معاك عدم ممانعه و كنت ماشي نهائي....هتقولي هيعرفوني ازاي؟؟؟....هثولك بقوا بيبصمونا في البلد دي زي المجرمين اول ما تدخل و لما تيجي ماشي نهائي عشان المجرم اللي كفيله مطلع روحه لو فكر...فكر بس..يمشي حتي لو بالادب و نظامي....نقفل في وشه السعودية كلها...ناهيك عن التطفيش لو انت عملت مشكله معاهم..هيكرهك في عشتك و يخليها سوده...وياسلام لو كفيلك ده مسنود شويه و يعرفله كام حد...ممكن يخليك تنتحر....ولو جيت تمشي....لو معندوش ضمير زي كتير منهم بيفاوضك علي المكافأة و مستحقاتك و مرتب اخر كام شهر المتأخر....و ممكن ميديلكش حاجه منه....واعرف واحد اتنازل لكفيله عن مرتب اخر 6 شهور عشان يرضي يديله نقل كفاله.....واسمع من هنا للصبح حواديت كتييييييير

طبعا الشركة في كندا اعتقد لا تجرؤ تاكل عليك مستحقاتك...ولا تأخر مرتبك....ولا ايه؟؟؟

بالنسبة لتدريس المانجمنت ايه المطلوب ليه و ايه نظامه عندكو...انا هنا بدًرس مانجمنت بردو "انستركتور يعني" هل مطلوب شئ معين للتدريس عندكو كشهادات مثلا؟؟

والواحد يقدر تقريبا كده يتكلم انجليزي بطلاقة و باسلوب كويس يقدر يتعامل بيه هناك و يدي كورسات خلال كام شهر من وصوله ؟؟؟

ومستني التكه اللي انت قلتلي عليها فوق و الحجات التانيه اياها اللي طلبتها منك علي الايميل

[حسام يوسف]

تمام

فهمتك يا عم ياسر

طيب ما تكمل جميلك بقى وتجاوب

من غير أى( قرود)

قصدى

من غير اى (فروض)

هوة أنا يعنى ب (شم) على ضهر ايدى :lol:

الله يسامحك يا دكتور تهامى

ويكرمك وتنجح

يا يكرمك وتروح فرنسا :lol:

تم تعديل 23 سبتمبر 2008 بواسطة حسام يوسف

[msheikh]

و بعدين أديكو ضهرى يوم أفسح الجماعه ألاقى عمنا محمد الشيخ دخل فى مسك الختام و الوفاه ....يانهار ..ملها ياعمنا أسودت كده ... bk:

استاذنا الكبير الغالى ياسر

طبعا لما تغيبت عنا يوم الدنيا اسودت كما ذكرت وقلنا ده بالنسبة لنا مسك الختام

اطال الله عمرك انت والاسرة وانعم عليكم بالصحة والعافية والستر وجميع الزملاء ونحن معكم. :wub:

معذرة من عدم الرد امس كانت ليلة وتر لعل وعسى ان يتقبل الله منا جميعا.

والسلام عليم

[msheikh]

شكرا جزيلا على هذه المعلومات القيمة ياستاذ ياسر ستظل صاحب الاجابات الوافية والمستفيضة.

جزاك الله خيرا